jmcool's Profile

喺大廈街，咁多間食肆，紅茶冰室門口係唯一一間企滿咗人同要排隊，見咁墟冚，所以就湊熱鬧買兩個包先😹(買包我就唔駛排隊，直接同店員講要咩就得)🎀招牌冰火脆皮菠蘿油 $12拎上手新鮮熱辣辣🔥可惜牛油唔算厚同唔夠凍🧈我只係過咗對面街到食，2分鐘都冇嘅路程，舊牛油就溶溶地，食到後面，牛油已經同麵包結合🥺但麵包係鬆軟嘅，上面個菠蘿皮又真係脆，但又唔會散到一地都係果種，不過我覺得可以再甜少少🤏🏻🎀3.6牛乳鮮奶球 $8可能我留咗夜晚食，麵包已經唔夠鬆軟，至於奶味就唔算好香濃🍼上面塊皮如果再大啲會好啲😂我會寧願買多個菠蘿包～🧸結論我番到去google先知呢間被內地人吹奏，唔怪之得咁多人排😹但其實就好普通嘅茶餐廳，同樓下食嘅麵包舖/茶餐廳嘅包差唔多～有人話店員態度麻麻，可能我唔係堂食，唔係好feel到🤪我企係麵包前面，好快就有個後生嘅男店員好好禮貌問我要咩，幫我落單，但等咗大約5分鐘都未有，之後又有個啊姨問我要咩，不過佢就稍為粗聲粗氣dd，我講話落咗單㗎啦，佢就即刻幫我問其他店員有未，都唔錯嘅🤔…Read More

呢間主打QQ size嘅包鋪係日本過嚟🇯🇵可以自己揀買幾多g，好方便🤪🎀迷你可麗露🥧 輕鬆一口一粒，超過引👻外殼脆脆硬硬，入面都煙韌，有少黏牙，甜度較高，佢隻甜味有少少假/膠😹唔難食，但唔會encore，個價錢其實可以買到粒好味嘅正常size可麗露🎀朱古力腰果糢糬🍪店員超好咁話大約等兩分鐘會有新鮮出爐💞問我地會唔會想等多陣，當然好啦😍拎上手熱辣辣，然後咬落去外脆內軟，暖暖嘅溫度令朱古力粒變成融心🤤每粒都有好多朱古力粒同腰果，好足料！而且腰果令到每粒都好有咬口，又多咗陣焗果仁嘅香味，大推！🎀迷你芝士蛋糕🍰芝士味唔算濃，質地都軟滑，甜度適中，咁細粒就唔會話好膩，買嚟過下口癮都開心嘅😹🎀迷你朱古力牛角包🥐呢款因為夜晚先食，所以就焗番熱佢，外皮鬆脆，然後入面中間有朱古力餡，帶少流心質地，朱古力係大人果種苦甜口味，完全唔膩❤️‍🔥雖然話迷你，但都唔係咁細，大約女仔手掌size✋…Read More

好少行九龍灣呢邊，見到呢間餐廳都有啲名氣，本身想堂食，但好似都多人，就外賣咗係附近食，原本想揀法式班戟，餐廳話呢款唔俾外賣🥲唯有揀其他啦珍寶虎蝦伴燒焗澳洲牛柳8安士配紅酒燒汁 $258蝦真係幾大隻幾彈牙🦐唔會有咩雪藏味，幾香，牛柳揀咗七成熟🐂都幾嫩口，唔會好難咬，而且都多肉汁又有牛肉嘅香味，唔錯😽不過紅酒燒汁我就食唔到有呢隻味啦，唔覺有酒香，只係有啲鹽味，而旁邊嘅蔬菜都比較淡味⋯朱古力布朗尼 馬卡龍配雪糕$68朱古力布朗尼幾香朱古力味🍫但唔知點解食食下有啲膠膠地嘅糖味🤔而馬卡龍應該係開心果味，但其實就淡到食唔出，佢就係一舊唔太甜嘅馬卡龍，好普通，然後粒士多啤梨🍓真係好酸😹…Read More

路過見到有個好得意畫風嘅啊嫲👵🏼原來係間賣英式鬆餅嘅pop-up store😻估唔到英式鬆餅細細個(大約女仔手掌咁大🤚🏻)，都幾飽肚🤰🏻日式焙茶麻薯鬆餅就咁拎上手都聞到有茶味🍵，一咬落去茶味就爆發啦～而質地好似蛋糕咁鬆軟🍰，甜度都啱啱好，我就略嫌麻薯有啲細舊，要食到好中間先食到，亦都冇咩甜/奶香味🤔但佢都幾煙韌～海鹽焦糖朱古力鬆餅焦糖醬爆哂出嚟💥，好香濃朱古力味🍫同好濕潤，幾好食😽不過呢款甜度比較高，所以比較膩口，同埋我就唔係話好食到海鹽味😂⭐️Btw, 我個人覺得焗翻熱同室溫食冇太大分別，不過熱食聞落香啲同甜少少🤏🏻…Read More

香蕉船(三球) around $80好多口味可以揀，有啲仲幾特別(例如蘋果批🍎)，因為第一次試，最後揀咗啲大路味試吓先😆一拎上手，竟然咁大球嘅😱真係爭啲食唔晒hahaaaaa開心果(要加$6)好似食緊好多粒開心果咁，幾重堅果嘅味道，而且雪糕都好軟滑，亦都唔太甜濃情朱古力同個名一樣，好濃郁🍫，佢係黑朱古力嘅味道，所以食咁大球都唔會話好溜😝薄荷朱古力呢款口味我自己就麻麻😹一入口：哇，超重薄荷味，好fresh啊🍃配埋少少朱古力粒，幾好食喎～但越食就越覺得有啲苦🤔可能真係重薄荷得濟，唔太識欣賞…Read More

深宵食堂日式炒麵 🐼$58惹味之選！入面有木魚碎、紫菜、雞肉、椰菜，首先上面隻蛋真係煎得幾靚🍳😻蛋汁撈埋落麵到幾香～麵軟硬度適中，雞肉份量都多，而且唔鞋口🐥食到咁上下，仲可以配紅薑絲，清新一下🍃炙熱焦糖布甸梳乎厘班戟 🐼$95焦糖布甸🍮個味都幾好，但個漿可以再多啲再焦糖啲😂班戟唔算太甜，蛋味香濃，不過空氣感可以再重少少🤏🏻而家比較似蛋糕🍰而草莓粒同藍莓粒🍓🫐都唔太酸，可以解膩…Read More

碗湯竟然有蟑螂🪳🤦🏻‍♀️老實講沙嗲牛烏冬（轉蕃茄雜菜湯🍅）配吉列魚沙律味道唔錯，吉列魚脆口，係冇配沙律醬，略dry😣沙律竟然放埋蘋果🍎同雪梨🍐幾有心機沙嗲牛肉🥩唔柴，幾重沙嗲味，蕃茄湯🥫就唔太濃，但都有啲蕃茄味🤓烏冬就偏軟身，唔較彈牙🍜但食完碗烏冬先發現個湯有蟑螂🪳，即時想嘔🤢🤮我真係接受唔到啊，無論佢幾好食都好，點可以有蟑螂🪳㗎？😡🤯真係好嬲，唔會再幫襯佢🤬…Read More