美食霸主's Profile

觀塘行完街搵食，上網見呢度無限時，所以試下。初時覺得$338比一般任食火鍋較貴，但食完就覺得物有所值首先會上幾款小食，味道正常好味的，但如果人數少或者胃口細嘅，就會覺得多之後就上刺身拼盤。高質素，無欺場食完刺身，就食雞煲。唔夠可以添食的，但我地有小朋友想快啲打邊爈，所以無添。味道與專門雞煲店比稍遜一點，但都香口美味的我鍾意呢度食完雞煲後，會換過個湯底打邊爐，我地帶住小朋友唔食辣嘅，都照顧到鍋底味農清甜友人唔食牛，所以要分開6。店員很配合，用鴛鴦鍋都唔加錢。本來要+$68海鮮拼盤，新鮮鮮甜，蝦爽口彈牙手打丸，無咩味精，好食。仲可以追加主角：肥牛，有油花，滿滿一碟但追加任食的，就👇🏻👇🏻👇🏻由於我地都飽飽地，就無再點肥牛，其他生料質素ok的雖然追加嘅肥牛麻麻，但其他食物質素所以呢餐都好滿意，下次可以再黎…Read More

生日優惠，滿4位生日嗰位半價星期日原價每位$328，like FB每位減$30首先上雞煲，只有一個辣度，香辣度好味的，當然同雞煲店有個距離每位有一隻鮑魚炆冬菇，鮑魚好味，冬菇較淡刺身質素平平，好過爭鮮咁囉牛肉好得，真正手切肥牛。之前喺OpenRice 睇過，都覺得呢度啲牛得，所以揀呢間試水餃皇，正，裏面好多蝦，每位一隻海鮮拼盤，蝦新鮮爽口但海鮮拼盤無諗過會搭啲急凍海鮮囉，青口帶子都係急凍料。單張上寫住6-8款海鮮，按時令不同，所以又吹佢唔漲追加任食美國肥牛，黎左呢碟，都唔再加了墨魚滑蝦滑都唔新鮮，食左一啖就唔食韭菜餃魚皮餃，要求唔高的，係可以食嘅飲品方面，提供紙包烏龍茶，綠茶，檸檬茶，菊花茶，提子汁等，汽水只有百事，7-up如果唔大食，食前半段指定食品，都已經半飽，追加部分質素平平，叫做輔助補充下囉⋯⋯…Read More

去九龍城買餸，唔想食茶記，就搵間cafe食下。見杯奶昔咁靚仔，就試下呢間。午餐有六款長通粉或意粉，選擇算多。跟餐飲凍咖啡，朱古力，特色綠茶都唔駛加錢。意粉味道不錯，軟硬度適中，因為最怕淋pat pat 嘅意粉。奶昔要加$18，幾大杯，如果曲奇味濃啲就perfect…Read More

近年崇尚素食，推動環保，各式各樣fusion素食推出，依家仲多左素食buffet。今日過開香港島，就去素食店競賽白熱化嘅北角搵食。我揀左「素食分子」貪佢地方寬敞，坐得舒服。素食buffet用嘅碗碟都係每人一套，食完攞去添食重用的，我鍾意咁樣夠環保，減少清潔劑耗損食物種類繁多，每款食一啖，都已經好飽。仲有豆漿，羅漢果水，紫貝天葵水，茶提供。我個人鍾意食粉團類嘅嘢，例如：饅頭，年糕，薄餅，齋腸粉⋯⋯所以呢餐好啱我口味。但老公就覺得好寡，咩都無乜味。其實食得素就預左淡左架啦！所以好濃味嘅朋友，就唔啱食喇另外由於碗碟都係膠嘅，較難去油膩，摸上去仲有啲「肥」，希望店家多加留意…Read More

近年荃灣多左好多cafe，西餐，水準都不錯的。Tea time唔想食茶記，就試下burger。漢堡製作需時，等了10分鐘左右。上枱時熱辣辣，肉汁流曬出嚟，真係現做的。裏面啲菜、蕃茄都新鮮加$26可以有埋薯條，飲品！薯條好味…Read More

上個月見觀塘開左分店，就黎試下芝士雞煲。因為平時食開長沙灣店的麻辣雞煲外賣，番屋企慢慢嘆的。鍾意佢夠麻，雞又滑，水準穩定。芝士的就未試過，試完後覺得都好食，生料都新鮮、靚。上次食完，見有歌聽，有好野食，今日咪又過黎食番麻辣囉！坐下來見到枱墊介紹，原來上煲後，侍應會點火，再炒香的。平時外賣都咁好味，今日現炒，應該更正啦上枱後，妹妹仔侍應點左三處都無著火，佢都照夾兩下當炒左。始終第一次咁食，我無太在意有火無火，滾就食啦⋯⋯打開啲雞白雪雪嘅，食落無味嘅，啲洋蔥又未炒香嘅，仲衰過外賣。老實講，唔係難食，但唔係食開嘅味道，好失望囉其他生料，貢丸、手打墨魚丸，薯粉，都好味的。但食完呢次，下次食雞煲都唔知揀唔揀佢好嗱另外，今日埋單多左個「醬湯費」，每位$12。呢啲醬料費，食任食的就見得多，order的都要收，都係第一次。恕我見識少了！…Read More

會展行完展覽，灣仔簡單搵食雞飯$51，加$10有油菜雞嫩滑，皮爽。個泰式汁酸酸辣辣，幾特別。個飯就硬左啲，乾左啲。食物質素不錯，更欣賞嘅係侍應姨姨好有禮貌，唔該前，謝謝後的，如此敬業的態度，就值得支持小店了。…Read More

最鍾意平日放假，去邊都唔多人，唔駛排。今日心血來潮想食semi-buffet，就揀左呢間試下。11:30打黎book12:00都有位Buffet bar有幾款沙律，薯仔的，小米的，紅菜頭的⋯⋯都好味自選沙律嘅菜都新鮮，但醬汁就普普通通啦！頭盤當然唔少得cold cut ，煙三文和湯啦！今日係磨菇湯，幾好味，但好膩，唔敢飲太多另外仲有燉雞，燉牛尾，不過我無試。坐低無耐，就會送上炸薯條，麵包籃（忘記影相）。籃裏面有個芝士麻薯，質地煙un，好好味，女生至愛。Semi-buffet每位$128，加$60可食埋巴西燒肉，侍應會不斷送上燒牛肉，豬柳，雞亦，以$60黎講係不錯的。但我覺得女生食量小，只食buffet bar都夠了。完美嘅一餐又點可以無甜品呢？今日3款甜品選擇，每款$38。點左個香蕉拖肥朱古力球伴雪糕，我本身是拖肥控，所以覺得不錯。…Read More

一向去開大欖、屯門嘅燒烤場，貪嗰邊平靚正玩成日。但朋友推介麥師傅，話食物醃得好味，咖哩尤魚必食添。今日慶祝女兒生日，就試下新地方啦！加上呢度有個大型吹氣彈床滑梯，啱曬小朋友。一去到，就見到有工人喺度清潔彈床，呢點要讚下但今日氣溫30度，中午太陽曬到彈床滾熱辣，小朋友睇到玩唔到，要忍4點零收咁啲太陽先玩到。如果燒烤場可以加番個蓬遮下就好嗱！食物方面，種類多，肉質和醃味的確比去開嘅好味，真係一分錢 一分貨牛柳粒，叉燒粒，咖哩尤魚都推介另外，黎燒烤場玩都無話要咩服務嘅，但食物領取處嘅阿姐嘅態度，臭寸非常，攞野食好似我乞佢咁。我地16個人，每樣比兩件，話要多啲，就虎虎氣氣咁叫我食完再攞話完佢就比番多啲入場時存起左個蛋糕，去問惡姐攞番佢話：你自己入黎攞啦（惡）我話：你咁多個雪櫃，我點知邊個呀！呀姐！咁佢先去雪櫃攞比我希望下次阿姐態度有待改善！…Read More

過年前已見新開左，今日下午茶諗起佢有油渣麵，作為油渣麵控的我，就過黎試下。坐底睇餐牌，油渣麵有火腿嘅R曬頭，問侍應，佢話你唔食可以走火腿。但我梗係唔走啦，要原汁原味試下吖嘛！黎到即刻試啖湯，睇下夠唔夠味⋯⋯精先，咦⋯⋯甜甜地嘅，重好重麻油味，同慣常嘅油渣麵湯味好唔同，唔係食開嘅味道。食啖麵試下，雖然偏淋身，但ok的。到主角油渣，睇樣ok，食落都ok喎，爽口，乾淨，無豬毛，比起深水埗嗰檔好，接近大角咀嗰檔質素。總結：食完成碗油渣麵，感到有點可惜，因為呢度啲油渣同麵都唔錯，比起好多炸到舊肥豬肉乾猛猛嘅，又叫油渣，呢度已屬上品。可惜個湯底唔得，嘥曬佢落嗰啲辣菜甫，雖辣，但偏甜，唔知係咪咁樣搞到個湯甜甜地。而且加左麻油落去，聞落似魚肉湯味，唔落好過。其實火腿都係多餘的，唔覺特色左，簡簡單單配少少冬菇，加埋油渣麵嘅靈魂——冬菜，葱花，已經夠曬。而且食得油渣麵嘅，都有番咁上下年紀，都係鍾意以前嘅風味，何不實實在在的做回以前嘅味道更實際。…Read More

今日唔想食茶記，又係肉，肉，肉。去左路德圍呢度食菜飯，諗住有啲菜食下。菜飯梗係配炸豬排啦，不過見到好多麻辣款式，又想食麻辣手絲雞，但諗諗下「麻辣手絲雞併豬排」咪豬排都麻辣囉（因為呢度麻辣醬會撈落啲餸度分開上），咪好怪？咁我同落單姐姐講只要手絲雞麻辣，豬排唔辣得唔得？佢話👌🏻原來佢將麻辣料另上，想邊樣辣，悉隨尊便，好啱我呢啲bb辣但又鍾意食辣嘅人，感覺服務到位抵讚菜飯唔油，都好多菜。豬排無鬆肉粉味，炸得香脆。鍾意個手絲雞伴好多青瓜，無咁漏。整體味道其他食客多數食刀削麵，下次試下先…Read More

本來今晚約友人去「AIA燒錢嘉年華」，但原來今日not open to public ，就轉淨食。友人在火炭收工，咁就沙田揾食！記得有個朋友post過呢間喺FB，個樣幾得，又貪易泊車，咁就試下啦！生蠔鮮甜好味炸雞香口，多肉嫩滑，兩個小朋友大讚原名：黑松露忌廉汁溫泉蛋意粉個人覺得即係：Carbonara我鍾意食煙un嘅意粉，所以呢個拼盤不得了，無諗過西餐廳嘅刺身會咁得拖羅最正，肥美鮮甜。而且刺身因爲切得夠厚，所食落口好豐富，好滿足呀羊架本身擺得好靚的，但我影相時跌左部電話落去，搞衰左，真係相機食先了羊架嫩滑唔「酥」，好味！我地5個大人，order左兩份，共8支骨，食曬唔漏青口唔「醒」，中規中矩由於我地有小朋友，個牛要左7成熟，鞋得濟，又係order左兩份，嘥曬。如果5成應該啱啱好，敗筆之作甜品普普通通啦總結：生蠔，刺身，炸雞，羊架推介，呢個價錢，呢個質數…Read More

平時食開荃灣店的，今日番奶奶度，見呢度新開，就黎試下有無荃灣嘅質素先。我一家三口，每次食條大魽魚，都係勉強夠。今日加埋老爺奶奶，就要叫兩條了。食烤魚，我鍾意食魚多過加生料打邊爐。通常食完食唔夠飽先再order其他料滾滾下。湯底味道比荃灣店淡左啲我喜歡食辣，但只係低級組，所以order小辣。兩條魚味道👍🏻，魚肉好滑，但可以烤得香啲仲正。我地仲order左 ：西洋菜餃炸支竹（叫左兩碟，因爲索曬啲汁，超正）竹笙👌🏻豬大腸👌🏻牛丸埋單$879以後喺沙田又多一個選擇…Read More

商場無咩好食，走去屋邨商場睇睇。雖然屋邨商場被領匯搞衰曬，都希望有啲驚喜。行過見好多人食，又見出品賣相熱辣辣，幾吸引，就試下。呢個阿囡的，我無試，佢話好味咖哩味濃，幾辣，唔會好咸，仲有好多蝦茄味夠，喺鮮茄的，但個人覺得汁太多。最怕豬扒一浸梳打粉 or 鬆肉粉味，呢度無而且夠厚，好味老公話呢間茶記方便泊車，渣車黎食都👌🏻…Read More

星期日晚搵食，最怕去大商場等位，阿鴻小吃位於觀塘工業區，應該唔爆啦呱，去到門口無人龍，點知入到去剛好滿座，要等有枱埋單先有位。我地等左25分鐘左右，期間侍應不時走黎表示歉意，示意好快有位，又比餐牌我地，點左食物先。呢個服務態度已經好抵讚海蜇爽脆，但麻香爭啲唔知點解啲鵝肉好嫩滑，好香花椒八角味，但咬落就有啲un。墊底啲豆腐夠滑。蝦干醬香香辣辣幾惹味，如果多啲葱就仲香蠔仔好大粒，餅煎得香脆不油膩同蠔餅一樣，有大大粒蠔仔，好正！但呢度蠔仔粥無落方魚的，風味好似爭少少！整體來說，地方好坐，招呼周到，食品，下次可以再試其他野…Read More