wongwongggg's Profile

事先係OPENRICE BOOK 左枱，去到唔洗等就入得，呢間分店個格局比較舒適，因為佢用屏風隔開哂D 枱唔洗坐到好迫講野又唔洗就住就住驚嘈到人~我地叫左麻辣+寧神養心湯底，麻辣湯本身已有鴨血同凍豆腐，但仲會送多一份鴨血，真係好抵!寧神養心湯材料十足，職員吩咐我地先飲湯，D 湯愈飲愈甜，原來係因為加左龍眼! 另外仲有烏雞脾紅棗淮山等等，真係好足料!係火鍋料方面，我地叫左一碟手切牛肉(細SIZE)，雖然係細SIZE但係都夠哂3個人食，肉質鮮嫩而且係真係有牛味架!另外我地仲叫左鵝肝墨魚丸，黑松露蝦丸同埋梅菜豬肉丸! 一次過叫咁多嘅原因係丸類可以半份咁叫，就可以試多D款式~呢三款之中個人認為最好食係梅菜豬肉丸，食落真係好似食緊梅菜豬肉餅~而本身我地好抗拒食熱食黑松露製品，但今次配蝦丸又覺得可以接受唔會覺得陣黑松露味好攻鼻!總括黎講, 最欣賞係個湯底呀 無得輸!…Read More

先講食物，叫左個辣子雞米線鍋，$44，雞好乾，而且好油，食到一半已經唔想食，淨係食到油味，辣度不足，米線有好多，但好碎，而且煮到好冧。朋友另外叫左蕃茄雞扒蛋飯，$45，睇落個份量以為好多但其實個碟好淺，味道一般，夠熱，特別在於佢隻蛋係半生熟，如果唔食生蛋黃嘅人就麻煩，個侍應亦無提前講聲（正常都以為會係煎蛋上)服務態度方面，琴日同兩個朋友打完波去食，隨身行李已經好多又球拍又背囊，佢叫我地去坐四人卡位，啲野已經放好哂三個人坐定定，點知突然個侍應走過黎好無禮貌咁話"俾返個位我地"，我地完全唔知做咩，另一個侍應又走過黎話"俾返個位我地，有個人坐"。 首先佢之前無講過話要搭枱，其次佢地個態度係好惡劣亦令人反感，又無安排我地啲野放邊以後唔會去呢間野貼錢買難受。…Read More

琴晚去左紅磡, 諗住試下呢間次次都經過但次次都唔會揀佢嘅餐廳,點知就中招入到去見到都有人食諗住唔會中伏,我地叫左三款野食, 一個係$25 餐, 有一個竹筒飯, 2件青芥辣三文魚壽司, 燒三文魚骨, 同埋雜菜湯,所有野熱食黎到都唔熱, 個湯好似平時食杯面個湯底陣味, 三文魚骨好似營養不良咁又干又瘦,最恐怖係個三文魚壽司, 本身以為係類似元X壽司個隻芥末八爪魚軍艦,點知原來係泰國青咖哩+熟左嘅三文魚混埋一齊嘅醬, 真係好另外叫左串燒, 串燒帶子乾到好似會刮損個喉嚨(無誇張..), 最正常係串燒鰻魚, 比較好味,最後叫左個豬扒烏冬, 塊豬扒炸到乾扁無乜肉, 烏冬都係有陣怪味埋單佢除左加一之外仲收每人$1 茶錢, 呢餐真係畢生難忘..............…Read More

今日係復活節假期, 同朋友兩個入左南丫島玩, 去到差唔多6點到就係碼頭附近搵到呢間餐廳醫肚啦~可能時間尚早, 一入去就有枱唔洗等位.我地叫左一碟豉椒炒蜆 ($98), 都算大碟, 蜆肉肥美炒得好入味, 而且唔會好多都係得個殼無肉食,另外我地仲叫左椒鹽瀨尿蝦 (例牌, $180), 個人認為呢個大碟夾抵食! 2個人每人起碼食到7隻, 雖然佢有D係細SIZE, 不過都有好多肉同埋好新鮮! 唔會得個咸字.最後我地叫左個咸魚肉餅煲仔飯 ($89), 佢D咸魚唔係乾箏箏個D, 而係好似新鮮魚咁粉紅色好鮮味! 肉餅好滑, 有好多肉汁, 唔洗落豉油都夠哂味!個煲仔飯好大個, 2個人每人食左4碗 (滿滿的)!最後埋單約$200一位 (加一連茶錢$5位), 比係市區食唔係特別平, 不過覺得D食物係新鮮D~…Read More

琴日同朋友兩個人去食，可能係平日加星期三嘅關係，所以我六點打去book枱，都仲book到七點九！我地叫左蟹膏蟹蓋，魷魚筒(無鬚)，加一個海鮮盛合！蟹膏蟹蓋係必叫，因為係日本嘅磯丸水產食過所以黎到呢間一定要試！佢比日本嘅款式有啲唔同，除左有蟹膏同蟹肉之外，仲有隻生嘅醃鶉蛋！所有野撈埋一齊燒，真係好好味！雖然有少少咸，不過連埋啲青瓜絲一齊食就淡返啲好易入口！另一款小食燒魷魚筒，全條真接放上爐燒，燒到中間時會掃啲豉油上去再繼續燒，之後就剪成一份份上碟。味道普通，香口，魷魚燒得剛剛好，唔會好韌！重點來了！就係海鮮盛合，海鮮款式有: 帶子四隻，蠔三隻(正常兩隻，但size小會俾多一隻)，鮑魚兩隻，蜆五隻！所有都好新鮮好甜，唔會有沙;帶子，蜆同蠔都會落少少酒去燒，燒完飲埋啲汁真係好好味！成餐都好滿足！😄 待應們全程幫我地照顧啲野食燒得好有心機！最後我地食左四個蟹蓋😌 全餐一共$777！算係抵食！…Read More

今次約左同事去食晏~ 我地由12:50 開始等位, 都係等左5分鐘到就有位, 不過D位有D窄, 我地5個人要坐卡位加一張CHAIR, 坐得有D迫 我地有2個叫左牛柳包+薯角, 有3個就叫左羊架~ 佢係無SET LUNCH, 所以唔包餐湯,不過每人都有一個餐包, 都有一隻手掌咁大個, 另外如果要飲品可以加錢(有最簡單咖啡/茶)牛柳包佢選用左黑包 (同M記個款應該一樣), 好鬆軟唔係硬倔倔個D, 包入面有牛柳一塊, 都好有牛味, 而且似係自己整唔係用機整出黎個D,另外仲有D 生菜, 蕃茄, 同埋太陽蛋一隻.  個人認為太陽蛋唔係太好, 因為佢D蛋黃流到周圍係, 如果用番牛奶炒蛋會好D, 無食得咁論盡.羊架我無食因為平時都唔係好食羊, 不過見到都好大舊, 比左2舊, 但係同事話都有羶味, 如果接受唔到GE人應該唔好選擇呢個~羊架同牛柳包都有配上薯角, 薯角新鮮炸起, 又脆又夠熱, 好好味!!而且唔會炸到燶哂!!總括黎講都唔錯, 食物夠熱, 份量夠多!…Read More

我地係去食夜晚, 慶祝朋友生日,食物選擇其實唔多, 無DINNER SET, 鍋物得2款, 一款係海鮮 ($498) , 另一款係黑毛和牛 ($398). 2款都係2人前, 同朋友3個人食, 揀左黑毛和牛個款, 個SET 包一碟牛肉 (18塊), 加2隻蛋, 烏冬/菜物都無,牛肉有少少"鞋"口, 其他都係好普遍的配料, 有豆腐, 椰菜, 仲有D 冬菇, 份量唔算多,之後再叫左個三文魚他他芒果卷 ($108), 得4舊, 卷入面包左蟹柳同芝士, 上面鋪左少量三文魚碎,食完覺得芝士太大舊搶哂D味, 本身三文魚都無味, 如果成舊放入口會覺得淨係食緊芝士.另外我地想試下雞泡魚乾, 去親日本餐廳都會叫,不過呢間佢整到非常硬, 要出九牛二虎之力去咬, 而且份量唔多, 大約有12,3 條左右最後叫左炸蠔 (5隻), 尚算炸得鬆脆, 唔會好大舊粉, 不過隻蠔好細. 可以當係STARTER最後埋單$622, 唔係好抵食 …Read More

今日係油麻地附近睇戲, 想食D快靚正嘅野食, 係附近見到呢間個裝修好似唔錯就入左去試下~個MENU 有好多台灣小食可以揀~為左填飽個肚, 同朋友各自叫左個台灣滷肉飯同埋蕃茄鹽酥雞麵~台灣滷肉飯個味唔係好咸, 雖然我地叫個個係細SIZE, 佢都比好多肉同埋汁, 食落去唔會好乾~蕃茄鹽酥雞麵嘅鹽酥雞係分開上, 所以仲係好鬆化, 佢落左D椒鹽係面但份量唔多, 食完唔會好口渴, 雞球個炸皮唔係好厚, 都好易入口~而個蕃茄湯唔係好濃, 似係用新鮮蕃茄整出黎唔係罐頭湯~整體黎講都唔錯, 算係抵食!…Read More

行完觀塘D OUTLET 順便想食埋野, 今次試下呢間CAFE 一入到去好開揚, 地方好大, 裝修都好新淨唔似係工廠大廈MENU 有好多野食, 除左午餐之外都有D甜品同埋野飲既然黎到, 一定要叫番D signature 野嘅! 所以我地決定試下呢個好特別嘅TEA SET - 鳥籠!鳥籠上面有七種野食 - 士多啤梨牛奶布甸, 紅豆蛋糕, 雲呢拿海綿蛋糕, 煙三文魚三文治, 芝士火腿多士, 大蝦沙律, 同埋蘑菇酥盒。每款野食份量唔大, 兩個人食岩岩好!首先試下個蘑菇酥盒先, 仲係熱嘅! 個酥皮唔係好厚, 而且好足料, 有好多蘑菇係裡面好香~之後就食個大蝦沙律, 真係有好大隻蝦架! 仲加左少少酸辣汁係上面, 唔係好重香草味, 對於一個接受唔到迷迭香嘅人黎講係可以入口嘅!雲呢拿海綿蛋糕, 煙三文魚三文治同埋芝士火腿多士三樣野都係一口食物, 唔怕會好飽煙三文魚三文治一樣有個隻酸辣汁, 好開胃; 而芝士火腿多士就熱食黎嘅, 多士好脆, 芝士唔係好多唔會好滯最後食埋士多啤梨牛奶布甸同埋紅豆蛋糕, 紅豆蛋糕係硬身嘅, 有少少似芝士蛋糕但唔係好重芝士味士多啤梨牛奶布甸都係挺身嘅, 唔會好水, 同埋夠哂凍又好重牛奶味! GOOD!除左咁豐富嘅TEA SET 之外, 當然又飲下野啦~ 我地叫左兩款熱飲, 一個係檸檬草花茶, 一個係水果茶~花茶用蠟燭座住KEEP 住個溫度, 而且杯細但係個POT好大, 好抵飲 仲有好細心嘅一個POINT, 就係個茶煲咀加左一個鐵圈隔住D茶葉, 唔洗飲個時成口茶葉水果茶用左五款水果, 好香, 同錫蘭紅茶好夾, 而且糖漿係另外上, 可以自己調教甜度, 唔錯!咁多野食, 加埋三百蚊有找, 好抵食! …Read More

琴日大約12點去到, 都未係好多人, 所以好快就入得去。入到去有好多位, 所以即使我地得2個人, 佢都比左張好大的梳化位我地!正! 我地叫左2個SET LUNCH, 一個係$69 牛肋肉加腹胸肉, 另一個係$79 雞肉加牛肋肉加豬頸肉,本人覺得牛肋肉比較好味，因為肉質冧啲，唔會話咬唔開腹胸肉就厚身啲，耐啲先熟，所以好易燒過頭就會變到好硬咬唔開雞肉就無乜味，佢無用調味料醃過，一定要燒完點啲燒汁先好味啲豬頸肉我自己本身唔係好鍾意食因為好肥，不過呢度個啲切得細條啲就感覺唔係好多脂肪易入口啲所有餐都有得送前菜，有泡菜,湯, 飲品, 白飯任裝! 好抵食!泡菜有三款，有蘿蔔，白菜，同芽菜，三款都唔算辣，小朋友都食到湯係胡椒牛尾湯，夠熱，個味好濃！服務員態度十分良好!…Read More

因為好早去到, 所以唔洗等好耐就入得啦~今次係第一次試呢間, 之前係朗豪坊都見到, 不過好多人等位所以無試到其實佢間餐廳放食物位唔係好大, 不過麻雀雖小, 五臟俱全, 都算有好多種唔同嘅野食目測係有至少30種嘅!我地入到去, 第一時間當然係拎海鮮啦! 拎左生蠔, 蟹腳, 大蝦, 全部都好新鮮, 又洗得乾淨無乜沙~啲生蠔無乜腥味，都好creamy, 蟹腳仲有陣海水味有啲咸，大蝦啲肉唔會好梅，夠爽跟住就拎番D熱食, 佢得一種燒牛肉, 肉質唔係好硬唔會話咬唔開, 又唔會多血水, 質素OK~另外佢有即整嘅奄列火腿~因為係即整所以夠哂熱, 我自己都食左兩碟 之後試左佢個湯, 應該係南瓜忌廉湯~好好味好CREAMY~佢仲有其他小菜, 有燒雞，不過啲肉好乾好硬另外食左 SALAD, 同埋水果。水果有好多款揀，有菠蘿，哈密瓜，密瓜，全部都好新鮮好甜👍🏻整體黎講, 呢個價錢食BUFFET, 都合理 …Read More

今日LUNCH TIME無帶飯, 又唔想再食連鎖店個D野食, 所以就行遠少少食車仔面之家~1點去到已經多人到不得了=_= 不過都無辦法啦~去到門口又要大叫"米粉唔該" (有時都驚D姐姐會聽錯),今次揀左魷魚鬚, 魚蛋, 雞翼, 加辣!魷魚鬚口感超爽雖然就咁食無乜味, 但係夠爽口~魚蛋唔係好大粒又唔係軟LUM LUM個D, 好煙刃~雞翼係滷水版, 好入味, 而且大大隻夠哂食~重點就係個辣汁!!!! 真係好正!!! 刺激成個口腔DDD佢唔係好貴, 但係份量足夠, 不過如果係自認大食嘅, 可以加底要多個面~咁就會再飽D~…Read More

岩岩去完旅行就好想食車仔面, 最有香港特色嘅食物 (我認為)!今次去食肥公, 唔係好多人唔洗等好耐, 想快可以坐出面, 不過唔想係D車隔離食野~肥公勁多人手, 所以條隊郁得好快, 叫左米粉, 要蘿蔔, 牛腩, 魚蛋, 加辣汁(是當然的)!佢個湯真係好正, 唔似味精湯味, 而且夠哂熱暖LUB LUB~對於一個好鍾意食蘿蔔嘅人黎講, 呢度D蘿蔔唔係最好食, 因為都有渣, 不過夠冧~牛腩略嫌太碎, 有d難夾, 但係好入味d滷水汁。魚蛋唔係鬆泡泡個d, 係硬身d個種, 岩哂我~辣汁唔夠多, 可以再叫佢落多d, 我見佢落左一湯匙到, 對於一個係"譚x"食開三小嘅人黎講係唔夠~肥公係坐得有D逼, 不過勝在有"陀地" FEEL ~ 我地對面都有2個外國人黎食…Read More

最鍾意食呢間譚仔~因為D姐姐係最好人, 唔會好似其他個D咁成日唔知做乜今日都係食左最抵食嘅套餐, 三小辣, 加凍檸茶少冰, 再加多碟細土匪~套餐D餸好足, ORDER 落得岩, 走芽走九, 三小辣度稍微比其他分店辣, 但都好好味凍檸茶唔係好甜, 又夠檸檬 (有D成日比得個一兩塊架嘛)~土匪係重點! 最好係夠熱, 證明佢係岩岩整, 又夠味, 同埋煎得夠焦香~下次當然又係去返呢間食啦~…Read More