mkhuipo's Profile

今日又和朋友去銅鑼灣極尚大喜屋食放題，中午三小時任飲任食，性價比一貫超高。呢間店每次來都保持水準，食物質素穩定，而且經常推出新菜式，令人食完又想再來。今期新推出的避風塘炒蟹、咖哩大頭蝦同焦糖牛奶鵝肝壽司都非常出色，味道出乎意料地好，帶來新鮮感之餘亦令人驚喜。至於過去大受歡迎的燒榴槤、燉木瓜椰汁雪燕、鮑魚蟹黃粥、牛仔骨同燒蠔等經典之選，今次一樣保持高水準，絕對係每次都必點的心水。整體體驗一如既往咁滿足，值得推介！…Read More

今次一行16人為婆婆慶祝生日，餐廳貼心安排得宜。訂枱後透過WhatsApp與店家聯絡，我們提出了口味及菜式要求，店家細心詢問人數分佈，包括成人、小朋友、長者及男女比例，並提出建議和煮法。.用餐前一晚，店家甚至主動提醒我們翌日用餐時間，十分細心。當晚到達時，餐廳座無虛席，有家庭聚會亦有朋友聚餐，氣氛熱鬧。有客人自攜酒水，店家免開瓶費、免加一及免服務費，更有打卡送汽水及甜品的優惠，性價比相當高。.菜式方面，手工製作、火候十足，海鮮現宰即煮，保持鮮味。婆婆最愛的海鮮菜式包括芝士焗龍蝦伊麵、茄汁香煎大海蝦、豉椒炒蟶子皇及避風塘炒大肉蟹，份量十足，加上龍躉蒸飯和兩碟蔬菜，已非常豐富。.值得一提的是，餐廳現時有生日優惠，不限正日，只要慶祝生日，就送滷水鵝肝鵝腎一碟，驚喜又窩心。難怪這間餐廳已經營13年，依然人氣不減。…Read More

太太是壽喜燒愛好者，今晚和她去了這家來自東京的高級壽喜燒餐廳：「壽喜燒割烹日山」的香港本店。位於灣仔合和酒店內，一踏入就像進入日本淺草神社旁的小巷，儀式感滿分，打卡一流！我們點了中階的「竹」套餐，內容超豐富！開場是三款精緻前菜，接著是溫物（鮑魚＋蝦＋青海苔）超鮮甜，然後是三件壽司，質感一流。主角當然是 A5 和牛壽喜燒啦！選用西冷部位，入口即化，搭配他們家的秘製壽喜燒汁，甜鹹平衡得剛剛好，完全不用再加任何調味。烏冬吸滿牛肉精華，超級滿足。…Read More

行完山，當然要搵啲好嘢醫肚。落山後，我提議去一間米芝蓮推介的上海小吃店，呢間鋪主打親民價錢，但水準絕對有保證，係我心目中CP值極高的寶藏店！一入到去，就見到玻璃後面有師傅即場整包點，望住啲生煎包煎到金黃香脆，已經流晒口水。我哋三個人點咗三款超抵嘅套餐，每個都係幾十蚊食到飽飽，真係好滿足。我自己揀咗🏅2號套餐（$63）：雲吞擔擔麵 + 3隻鍋貼 + 熱飲。擔擔麵花生醬濃，雲吞皮薄餡靚，鍋貼底脆，一流！朋友A點咗🏅6號套餐（$47）：紅油抄手 + 3隻鍋貼 + 熱飲。抄手辣得過癮，紅油香氣撲鼻，佢食到不停話正。朋友B就試咗最豪華嘅🏅8號套餐（$57）：4隻生煎包 + 4隻鍋貼 + 酸辣湯 + 熱飲。生煎包煎得靚，爆汁餡多，酸辣湯又開胃，誠意十足。我哋仲加單咗🏅「黃金之翼」鹹蛋黃醬雞翼，酥脆惹味，鹹香中帶點甜，一人一隻剛剛好。…Read More

喺上環水坑口附近的這間越南餐廳，開咗好多年，係區內少有主打地道越南風味嘅老字號。相比起一般越南餐廳，呢度菜式更貼近當地原味，款式多元，下午茶選擇豐富。街頭辣沙甸魚法包 — 麵包外皮鬆脆唔刮口，夾住沙甸魚、肝醬、扎蹄同辣椒，每啖都層次分明。辣椒帶勁但唔會搶味，好有越南街頭小食風味。會安蕃茄蟹檬 — 湯底微酸帶鮮，蟹肉鮮甜，配上扎肉、蝦丸同肉碎，口感豐富，食落清新開胃。生牛肉牛肉丸湯河 — 牛肉薄切，入口即化；牛丸彈牙，湯底清甜有層次，是經典越南湯粉的代表。椰青 — 清甜解渴，飲落自然清香。西貢啤酒 — 口感清爽，配香料味重嘅菜式剛剛好。話梅鹹桔水 — 鹹甜交錯，帶陣陣話梅香，飲完非常解膩。…Read More

中午和兩位同事喺油麻地食飯，選了這間小草十八怪。 其實我已是老顧客，時不時都會幫襯，荷葉飯和米線是我的推介。🏅~金瑤柱鯛魚片粉絲荷葉飯：我的摯愛。荷葉飯吸收了蒜蓉和瑤柱的香味，鯛魚片和粉絲滑溜，每一啖飯都很好吃。飯粒煙韌，味道層次豐富。 🏅~午市套餐：咖喱牛筋腩飯。牛筋腩炆得夠腍，咖喱香濃惹味，配飯一流。 🏅~招牌金湯過橋石鍋米線：花膠、海蝦、鯛魚片、肥牛、蟹柳、溫泉蛋、腐皮、翡翠苗、芽菜等。金湯湯底少少辣，好味道。配料豐富，米線滑溜不糊口。 🏅~原條燒茄子：選了小麻小辣，茄子燒得軟腍，微辣帶香，頗為惹味。 🏅~蒜蓉錫紙燒娃娃菜：這個湯底又係很好味，娃娃菜底下還有唐芹和洋蔥。蒜香撲鼻，蔬菜鮮甜又爽口。…Read More

今日突然想食牛舌芯，立刻諗起申子。雖然佢主打並非燒烤，但佢嘅極上鹽燒牛舌芯真係堪稱「世一」！每次諗起都會專程走去幫襯。難得假日都有午市六折優惠，讚。🏅 極上鹽燒牛舌芯（$88）厚切牛舌烤得外脆內嫩，鹽香滲透肉心，爽口彈牙，大愛。🏅 刺身定食配雞白湯手打烏冬（$167）刺身拼盤豐富新鮮，包括吞拿魚、油甘魚、三文魚、帶子、甜蝦、三文魚籽，每款都鮮甜無比。手打烏冬帶有白素麵的幼滑口感，配上濃郁清甜的雞白湯，刺身後再來湯麵，很滿足。🏅 麻婆白子豆腐定食（$143）融合日式與川味元素，白子滑溜香濃，與麻婆豆腐的辛辣味道相得益彰，是頗特別的創意料理。…Read More

西環友推介，話呢間泰國餐廳好食，今晚就同家人一齊去試。餐廳裝潢好有心思，牆上懷舊海報、地磚係懷舊花磚，充滿泰式風情，感覺溫馨又有特色。老闆同店員都係泰國人，服務親切，講解菜式都好有耐性。🏅炸鰂魚上蓋芒果沙律賣相吸引，原條鰂魚，魚肉起塊炸得金黃香脆。上面鋪滿清新爽口嘅芒果沙律，有芒果絲、腰果、洋蔥、青檸、老薑粒同香茅，酸甜開胃，香氣層次豐富。呢道菜色香味俱全，最啱一家人分嚐，邊食邊傾偈，好有氣氛。🏅椰汁雞湯椰香濃郁，湯底順滑，帶微微酸味，平衡得好好。配埋香茅、南薑等香料，飲落暖胃又舒服。🏅腰果雞丁非常惹味，甜中帶微辣，雞塊入味，炒得唔乾。腰果香脆，增加口感，係一道人人都鍾意嘅下飯菜。🏅蟹肉炒飯炒飯粒粒分明，唔油膩，口感清爽。蟹肉份量充足，鮮甜有咬口。配搭前幾款味道較重嘅菜式，剛剛好用嚟調和味覺。…Read More

三點幾路過新蒲崗，見這間燕窩糖水專門店翻新咗，仲加咗米線！ 而家唔止外賣，仲可以堂食，裝修超可愛～粉紅色牆、企鵝公仔、潮語打卡位，超有童趣！新蒲崗又多一個可以舒適地坐一個下午的地方了。今次點咗兩款糖水和一款小食，米線留番下次～🍧 冰糖木瓜燉雪燕（$45） — 清潤唔膩，啖啖雪燕好滑 ，同時超足料🥭 牛奶芒果桃膠（$45 ）— 香甜濃郁，芒果控必試 🍗 蒜辣雞翼（$25 ）— 蒜香味濃，微辣惹味，有點唔夠喉，想叫多一份…Read More

今天跟兩位老朋友走了新開不久的北角海旁步道，從中環一路行到北角，然後在北角匯吃午餐。天氣熱到出汗，想吃點重口味的，就選了北角匯地下這一間。環境不錯，望出去是小公園，綠油油的挺舒服。午市餐牌選擇多，價錢合理。我們點了：- 新加坡喇沙：有魚蛋、魚片、豆卜、蝦仁和半隻蛋，湯底濃郁- 老街咖喱麵：配料有鴨肉、蝦仁、魷魚鬚和豆卜 ，湯底香辣開胃- 巴東牛肉飯：牛肉香濃又夠腍飲品方面無論冷熱都不用加錢，有金桔話梅水、馬來拉茶和香茅荔枝梳打等選擇。…Read More

這間隱藏在深水埗的小店氣氛悠閒，菜單匯聚多國美食，中西合璧，令人眼花繚亂，卻又好好味。**冬陰功海鮮龍蝦湯配蒜蓉包**香氣撲鼻，雖無龍蝦肉，但海鮮豐富，湯底鮮甜濃郁，香茅與辣椒的平衡令人回味。蒜蓉包香脆，是絕配。兩個人吃也足夠。**黑松露蟹肉天使麵**火候恰到好處，麵條彈牙，蟹肉與黑松露香氣交織，奢華中帶點清新。**朱古力咖啡**甜中帶苦，加上Hello Kitty棉花糖，既可愛又有心思，為用餐畫上完美句號。…Read More

長沙灣有間小有名氣的泰國菜館，據說開業多年，深受街坊喜愛。今日剛好在附近辦事，中午便順道一探。雖然已過飯市高峰，餐廳內仍然座無虛席，人氣確實不凡。午市套餐有15種選擇，我們點了兩款。餐廳雖小，卻佈置得頗有泰國風味，連碗碟都見心思。食物質素對得住價錢，尤其是冬陰功湯，酸辣開胃，令人回味。牛肉炒金邊粉（$68）冬陰功湯金邊粉（$70）泰式炒通菜（+$38）炸蝦餅（+$23）芒果糯米飯（$58）青檸梳打（+$12）…Read More

今晚早早在北角食飯，見未夠6點，便趕去茶東西，因為我最愛的蘭王蛋煲仔焗鮮茄肉醬意粉只在下午茶時段供應。煲仔焗製，肉醬超多，熱辣辣香氣撲鼻。家人點了一份東西三文治，餡料唔簡單，有煙三文魚同蛋沙律，層次豐富。再來一份柚子蜜糖炸髀，外皮脆卜卜又帶點甜蜜。加$15有和風沙律，清新解膩。飲品方面試咗話梅柚子梳打，酸酸甜甜非常濃郁，加水後仲有味，性價比極高。另外兩杯咖啡同奶茶都沖得好靚，香濃滑順，完美收結整個下午茶體驗。…Read More

午餐重訪這間半自助沙律餐廳，食物水準穩定，環境寬敞舒適，坐得非常放鬆，服務也很貼心。沙律吧($98)選擇豐富，有薯條、炸雞、沙律通粉、蘑菇多士、各式蔬菜水果和甜品，今日甜品是芝士蛋糕和小泡芙。還有一款白椰菜花湯，味道清甜中帶點咖喱香料，很特別。主菜另點了兩款：香煎鱸魚配燒粟米薯仔麵糰和香草乳酪汁(+$108)，還有香煎三文魚魚柳配菠菜苗枝豆和檸檬牛油汁(+$148)，兩款都很有水準。餐後還有冷熱飲品。…Read More

收工之後，和幾個朋友相約去兆萬中心11樓食韓國菜。餐廳幾乎坐滿，氣氛熱鬧，香氣撲鼻。我們點了一大鍋魚介湯鍋，裡面有串板、魚糕、各式菇類（金針菇、鴻喜菇、冬菇）、娃娃菜、豆腐、年糕和雞蛋，料多豐富。黃金蒜香無骨雞香脆惹味，是招牌菜無誤。香炸明太魚脆卜卜，非常適合下酒；我們配上麥芽啤酒蝦一起食，啖啖鮮甜。鮮蝦沙律清新爽口，正好平衡熱辣菜式。紫菜手抓飯可以自己整，玩味十足，亦可請店員幫忙。最後加一碟農家鮮泡菜，雖然要額外收費，但$38一大碟，爽脆開胃，絕對值得。一餐食得開心又滿足，下次一定會再嚟！…Read More