kaki_529's Profile

下午想去個比較chill的地方食個午餐，所以選了依間餐廳！絕對建議要坐入面，環境舒適好多！因為已經係下午2:30後，所以餐廳除左有lunch set外仲有tea set選擇。我地叫左2份餐:1) Weekdays tea set menu:  雙重車打芝士美國牛肉三文治多士 配蒜香日曬乾茄蛋黃醬 ($108)加配飲品 比想像中好味，三文治個麵包好香脆，另外入面個牛肉有一定的厚度，好多汁同好香牛味。乾茄蛋黃醬配落去成個三文治變得冇咁漏。2) Lunch set menu: 燒烤手撕豬肉日曬乾茄貓耳朵粉 ($176) 加配前菜 - 明太子蛋黃醬玉子燒 + 甜品 - 是日蛋糕 (chess cake) + 飲品貓耳朵粉口感好味，好有咬口，燒烤手撕豬肉好淋同入味。明太子蛋黃醬玉子燒好味，但唔算特別，玉子燒較硬身，唔算好滑。3) 是日蛋糕 (芝士蛋糕)唔算特別香濃，但芝士蛋糕食落都算好滑，一般。4) 竹炭牛奶咖啡 (跟餐+$8) + 凍牛奶咖啡 (跟餐+$8)竹炭冇咩特別，係個賣相幾靚，牛奶咖啡味道唔錯。凍牛奶咖啡味道唔錯，但咖啡味唔算特別濃。總括黎講餐廳環境舒適，食物質素幾好，係一個岩坐低傾計／長時間chill下的好地方。…Read More

3人行去食泰國菜做晚餐！預先在OpenRice book左位，好抵有8折！今日叫左幾樣野食：（1）菠蘿海鮮炒飯-$158好味！好多材料！而且都好大份，賣相有睇頭，用菠蘿裝住！（2）印式椰香咖喱 -$148味道香濃，牛肉都好滑，唔辣亦唔會太咸，好香。（3）烤餅（正宗）-$38用黎配咖喱食一流！唔會好似酥油烤餅咁油膩，比較乾身。（4）咸魚炒芥蘭 -$88咸香味足夠，但芥蘭略嫌有啲硬，如果煮淋少少會更好味！（5）泰式蝦餅 -$98香脆好味，而且蝦餅好彈牙！（6）啤酒1664同asahi都係做緊買一送一整體所有食物都好好味！但係當晚天氣好熱，餐廳旁有側門，侍應會經常由側門進出拎餐飲比戶外既客人，可惜佢地冇關門，食到一半時冇侍應開左門後忘記關上，其他侍應進出都冇再關門，成間餐廳都變到好熱，食到流汗⋯最後要開聲問侍應可否協助關上側門，先成功改善到情況。不過服務都係唔錯，佢地都係好friendly。…Read More

前一晚whatsapp訂位時先被告知原來餐廳已在25/7改名，餐牌都不同了，店員好貼心咁send左個餐牌問我地有冇問題，價錢明顯比以前平左，同埋唔再係剩係食雞，多左其他野食！不過食完後發現性價比依然好高！食左好多野好飽，但2個人都只係食左大約$860，好抵！食左勁多野！雞皮、牛白肉、燒菠蘿、雞肉串、豬頸肉、荔枝卷、雞腎、鵪鶉蛋卷、牛舌芯、封門牛肉、豬肋肉、牛小排、蘆筍卷、老油條墨魚滑爆芝士⋯⋯樣樣都好味，除左大蔥雞肉串，應該個燒汁太重手有點太咸同雞肉唔夠滑。同埋老油條墨魚滑爆芝士賣梳好吸晴，但好似食唔到入面有芝士！其他串燒都好好味，特別推薦雞腎、荔枝卷同封門牛肉！可惜餐廳冇雞肝食！希望餐廳可以繼續keep到依個性價比咁高既質素👍🏻…Read More

環境都算舒適，可惜服務態度真係唔好。星期日下午去左食午餐，叫左2個set lunch:（1）泰式無骨海南雞飯-$69味道一般，飯好乾，但係d雞有骨，唔係無骨，而且d雞肉好實，個味都唔算稱得上係好食既海南雞。（2）椰香青咖喱雞飯-$59咖喱幾香濃，個味道都唔錯，不過偏咸，雞肉的肉質好味過海南雞。食物水準一般，原本都覺得冇咩特別，但食完野有侍應過來收碟，佢望都唔望就單手拎起個海南雞飯托盤，結果碗湯瀉左倒左落我先生身上。但最出奇係個侍應冇反應，望左一眼就繼續清抬上的碟。我先生好大聲講左句「嘩，你整到我」，佢都係繼續執拾，都執完行開左隔左陣之後先拎左張紙巾埋黎就咁放係抬面上就直接行開。我覺得餐廳的服務態度真係有待改善。…Read More

一直都好想試，但每次經過都好多人排隊等位，今日行過見唔駛等位即刻入去試雨好唔好味！叫左2份餐，一份係店員講既「貴扒」、一份係「普通扒」。店員推薦鐵板上如果想要7成熟效果就要叫5成熟，好貼心！店員會先上餐包+餐湯，我地叫左1個忌廉湯，1個羅宋湯。（1）牛柳餐（3成熟-黑椒汁）-$144一上枱，店員會拎埋壺黑椒汁來幫你淋落鐵板到，好可惜當時已經覺得唔係好夠熱，個鐵板冇咩「咋咋聲」。食落雖然牛味唔重但肉質好淋，係做到5成熟，可惜食落更加明顯係個鐵板唔夠熱。食完第一塊再切第二塊扒時食落口直情舊扒入面係唔暖。薯條淋哂，但味道都ok。（2）美國德洲頂級西冷+生蒜 （5成熟-黑椒汁）-$200特意選左個所謂「貴扒」試下，上枱時同樣發現店員淋黑椒汁上鐵板時冇咩「咋咋聲」。食落都係唔夠熱，冇鐵板效果，但塊扒可能因為比牛柳薄，所以扒入面雖然唔夠熱但冇牛柳咁明顯。好可惜舊扒肉舊好實同偏硬，而且唔知係因為黑椒汁定咩原因，成塊扒都偏咸。（3）白牛 -$跟餐加$18 凍檸檬茶 -跟餐餐飲白牛一般，冇咩特別，正常味道。檸檬茶茶底好澀，好難飲。坦白講成個晚餐都有少少失望，我覺得食鐵板餐但個鐵板唔夠熱真係敗筆。我就算再食都唔推薦食所謂「靚扒」，應該食最普通的牛柳餐/普通西冷扒就ok。但鐵板唔熱再加埋牛柳成舊都偏冷會令人好失望。之後有留意過隔離枱，大部分上枱都係個鐵板唔算好熱，「咋咋聲」好弱，係得耐唔時會有一兩份好明顯比較熱。希望下次有機會再幫襯時，會食得番熱辣辣既鐵板餐。…Read More

朋友3個人一起聚餐，好友介紹食斗滾，任飲任食有海鮮而且價錢親民，性價比的確好高，所以即使星期四晚，6點半到達都已經坐滿，想食記得要預先book位！我地book左6點半，佢依節時間好似係4點半至8點半。一坐底店員就會介紹佢地個餐，有雞煲+蒸海鮮+火鍋，然後會問想要雞煲的辣度及火鍋湯底！雞煲好快就上枱，店員話係生既，所以要每2分鐘開蓋炒1次，一共要炒4次，會有timer放係到提你。雞煲味道唔錯，個味都唔算咸，好香幾好味，我地出去火鍋自助bar拎左牛柏葉同豬皮，在最初果幾分鐘加落去一齊炒，個味都好夾！食完雞煲就上蒸海鮮，我地叫左唔要烏冬，店舖好有誠意地加左粉絲落去，好入味！蒸海鮮打卡一流，有蝦、蟶子、鮑魚、扁貝、蜆、龍躉！味道唔算全部都勁鮮甜，但鮑魚同龍躉都好味，係蝦口感一般。我地另外加左馬刀貝刺身（$168）！個人認為生食味道未算好鮮甜，但放落火鍋快灼再食會較甜同好味。食完蒸海鮮就上火鍋，叫左烏雞燉湯湯底，味道算濃，可以打邊爐前飲番碗。店員提醒即場like店鋪IG/FB可以無限任食牛頸脊/ 黑豚肉。牛頸脊唔算好重牛味，但切得厚身有咬口但口感一樣好淋，其他火鍋配料可以出自助bar取，可惜當日7點半已經冇哂蝦同魚，但其他配料都仲有好多選擇。最後店員會送埋糖水，係椰汁雪燕，好香椰汁味，但個人認為有點甜，不過食完火鍋濃味，再食都還好。好飽，性價比高，$268/位！店員好有禮貌仲好幫手，會成日主動協助，例如炒雞煲同幫手隔走火鍋湯底的材料。環境好熱鬧，枱好闊落，但每張枱次間都算迫，成班朋友聚會食野開心，但傾計就可能較嘈有點困難。…Read More

環境坐落都算舒適，味道一般（1）吉烈豬扒庵列-$87選左2分辣，正常日式咖喱味道，吉烈豬扒幾淋，庵列會寫明係200g飯（少標榜餐100g)，我覺得都足夠。（2）特製吉烈豬扒咖喱飯-$94特意選左特製吉烈豬扒同普通吉烈豬扒試，係有分別，肉質較有口感，會比較香，會有洋蔥比你加落去食。（3）菠蘿梳打跟餐加$14，超甜，唔好飲…Read More

都好多人幫襯，環境坐落都算舒適當日叫左（1）豚骨叉燒拉麵（白貓）-$88拉麵上枱時已經唔熱，又唔算好暖，食左2啖好快已經凍哂，味道大打折扣。第二次再來食拉麵係發現拉麵有唔夠熱的情況！（2）龍蝦湯海鮮石鍋飯-$98好香，好味，都算有幾多海鮮，有蝦、魚、魷魚、帶子等。石鍋飯會有飯焦香，食到最後可以叫店員加湯。追加飲品+$6，另外可以加配小食。叫左日式餃子（+$28），正常水準！總括然而，食物質素一般，但拉麵唔夠熱會嚴重影響味道，店員有禮貌！…Read More

同朋友比餐牌及餐廳環境吸引，所以去食晚餐！食物質素普通，不算特別。當日叫左3樣食物及2杯飲品：（1）松露香燒帶子配天使麵-$138松露汁幾香，不算好濃味，帶子煎得好味（2）香燒牛小排蘑菇汁配飯-$138蘑菇汁沒什麼特別，味道不明顯，牛小排令人失望，原來只是3片牛肉薄片（3）焦糖香蕉pancake -$128Pancake比想像中差，沒有蛋香，亦不算特別鬆軟，焦糖味接近沒有，感覺上只有大量cream及香蕉放在一塊pancake上面（4）維也納咖啡 -$48味道不錯，但亦不算特別香濃總括然而，食物質素一般，甜品或許選錯了，感覺也不算特別好味，整體性價比較低。…Read More