katrinaliu_49's Profile

見到social media網民介紹，決定帶好鍾意食日本野嘅男朋友黎呢度慶生！水沙律食落好健康，不過草青味比較重，味道比較苦，唔係咁啱胃口。刺身好新鮮，食落唔會腥，Wasabi係即磨嗰種，好香又唔攻鼻。天婦羅隻蝦好大隻，肉質爽脆鮮甜，一試難忘！天婦羅番薯有驚喜，天然甜味勝於常見嘅茄子、翠玉瓜天婦羅。壽司款式平常，新鮮但飯嘅醋味太出，掩蓋咗海鮮嘅鮮味。海膽壽司非常Creamy，出色！壽喜燒正常發揮，煮耐咗會有少少咸。每份有雞豬牛三種肉，全部都非常好食！估唔到生日有音樂盒同即影即有，低調得來又有氣氛！加分！…Read More

叫咗三盤餸 噴火辣辣炒牛肉78蚊 完全唔辣 牛肉夠嫩口 不過勁咸 蝦乾大豆芽78蚊 大碟有蝦乾同腌蘿卜 不過都係勁咸 最後係重頭戲招牌奇趣雞煲168蚊 味好濃好咸 不過無乜肉 聲稱有半隻多d嘅雞 不過食落得骨頭 仲有冰鮮雞雪藏味環境尚算幾好 唔會好逼 可能因為無乜客 不過乜都要另外計錢 水都唔比一杯 要問佢拎 仲要好不滿咁比 白飯又要另外收錢 飲品更加唔駛講啦 同附近同類餐廳比真係差得遠 呢間真係太孤寒啦 如果唔係附近執咗間 其他又多人等位先唔會食到d咁伏嘅餐廳一句到尾 真係唔扺食 唔會再食下一次…Read More