一粒冬菇's Profile

星期五晚上7點去到，不用等位，直接入座，店內還有坐枱。餐牌十分多選擇，有豬牛雞三文魚，最後叫左個豬頸肉飯，完全無火炙的香味，感覺就是普通的煎豬頸肉，極度失望，不符合商品說明啊。醬汁方面，同我媽用豉油糖煎的豬頸肉味道一樣，但餐牌上明明是寫特制日式燒肉醬汁，真是十分奇怪，這也算了，整碗飯醬汁很少，很乾很難送飯，最後吃剩了半碗白飯。而且，那幾塊豬頸肉簡直是肥得離譜，脂肪和瘦肉的比例幾乎是1比1，拍得住豬腩肉，早知道食腩肉好過。上百元單單吃一碗住家味道的豬頸肉飯，前菜麵豉湯沙律飲品都要另外加錢(還好沒有加)，好唔抵。…Read More

講真，真係幾失望，跟朋友逛街肚餓要了個set lunch，包2個生煎包,一碗麵,1枝飲品，我選了炸醬麵和豆漿，價錢好像是$65。因為係開放式廚房，我看到店員拿了1包預先包裝好，透明袋密封包裝的炸醬，剪開後倒了進外賣碗裡，可見祥興記的的炸醬麵不是即製，感覺像吃即食麵。至於那包炸醬，是外購還是自家中央工場製造就不得而知了。至於這包即食炸醬，當然是冷冰冰的，一點香氣也沒有，麵就可能因為放太久了，已經成了一團麵餅不能拌勻，我自己加了點水才能拌到。生煎包呢，脆是很脆，湯汁很多，味道也不錯，但是很重油煙味，捧住外賣碗在街上吃，彷彿感受到廚房的油煙。豆漿不算很甜，豆味濃，竟然是set lunch裡最好吃的。…Read More

1. 碟有水，第一次見自助餐廳的碟有水，仲要係有點名氣既holiday inn2.熱，冷氣不足3.補菜極慢，中式點心個籠，我每一次出去都見唔到，聽人講係蝦餃，但我食唔到，到1點終於見到個籠，變左韭菜餃，1點幾想去食甜品/生果，得返1款，其他全部未補得切，反而場內勁多侍應收碟4.一開始見到雪糕有4種口味，2點出去拎，冇晒，聽到有人問侍應會唔補，之後好似補左2款，連朱古力味我冇……會唔會太辜寒?5.沒有冷飲6.食物味道普通，沒有突出之處可一不可再，未試過食自助餐食得咁唔開心，好失望…Read More

平日約1：15去到，不用等位。我們4人，侍應給了張角落位6人枱，怎知道之後加了2人搭枱，每次出入都要唔該唔該再唔該，好彩這間店客少，好快就將那2人調去其他枱。食物種類少，而且到大約1：30-40就不再添加新食品，未夠2點食物盤已經空了一半，難道午市只做到2點？就算真係到2點，1：30就開始唔加食品，會不會太離譜？？？甜品豆腐花每次一出現就被搶奪一空，結果我主動問店員會不會再加，佢話睇下有冇先！？好彩有，不過都係很快就冇晒。另外， 食物全部沒有餐牌，味道也十分普通。無冷氣，4月廿幾度，食到汗流浹背，滿頭大汗，只想盡快走人。其實負評係負於不添食品，如果佢繼續添我會比個ok 佢。…Read More

屯門牛摩一向少人，午市從來不用排隊，而我一直覺得佢係好抵食，因為牛的質素不錯(只食過最便宜那種)，碟碟都差不多質素，不似有些日式火鍋，第1碟雪花紋，第2碟起變成了肥瘦相間的「牛腩肉」，雖然配料比其他日式火鍋餐廳較少，但牛肉補救又一可以一人一鍋，所以都係忠實FANS。可惜，自從裝修後，本來已經不算多的配料變得更少，款式大約只有附近商場的X一的1/3，侍應嚴重不足，叫加湯加牛肉試過等了15分鐘，限時火鍋要等咁耐，不能接受。再見牛摩。P.S.從來只食牛市，未食過晚市…Read More

晚上1個人上完堂搵飯食，去到門口已經聞到好重黑松露味，等左30分鐘，叫了個醬油豬軟骨稻庭烏冬配香菌濃湯(加一後$103)。烏冬和湯是分開上的，湯用石鍋上，熱但不是滾的，我一開始不覺得有問題，但之後坐我旁邊的石鍋送到時是滾著有泡泡的，不過我自己不喜歡吃太熱的東西，所以只是熱我都OK。一吃才發現，香菌濃湯的「香菌」，原來是大啡磨菇和黑松露，我不喜歡黑松露的味道，所以覺得少伏....只怪自己沒看清餐單，我以為黑松露這算貴價&味道特別的食材是會寫在餐牌上，因為我沒看完整個餐牌，見到「香菌」二字就叫了，完全沒想過這佈滿整間餐廳的黑松露味原來是來自香菌濃湯。醬油豬軟骨方面，味道OK，不算十分特別，跟我家樓下屋村商場那家日本餐廳差不多，但是！豬軟骨只有約1/3連著肥膏的部份是軟、可以入口的，其餘2/3，簡直乾過我銀包....唯一值得稱讚的是，萬豚屋竟然唔搭枱。…Read More

夜晚7點去到，無需等位可以直接入座，就憑這一點已經知道616不會很好吃。餐單上沒錯是有很多不同部位的牛，大部份從未聽過，看了餐紙，知道了是什麼部位，其實也不知道是口感/味道是什麼，因為一行8人，所以基本上每碟都叫來吃了。送到上枱，其實大部份都不知道是什麼，雖然侍應把印有部位名稱的小紙留下來了，但8人把肉傳來傳去，很快就搞不清了，只是個別一兩款是白色才分辨得到。味道方面只是略有牛肉味(跟牛涮X這類日式火鍋比較，616的牛肉味竟然較淡)，沒有太多筋，普普通通，不是特別好吃，也未至於難吃，各款不同部位的牛肉吃來也沒太大分別(當然牛骨髓和一種白色的特別爽口例外)。牛肉餃加了一種香料，我不知道是什麼，但我不喜歡。牛肉以外，其他可以點的配料極少！！！是我吃過的火鍋店裡最少的一間！最好味是醬料區的秘制牛肉汁.........有點像甜甜的燒肉汁賣單後送了一張優惠券，我們8人沒有一個人想要，因為大家也沒打算回顧.....…Read More

LUNCH去得早冇咩人，即刻有位。叫左碗牛肉麵&鹽酥雞滷肉飯，飲品要加錢。牛肉麵：麵開始略嫌硬，不過浸一陣就淋左D都OK，湯都算唔錯，牛肉炆得唔夠淋..........呢點我接受唔到。(同區旺中地庫的牛肉麵比較好食)鹽酥雞滷肉飯：雞炸得乾左D，滷肉煮得夠淋，但味道當然比唔上台灣啦。整體來說，呢個價錢都算幾好。…Read More

晚市買1送1，雖然位置偏遠所以都走去試下。餐廳門口係對街，我係YOHO搵左好耐又問人先搵到。叫左牛扒&BBQ豬肋骨牛扒叫左5成熟，有牛肉味得黎又唔硬，仲要冇筋，無需多講，一份牛扒就咁已經足夠。BBQ豬肋骨，D肉已經煮到淋晒完全唔痴骨，我中意。可惜枱與枱之間位置好迫，有D位置(例如我隔離)侍應行都要側身過，每次有人經過我都驚佢會HI到我D野食。以及，全場大約有一半至7成都係大媽，嘈到好似酒樓咁，不過個牛扒真係勁好食，所以我會再光顧。…Read More

呢間放題都算唔錯，有打邊爐有放題，一次滿足我2個願望。今次去食，3人同行，每人送海膽/生蠔/雪條，我地叫左海膽X1 + 雪條X2，份海膽催左幾次都冇出現，食到最後都飽晒就算，冇再催了。雪條就係要食完晒先比你，唔可以堂食一定要拎走，勁奇怪。上菜速度快，可能我食得早啦，食6PM，叫左冇耐就送晒上黎。不過張枱實在太細，佢有時炸物會分開幾碟上，一碟得一兩件，其實我唔介意你等多陣一次過送，要知道放左個爐其實已經冇乜位放野食。只漏過一次單，食物數量都冇多冇少，要知道有D放題你第1次叫1件佢黎1件，第2次叫1件就黎5件，所以叫幾多黎幾多其實係好重要，呢一點佢做得幾好。刺身&熟食都OK，壽司飯則淋左少少，打邊爐的配料唔錯。不過有一點好奇怪，一開始見點餐紙完全冇甜品，就以為只有送的那條雪條(仲要係揀先有)&門口的雀巢雪糕&迷你雪米糍，點知賣左單佢先拎張甜品紙比我地........使唔使咁矜貴，7點已經冇心太暖，結果叫左3.6牛奶布甸，送到上黎得少半杯仔，不過好都，因為好難食，好明顯係用粉開出黎，食落成口粉....燈光太暗，放題都算啦，打邊爐真係睇唔到熟未.....同埋我比左錢佢就開始收野，我個爐入面仲有野未食晒.......到最後未夠鐘其實我地都食飽(因為佢極速上菜)，坐係度飲下野傾下計，跟住個待應問我地介唔介意早D走，因為好多人等緊.....整體黎講，不過不失，$188，OK啦，不過我唔會再食囉…Read More

未入門口已經在猶豫要不要改變主意，因為一個客人都沒有....就算係平日晚上6:30也不至於吧...但因為好想食牛舌所以還是進去了叫了照燒牛舌飯，$138。牛舌即叫即燒，飯上有生蔥，太辣吃不到，牛舌十分軟腍，可是沒有牛肉味，不說還不知道自己在吃牛，基本上係靠照燒汁撈飯。牛舌湯味道略濃，湯內也是有生蔥，生蔥味蓋過了湯味。2款前菜漬物，一款是醋青紅椒，味道是不錯的，奈何不喜歡青紅椒的味道，另一款是醃旺菜，酸酸咸咸的味道，不太喜歡。總的來說是失望的，放題的牛舌的牛味也比這間重。P.S. 吃完飯7點，只多了一枱客人。…Read More

久聞吉烈牛好食，特登走左去元朗，本來去到就有位，但一定要人齊方可入座，朋友到達時已經滿座，所以等了15分鐘。叫了吉烈小牛排&一口牛肋肉各一，加了個橫町飯。一口牛肋肉很腍，沒有筋，但沒有牛肉味，不說還不知道自己在吃牛肉。吉烈小牛排同樣沒有牛味，再加上炸過，只吃到炸粉的味道，連是不是在吃肉也不知道。橫町飯應該有魚乾還是蝦乾，味道很濃，完全盖過本來已經冇肉味的牛肉，實在不建議食。支持小店試一次嘗嘗鮮還行，不會再光顧。…Read More

本來就係貪這款便當靚，有多款菜式才買，點知去到外賣自取，便當完全是另一回事。便當盒由五角形變成了長方形，便當上層在廣告圖中有3個分隔，實物沒有分隔，連紙兜仔都得返1個，結果全部食物，有汁的沒有汁的、不同味道的，都全撈埋一齊，完全冇左日式便當既神韻。下層便當則是圖中的漬物失蹤了。感覺受到欺騙！味道方面，上層肉丸(很多筋)&雞肉卷&蔬菜完全沒有調味，只有本身的味道，冬瓜則好點，是日式的味道；下層壽司飯+壽司不好食，飯很酸。…Read More

有一日路過元朗西鐵，站見到易拉架宣傳，相片看來好似唔錯，就搵日放工去試下。叫了一碟小時候炸酥肉，應該是炸豬頸肉，肉不過不失，肉有灑上辣椒粉，餐牌又沒有注明，食得好痛苦，大部份交給朋友解決。另外，酥肉厚厚炸粉包裹住原粒黑椒，應該是黑椒吧，看上去太嘔心我全都挑出來了。這個不會再吃。主食點了個酸菜紅燒肉麵，麵是類似上海幼麵，質感不錯，軟硬適中，但我比較喜歡吃軟，所以應該對不少人來說這麵是偏軟的。肉和湯底正常，如果公司附近冇選擇我會再光顧，但元朗美食太多，所以這餐廳試一次就好了。…Read More

夜晚上堂之前少少地食個麵，因為未夠6點所以即刻可以入座要了一碗牛腩河$48，牛腩好硬，牛肉全都攝晒入牙縫裡面極不舒服，牙縫都冇用，食完立即去買了盒牙線可能部份人覺得這叫有咬口？？？反正我不喜歡......湯底偏咸，我屋企樓下間舖頭好食很多+便宜得多話難食又未至於，但味道認真麻麻，有外國朋友來我會阻止他去九記....隨便間大排檔OR牛腩麵都有差不多水準不明白為人那麼多人話好食，當日一桌6個人，除了我另外5個都是遊客，大概只是旅遊書吹捧出來，大家跟風去食。…Read More