LarryWong5283's Profile

星期六同老婆去荃灣大街市買餸，準備夜晚煮就九大簋招呼親朋戚友， 買完餸剛好係午飯時間， 諗起好耐冇食過嘉樂嘅厚蛋奄列，就買份番屋企enjoy吓先。我地叫左一份火腿奄列，一碗豬扒通粉，一杯cold milk tea 同一杯 hot coffee，外賣。老闆娘好體貼，怕我地呆等，叫我地出去行吓先，攞得打俾我地。食物到手後我地飛車番屋企享用。火腿奄列依舊咁大portion，非常嫩滑。豬扒通粉一般啦，唔太特別。奶茶好清香，茶底靚。coffee 一般。…Read More

今日約咗個朋友喺上環食飯 由於要就佢搭地鐵過嚟所以揀咗一間非常近地鐵站嘅餐廳 呢間餐廳去墨西哥主題嘅， 喺外國讀書嗰段時間我成日都食墨西哥菜今次都懷住期待嘅心情去食。Set lunch有6項選擇，不過我地對main menu嘅菜式比較有興趣，睇相覺得幾吸引。我哋叫咗一客 burrito 同 一客 quesadillas。Quesadillas 好好食，個皮小小脆脆地，幾香口，fillings 味道適中，好惹味。不過冇左Mexican嘅spicy，美中不足。Burrito我麻麻地中意，太似飯團，味道亦唔惹味。…Read More

昨日約左班朋友食飯睇戲，6點在圓方集合，我負責搵餐廳。大家話想間餐廳嘅食物種類多元化、食物睇起黎精緻、坐得舒服，我就惗起呢間habitu。Classic carbonara 大家都讚好食，味道香濃，鹹淡適中。ultimate beef cheeze burger 好難食，土塊牛肉好乾、好硬。薯條幾多，好香、好脆。baby back ribs 幾好食，入味、肉質軟屬bone in pork loin chop 麻麻地，肉質有d硬。…Read More

尋日幾個同事lunch快食，近近地去左呢間餐廳。見呢間餐廳門口成日排隊，要試吓係唔係真係咁好食。我地攞左ticket, 等5-6個號碼，傾吓傾吓，等左15分鐘左右。我叫左個 '蘇杭招牌茶餐'，選配 '招牌火腿炒蛋'及 '鮮牛肉湯出前一丁'。炒蛋真係好滑，係我鍾意食果種。火腿好多，不過比較鹹。鮮牛肉幾滑，量唔多但唔算太少。本有惗過要 '芝士汁撈公仔麵'，不過近來減肥，要番 出前一丁 算嘞。出前一丁煮得林左小小。奶茶香濃、好滑。…Read More

今日同幾個同事食lunch, 試呢間餐廳。Starter 叫左 '黑松露野菌忌廉湯' 同 '薄荷油醋汁椰菜花沙律'， 湯幾香，沙律新鮮。Main Course 叫左 'Spipach apd Age Pampesap Herbs Thres Colour Quinoa Itallin Risotto 巴馬芝士菠菜三色藜麥香草意大利飯' ，比較淡。Thype Lobster Erpulsion Fresbly Made Pasta Top with Char-Grilled Baby Cordlefisb 百里香龍蝦乳液炭燒墨魚手工扁麵，墨魚冇味。Sous-Vide Slow Cooked iberiag Pork Bally in Olives Chanky Toryato Cooeassa 橄欖鮮茄低温慢煮依比利亞黑豚腹，豬扒質感似豬展。…Read More

今日同屋企人搵地方食午飯，由於有兩個小朋友， 我哋要搵一間容易泊車、仲要唔好咁迫人嘅地方。 十二點幾差唔多一點去到寶石大廈，好彩仲搵到位泊車，仲好快有枱可以坐低 。酒樓好好，安排咗我哋坐享單邊嘅大枱，坐唔定嘅小朋友可以喺旁邊行嚟行去，同埋有位放bb車。 酒樓職員仲好快咁主動搵咗兩張bb櫈畀我哋。 我哋叫咗好多嘢食， 包括乾炒牛河、蝦餃、 燒賣 、叉燒包、 牛肉球、煎蘿蔔糕 、鳳爪排骨蒸飯、叉燒腸 、蝦腸、 牛肉腸、 蘿蔔絲酥餅 、叉燒酥，埋單都只係3、4百蚊，好抵食。…Read More

早幾晚出席朋友媽媽嘅壽宴，由於佢地住火炭，就腳選擇呢間酒樓擺酒。開席前酒樓在房內安排了幾圍雀局，見d uncle auntie 碰！上！ 打得好開心，腦筋仲靈活動過我。第一道菜當然係乳豬，皮脆肉嫩，幾好食。第二道菜叫 `鵲巢海中寶'， 大家見到個雀巢都好開心、好期待，點知個雀巢有油益味唔食得。 荷蘭豆、 帶子、珊瑚蚌都ok。百花釀蟹鉗，新鮮炸起， 唔係返炸，肉都幾鮮甜、彈牙。原隻鮑魚扣玉掌，味道ok紅燒海黃花膠翅，唔係好多翅， 不過而家要保護鯊魚，唔食咁多翅都好驚嘅。清蒸大海星斑ok瑤柱花膠絲扒翡翠，花膠食左都唔覺煌宴一品脆燒雞ok瑤柱海皇炒飯炒得幾香上湯水餃伊麵~ 一般添壽蟠桃~唔好食！紅豆沙燶嘅！芝麻糊冇芝麻味，完全唔香。差！…Read More

早幾日一大班人去住麗城嘅朋友屋企玩，幾埋先在商場食lunch之後之上屋企。 我哋一共9個人十二點左右去到麗城三期商場。 酒樓當時已經有啲人等位， 好彩佢地都幾多大枱， 唔使等好耐已經可以入去坐低。 我哋張枱喺酒樓落地玻璃嘅窗邊望住無敵大海同埋下面嘅公園， 嗰日陽光普照風和日麗，喺咁嘅景色下用餐， 食慾大增。我哋叫咗好多嘢， 蝦餃、燒賣、牛肉球、棉花雞、潮州粉果、煎蘿蔔糕 、牛肉腸、蝦腸、 炸兩腸、 鮮竹卷、流沙包 、家鄉煎薄罉、 鑊仔牛河、鹹魚雞粒炒飯， 啲嘢樣樣都幾好食 ，食咁多嘢加埋都係六七百蚊，真係好抵。…Read More

今日好忙 ， 忙到冇乜胃口 ， 不過始終都要食啲嘢 ， 如果唔係會胃痛 。本來諗住外賣買碗麵，睇下餐牌，又冇乜特別嘢想食。 行下行下經過 7-Eleven， 諗起好耐冇食過 7-Eleven嘅珍珠雞、 燒賣、魚蛋、腸粉，正啱我想食少少野嘅要求。7-Eleven 有幾個套餐，甘幾蚊，包野飲，好抵。我選左魚蛋+燒賣+珍珠雞+奶茶。魚多好爽、好大粒，咖哩汁味道幾好。燒賣唔會糊住個口，都幾好食。咖哩魚蛋汁加埋7-Eleven嘅豉油及辣椒油，非常好味。兩隻珍珠雞加埋都有一碗飯咁多份量，其實都幾飽 。珍珠雞都幾多料， 味道唔錯。 …Read More

早幾晚飯去路德圍搵食，見呢間未食過，入去睇吓會唔會有驚喜。我地叫左兩個晚餐，包前菜、主菜、飲品。前菜選左蘿蔔及青瓜，蘿蔔林同入味，ok啦。青瓜幾新鮮、幾爽。個拌麵嘅醬汁都幾好味，口水雞幾spicy，味道都唔錯，幾開胃。另一個主菜係鹽酥雞球，即叫即炸，非常熱，上枱後要隔5分鐘先食到。炸得好香、好鬆脆，味道都唔錯。飲品叫左珍珠奶茶走珠(我唔鍾意食珠)。其實我麻麻地台或奶茶，覺得唔香濃。不過餐飲冇乜選擇，加錢嘅non餐飲都冇乜吸引。…Read More

今日午飯時間陪朋友去上環政府熟食中心呢間餐廳試食， 我個朋友古靈精怪，成日周圍搵嘢食 。其實我麻麻地鍾意去街市食嘢架咋，我覺得街市環境唔係咁好，又迫、又舊、又dirty、坐得又唔舒服 。不過佢話聽人哋講好好食， 即管陪佢去睇下啦。去到首先研究餐廳嘅覆蓋版圖，睇吓邊d枱係屬於呢間餐廳，再睇吓邊度有人就食完，都花左10分鐘。見大家都飲樽仔奶茶，我地當然要試吓啦。樽仔奶茶果然名不虛傳，香濃、滑。飲一樽唔係好夠。蛋牛包都好食，新鮮又香。牛麵ok啦，唔係非常特別。…Read More

上星期約咗個朋友食飯佢係vegetarian， 遷就佢選擇咗一間素食餐廳， 其實我本身無肉不歡， 好怕食素， 不過為咗就佢 ，冇辦法啦。我地訂左位，12點半到，即刻可以坐低。餐廳唔大，枱唔多，好快滿坐。餐廳嘅裝修好新，看似開左唔係好耐。我今天order左 `白松露王雞油菌意大利麵' 。好香、好好食喎。鷄油係偽鷄油。朋友order左 '烤茄子南瓜意大利飯'，佢話都好好食，好香。杯咖啡幾香，幾好飲。另外，店員嘅服務質素好好，非常有禮貌。…Read More

今日參加團隊活動， 活動鼓勵素食 ， 選擇咗喺呢間餐廳舉辦。 最初大家以為，素食一定係d淡而無味嘅雜菜。食完呢餐， 大家都大讚原來素食都可以咁好味 ，對素食改觀。我地嘅餐單有:香脆薯條/吉列扒,漫如扒拼盆 : 炸得好脆好香口 蜜汁叉燒 : 好似真叉燒，好好味黃金粟米肉粒豆腐: 呢個菜式比較清淡九層塔茄子: 好惹味菠蘿咕嚕玉: 非常開胃清炒時菜: 清淡嘅炒椰菜哈仁撈麵: 好似真蝦香椿炒飯 : 炒得好香甜品有手工脆皮撻/布朗尼/雲呢拿布甸: 樣樣都好食 …Read More

早幾日一家大細去咗沙田踩單車， 經過科學園， 入左去食lunch。 由於食飽仲要踩單車入大埔 ，所以我哋casual地搵間food court食就算。科學園有幾間 food court。 睇晒餐牌 ，呢間最多嘢啱大家食， 我哋叫咗幾樣嘢share。炸豬扒蕃茄湯烏冬~ 炸豬扒都幾好食，扒面幾脆、幾香, 裡面都幾juicy。星洲炒米~ 幾香咖哩粉味，唔會炒得好肥膩，都幾好食。咖哩牛腩飯~ 咖哩汁一般啦，不過份量都幾多，牛腩唔靭。熱奶茶~ 香、濃、滑，唔錯。店員服務態度親切有禮。p.s.太肚餓，食到一半先記得影相分享…Read More

今日同一位朋友試食呢間餐廳，我main course叫左 RIB EYE STEAK With Black Pepper Sauce, Mash Potatoes & Garden Salad。塊扒係薄嘅，不過煎得好香，同埋冇乜筋，sauce嘅味道都好惹味。朋友叫左PASTA OF THE DAY，今日係lasagna。佢話好好食，平時佢食好少野，今日全碟食晒。餐飲我order左奶茶，顏色好深，其實唔係好濃茶味。朋友話佢嘅咖啡一般，唔太香。…Read More