yukiewu's Profile

身為何文田居民， 呢間舖頭開之後就一直幫襯 ，深感質素每況愈下， 服務員質素一個不如一個，個個黑口黑面……一入舖已經冇人帶位，自己坐低又唔滿意，要你轉位， 唔轉就係咁攞個膠牌擋係你面前，話你唔轉就要搭枱，根本舖頭入面就得小貓三四隻， 又唔係黃金時段有冇必要咁樣做？？？ 一坐低就迫你落單 ，食物到咗之後，你想再搵個人就難啦，阿崩叫狗，愈叫愈走，全部走埋一邊吹水、睇手機，想要杯水更係難上加難。有一次帶住BB黎食飯，張枱咁大，個待應就隨手放碗麵係BB前面，BB一手抓落去，差啲出事，真心覺得呢間舖啲待應質素好差！差！差！…Read More

元旦小故事😂😂今日同99去旺角行街，一落車聞到陣香味，突然好肚餓，我話想食燒賣，被99拒絶咗。佢話食雞蛋仔就差不多，沿路都唔見雞蛋仔檔，最後見“八公”有賣，叫左一底。等左二分鐘預熱爐，99心急人等唔切，話要轉腸粉，我就話唔好麻煩人，店員見我地在拉扯，主動話唔緊要，未整轉比我地啦。店員問係邊個想食，我同99互指話係對方，佢誤會左我地在爭執😂😂主動話送一串比我地過口癮，冇錯！係一串雞蛋仔！仲話新年流流，見到我地母慈子孝，有願望就要實現佢😎好人一世平安！好有愛呀講返食物……腸粉滑、芝麻香，雞蛋仔香口、製作嚴謹，店員一直用測温機check住温度。不過……提醒大家，店内係冇一串雞蛋仔賣架！…Read More

星期五中午，我和先生夾份飲咗一杯仙草奶茶。到夜晚返到屋企之後，我地個肚開始痛、發燒、發冷、肚屙。 連續屙咗三日，燒到39度， 屙到手軟腳軟 ，睇咗兩次醫生 ，到依家都仲未好。 嗰日全日我同我先生一齊食嘅嘢 ，只有呢一杯飲品 ，冇一齊食過其他嘢， 我哋懷疑係呢杯飲品嘅衛生出咗問題。呢間鋪頭附近 ，衛生情況都好一般 ，收銀員態度亦都好差， 好平常少甜少冰都要俾佢丙。 其實周圍仲有好多優質嘅台式飲品， 唔需要咁巴閉嘅。 我諗我哋唔會再幫襯呢間舖 ，絕對冇下次。…Read More