yummy chiu's Profile

最近好想食意式千層麵，剛好上午喺半山開完會，中午就嚟到蘇豪附近搵食。睇過不少間意大利餐廳都冇意式千層麵，兜兜轉轉下嚟到呢間喺威靈頓街上樓嘅意大利餐廳，都冇時間心機睇食評，問侍應有冇意式千層麵？話有！我就坐低點咗餐。首先蘑菇湯有小驚喜，不是忌廉蘑菇湯，侍應特別講解話佢哋餐廳嘅蘑菇湯係唔會加忌廉，我個人喜歡，而且覺得冇用忌廉更加符合意大利菜嘅特色。飲落都好味，不過飲完喉嚨有少少乾，希望唔係有味精。主角千層麵終於嚟，賣相一般，有興趣可以睇其他食友上傳嘅相片。睇得出係高溫焗爐剛攞出嚟，上面嘅芝士仲起緊熱泡，怕燙傷忍住肚餓用上餐湯時附送嘅麵包棒輕輕垂直插入千層麵，立即熱氣爆升，吹幾下放到嘴裏都有少少被燙傷。不過失望接踵而至，簡單來說，就是一層芝士一層肉醬一層面一層肉醬…意大利國家咁大，可能有唔同類型嘅千層麵，但係呢間餐廳嘅千層麵就不敢恭維…單一品種嘅芝士份量都算幾足夠，肉醬好普通，千層麵係細長方形嘅軟淋淋千層麵；整體食落有啲似希臘嘅木莎卡，但冇茄子；總結就係似急凍食品或者快餐廳茶記等級嘅千層麵，超失望… 個人建議，我覺得千層麵可以有多少少acidity 酸味，或者加少少意大利香草都會有所幫助。…Read More

和兩仔女三個人一起吃個中午飯，想簡單啲食麵所以揀左呢間。海南雞飯 - 要左白飯但係啲飯好硬，其它都算正常。蠔油菜芯少蠔油 - 真心難食，菜芯未熟，有青味有辣味。肉醬雙蛋飯 - 正常大快樂口味肉醬。煎釀三寶 - 炸釀三寶就真。豬三寶 - 幾好味，不過好油。車仔麵 - 魚蛋冬菇紫菜紅腸烏冬，阿女話淨係得紅腸好食，個湯好咸好油膩；平時鍾意食麵嘅阿女都頂唔住食得少過一平。食完好似俾人打左一身周身唔舒服，無下次……Read More

無肉餡餅（黑豆豆蓉粟米芝士）半份黑豆豆蓉好少，且食唔出有粟米，但芝士香濃，伴碟的蕃茄莎莎醬和牛油果醬好味。古法燉牛肉蛋洋蔥捲餅牛肉好少好少好少，炒蛋全熟好油好厚重食到一半食唔落（個人平時食得比較清淡），洋蔥有清新感不過都無法改變個捲餅好油膩嘅現實，加埋上面嘅香料沙律醬熱量應該輕易爆標。（見到餐牌有蛋餅更加唔敢試）。整體嚟講真係好肥膩食得好辛苦，可能我叫錯食物，不過應該都唔會再試，價錢$2XX更加令人卻步。餐牌上有些菜品已經無再供應，可能生意難做。女侍應可能心情唔好，黑口黑面，收10%服務費真係覺得好難受。…Read More

和太太二人訂了枱共晉午餐，質素有所下降。魷魚海膽 - 第一碟的海膽是臭的，退掉，第二碟的海膽也是臭的，唯有取消…雜錦天掃羅 - 較多月前失色少許，粉漿厚了一點，顏色偏黃，火候過熟不太到位，由 A- 少跌到 B；應該是人客太多，師傅忙不過來，油溫難以控制。（師傅忙到後來爆粗有點好笑…）另一方面，沾醬實需要多幾倍。甜蝦松露卷 - 甜蝦有「甜」味，不知是否食品工廠貨；個人覺得黑松露醬很「搶」，不屬我茶。雜錦刺生定食 - 除元貝和海膽外，魚全部都是魚，厚切較瘦的一塊搭肥美的一塊，吃了兩三樣已經覺得肚濟，最後實在吃不下去。感覺只是肥魚每樣來一點，不覺當中有什麼巧思。薄燒佐賀牛定食 - 太太喜歡，可惜最遲送來，已吃飽大半。火喉看上去差一點，較少部份有梅納反應，不夠肉香。炸蒜用得很大方，口氣熱氣怕怕。可能晚上較少客人的時候會有更好的用餐體驗，夏天食材容易變壞亦是挑戰。…Read More

肚子有點不舒服想來碗沁人心腑的麵食，看了食評不錯便來到這問小店，下午兩點左右剛好不用等位，總結如題有點兒失望，怕是不會再光顧… 墨魚餃 - 黑色的墨魚餃很有特色，汁水飽滿但味道質感不怎麼樣。味道方面，可能由於現在是盛夏所以有一陣似鮮擬臭的海鮮味，質感的問題更大，很散碎，如果用做廣東式肉餅的手法將餡料攪拌至有粘性可能會較好。餃子上桌的時候尚溫暖但由於冷氣很大轉眼便冷卻下來了，冷下來後更顯難吃。芝麻醬（熱）拌麵 - 伴菜的刀工和顏色配搭不錯，麵條合格，但靈魂醬料很稀薄，芝麻花生味不夠濃郁。上湯浸西蘭花 - 洗得乾淨，吃得安心。京蔥羊肉餅 - 最期待的一道菜但失望而回。餡料多汁但質感問題如上，且煎過了火，兩邊黑黑的（忘了拍照）我個人是不敢吃的，唯有伴少許醋吃了頗油的餡料和四邊的餅料便算。…Read More

約二十年前在三潘市的華人餐館裡火鍋燒烤兩食自助餐很是風行，通常是中間火鍋爐然後圍著有鐵板可以燒烤，很受年輕人歡迎。今次慶祝工人姐姐生日，顧及家中不同成員的喜好，發現九龍這邊只有這一間餐廳有火鍋燒烤兩食，上網見評語和環境不錯便來一試，結果喜出望外。環境採日式設計十分漂亮舒適，店內外都可以發現到打卡位枱與枱距離頗遠，倍覺安心一家五口三大兩小，有工人姐姐又有小朋友，選了最便宜的套餐，點了鰹魚昆布湯和特別推薦的牛腩湯底；牛腩湯底很足料，有肉有筋，軟糯入味有膠質，絕對比某些出名的清湯腩名店更美味，可惜牛腩很頂胃所以只選了一些軟嫩多筋的淺嘗，有點浪費。坐下先來一份刺身（拍照位），由於我們有小孩子所以帶子和三文魚都用鐵板煮至約7成熟，其他食材都灼一兩秒，鮮味尤在，食得安心第一次幫襯用手機點菜一開始有點困難，不過後來漸入佳景。慣例先吃蔬菜，較特別和CP值高的有蘆筍和冰菜，然後覺得有趣的都先來一份試一試，結果壽司、紫菜飯、烏冬和拉麵都很美味，明知是店舖策略都令人難以留肚，而燒肉蘸特製蒜醬汁後送飯真係極~~~品。後期便正路主攻肉類，火鍋用的牛肉略肥，牛舌和牛腹肉絕對是真愛！飯後甜品還有 Movenpick 雪糕，雖然可惜只有兩款口味，不過也是完美的句號。見其他食評有寫地下頗油，確實如此，燒肉難免，但我見隔鄰枱走後店員真的很認真大清潔，抵讚！員工多是年輕人，大致都很友善勤快樂意幫忙，讚！唯一想餐廳改善的是通風抽氣，我見應該是採用盤邊抽氣式設計，不過吸力麻麻，連火鍋的水蒸氣都不是太能抽走，吃完後返屋企要由頭洗到落腳，所有衫都要入洗衣機。尋晚食完今日已經令人回味，期望短期內會再去幫襯  下次一定要中午留肚再去同佢死過！樓層的男女廁很細，頗奇怪地會難免見到對方廁所的洗手位，出入會撞頭，有點不好意思。…Read More

三大兩細山頂遊，預先搵定有乜食，盲選訂左呢間餐廳，有驚喜！四個精選午餐主菜1） 1963特色乾炒牛河：好好味不會過甜，竟然有白露筍！不過如果多啲豉油香味更好，食完隻碟無油淨低。2） 秘制紅燒乳鴿配櫻花蝦蔥油伴麵：紅燒乳鴿不過不失中上之選，伴麵如果硬身爽一點會更好。3） 香煎比目魚：真香煎！超脆皮！配菜南瓜蓉露筍薯仔都好味。4） 烤法式羊架：中上之選，配菜手壓薯仔食過返尋味。四個前菜青蘋果黎麥雞絲沙律：唯一不推薦以為有好多蘋果，原來係沙律菜上面有少少蘋果絲少少黎麥少少雞絲，我哋見到即刻問可唔可以換第二樣，侍應好 NICE 換左椰菜花忌廉湯俾我哋 椰菜花忌廉湯有椰菜花味，個人喜歡菜多啲 CREAM 少啲。餐飲1） 兩杯熱檸水 OK2） 蘋果汁：超濃厚杰身，真心未試過 3） 普洱茶：竟然係一整壺！加點：1） 北海道帶子刺身配白露筍及黑松露油醋：非日式，西式調味唔識形容，雖然無乜黑松露味但係已經超好味！2） 西班牙烤焗八爪魚及薯仔：超香口，超滿足！八爪魚柔軟入味，調味微辣夠勁！3） 沙葛毛豆蟹肉多士：脆多士好香牛油味，沙葛毛豆蟹肉有鮮味好清新，食完唔夠喉。整體嚟講食物水準中上，食／睇得出技巧同用心，服務態度有禮殷勤，無敵維港美境，十分對得住呢個價錢！絕對唔係搵遊客笨嘅餐廳，誇張啲甚至為有間咁嘅餐廳係遊客區可以推廣香港美食而感到自豪！…Read More

曾有段時間經常要到長沙灣廣場工作，PICOSO 總是我午餐時的其中一個考慮，今日因工之便又來幫襯。自取外賣點了每次都點的卷餅，今次主角選的是手撕雞肉。PICOSO 不知道是否屬於德薩斯州式的，卷餅裡不會放飯；加州的通常都會放黃色調味的飯，尤記得我第一次來幫襯時還特意對店員說少飯，當時店員回應說他們的卷餅不放飯時我還呆了一呆。言歸正傳，倘大的粟米餅卷進了豆泥、手撕雞肉和炒洋蔥，另上的有牛油果醬、酸忌廉和莎莎醬。不知道是否要將食物升格的關係，牛油果醬、酸忌廉和莎莎醬（Salsa）會另上，其實我後來已經習慣了請店家將所有材料都包到卷餅裏，對我來說，「方便」也是一種味。今次事隔太久我竟然忘了，拿著外賣回到辦公室時才發現醬料另上，嘗試翻開卷餅重包不果，吃時一卷三醬還甚狼狽。靈魂餅皮略嫌太薄，一來不太夠飽肚（我通常都會到別家買多個飯團打底），二來沒有飯而材料汁水多容易滲漏。內裏的美味豆泥超級燙，每次一開始急不及待將卷餅送到嘴裏品嚐時都會被燙傷。手撕雞肉是墨西哥調味，雞胸肉略嫌乾柴，我每次品嚐時都希望會有雞腿肉。炒洋蔥順紋切成條狀增加了口感，不是全熟帶有一絲刺激味，只是吃後可能會口吐芳香。莎莎醬（Salsa）是墨西哥的靈魂醬料，墨西哥餐館都會有自己的秘方，當地甚至會有莎莎醬的比賽。我認為 PICOSO 做得不過不失，頗合我口味。牛油果醬是我的最愛，有些香港的店家會額外收費（大約10至20元不等），PICOSO 是必有的，良心之作。總結而言，PICOSO 不是我最心怡的墨西哥餐廳，但考慮到地點方便和要定期慰藉我的墨西哥魂，還是我的考慮之選。…Read More

太太生日飯，約埋長老五大兩小聚餐，今次係第二次嚟食，第一次已覺真材實料有驚喜。楊州臭豆腐：頭腐本身一流，鬆脆夠味，可惜伴醬咸到頭皮發麻，經理稍後換來點雞醬才正常一點。鮑汁燴南非飽魚：問的時候說是鮮鮑，上來的時候是乾鮑，有糖心好味。紅燒竹笙魚翅：正，翅多一點更好！蝦子大烏參（半份）：價錢不菲，甚少食這麼大的海參所以不知價，不過功夫錢應該不少，太太很喜歡。龍鬚桂魚絲：最後第二個上的菜，份量較少，味道鮮美，功夫菜。龍井野生河蝦仁：調味太咸，吃不出蝦的鮮味和茶的清香。龍蝦球燉滑蛋：西澳龍蝦鮮美，太太最喜歡的一道菜。鹹肉煮津白：鹹肉鮮味。翅湯浸腍白菜：翅湯鮮味，真材實料。蟹皇大湯包：雖已過造，但兩個小朋友愛吃，一人一個。紅燒28頭南非乾鮑燴關東遼參：上次吃過今次再回味，乾鮑香糯，遼參清爽。紅燒八寶鴨：要提前預訂，老派手工菜，烹煮過程繁複，吃不下帶走一半明天繼續品味。…Read More

兩大兩細食晏，日本拉麵千變萬化，可惜整理來說不合口味，個人不會再幫襯。枝豆可能要做到同屋企自己整唔同，加左蒜蓉同麻油，不過無左枝豆清香嘅香氣同味道。店主推薦牛肉拉麵，有啲似越南粉，牛肉係好靚，不過整體無乜亮點…雞肉白湯，雞肉應該係慢煮清雞胸肉片，可能市面上較少，好處係軟嫩同濃湯頗夾；但個人較喜歡雞腿加少少炙燒一下（純粹個人口味）；湯頭缺乏膠質無粘口嘅感覺，可能湯底要加啲雞腳或者猪手。叉燒應該係厚切豬五花，較油膩，同燒得頗燶…拉麵配菜木耳絲同荀干幾正宗，同埋唔咸；個人最喜歡係薯仔沙律，如果可以保留多啲顆粒 chunky 一啲就更啱口味了。…Read More

吃過幾次午餐，中環水準食店，不過餐牌選擇較少。最欣賞它的健康素全餐，營養豐富味道一流；餐湯每次都是蕃茄湯，不好蕃茄的朋友不喝也罷。每次去或經過的時候人流都很少，可能由於在同區價錢較貴和地處商廈區？希望店主可以保持水準但同時改善經營方法，讓餐廳可以繼續經營下去。…Read More