Wwai_William的個人專頁

老婆生日我今晚特登揀咗依間順德菜食，因為佢鄉下是順德😂😂😂本身係OpenRice book，點知始終做唔到Booking，成日話未能處理服務，所以直接上Rosewood網站度Booking …..高級食肆真係唔同，有電話confirm, 另外再e mail confirm reservation … 電話問我有咩要求……因為老婆生日，所以叫佢準備祝壽桃俾我….😆入到去安排咗窗口位俾我地，裝修靚比較暗非常高格調，另外差唔多所有位置都睇到維港景色，雖然今日係平日，但係我都見到約八成滿座，證明貴未必冇人食，同埋我見之後都有再返枱出現….我哋兩個都唔飲茶，同埋我見啲茶位都唔算平成百四一位，所以就叫咗兩杯凍嘅特飲，餐前佢有一個酸薑小食，跟住今晚我哋叫咗個柚皮、一個魚湯魚肚浸勝瓜、一個炸二十五年陳皮鴨同埋一個牛肉陳村粉，另外最後生日就有祝壽桃啦，另外餐廳再送多芝麻卷甜品俾我哋。👍👍👍👍總之總括而言，我老婆都幾嘴刁，但係佢覺得今晚所有餸菜都好好食⋯⋯柚皮就因人而異啦，有啲可能鍾意要個柚皮味，有啲鍾意酸酸地的小食，咁我自己覺得就好食，酸酸地好開胃；跟住個炸陳皮鴨好香口好有陳皮味，鍾意食炸嘢嘅人一定鍾意，魚湯魚肚浸勝瓜非常清，重點一提個魚湯非常非常之濃郁鮮味，清清地唔錯，之後嚟咗個牛肉陳村粉，我老婆話個陳村粉做得非常好，咁個職員都話個陳村粉係師傅每朝用手打，所以你一食就知係好味….我留意到餐廳當你點完菜之後，佢即刻做一個排列，唔會一次過就上晒所有餸，另外啲職員服務係好細心，同埋佢係有一個職員專責負責你嗰台嘅服務…. 選擇這間餐廳一定係知道價錢唔會平，但係佢會俾返足所有服務、食物質素和高級餐飲體驗俾你……最後負責我嗰枱個職員送我哋出門… 👍👍…查看更多

三個人CWB 傾偈食lunch搵間好啲試吓，所以搵左依間粵式私房菜食下…..☝️☝️☝️今日午宴的menu. ☝️☝️☝️前兩日Book 左房後會同你WhatsApp confirm appointment, 會叫你deposit 留位。個午餐menu（一位用）由餐廳chef 選擇食材俾你，其實都夠一位的份量⋯⋯但之後我哋叫多左三個小菜，又係冇menu , 由chef 發辧，你選擇要唔要…. 但都係d 家常餸。我哋三個人俾咗間大房我哋，夠privacy ….👍又夠舒服…..先來左d lunch set野 , 芹香拌鮮蝦和怪味松板肉，每樣每人有一件，好食👍，尤其個蝦夾個芹香汁好好味⋯⋯板肉就帶肥都ok . 另外個巴旦木蜜烤南瓜非常好。跟住芹香紫菜丸子燉雞湯好清，想飲多碗😆😆. 主菜：藤椒蒸馬友柳鮮沙姜滑雞煲金沙蒸豚肉餅薑絲炒勝瓜跟住之後四個主菜都好味，尤其個雞煲真係好香好滑d雞肉；個馬友魚直情想食多一件.. 肉餅好ok但咸蛋醬唔敢食太多😆😆三高呀😂最後我哋叫多三個廚師發辦小菜：燉蛋, 三絲炒麵、蒜心炒牛肉…. 雖然普通野但做得好高質⋯⋯👍👍👍Last 水果🍉⋯⋯總括非常高質⋯⋯一定…查看更多

今天是太座生日，之前已經搵定今天的夜晚同中午食啲乜⋯⋯中午想食間輕鬆啲舒服啲好坐嘅地方，跟住搵到這一間……因為住香港島所以都係揀銅鑼灣， 之前已於OpenRice Booking，同埋和餐廳聯繫想做個小驚喜造一個生日蛋糕，但我哋得兩個人食，所以我要求要個半磅的蛋糕，咁餐廳chef都可以安排到一個, 非常好….👍👍👍👍餐廳在酒店一樓, 上到去餐廳門口已經感覺到果種高貴舒服法式嘅感覺，餐廳職員服務非常好，笑容滿面，坐梳化非常舒服，其實我哋都唔係好肚餓，所以嗌咗一個lunch set同兩杯雜飲，前菜要咗個八爪魚，跟住main course 叫咗一個beef…..一開始嚟咗餐包，餐包係熱上嘅，同埋都幾好食，八爪魚份量係少，但係只係一個前菜，味道非常好食…. 牛扒非常之腍，真係做得唔差….最後再嚟生日蛋糕，美滿完結依個中午飯….我哋都坐咗大約兩個幾鐘感覺好舒服，如果想搵間銅鑼灣又唔多人又舒適傾下偈，佢地每張枱與枱之間離好遠👍👍👍👍, 所以依家可以首推。因為啲裝修同格局太靚，所以好多人食完嘢後都喺度影相，另外一提廁所個設計非常之靚…..洗手門☝️☝️☝️☝️…查看更多

太耐冇上The forest, 本來想食原址…. 但原來都已經結咗業，咁見依間好似幾有特色，同埋食點心都OK，咁入去試吓….. 佢哋要咗兩邊鋪，但係今晚只係開咗一邊…… 都見都滿八成人，雖然係平日晚上……啲裝修懷舊設計有八九十年代上環啲舊樓咁，又有啲九龍城寨feel，值得欣賞……. 食物方面都係傳統點心都叫咗五個點心，咁質素上唔會太差，其實唔想飲熱茶，咁是但叫普洱…另外叫咗凍飲….叫左鵪鶉蛋燒賣皇，四贅滑雞扎，蜆介鯪魚球，老馮金沙米皇腸，古法千層糕…全部啲味道都唔錯⋯⋯佢喺旺角中心位置開中式點心其實亦都係一個好嘗試，價錢都算合理，大家有機會去試吓….…查看更多

同個長輩飲餐茶，搵間舒服好坐傾吓偈嘅，時代廣場都好多選擇但依間未試過，知道佢食京菜為主，但係晏晝有點心食，所以就揀依間啊⋯⋯搭電梯一出10樓，右邊已經見到一隻巨型鴨，咁你已經知搭啱lift, 見到鴨大哥啦😆😆😆😆，但在門口竟然唔記得同隻大鴨影相😝😝今日下晝全場得我同另外一枱食, 真係唔知經濟唔好定還是依家比較貴….. 🥹🥹不過如果想食點心就真係選擇唔多，應該佢哋都係主打小菜同埋京菜多吧⋯⋯叫左幾個基本點心，食物質素唔差… 有梳化位坐，如果傾吓偈飲吓茶都冇所謂⋯⋯但今日得2枱嘅緣故，去到兩點幾我哋都唔好意思坐😂😂😂佢送咗個桂花糕俾我哋，跟住我哋食完都走….（佢哋冇俾壓力我地架）…查看更多

今晚同fd 食dinner , 飲下酒，試吓CWB 黑門，其實TST 黑門食過一次，但感覺麻麻，加埋人多非常嘈… 但CWB 分店感覺地方大啲舒服啲⋯⋯叫左個刺身拼盤，龍珠卷，炸雞皮卷，關東煮和花之卷，之後後加左和牛火煱⋯⋯食物質素又唔錯喎⋯⋯樣樣都好食，係個拼盤好似普通d , 但個炸鷄皮卷好好食，送酒一流👍👍👍， 依間佢哋promot ….支持本地消費，有張出面的sale slip $100以上每位免費一杯啤酒添⋯⋯…查看更多

呢排有意無意成日都食潮式菜…. 今晚CWB 搵野食，行左去登龍街，想食d 粉麵野，見依間茶餐廳有粉麵就入去食…..見到格局係茶餐廳….. 但見餐牌和餐廳裡的牌有龍蝦鮑魚食，同埋有好多潮式食品叫… 咁我兩個人叫左一碗潮什粉，另外糖醋煎尹麵和沙嗲牛肉炒芥蘭… 好多小食、餸要潮州餐館食到佢都有，唔錯、好味，性價比高👍👍👍👍。之後一個星期後和朋友食完飯想食糖水，我記得佢地有潮式糖水和甜品，跟住再去一次，叫左綠豆爽，咸蛋卷和芋泥卷（是次冇影相），個爽好食唔太甜，個卷喜歡重味炸嘢必食….. 平平地又有潮州嘢，值得推….. …查看更多

行完花墟同雀仔街，差唔多六點幾，一出花墟見到Moko扶手電梯入口了，咁順便上去搵野食….上左Moko 行左一陣，都唔知食乜好，見到芽莊唔諗吖咁順便入去… 因為今日都係黃金週，所以早啲食費事之後會多人等。叫咗個安格斯生牛牛爽腩湯檬同一個蕃茄蟹肉湯檬，兩個都好惹味，湯底和d 食材都唔錯，易入口好味，另外叫左兩杯嘢飲…..杯咖啡麻麻地，沙冰就ok正常, 食物上佢地係keep到水準，$100多啲都正常… 👍👍👍…查看更多

今日行CWB 好熱好攰，又未到食飯時間，但又想食少少野，啱啱行完利舞台嗰邊，見到對面馬路有間 chill chill 地的，所以過去睇吓，原來食甜品為主的食店，咁try try la ….入到店內唔太多人，好多都一個人一枱，靜靜地chill 下。店內環境裝修唔錯⋯⋯用木板木色為主，營造一個舒適的感覺⋯⋯我地仲未食dinner 住，所以叫左個班戟和芒果豆腐花試吓。豆腐花d 料撞得好味，pancake 就正正常常，如果cwb 行得攰又想搵間靜啲冇咁多人，可以一試…查看更多

今日返工可以偷愉食lunch 食長d 時間🤫🤫所以同同事搵間食長d 時間的食店…… 咁不如打邊爐啦😆我哋其實未到12:00點已經來攞位，都等左10-15mins 左右，因為多人一向係九龍灣lunch 的模式。我哋叫左百多蚊的一人lunch 餐，每人都有份限定牛肉，跟住其他可電子點單放題，另外可以出去夾食物。出面主要菜類、火煱d 配菜、如腐皮等等，另外有甜品雪糕和飲品，一個讚位是飲品全部香港popular 之飲品，無大陸台灣的牌子… 其次d 菜也好新鮮完全唔伏…. 至於電子點餐有生有熟食物都好豐富，cp 值非常高⋯⋯中午飯值得推介⋯⋯…查看更多

本人在附近返工，同壽司郎都好近，所以之前已撳定飛好快就有位。見佢哋開張左兩三個weeks, 所以就試試. 本身我唔係壽司郎嘅忠實粉絲，但如果有位或者等得快就會去食咁…..我都食過數間分店…. 依間食物方面其實都冇乜特別可以介紹…. 都係間間一樣的和質素也相同，好唔好食就好視乎個人喜好口味，佢哋一向行cp值高，快靚正咁，高質食物就唔係啦（只是個人意見）….但今次食有2 個位嚴重失分：第一：如果坐店裏中間至埋角位，係嚴重冇冷氣.. 唔理冬夏天，如果生食店冇冷氣會影響店舖和食物的品質（食物耐了好快腥）和人客當然會食得辛苦….. 第二：店舖收銀枱得一部自助機和一位人手收錢，大家知佢地長時間多人流下上上落落，應該改善加添，其次自助和人手位置在同一個line, 有人客想用自助機時要插入去排緊人手條隊𥚃⋯⋯非常混亂… 要諗諗計個擺位了….…查看更多

都一段時間冇去中央街市裏便行，今晚順便食埋夜晚飯，之前都有朋友介紹過話有間潮州菜都唔錯，所以就衝着佢而來….之前都有睇過啲食評好多過唔好嘅，咁我試過就知啦⋯⋯佢喺中央街市一樓，半戶外形式，初初搵唔到點樣入，佢個門口太窄😆😆😆入到去佢會叫你飲乜茶啦，當然要收錢啦⋯⋯咁我哋直程唔飲，飲凍飲算。睇過餐牌啲嘢都偏貴，中環區我諗係咁上下啦，叫咗個3拼嘅潮州拼盤：揀鵝片墨魚同埋鵝掌翼，另外叫咗個炸鯪魚球同埋一個鹹菜豬肚排骨煲，兩杯凍檸茶… 其實都算貴埋單$830左右…不過啲食物質素唔差，三拼都唔錯，唔伏都幾好味，亦都算大碟；個炸鯪魚球炸得幾好但係佢點個汁醬就比較辣…. Anyway唔錯, 另外個鹹菜排骨煲就正正常常啦！如果佢價錢平返20%嘅，可能我會再試的…..…查看更多

今日冇野做，就落堅尼地城食個 chill chill 地嘅下午lunch , 其實本身想去格離 chill grill , 但竟然已經執咗了😥, 所以順理成章去格離PICI try try …..今日Sunday 大約2:00 冇乜人又有位，入面staff 都係外國員工，坐低會你要普通水定spark water , 我地冇叫lunch/dinner set, 叫左個沙律、貓耳仔粉和一個青口….. 同埋2杯雜飲…..首先嚟左d 麵包，佢哋用紙袋袋著，但d 包比較硬，麻麻地⋯⋯沙律就一般啦，青口唔大隻但個蕃茄汁幾好味，個貓耳仔粉都好食但係份量比較少。埋單$5xx… ok la …查看更多

今日想食居酒屋，但係唔想又千篇一律嘅居酒屋，所以試咗依間沖繩居酒屋，起碼有得食海葡萄😂😂今日都八成滿，…..見佢哋都係大多數飲酒暢樂為主，咁我哋都係飲下酒食吓刺身，食吓啲沖繩家庭菜….叫左個豆腐，炸沖繩苦瓜，一個刺身set( 有特價之餘，送咗一個送酒小食）和一支日本酒，炒飯，燒明太子等等….同埋我叫左鍾意嘅海葡萄😂😂裏面裝修充滿日本沖繩居酒屋特色，加埋有一兩個侍應都係日本姑娘，好似真係去日本咁😂😂個沖繩苦瓜炸得好好味好乾身，豆腐佢應該落咗花生之類的東西因為食落係比較實淨，但都好好食、刺身拼盤啲材料都好新鮮,高質….另外海葡萄👍👍👍👍👍炒飯細碟正正常常..…查看更多

今日上外父度食夜晚飯, 我外父鍾意食燒鵝，之前問過個識食嘅同事話依度啲燒鵝唔錯，佢話榕哥和榕記都可以，咁揀左食榕記。咁其實都係對面舖，我諗一係姊妹舖一係競爭對手掛 🤣🤣🤣其位置在油麻地區，在油麻地現時點嘅對面馬路，跟住入多條街（砵蘭街）就見到…今日星期六2點左右都好多人，叫完外賣櫃面個姐姐叫我坐坐等等涼住冷氣，見舖位都一般茶餐廳的設計，唔算寬敞。望望個餐牌都係d 茶記食品但見夜晚有小菜⋯⋯不過佢哋主打都係燒味為主⋯⋯我要咗半隻燒鵝、半隻雞、同埋半斤燒腩仔……個燒鵝皮唔係皮脆型，但有佢地的口感，食到有d 陳皮味，餓肉肥瘦ok, 好食😋。燒腩仔d 肉肥瘦適中，正。個油雞也好滑，都好食👍…查看更多