pppei's Profile

見佢新開裝修幾靚諗住試吓新嘢裝修靚但係衛生好差❌枱面同櫈都有上一手啲汁同飯😅好似無抹過咁叫左個晚餐西冷牛扒蕃茄意粉未食其實已經見到個蕃茄汁非常少❌仲要得幾粒蕃茄碎牛扒有兩塊，幾令我意外但係面頭嗰塊薄過張紙而且下面嗰塊係完全冇汁❌再食埋個意粉先係最大鑊一朕滾水淥意粉嘅膠味❌完全係汁還汁意粉還意粉好明顯係烚熟晒啲嘢放晒上碟之後面頭淋啲汁(仲要唔夠)敷衍下冇汁嘅位完全冇味，但係汁又唔夠❌白湯餐湯冇影但係都係極求其冇料肚餓都完全食唔曬個餐最後上網睇返先知原來呢間野前身係紅磡冰室只係改咗名😅😅😅唔怪之得咁難食…Read More

本來都唔想寫食評我唔係一個對食好挑剔既人見呢間cafe新開幾靚就試下午餐外賣叫左個蒜香雞肉意粉一打開舊雞得10cm都無望落超級乾超細舊完全無其他香料同埋配菜已經感覺望落好頹我本來諗住由得佢個蒜味好食就無問題點知一食落口吓？點解係薑味原來個廚將蒜蓉同薑蓉掉轉咗連我同事嗰盒都係我唔明點解可以撈亂薑同蒜....意粉勁乾，雞肉難食食完個薑意粉難食到我真係唔比負評唔得...淨雞同個薑意粉收我58蚊新開張既餐廳裝修到幾靚都無用啦…Read More

福榮街開左勁多新食肆，今日去左試呢間日本料理餐廳新開業所有野都好乾淨企理，裝修靚，地方闊落比佢呢個自選魚生丼吸引左，價錢唔貴又可以揀自己鐘意既魚生🤤估唔到既係會送個咁足料既湯，三文魚都有4舊，好飲🤤我嗌呢個齊頭100蚊既自選丼飯，油甘魚好肥美，帆立貝都好好食，係芥辣八爪魚略嫌同個飯唔夾😂嗌完有啲後悔！我最欣賞係佢個飯配料都好足！有好多漬物、青瓜同玉子墊底，超級豐富😍友人叫左呢個80幾蚊，左口魚裙邊普通，三文魚唔錯，但係呢條穴子真係不得了！口感同味道都一流🤤最重要其實佢啲魚生唔似其他做得差既舖頭，一大朕雪味，唔新鮮兼無口感👍🏻😍呢間除左日本野之外好似都有好多精緻甜品set，價錢都相宜，好少日式餐廳做埋甜品埋單發現原來唔需要加一！！下次要再黎試下😙…Read More

環境同地道茶餐廳差唔多，要求唔高，衛生就可以。週末黎食，但係樓面伙計都係得3個，當時全店坐滿，佢地都忙到踢哂腳，態度禮貌要求自然都降低，叫我轉枱同人搭枱都講左好多句麻煩同唔該，總括黎講其實都算幾好態度。最鐘意食雞，見到咁多款雞嗌令我十分興奮😋嗌左個醉雞加燒雞扒，雙拼40幾，十分足料，醉雞好入味，雞肉都好嫩，塊雞皮一流，肥瘦適中，食到少少肉都無淨，仲有得轉我最鐘意既粉絲❤️奶茶走左甜都好飲，十分不錯👍🏻🤤下次黎一定會再食…Read More

無訂枱，入到去好多人等位，本身以為起碼要等半粒鐘先有位，點知等15分鐘就有個卡位坐。選擇好多，揀左好耐先揸定主意🤣羅宋湯同忌廉湯都好好飲！應該係我飲過最足料既，啖啖都係料！熱辣辣既餐包🤤大蝦加羊架，份量好足，有四隻羊架，我個人好鐘意食羊，越有羊味(羶😂)越啱我，正！蝦肉都嫩，唔係唔新鮮，放左一排梅梅地嗰啲蝦。蟹蓋飯，有蟹膏蟹肉，足料亦都幾好食，但係就黎食完第二個既時候開始頂唔順，因為我平時食野好清淡，呢個燴飯偏重味，偏鹹，加上份量超級多！三隻蟹蓋都塞滿哂飯😂最後仲有甜品，當日嗌左芒果布甸🍮，雖然比個蟹蓋飯塞到無哂食欲，但係都食得哂個布甸🤤唔錯！…Read More

首先間鋪內通風幾差，好似無開冷氣咁，擺滿細風扇喺度吹，但係都係有朕味。睇Menu期間，有個姐姐埋黎問食咩，先坐低2分鐘未揀好食乜，就同姐姐講”未揀好，轉頭嗌丫唔該”，點知個姐姐”JIP”一聲轉頭走左😦間鋪嗰陣個場仲要唔爆...仲以為自己得罪佢嗌左個扒餐同一個雞翼炒蛋飯，炒蛋飯50蚊，瑞士雞翼唔入味，炒蛋十分乾，撈哂成兜汁都食唔哂個飯，奶茶唔好飲，忌廉湯無料，得幾粒粟米，好慘。完全唔值50蚊，差過好多其他茶餐廳。…Read More