天天晴's Profile

食泰國野不嬲都幾貴，不過大圍有間餐廳叫「泰中意」都唔錯，價錢幾公道下，我同班男仔fd 4個都食得幾飽，所以係到講下。:)有個沙津幾有特色，叫青木瓜沙津，同其他沙津唔同既，係佢好有口感，因為佢主要係用青木瓜黎住材料。燒豬頸肉有少少皮位係脆，但就肉汁夠多，配埋酸酸地既汁更好食。泰式菠蘿抄飯睇個菠蘿好似好細咁，但其實d飯都唔少，而且抄出黎好香，少少濕濕地，唔錯。仲有個炸單骨雞翼，雖然有少少油,但都好脆同好香口，幾正！環境方面，我夜晚去，人都唔太多，坐位又幾舒服，所以環境我覺得ok。下次經大圍，再去呢間！…Read More

我同我班同學放完學或者溫完書好鍾意去寶林街市一間小食鋪。佢個到環境唔算話太舒服，但服務態度真係幾好，好多野都係即叫即整。我覺得椒鹽炸燒賣係佢地呢間鋪既特色。新鮮即炸，所以出黎效果熱辣辣，外脆內軟，脆卜卜既表皮仲有椒鹽落去，除左陣味香之外，食起黎都好惹味。:)要講多個特色既話，我會選擇鹵水雞脾。佢地隻雞脾大約有手掌咁大既尺寸，而且d鹵水汁完全入味，睇表面已經覺好深色。有時我仲會加多個撈麵，因為佢地個芝士撈麵，又幾好食，食得多印尼撈麵，有時都想轉下口味。…Read More