雪媛's Profile

今日午餐突然有個念頭想食久違既豬手。順便補充些骨膠原…就去了雲吞皇。咁好彩十二點半去到竟然唔使等位！一坐底唔使諗即叫豬手河。不過見到此時已經門口排隊。期間看到旁邊的枱, 客如輪轉！座位有點擠逼. 等了大約5分鐘。豬手河便上來. 有三隻大豬手。南乳味好香 滲曬落豬皮同豬肉度。真係好味到不得了⋯⋯豬手清理得好乾淨，一條毛都無。我覺得煮得唔夠耐稍為遜色⋯⋯可以再淋啲就完美。河粉相當滑....湯底濃郁令我忍唔住 一口氣飲哂碗湯。點解我唔叫麵叫河粉？根據本人的心得！事關河粉好吸味 吸哂啲南乳汁。所以我叫親牛腩同豬手食物會跟河粉...但這碗份量唔多，男士一定唔夠飽！服務上, 雖然客似雲來。但店員的態度保持友善！服務上可以給五粒星...…Read More

星期六放假不用上班，訓醒下午茶去咗美心叫咗下午茶餐：公司三文治 + 檸水$35新鮮製作的公司三文治味道幾好。三文治每一樣材料都好食！麵包烘得夠熱微脆，裡面的材料也挺多的，食著食著小心材料都跌出來啊。饀料有蕃茄，生菜，炒蛋， 火腿，蕃茄同生菜相當新鮮，口感豐富薯片好脆。不過得㡬片....熱檸水亦唔錯，檸檬酸度足夠。飲完夠開胃...喜歡這裡設備，凍熱水可以無限自取位闊坐得又舒服，下次放假會再來encore!！！…Read More

牛頭角道短短一條街。有不少小店食肆，而且價廉物美今天早上同妹妹又來新之食坐下來看餐牌，價格便宜。點了兩份自選粉麵早餐...早餐炸菜火腿米粉，湯底清。米粉淥得爽身帶少許彈牙且湯底滾熱，炸菜好惹味。另外枱面有少少似菜脯可以加入湯調味。可以比客人任加，試左少少，都幾好味火腿沒有煎過就放上去有少許遺憾。火腿煎蛋多士，火腿（同上火腿米粉）吃下沒有甚麼分別啊。煎蛋多油，邊位帶少許焦脆，蛋白滑溜個人喜好用义將中間的蛋黃刺穿後再用塗多士，很不錯阿姐雖長期冇咩表情，唔太熱情招呼客人。但是價錢合理，所以每日總有大量食客。…Read More

在韓風未盛的年代，細細個就嚟梨花園。當時都唔知幾知名...到咗今日，梨花園店已經搬來搬去有間係我公司附近,所以黎依度食野都幾方便..平時兩點打後嚟都唔洗等位。今天下午想起韓菜，而同事想食咖哩這美食廣場有齊這兩樣選擇....所以便再次幫襯。牛肉炒粉絲賣相好好，粉絲有彈性。又有芝麻油香味。還有不少雜菜...入邊牛肉食不到太多油味雖然不是重口味，但有種健康既感覺！附送泡菜，夠辣，味道偏咸。本人喜歡辣，此前菜不失係個好選擇。因為全部自助，所以服務沒有什麼特別不過兩點賣完飛等成兩點十五分先有得取食物似乎耐咗啲瓜...價錢$68一碟野又唔包飲品要加飲品$8只是汽水，感覺稍貴所以無飲總結來說久不久可以一次...…Read More

話時話我最愛燒味飯我所有同事都知道所以周圍見到燒味飯我都想試下尤其是新鮮熱辣嘅燒味！同事話今日不如食燒味飯, 我當然一口就答應啦今天去了大家樂大家都叫燒鴨飯。真係誇張，等左差不多十分鐘飯先有得食，因為今天燒腊非常旺場分量黎講，絕對夠飽既師傅切得大大件比我地，仲係鴨脾位真好要比個like佢鴨本身幾肥，皮燒得香。肉質則一般，肉味豐厚加上甜豉油的白飯，也算是交足貨。大家都食得開心又滿意！飲品無乜特別...…Read More

椰林閣我本身都幾喜歡。因為姐妹要結婚。約左成班去傾野，去到環境都可以，幾舒服。餐牌選擇都幾多姐妹們點左自己的食物。我點左焗肉醬意粉足足等左十五鐘先上台，一般焗野較耐，所以肚餓既朋友仔都要有耐性咁我個焗意粉都幾好食，醬汁很濃，而且芝士好香個面焗得燶燶地，肉醬好鮮香。令我食指大動。還有最正的大大撻芝士。d芝士一絲絲叉起，放入口。好強烈芝士味。簡直最愛。我仲叫左杯凍奶茶少甜，個甜度啱啱好，食完野順便飲杯野真舒服。我們被安排坐卡位，靜靜地⋯⋯都幾適合聚會!…Read More

心血來潮想食碗牛腩河。走到新豐記晚上的新豐記...店門外大概有十多張枱都坐滿人。唯有入內，而店面環境擠迫。一張圓桌就塞滿了五至六人。食客側身而坐，每人前面僅夠擺放一碗食物其實大部分人都是目標食飽即走。叫了碗牛腩河，好快就上了。牛腩很淋，但有少少散，有牛味。可惜份量唔多！亦有少少肥膏，對我來説啱啱好湯就應該是用了味精吧？河粉幾滑。河粉會吸咗啲上湯牛腩味更好好食！整體來講，牛腩係好食既。其他不緊要。如果你係介意環境及服務態度既千期唔好來，…Read More

成班姐妹聚會，好耐冇食薩利亞。咁岩去開藍田...所以就選擇左去食薩利亞。去到幾多人在門口等...取票等左唔算好耐。十五分鐘可以入坐散叫左水牛芝士pizza 。水牛芝士則下得太多，焗得不透。餅皮香脆，入口柔軟有彈性。不過整體不夠香口。地中海Pizza係一大驚喜，估佢唔到咁好食，又香又脆，而塊煙三文魚分配平均。唔會有D分到三文，有D就得番塊Pizza。墨魚汁意大利飯味道香噴噴。個醬汁惹味，真係食極都唔厭烤焗腸，皮夠脆，味道又好仲有幾款食物三文魚沙律野菌忌廉意大利飯及意粉都不錯！埋單$210；六個人吃得飽飽，很便宜 其環境熱鬧，餐具乾淨，可謂無可挑剔⋯⋯…Read More

今天適逢在官塘吃早餐經常睡覺到中午十二點才起床⋯⋯在這之前我已很久沒在外吃早餐了！很自然就想起必勝客！能找個安靜的位置邊品嚐早餐邊看書。美好一天的新開始，也是無以上之的享受。今天比較安靜，大概因為時間尚早吧。而且很多食客都拿著報章閱讀！排隊的人不算多⋯⋯購票後...接著便選了個角落的位置。最緊要自己去櫃檯取餐具很快待應哥哥就送餐來到面前！魚柳雖然細片，是脆炸的，還是熱。皮層脆而內裏的魚柳滑。兩者有著完美的結合。再加上沙律醬的點綴，真是與魚柳的不二之選。煎蛋剛剛熟有蛋香.有點油膩是可以理解的。而多士也是熱的。牛油蘸在其上就即溶掉了⋯⋯食完繞起隻腳坐著嘆罐百事。真的一天好開始！服務呢, 不是很好也不是差就是了⋯⋯…Read More

媽媽生日，也有一段時間沒有食buffet了，6:15pm已經到達亦可以先入座，6:30pm才正式開始，尚有時間先四處行及看看食物食物置放分佈於餐廳不同地方，不會集中於某個位置！海鮮冷盤區，長腳蟹肉質鮮甜⋯⋯特別係坐低送了隻鮑魚仔肉質鮮美滋味⋯⋯唔會特別硬帶點驚喜仲有煙三文魚，黑毛豬火腿配哈蜜瓜熱食區：有很多選擇，有齊印度、中式、西式，勁多款揀中式燒味區我淨係試咗豉油雞， 雖然係冰鮮，但係肉質好滑中式燒味區我淨係試咗豉油雞， 雖然係冰鮮，但係肉質好滑西式美食區我個人推薦牛肉熟度剛好，大概medium rare呈現粉紅色狀態，羊架雖然我唔食，有食個果話正甜品區：甜品種類不太多，但朱古力水準唔錯雪糕有很多口味仲有軟雪糕推介士多啤梨雪糕因為果肉多最值得讚揚就係佢哋嘅服務態度，全部係全部嘅員工都面帶笑容，收碟快由於太多嘢食，都冇食，會再來食…Read More

平時路過聞煲仔飯好香。但每次時間關係實在無辦法黎到食煲仔飯！今晚同同事放工後專登由牛頭角行過呢邊食！天氣已經暖返好多，但店內食客仍然好多，難得搵到兩個位坐低北菇雞煲仔飯兩個，我果個加臘腸煲仔飯舊雞本身好滑，而且吸收晒d菇味。再食舊菇...好似唔夠濃味？似乎舊雞既菇味仲重過菇本身！可能先食雞比佢搶哂啲菇味...所以感覺舊雞真係好正！我煲的臘腸一定好正D汁流落去個飯度，令到個飯好香可惜個煲仔飯係無乜飯焦總括而言，價錢俏貴d野係好食既，而且份量都幾大。不過煲仔飯無飯焦就有少少失望啦！一早已叫多飯焦都咁少.....其實有無飯焦都係睇彩數...因爲見到隔離枱個煲仔飯有滿滿既飯焦。…Read More

最近又來樂天皇朝食晚飯～記得之前食過呢到真的是回味無窮今日朋友請食飯，我建議嚟呢間樂天王朝試吓眾所周知黎到呢度又點可以少得呢個八色小籠包賣相好吸引！色彩繽紛味道好有創意：黑松露、芝士、蟹粉、蒜香、麻辣、人参、原味、鵝肝我同朋友各自揀自己中意既味道食!當中我最喜愛麻辣味，有麻辣味的香味但是並不辣小籠包皮還保留有韌性，雖然皮薄。但卻不容易穿，湯汁仍然可以保持在小籠包入邊太白醉雞，酒味美醇雞肉好滑，加十元有雞肶啖啖肉！如果酒味再濃郁啲更正蟹粉炒飯炒飯底粒粒分明～見到粒粒蟹膏係炒飯面，食得出蟹粉香。撈埋炒飯食十分惹味銅鑼灣店就比旺角店的坐得更舒服～空間較大，令到人感覺舒服而且唔會比旺角嘈。的確是享受晚餐的好地方…Read More

收工路過食碗甜先回家叫咗碗楊支甘露有好多芒果肉同柚子碎芒果肉頗甜，柚子有少少酸成碗野感覺得個甜字勝在夠凍環境好迫，坐位坐得吾舒服見到有人排隊，食完立即走人…Read More

跟三位朋友行行下好肚餓搵野食，朋友提議到此店就入左去!叫左冰燒三層肉，皮卜卜脆好正， 脂肪的部份也很爽，吃起來並不油膩花雕醉，雞好濃烈的紹興酒味，吃起來卻好嫩滑，美味！小籠包，皮薄得來又唔易爛，食落好 Juicy，內裡很多肉汁，小籠包很鮮味金蒜干貝炒飯，賣相OK，飯炒得夠乾身飯質不太多油，好食，但份量略為少古法秘製茶燻鴨選用清新的龍井和濃郁的普洱來燻煙熏香氣令人胃口大開，鴨肉質鮮嫩!一上桌立即被搶光食店的服務真係唔錯，店員個個都好細心，上菜又快，味道朋友話好好食…Read More

有事去朋友公司離開後因為要去紅磡廣場附近坐車路過呢度順便食過下午茶見到下午茶餐牌有多款叫咗個羅漢上素炒麵麵好快上枱，好大pet汁不過D料好少，幾條菜兩片炸豆腐同幾粒菇而且感覺好油不只仲有係茨汁杰達達夾起一舊舊汁，最奇怪就是果個汁無乜味同吾係好熱好在個麵夠脆口，但是好油呢仲有原來下午茶特價飯麵是沒有餐飲，要另外加錢不過比正常價錢平D飲凍咖啡，好正常如果濃D仲好總結呢度無乜特別食物出品麻麻相信都吾會返轉頭咯…Read More