Emmajane ali's Profile

上星期六晚，和朋友一行三人到剛由灣仔搬到觀塘既水木日本料理食晚飯。搬舖前已經經常幫襯水木,知道佢地4月下旬係觀塘新開張後,就約埋朋友一齊去新舖食晚飯，搬店後雖然面積比之前細左,但都坐得舒適,位置亦好方便又易搵.當晚我們都ORDER左佢地多款菜式，包括新款式海鰻魚干、炸蝦、辣吞拿魚卷、北海道華蓮蠔、七款刺身拼盤、燒喜知次、燒銀杏、宮崎黑毛豬香腸等等，全部都係我至愛,食物更加保持一貫水準!首先，附送既餐前小食-海鰻魚干真係又幾特別,第一次食,香脆可口,送酒最好,炸蝦又炸得酥脆可口，之前舊舖時係我必點既一款菜式。辣吞拿魚卷則有著特殊的辣度,正!今次都試左日本華漣蠔，味道鮮美，口感嫩滑又新鮮。每次去到都一定會叫刺身拼盤,今次就叫左七款，牡丹蝦赤貝更係我既至愛， 燒喜知次魚(KINKI)的燒烤技巧恰到好處，魚肉鮮甜多汁，魚油滿瀉，燒銀杏用來送酒簡直一流。最後每人送上一杯雪糕,大滿足既一餐!下次要再ENCORE!…Read More

已幫襯左水木好幾年,由舊鋪搬到依家新鋪都一直保持到,新鋪環境更舒適,坐得舒服,新鋪既PRIVATE ROOM比舊鋪更大更寬闊,最岩同一大班朋友聚聚.講番今次HAPPY FRIDAY同朋友黎食晚飯,一定唔少得既就係刺身壽司,叫左個刺身拼盤同鯛魚刺身,每件都新鮮肥美,而我最LIKE個鮟鱇魚肝,極開胃. 牡丹蝦好鮮甜!師傅會將蝦頭炸好,之後分開上.香脆可口(掛著食忘記影相..)今晚亦幾左幾款熱食,佢地既天婦羅,炸得剛剛好,蝦身極之JUICY.每次黎到都一定會叫既.再來一客燒鰻魚,入口即溶,超好食!!朋友們都勁讚佢地既壽司有水準,飯量剛剛好,灸燒三文魚大大件.最後來件日本蜜瓜作總結,大滿足既一晚! …Read More

因限聚令關係,又不可以晚上堂食,為了慶祝母親大人生日,最後便決定今次生日午餐幫襯剛於8月份搬新鋪的水木,星期五中午來到,新店面積比舊鋪足足大兩倍有多,坐位也比舊店多,地方更見寬敞,最吸晴的就是那個一大個牆身酒櫃,極具氣派,看到入面酒量珍藏不少,餐廳裝修極具日本風,比舊店環境好得多,雖然是午餐,但今次為了慶祝生日就不叫午餐定食了,就來一次豪華版的午餐吧! 我們先叫了些小食如枝豆,燒雞泡魚干,紫菜白飯魚干等都保持一貫水準,味道不錯,喜出望外的是今次試了新沙律菜式-牛油果豆腐胡麻沙律,一直都喜歡吃牛油果,估不到原來與豆腐是出奇地合拍,極力推介此有益健康的清新沙律.接著來的就是今日主打..我們的至愛-五種刺身盛合,他們還有7款及10款的刺身併盤選擇,但因今次我們想試下多菜式,所以今次先點了5款的刺身,Toro入後即溶,其他如海膽,牡丹蝦,蠔,刺身墨魚都極新鮮,簡直大滿足!之後來的就是燒物如燒多春魚,燒鹿兒島雞翼,串燒和牛,他們的燒物在舊店時已做得不錯,火喉燒得剛剛好,今次也不令我們失望,食香味俱全,值得一讚!值得一提的是侍應推介他們的新菜式-明太子酒揚豆腐,入口香軟鬆化,又有些少明太子的微辣,送酒一流!綜觀來說,今次搬鋪後新店食物保持水準之外,坐得舒服,服務也周到,不經不過就食了2個小時有多才埋單,下次有機會再同家人朋友來食過!…Read More

早陣子從住在灣仔多年的朋友向我說,在聖佛蘭士街剛新開了一間日本餐廳叫 “水木”,他試過午餐後覺不俗,推介我要去試試,剛好要跟家人慶祝生日,便訂檯試試此家新店水準. 當晚我們一行4人從皇后大道東轉上聖佛蘭士街,行到斜路中間位置就輕易看見店舖招牌,門口相信是經理已很敏捷地幫我們開門,進門後看見淺木色系列裝潢,感覺已挺舒適,當聽到在場侍應及壽司吧的廚師們也在我們進門時大聲叫喊歡迎語,真的以為自己置身日本呢!我們被安排坐在小房內,看看餐牌有刺身、壽司、串燒、天婦羅、丼飯,便向侍應姐姐問問店舖有什麼特色名物,而侍應姐姐也很專業及細心講解予我們聽,最後拍板叫了以下菜式:日本生蕃茄-冰鎮的日本蕃茄原來那麼甜的!酒盜芝士-先來此道餐前開胃菜式,芝士與house wine的白酒配合得天衣無縫!燒鱈魚干-再來燒鱈魚干,最岩送酒!日本板魚蛋-很特別的一道菜,味道口感很不錯!水木特製沙律-此個為侍應姐姐極力推介的一道菜,看見賣相也令我喜出望外!因全都是我喜愛的剌身在內呢!吞拿魚腩卷-此卷做得不錯,吞拿魚腩入口即溶!燒雞翼-賣相吸引,味道一流!燒帶子-一大塊紫菜包著粒大大的燒帶子,真是從未食得甘奢華!日本喜知次魚(日本大眼雞)-醬油恰到好處,與魚配搭得不錯,更有豆腐,冬菇等伴菜,賣相也很好!迷你雜錦魚生及三文魚籽飯-份量恰到好處,魚生很新鮮,最岩女士食!飯後更有雪糕贈送,是次總消費大概每人平均約$500(已計加一在內),各人食到捧腹之餘亦很滿足呢!在埋單同時與侍應姐姐閒聊了一陣子,得知店內日藉大廚以前曾在日本及香港的日航酒店工作達15年之久,拿手菜式除了壽司外,咖哩也做得很出色,下次一定會再來試試…Read More