Kay Kay eat's Profile

無諗過喺旺角夜晚都可以搵到間唔過$300嘅邊爐，真心正而且湯底同食物都好高質先講湯底，嗌咗豬骨濃湯湯底，真材實料，真係有大大舊豬骨同蘿蔔熬，飲落好清甜所以飲左兩碗先開始打邊爐而任食嘅食材選擇都好多同好高質，先有一盤海鮮拼盤，另外再用二維碼嗌食材，要留意部分熟食要額外收費。而食材方面，特別係蝦滑同手工餃，值得一試，而侍應上菜同加湯都好快，食得好盡興抵讚另外，無限時任飲任食，仲唔趕人走，真係好啱同朋友吹水。值得推介…Read More

隔咗幾年再嚟食，水準依然咁好，試咗今個月期間限定嘅熟成味噌廣島蠔赤雞湯拉麵，$128落足心機，飲埋湯底都唔覺口乾，真心正仲試埋和風餃子，估唔到冰花煎餃配上大阪燒醬汁，味道可以咁出色，食完都唔覺膩，$38值得一試雖然週末中午時間去食，但好彩唔洗排隊等位，而且坐得舒服，食拉麵仲可以揀凍水或者熱煎茶，上菜快，食物好夠熱，服務態度一流，餐廳仲不停播住日文歌，感覺真係好似去咗日本咁，身心靈都得到療癒有機會會再去食…Read More

原本睇到ig食評見有人介紹麻糬Oreo諗住去試，點知見到價錢要$42，覺得唔值就無試到，反而試咗$68黑麻油蟲草花濃雞湯麵同$26熱珍珠奶茶。先講碗麵，我揀咗粗麵，雖然上菜果陣先倒啲湯落碗麵度，但唔知係咪碗麵一早整定擺太耐，啲麵條痴到一舊舊咁😖，要浸一陣先分返一條條。而啲蟲草花係炸咗嘅，完全食唔到有蟲草花味，感覺好奇怪😣而啲雞肉嘅部位好參差，得一舊係真係食到肉，其餘都係骨同皮多過肉🫠至於個湯食唔出有落黑麻油，味道好普通至於杯熱珍珠奶茶，個茶底飲完好鞋口同有澀味，啲珍珠好普通，早知慳返唔飲好過啦而成程用餐都無咩服務可言，好彩無收加一咋🤪…Read More

與朋友來試試韓國菜，叫左個海鮮魚糕湯，個湯底幾好飲，好鮮甜，除左啲蟹老左啲之外，其他海鮮都好好味。仲叫左個蒜香烤雞，隻烤雞烤得好乾身，個蒜香汁好重蒜蓉味，幾好! 整體嚟講，都幾滿意嘅一餐，有機會會再嚟試下其他嘢，如:炸雞。…Read More