wmingww's Profile

今日約咗朋友上嚟屋企食飯，於是叫咗呢間外賣，之前食過幾次超好食，我哋點咗個麥皮豆腐，呢個菜式好特別，麥皮咬落嘅香口，豆腐好嫩滑，食到唔停口。👍🏻另外，我哋仲叫咗個泰式炒河，都幾有鑊氣，有蝦同埋臘腸，都幾豐富。🥰我覺得最好食係咖啡骨，係馬來西亞傳統菜式，咖啡粉和蘋果醬混合一起，入口苦中帶甜，兩者味道互相平衡，所以就算點食都唔會覺得油膩。🐖最後，都好推薦呢度嘅咖央多士，焗得夠香脆，牛油味香濃，咖央醬好香椰味，夾埋一齊食好好食。🍞…Read More

平時係金鐘返工OT又或者開會咁辛苦，一定要食返啲好嘢獎勵自己，但又趕時間，所以最近就成日都去食shake shack。🥹佢個位都幾方便，就喺地鐵站附近，而且都幾多款式，有牛同雞漢堡揀，除咗薯條仲有炸雞。我自己比較鍾意食牛漢堡，尤其係佢NY steakhouse burger，超級好食，入面有蘑菇同炸洋蔥，係佢哋嘅王牌系列，通常都叫雙層，咬落真係好Juicy。🍔最後，通常都會再叫多杯milkshake，最鍾意係朱古力味，超濃郁。😍…Read More

星期六日同朋友去荔枝角行吓，睇吓啲文創市集，之後經過發現3樓有間望落好吸引嘅巴斯克蛋糕檔口，於是買咗一個嚟試吓。🙈首先，賣相唔錯嘅，用一個好有質感嘅圓木盒裝住，又幾靚，職員亦都好細心咁介紹，feel到佢好有熱誠。😳當晚返到屋企就迫不及待試食，蛋糕面頭微微燒焦，入口好滑溜，散發着好香芝士味，我哋揀咗紅茶味，茶味都幾濃厚，屋企人都話不錯，而且佢嘅份量都唔細，四個人食都夠，下次會再幫襯試吓其他味道。😋…Read More