JimzT's Profile

$80蚊嘅Lunch喺鰂魚涌都算係一個正常價，而且佢仲包嘢飲，同小食，咁就變得係唔錯嘅選擇。🦐蝦湯濃郁，不過食完之後好快口渴，成個下午都想瞓💤 小食份量好多，我揀咗魚皮，魚皮好脆，好食👍🏻麵嘅份量都好足夠，女仔可能會食唔晒（當然我都食唔晒🤭）我揀咗蝦肉四寶，啲丸就真心普通，下次叫肉骨可能會好食啲。服務員超級貼心，見我哋着白色衫仲提供即棄圍裙，服務態度好好！👍🏻由於食嗰日我1點半度先到，唔使點等位就有得食😊Overall 感覺唔錯，下次提自己唔好飲咁多湯，免得太口渴。…Read More

好！驚！喜！🤩朋友之前去過食，話好正，今次佢做訂位，我仲諗緊中菜啫，係咪正到要大家去到黃埔食。（利申：平時係懶鬼，放工後少過九龍食飯😛）點知啲嘢真係估佢唔到咁正！朋友好貼心咁預訂咗幾度菜，全部都好味，尤其鍾意佢嘅清蒸東星斑，蒸嘅時間啱啱好之餘，仲要佢將部份嘅魚包成魚餃，一啖一隻，好好食。而佢嘅東星班，係將啲魚肉全部起晒出嚟，食得好方便，連平時我唔多鍾意食酒樓魚嘅都食咗好多舊😂啲質素真係好過好多大酒樓！另外有個特別就係凍蟶子，平時都係蒸完就食，第一次食凍嘅，估唔到咁爽口，而且仲有鮮味。佢加咗少少花椒，提升咗唔少層次感👍🏻脆皮手撕雞都係不得了，啲皮真係脆到卡卡聲！前菜有個辣魷魚，好惹味，食唔停口😋 個響螺湯亦都好好飲，一人飲咗起碼兩碗，好正！總括嚟講所有菜都係好好食，服務亦都好好，而最重要就係食完都唔口渴，對味精好敏感嘅我嚟講就更加加分！呢間餐廳一定有下次👍🏻👍🏻👍🏻…Read More

見雜誌online blog講到咁勁，晚飯後去陪著你走甜品打算食好西啦。去到堂食已經截咗order，無問題，咁咪買外賣囉🙃拎到碗糖水返屋企，超離譜呀！外賣蕃薯芋圓，$30得半碗，幾啖食曬！！😡得2舊蕃薯加10粒唔夠嘅芋圓，芋圓好淋，無芋味。唯一讚係個糖水好夠薑味 ，一定唔會再幫襯呀！:(:(:(:(…Read More