TracyChan9891's Profile

很喜歡你們的餐廳！因為墨西哥菜式餐廳太少了！尤其新界地區我來之前有朋友話呢間餐廳無人食，我感到很奇怪，因為餐廳好不好食不應該由人流去決定。譚仔記天天咁多人，難道你會想紀念日去食譚仔記嗎？所以不應該以人流去判斷。我感覺你們的pizza 比pizza paisano, pizza hut更好食，夠脆夠薄。但pizza不是你們主打。你們的主打比較似是cocktails ，純粹個人感覺。牛扒我要5成熟已經很軟很多肉汁，但我會點少少海鹽食，因為我比較吃重口味。但有海鹽伴碟，你們很細心！你們的沙律也很用心，放了紅石榴，影相很好。我是在OpenRice 買groupon入去的。sorry, 268元太平了，希望你們收多少少合理價錢。因為不想你們太平而無錢賺結業。。。我想下次帶朋友去飲下酒的。你們的cocktail 很富新鮮感，London royale入面有青瓜，哈哈，放在一起很好看表面好像放了一點香草之類的。紅菜頭汁都好足料，適合不飲酒女士。店東只能講少少廣東話，建議各位訂位同order要講英文，因為有幾句我都聽不太明白。給你們LIKE👍👍👍👍👍…Read More

我在訂枱app 訂到5點半食半價，不過我發現好多餐廳其實很介意做半價，但難用文字形容，咁講啦，我同行有一個老人家，一個小朋友，但我們要求坐正常枱的時候，店家告訴我們只能坐高枱，而當時明明沒有人使用正常枱，但店家要指定我們坐高枱，有刁難我們的感覺。我們3人點了3個意粉，炸芝士，蟹肉西蘭花，一杯不半價的飲品，合共340元。我們逗留大概只有30分鐘，食完即刻走。公平d講，菜式和裝修很精美，工作人員都是年輕人，應該給人留下好印象才對。但本人出街食飯咁多年是第一次見到要老人和小朋友要坐高枱高櫈，如果我給你們正評我就太對不起自己了。希望你們改善…Read More

其實好多人認為入去食buffet一定要有生蠔，但這一間午市係無的，但有長腳蟹，源源不絕的供應。我是在一個app訂位的，食到50%off 好抵。同家人食。我上次去過灣仔果間，但我感覺九龍呢間好食d，種類最比灣仔少d但果道好d。有豬仔骨、豬腳薑、西洋菜湯、小籠包、蝦肉燒賣等等，合亞洲人口味，另有薯餅、咖哩雞、刺身等等。我今次食係閒日的lunch buffet ，$164加一。我滿意的。不過walk in 無訂枱都有324元7折的，星期五六日就不肯定。…Read More

其實pizza hut 的pizza 算好吃的。即叫即做，但常常等位令人苦惱。今次食恆生信用卡的套餐，296元加一，我加10元升級要龍蝦湯，呢10元好值得，個龍蝦湯好飲。個pizza叫海鮮盛宴？定盛乜？唔記得了。有蜜桃。芝心批內有蕃茄和少少辣。仲有一個蜆意粉，蜆很多，略嫌芝士不夠多。另有一份沙律菜，火腿很香，芝士碎很多，個沙律醬有d酸，但個沙律算幾好食。薯蓉亦很多蜆，與意粉的蜆重覆了，變化少。全個套餐都沒有見到有用過羅勒葉，略嫌香料少。…Read More

其實我在另一個訂位app 訂枱的，吃8點個時段有30%off 好正，味道很好，我點的三文魚意粉有三文魚籽添。另一份意粉的牛肉份量少但不會硬，春卷好，但蝦餅有d辣。另外我的玫瑰花茶好正，有玫瑰花茶包，好精美，又香。但因為吃得好飽所以不叫點品了，下次食甜品先！…Read More

我會告訴你，海記係做碟頭飯的街市熟食檔，33元有碟頭飯食，加2元有凍飲，就係熟食中心質素。我覺得你想35元食lunch 已經係好難的了，但海記有！老闆一家人做左好多年，快手。中午都做碟頭飯的，我會用工人飯堂形容整個熟食中心。但！你不會估到有一份蠔餅炸到酥脆而且入面有羅勒葉！羅勒葉不平的！這一份我買了65元，如果你不想吃碟頭飯可以嚐嚐叫下他們的餸，我覺得不應該只針對33元的碟頭飯。…Read More

我係一班人去的，大家點左不同食物，但我無影人地果份，d份量都大的，餐湯飲到飽肚，味道算好，我見d意粉同飯煮得好靚，外觀精美，呢個價錢算ok喇！好適合女士。漢堡包肉多汁，唔會多肥肉，有蕃茄、生菜、洋蔥，d洋蔥甜ga!炸薯條算炸得乾，略嫌冷，好像炸左放左一陣。沙律好味，切得好幼，有一種類似芽菜喺入面，唔知叫咩名，我諗聯和墟得呢一間先有，整體算好味的。服務員都好快手，有音樂聽，係大夥食飯傾計地方，仲有上層，我見有豬手同一公斤扒，暫時未食過，食過再post 上黎啦。…Read More

餐廳位置有少少隱世，入去會問係咪本大廈員工，我會答係。。。。意粉好食，餐湯味濃，地方簡潔，d好細微地方都擺設有心思，湯碗係膠制青花瓷款，連廁所都好卡通。二人食意粉、salad、豬仔骨連飲品260元，不貴。會帶朋友再去。我去的時間係夜晚，樓下保安教我地搭lift上一樓，位置在工業邨工廈入面，真係唔講唔知有餐廳，因為樓下無招牌or指示，服務員姐姐都係後生靚女，手腳快，有禮貌。食物好快到，有歌聽，係拍拖好地方。…Read More