connie k.'s Profile

新舖開張，喺家滕屋隔離，見無咩人唔洗等，就入去一試。懶人唔想揀餸就叫咗餐牌推介嘅花雕醉雞米、胡椒豬肚雞米、皮蛋、生菜之後發現原來有推廣優惠，落單自動送單骨雞翼兩碗米線都幾好味，尤其是醉雞！！55蚊食碗米線，第二碗米線仲要半價，真心抵到爆而且小食都有折，計埋計埋平過去食車仔麵但新開張，唔知點解晚市都咁多吉枱，而且9點就截單眼見有人9點3想入黎食都被拒絕....有啲無奈希望之後可以繼續食到啦，真心可以encore…Read More

平日lunch，人流唔算多。餐廳位於某大廈一、二樓，門口直上樓梯就到。場內環境燈光較為暗黃，營造氛圍都較舒適，及好安靜。三人食得唔多，叫咗一個二人餐，加一份套餐。上菜份量亦都係較輕盈。茶有香味。先上前菜拍青瓜，白肉，炒青菜，及口水雞（一人餐）等青瓜及青菜冇咩特別，口味清淡。而口水雞的確係嫰滑，辣度適中，就算唔食得辣嘅人都接受到。白肉亦唔錯反而期待嘅水煮魚上枱時有啲失望，盤大魚少酸菜更少，魚滑但唔似新鮮魚（可能唔同地區有唔同用料），辣度後勁較強。飯後甜品有熱：湯丸，凍：冰粉冰粉食嘅時候冇味，以為係特色，但問一問店員，先知原來杯底應該有糖漿，但我地嗰杯比較少，所以食唔出味。然後店員喺我地走之前，奉上另一杯滿滿糖漿嘅冰粉，俾我地食到原有味道，姐姐貼心加分！…Read More

紅磡黃埔區糖水舖真係好多，要有啲特色先可以留到客。糖蓮子據聞有個得獎作，所以都間中會到呢處打躉食甜品。今次叫咗4份，除咗「美女與野獸」吸睛之外，其他都比較樸實無華，味道不過不失。以價錢而言，質素算合理。選擇好多，睇到眼花。…Read More

與友人試新野，可能因為要訂位，所以當晚人流唔多，坐得舒適。女店主（店員？）服務好殷勤滿場飛，感覺唔似餐廳，似去咗朋友屋企咁。一去到，已經見到檯頭放咗搓手液同消毒濕紙巾俾我地用。我地叫左孖份廚師發板，同一份豬肋骨，同一份牛柳粒。食物無咩特別，但由調味/醬汁，到擺盤都睇得出花唔少心機，值得一讚！店主主動幫我地合照。見我地乖，又送左份甜品俾我地。食完飯仲有得抽獎收口罩，好多驚喜。好開心呀，我地好似俾人氹嘅小朋友😇其實店內有貓貓架，但當晚唔太睬我地，愈接近愈走遠，笑死🤣🤣🤣…Read More