Foodie Tummy's Profile

由於今日人虧虧行唔到咁遠買野食，咁就近近地係公司附近覓食。 不過呢條街真係好好 ，是但一間d野食都可以安心食唔驚伏，仲要價錢係中上環嚟講都唔算貴。 而今日買既呢間小店，佢係正樓梯旁邊，唔算起眼，但係一到lunch time都幾多人等。上次食過佢個肉丸意粉之後就一直有d掛住🥺，所以就決左今日再拎埋的個lunch box 去encore果個意粉。佢地人手唔算多，一共3個人，一個煮意粉，一個負責飯，一個負責收錢pack食物，見佢哋個個密密做冇停手。 趁等候期間，我去左隔離店買左杯熱飲(詳情可以睇埋我另一篇食評）🥰 呢2間店我都好鍾意🥰 最後等左大約10分鐘多dd就有意粉喇😍個意粉好大兜，有6大粒雞肉丸，好香濃既蕃茄芝士醬汁😋😋，佢食落偏向蕃茄酸味，好醒胃。粉意又係口感岩岩好，唔會好淋但又掛到汁。雞肉丸簡直係我最愛😍佢係個樣望落結結實實，入面唔鬆散但又比外面淋d， 仲要幾juicy😍😍🤣 d汁多到食完都仲有好多🙈好喇！下要我要試埋佢d飯，似乎都好似幾多人叫佢d炸雞飯🧐…Read More

疫情搞到日日係屋企咁滯，勁想食車仔麵，於是就同老公碌下外賣app睇下屋企附近有咩車仔麵店可以試😍 而呢間任你點勁多配料揀，令到我既選擇困難症又嚴重左💛 可能係用外賣app 既關係， 佢d配料唔算平，12-23蚊一樣配料。我最後揀左水餃咖喱魚蛋生菜粗麵跟清湯加腩汁，而老公揀左花膠蘿蔔牛柏葉薯粉跟清湯加腩汁😍 等候時間唔係好耐就送到屋企了，可以一解我對車仔麵既掛念🥰🥰d麵同個d湯汁係分開嘅，而配料就浸住左。湯汁仲係好夠熱，我已經心急仔咁倒埋我d粗麵落去😋麵既質地岩我口味，硬硬地有d咬口。我最愛既餃子有2大隻，佢地係韮菜豬肉餃嚟，味道唔錯，都幾新鮮下，可惜浸淋左💔 而d咖喱魚蛋都算大粒，都彈牙嘅，不過又係浸到d咖喱汁味落左個湯汁度，變左魚蛋相對冇咁重咖喱味😅生菜可以多少少就好了😋😋老公個碗鮑汁花膠勁大舊，仲要有2大舊，佢比左舊我食😍😍😍 花膠好入味又勁大隻，我食完一舊就已經飽飽地，好抵食。 而牛栢葉就夠爽脆，不過就唔算大舊同量唔多，細細舊咁容易咀嚼😋 下次要試埋佢個墨魚餅同魚肉春卷得😍😍…Read More

今日天氣凍凍🥶，人又係虧虧個幾日㊙️。Lunch time 又係時候去幫襯小塵埃熱飲取下暖<3我等待我既午餐期間(請見另一食評)，我買左粒塵既桃膠胚芽米奶。呢杯只係得熱飲，個容量都好似係細杯左(?)返到公司怨不及待咁飲返啖暖下個人先。由於佢個呢個係米奶，唔怕佢寒涼飲完Ｍ痛。將沉左係杯底既胚芽攪返勻，有麥香，更加吊起個米奶味，又香噴噴，又滑lulu。🥰🥰當然，呢杯熱飲當然唔少得桃膠啦，大大粒，又有好多粒，將呢杯飲品既口感再進一步提升。不過呢同胚芽＋米奶好似未能融為一件事咁（佢唔係唔夾，可能因為胚芽同米奶太好朋友，同桃膠呢樣食材有個好多既對比係度）。不過飲完呢杯咁高纖又香噴噴既熱飲，I’m back!💪🏻💪🏻…Read More

疫情最近又嚴重左，又回到work from home的日子，lunch通常做到唔停手就會用app叫外賣。今日亦都唔例外。老公建議試下西九food court 個間拉麵店—營業部，佢D拉麵大約50幾蚊左右💪🏻我地叫左叉燒烏冬、餃子拉麵🥟（2個麵都係配豬骨湯底）同埋章魚小丸子。D野食都幾快到，不過D湯漏晒出嚟, 小心翼翼咁拎左佢出嚟。2碗麵其實唔係咁大份，烏冬口感岩岩好，唔會太淋，不過佢亦都唔係彈牙煙un個類。叉燒都幾淋唔鞋口，不過味道一般般冇咩特別😂而我個餃子拉麵Ｄ麵身係幼身個款，同樣有好多配菜，加埋芽菜好爽口，不過麵質又係冇咩特別，個炸餃子又係普普通通個D🧐我地仲叫左入章魚小丸子，不過就差緊D，咬落去成口都係粉，章魚要慢慢咀嚼先食到，好細粒章魚又冇乜其他材料，不值HKD 25。😑Overall 唔算特別好味但係又可以填飽個肚，但係佢既存在感係我外賣個List 度都偏低。…Read More

呢間店係我諗唔到食咩個陣都會去買，同同事諗唔到去邊食又去食，快靚正，作為一個dumpling-holic既人，耐唔耐就會餃子引發作🤭咁岩又係公司附近，通常都會去搵佢解一解我條餃子引。今日天氣有d凍，想食d熱野又有湯既，二話不說我又拉埋我個湯粉麵控同事去食餃子🥰🥰，我買左芹菜餃麵返公司開餐，不論係堂食定係外賣，佢個花膠淮山豬骨湯都係熱辣辣，淡淡地唔重口味，飲落唔似有味精，好順口。每次都一啖湯＋一啖麵＋一啖餃子放落口，冇得輸😍Ｄ餃子勁大隻，不過佢係北方餃子個類，塊餃皮偏厚，包左好多芹菜係入面，啖啖都有芹菜，不過Ｄ餡料味道都有Ｄ偏咸，但加埋個湯一齊就中和返。個麵既質地岩岩好，又岩岩好掛到Ｄ湯。每次食完個５粒大餃子加埋一大碗麵，個人就會暖笠笠，好滿足呀😍😍😍…Read More

今日成個人冇乜精神，下晝做做下野忍唔住去落街買杯熱飲同自己差差電，但係我既狀態行唔到咁遠又唔飲得coffee，應該好多女仔都會知點解🤒。 於是我個人就飄下飄下咁去左小塵埃買左杯桃膠黑糖杞子桂圓嚟頂一頂先。可能我個樣真係好攰好攰，似乎連店員都發現到我呢個狀態，佢驚我半路中途會整跌杯野飲，於是佢好細心咁搵左個飲品袋比我裝住拎走。我好鍾意佢d黑糖熱飲，今次呢杯桃膠都唔例外。d黑糖味好香，熱辣辣的，但係唔係好甜。d杞子有d酸酸地咁，好醒神呀🥰 仲有好多桃膠，啖啖都有，滑嘟嘟咁😍飲完之後個人開始暖返d，有返d精神。另外，我仲好鍾意佢地杯上面貼左個d打氣貼紙，生活很難，多謝窩心打氣貼紙為大家的生活加一點調味。…Read More

當我知有地方出左有kerokeroppi 同XO 主題既野飲就一直都想試下，有日就的起條筋想試下佢呢系列既特飲。叫左杯Kerokerokeroppi 抹茶森林探險(姐係：抹茶紅豆拿鐵奶蓋），仲加左HKD 36 去換左個XO 杯套🥰 好得意好得意好得意🤩🤩🤩杯特飲好大杯，店員仲好有心機咁用抹茶粉印左keroppi個樣係奶蓋上面，勁可愛🥰 抹茶紅豆呢個組合係冇得輸，首先係抹茶既少少回甘，然後就到紅豆既甜🤩。因為佢都幾大杯既關係， 我飲左一半先可以將奶蓋、抹茶同紅豆溝勻，味道仲balance d 💯 奶蓋個味係外表天使內裏魔鬼個類，質地唔太厚唔太膩，有少少咸味，唔覺唔覺就飲左肥仔野🤭🤭😈整體而言杯特飲都算清新，唔太濃味，亦唔太甜。不過如果而家想去飲keroppi 呢杯抹茶森林探險，就要去旺角分店了。…Read More

今日晏晝少少放工太攰唔想煮，就用熊貓叫外賣，咪搵Ｄ未試過既餐廳試下囉。見佢個menu靚靚仔仔咁，叫左個和牛芝士漢堡配薯條，同埋 Masala安格斯牛肉飯。其實好快送到既，而我地真係超肚餓，急不及待就開嚟食，但係都不忘同Ｄ食物影相。送到嚟，個包裝唔錯，post相應該唔錯🤔特別係個和牛漢堡，我最期待既一個item！點！知！一打開個飽，不禁忍唔住高呼左出嚟，我！舊！和！牛！漢！堡！去！左！邊！我地叫和牛漢堡，個飽夾住左Ｄ菜同塊蕃茄，連芝士都冇，HKD 88蚊就係食個沙律菜BURGER?  😦唔係double check 下先比外送員pick up?  😥又或者有冇procedure 令到唔好再有呢D問題出現？🤯和牛漢堡係呢個item既主角中既主角！🤯🤯🤯🤯成個飽我乜都comment唔到,冇肉汁又冇其他汁好乾。😑公道D講句，薯條係正常既，可以比Ｄ汁嚟點下既。至於另外果個Masala牛肉飯(HKD 66)，我地仲加左HKD 18 要埋佢個印度薄餅 ，放心！有肉既🤭！不過個量唔多，一係就成舊硬硬的瘦肉，一係就成舊肥膏，擺唔到落口。咖喱汁幾香既，不過就稀左Ｄ，個印度薄餅hold 唔到D汁，個飯質地偏濕，乾身Ｄ撈飯會好Ｄ。印度薄餅一邊好厚一邊好薄，唔值18蚊。💸我地一邊食一邊懷疑人生，而家好空虛，又攰又肚餓。以後都唔會幫襯佢，我會計下自己個心理陰影面積有幾大…Read More

今日99生日，前2星期就book左今日食呢間天婦羅omakase做生日飯。呢間餐廳晚市有2場，6點半&8點，我地一行4人book左 8點鐘個場。其實confirmbooking當日店舖職員已經溫馨提示左要準時到，但可能要係店外等多5-10分鐘比第一轉既客人埋左單先。等既期間同一時段既另一組客人已經忍不住入去「問」佢地幾點入得，最後大家都8點半先可以入到去。店舖座位唔多，得10個位咁上下。我哋呢輪有兩組4人，圍住師傅坐。今晚會有8款天婦羅、 一個set連甜品。醬汁方面除左有平時食天婦羅會有既白蘿蔔蓉同天婦羅汁之外，仲有鹽同柚子鹽。係我地settle好個人之後 大約等左5-10分鐘左右🤔第一味天婦羅就係我地眼前既晾架上面了，個海老天婦羅色水靚仔，唔係用舊油炸既樣，個粉漿又岩岩好咁掛左係隻蝦度，所以食落口成件事好乾淨俐落👍🏻餐廳係建議我哋點原味鹽去食，咁樣令到成個海老天婦羅味道更加突出🤩🤩師傅果然經驗老到，係我食完半分鐘左右就輪到鱈魚天婦羅出場！佢個粉漿岩岩好包住佢塊魚既外面，鎖住左入面D肉汁，好juicy!  緊接住落嚟就有紋甲烏賊（Mongo squid with white truffle），呢個好有驚喜！雖然佢細細粒咁，咬落去好乾淨俐落，爽口得嚟彈牙，唔UN 唔痴牙，再點埋佢多個松露鹽，好夾呀，不過佢松露鹽份量都唔係好多🤭用淨左個D之後用嚟點個菇菇天婦羅，提鮮程度100分！個粟米比佢小心翼翼咁切走左個芯，但仲可以一塊咁serve d粟米粒，是但點返個普通天婦羅汁已經夠香甜，西蘭花冇咩太特別，但佢個茄子好腍，冇渣，加埋佢個D蔥花薑蓉再用木魚碎索住個汁一齊放入口，好入味之餘，仲解左D油膩感。另一樣我好鍾意既就係Shrimp rice roll， 呢個rice roll 係一隻海老+海膽+鮮磨wasabi蓉既一個roll嚟，師傅親手遞個roll比每一位客人，海膽好新鮮唔腥，同脆脆海老天婦羅冷熱交加，乜汁都唔洗點，已經好鮮🤩Flat fish 望落好似豆腐羹，同一開場冇耐食到既鱈魚口感都係咁嫩滑，成件事好鮮甜。Plum meat and seasoned potato 又係另一味小清新，但係對佢印象唔太深，淨係記得佢酸酸地甜甜地有梅味。天婦羅個part就由半隻蝦夷鮑魚天婦羅做結尾，呢個一定要講下！望落去細細隻冇咩特別，但係後來search返先知佢來頭都幾威，呢個品種係北海道南部寒冷水流個度生長，細細隻但係就有齊晒係口感同味道上作為鮑魚既優點。 師傅搵左佢嚟做天婦羅，加埋wasabi鹽又腍又鮮，好好味😋 其實我唔介意佢地收多我每人百幾200蚊，一人一隻咁serve會開心過2人share一隻鮑魚😋食完d天婦羅其實已經飽飽地🤭 不過仲未完，仲有個小小定食，有漬物、有三文魚+魚籽飯、有櫻花蝦配水菜、仲有個清清地既菜湯。相比一開場個part清淡好多，中和返天婦羅既油膩感。成餐飯最後食埋個好fresh，又好晶凝通透嘅柚子jelly 就完左了🥺🥺呀！！！！ 有幾樣野食仲想encore多次呀😖😖😖…Read More

今日飯腳放完假歸隊，又咁啱假期前夕兼出糧日，辛苦左成個月，就緊係要好好咁獎勵下自己。 咁啱lunch time撞正落雨既關係，唯有臨時揀近公司少少既餐廳。 飯腳就帶左我去試呢間越南野🤩佢係一間好長好深下既店嚟，4人位係可以坐到6個人的，好闊落好舒服。2邊牆上都d綠色(真？假？）植物佈置，成個秘密花園咁。我同同事2個人被安排左坐4人位，yay 落雨濕濕都可以坐得舒舒服服，食飯見fd都幾正😳下雨天又涼涼地咁，我同同事都叫左lunch set上既Pho combo，不過我配料就揀左牛爽腩同埋牛丸，跟左杯桃蜜熱柑桔既餐飲暖下個人先😍我地傾左陣計杯餐飲已經「未見杯，先聞桃香」，雖然氣味香味，但飲落好fresh，唔會好甜，又唔似係溝糖漿，粒粒桃肉在杯底😍飲落去香噴噴但又有d柑桔味去平衡返桃個陣甜味，同餐廳環境都幾match 👍🏻 好喇！然後就到湯pho出場喇🤩 佢有一大碟配菜+一碟油炸鬼粒粒同香葉比我地加落去個湯pho 度，首先我急不及待就將個脆脆的油炸鬼浸落去索d湯嚟試🤩 沾左少少湯都仲有dd脆，好過引！個湯底唔辣又清甜，牛爽腩比佢切到一件件烤肉咁既厚度 彈口得嚟又唔肥唔”un” ，至於牛丸食過簡直返唔到轉頭！咬落唔會太實 鬆化地得嚟又會有d彈口，佢入面仲有少少筋，口感非常豐富，仲有好香牛既油脂香味（而家諗起都覺得餓😍) d野食野飲上菜個節奏啱啱好 可以同同事度過一個relax既lunch time 。今餐食到好飽，大滿足！回頭指數勁高！！…Read More

今日返工阿姐請飲tea，仲要咁岩係我想試個間🤩 於是我就跟大隊揀左杯期間限定特飲—綿芝日本白桃 （姐係日本白桃芝士奶蓋）🤩一齊勞役下呢間小店💛💛💛我地order左廿幾杯，外賣送到嚟放左係枱變左一小片白桃海（真係都幾多人揀佢😹）同埋真係幾大杯！大杯到我飲到得返半杯先撈到d奶蓋同d白桃smoothie 。佢既最底層係有果肉飲落啖啖桃香😍 個芝士奶蓋簡直就夢幻，甜甜地又creamy 再有少少芝士既咸味，令到成杯野飲冇咁肥膩，真係忍唔住想飲多幾啖😍 (真·邪惡的肥仔練成秘密㊙️)結果我飲到放工先飲完杯白桃綿芝，飽到食唔落飯😑 下次要試埋佢其他嘢飲🤩…Read More

我要承認我對呢間店既第一印象係：貴！但！係！ 但係！！但係！(重要既要提3次)今日幫襯完之後就知佢點解一個叉燒飯可以賣 58蚊！話說今日返工飯腳放假要食孤獨餐諗住買個外賣返去公司慢慢嘆。落街見呢間新開冇耐既店，個飯盒又成兜雪糕咁好可愛於是我就叫左個柚香叉燒跟左菜飯，1點前去似乎唔算太多人排隊，排左6個左右就落到order，個度地方唔算大，圍住店既兩邊都有立食用既bar 枱，由於疫情關係，大部分人都係外賣拎走食。d店員冇停手咁處理來自OpenRice 同埋walk in既order，等5分鐘左右，我期待既柚香叉燒終於可以跟我返去了一開盒都仲未吸引到我，只係覺得係個有柚子味既黯然銷魂飯。我將隻外邊脆，中間流心既蛋蛋吉穿佢。d蛋汁同d叉燒再加埋菜飯混埋一齊個陣，58蚊既謎底終於解開左！ 入面食得出呢間店既誠意。 首先，佢d肉唔會係肥到淨係得膏個d，又唔會瘦到白晒鞋晒口，唔un得嚟又有口感，係我鍾意個類型每一粒叉燒大小啱啱好，佢係設計到每一啖都有飯有蛋有叉燒佢個柚子汁同d叉燒簡直就係friend嚟，解左佢既油膩感。再加上菜飯唔會太濕太油，乾乾地質地又唔會硬，加埋叉燒既油香令到佢菜味更加突出。我果個飯d叉燒分佈係上面好多，底層得幾粒，未能好似如 menu 咁靚仔 (畢竟圖片只供參考)，但係唔好小覤佢係雪糕包裝咁，以為細份佢唔飽。 其實上係好大份，佢d叉燒粒係足夠我由第一啖飯食到最後個啖，仲要隻蛋同叉燒都仲係脆。呢個係價完全係代表住全店上上下下既心思，由小至包裝、餐具既採用，以及至食材大小放入口都想得好周到。 買呢個飯/淨叉燒一邊睇戲(去戲院/返屋企煲劇）一邊食非常方便。如果要講有咩美中不足的話，希望店鋪下次唱多d散紙做找錢。排緊隊個陣店員已經大叫冇散紙 本身我以為得100蚊紙，好唔容易搵多8蚊比佢，等佢易找d ，結果店員找左6個5蚊+2張10蚊紙比我 (銀包即時暴脹）雖然價錢唔算平，但係係一間用心小店，絕對有下次ps 下次試埋個焦蜜叉燒飯先…Read More