badichris's Profile

住係附近， 每次離遠經過， 有時未開閘，都只係見到個藍色招牌， 覺得好老土， 以為好殘舊，完全冇興趣入去食。 今日行近經過開左閘， 門面係全木設計，原來好靚好乾淨， 好文青。 叫左牛肉面， 起司肉鬆蛋餅， 夜市拼盤， 涼拌青瓜， 珍珠奶茶。牛肉面既面好彈牙， 牛肉有牛展加紅燒牛肉， 好淋好入味， 蛋卷都好香口唔油膩， 青瓜好爽脆， 雞翼係單骨， 好方便好啱小朋友食， 價錢唔貴。 強烈建議換個招牌，襯返個文青風格， 應該會吸引好多客人幫襯。…Read More

門口冇人， 入去櫃枱問係等位定自己揾， 答案係自己， 行兩步去左邊冇位， 原來右邊有1 個就黎走， 有2 個客係個牌後面排隊， 係遲過我地到既， 有個執位既婆婆就叫佢地去坐， 我地表明我地先到， 但個執位既婆婆好似聽唔明， 佢其實係一直見到我地揾位既，再揾返櫃枱個侍應， 完全冇諗住調停，又解釋唔到同時叫自己揾又有排隊， 淨係叫我地再揾過！COVA安排竟然仲亂過茶餐廳！…Read More

早餐叫左魚柳炒蛋配蒜蓉多士，茄汁豆， 奶茶炒魚柳好鞋，冇魚味，仲要酸酸地， 食左兩啖食唔落蒜蓉多士勁厚牛油 ，係平時啲牛油多士既幾倍油，好油， 望落去個面反晒光，要切走個面食個底炒蛋炒得好老炸魚柳同炒蛋都好油，碟底成層油奶茶好稀成碟得茄汁豆係正常， 不過係開罐頭既份早餐40幾蚊，呢個份量黎講一啲都唔平，仲要啖啖油， 又酸又怪味，食左幾啖，真係食唔落， 餓住走之前去過都冇咁差， 今朝都係得兩三枱， 都差成咁，一定唔會再去！…Read More

下午4 點左右去到， 只有一件綠茶卷蛋同一件朱古力蛋糕係雪櫃， 餐牌有綠茶心太軟，其他人既甜點都唔見有，點了綠茶卷蛋同慢煮和牛配牛油果沙律及冷面， 味道不錯環境係幾污漕， 入門口已見到門上好多塵同污漬， 因為3 個人既關係， 坐係門口隔黎， 貼住牆同咖啡機， 牆身全部都係污漬， 我要好小心掛手袋， 唔敢掂到幅牆， 咖啡機背都係好多污漬， 機旁機面全部係黑色點點同灰塵! 洗手間洗手盆好多漬， 膠邊全是黑色霉，水喉頭出水隔有問題， 一開彈到我成面都係食物味道係冇問題， 但係成間舖感覺係冇人清潔，好失望! …Read More

補寫上星期六晚， 兩大一小去到諗住試甜品， 入到舖頭， 女侍應講左句”冇晒枱得bar枱“ 就唔埋我地， 但我地小朋友細坐唔到bar枱，佢咁講我已經覺得奇怪， 因為門口第一張枱， 即係佢隔黎個兩個客已經執好野起身走， 咁點解要同我地講冇枱好似趕我地走咁?坐低等左10分鐘都冇拎餐牌比我地， 最奇既係我地坐低既時候，佢係第二張枱收左個餐牌， 拎左番收銀個位抹， 之後一路冇埋我， 直至我問佢先拎黎， 一句說話都冇講到我地諗好落單， 話佢知要咩甜品， 佢講左句“今日冇甜品”， 我以為自己聽錯， 再問佢係咪咩甜品都冇， 佢答我冇， 就行開左。 我地已經好嬲， 我地係度話佢有冇攪錯， 門口冇貼， 入門口冇講 ， 坐低唔講， 比餐牌唔講， 諗好落單先講， 呢間舖唔係得一兩樣甜品， 係餐牌一面主食， 一面甜品，數量差唔多， 全間舖冇左一半食物都唔出聲😡， 我地話佢佢係當聽唔到， 連一句唔好意思從頭到尾都冇講過， 真係好過份! 咁我地咪即刻走囉， 走個時我見到門口雪櫃其實係有一兩樣甜品既!一間餐廳再好食都冇用， 態度咁差趕客， 如果呢個女侍應繼續咁做， 應該啲客比佢趕走晒!…Read More

等位講左兩張bb櫈， 入到去冇準備， 再同佢講先去揾， 居然只得一張， 如果得咁少櫈， 一早同你講係唔係應該睇定有冇呢? 之後拎到路中心， 放低走左去做其它野， 我一個人睇住小朋友， 係咁搬大櫈， bb櫈， 搬黎搬去， 冇人埋黎幫， 當時唔多人， 舖面有4 至5 個侍應， 兩張大櫈搬左出黎放番係枱邊都冇人拎走成地垃圾pancake 張相有3 件， 黎到得1 件， 雖然係好細隻字話圖片只供參考， 但係都差得太遠， 其實下午茶我覺得細細份冇問題， 但係放張咁誇張既相係度， 有啲過份凍咖啡好淡楊枝甘露都要等20分鐘先黎…Read More

一個人, 見新開, 6:30左右試一試, 叫了一碗酸辣酸菜魚腩米線, 我問侍應係咪一定辣, 佢話可以走辣! 等左二十五分鐘, 隔黎兩三枱遲過我叫既都已經食緊, 我都未有得食, 就問其中一個待應, 佢同我講, 我個魚要煲..... 咁就行左去就算, 其實個個都要煲嫁, 咁都係理由??? 於是我又問第二個侍應, 佢話我個魚要炸..... 過左一陣, 我見佢由門口收銀個度拎住我張單, 行過黎問我係咪只係走蔥 (所以我知個張單係我既), 行去廚房放低, 咁即係唔記得落單啦!!!過多十分鐘, 我個米線終於到, 但係件所謂炸過而且要等得耐既魚腩真係唔講唔知炸過, 仲要係未熟透既, 厚少少個位夾唔開, 但係我怕要等多半個鐘, 唯有照食啦! 埋單先諗起個酸菜米線冇酸菜, 得炸菜, 仲要好多都係好乾既皮, 食唔到既, 我就問門收錢既男侍應, 佢話唔記得左比酸菜, 跟住就靜左... 隔黎個女侍應突然搭咀, 話我走辣, 梗係冇酸菜啦.... 咁都得, 個米線得兩個餸, 如果走辣係冇左一個餸, 你係咁應該話我知呢? 個女人仲要繼續話個菜係辣既, 好似好理所當然係冇既咁... 酸菜唔一定係辣個喎, 你唔講我點知? 個米線一D都唔平, 冇野飲都要$58, 我比左$108, 因為太嬲既關係, 唔記得找錢就走左! 出左門口行左幾步先記得, 番轉頭問佢, 兩個人係度你問我, 我問你咁, 後黎個男侍應話找比我, 個女人拎住個計數機係度扮野, 得一個米線, 有咩要計???? 我再強調我比左108, 個米線58, 佢拎住個計數機唔計, 係咁係度問個男人找幾多, 攪左好耐先肯比張50 蚊我! 最差既係, 明明錯左咁多樣野, 樣樣都唔認, 一句唔好意思都冇, 呢D舖頭一定唔會再幫趁!!!…Read More

之前食過幾好食, 今日特登同親戚去食, 好失望!!!!首先, 除左主菜, 每枱都有8 個小食, 有泡菜, 著仔, 莧菜, 芽菜, 豆腐, 鴨腎等等, 都幾好食, 上次係冇限 refill, 今日竟然話只可多拎一兩碟, 再拎一 round 要 $60.......... 白飯之前都係冇限 refill, 今次要按主菜計, $360 一個鍋都係跟兩個好細既飯...... 五個人食都唔肯比五個飯!!! 其實間野一d都唔平, 一個細細既牛肋骨鍋要成 $130+, 一塊薄薄既泡菜薄餅要成$100.... 根本就係計埋個d小食同飯入去啦, 但係而家唔知係唔係比壹周刊影左就起晒價!!!另外, 我地叫左個成 $360+既 鱈魚鍋, 黎到得好少鱈魚, 但係有好多其它海鮮, 因為個鍋同 menu 個辣湯海鮮鍋好似樣, 我地懷疑佢比錯, 就再三問佢呢個係唔係鱈魚鍋, 佢冇直接答, 只係不停重覆都有鱈魚既!!! 咁好明顯係佢整錯啦........ 個海鮮鍋就唔係幾掂, d 蝦同蟹都枚枚地, 八爪魚好韌..... 個鍋d海鮮係生既, 拎出黎開火整熟, 我地唔知d 野幾時得, 就叫個 waiter 埋黎問, 佢係咁話而家得嫁啦, 就幫我地分, (但係分完都唔幫我地熄火, 攪到d 野熟得滞) 但係好好笑, 佢唔知點解明明d豆腐夠分都要整散件豆腐, 其它野又是但分, 五個人, 是但放d 野係幾隻碗度就算, 皇帝菜有好多, 佢就是但放晒係兩隻碗度, 其他人想試都冇, 其它好多野都係咁...... 如果唔係有親戚係度, 我真係會叫佢行開d我自己分!!! …Read More

9點幾入去諗住飲杯野食甜品, 因為小妹有d唔舒適, 想食粒藥, 問 waiter 拎杯水, 佢竟然話佢地個度浄係得瓶裝水..... 唔係呀........茶餐廳都一人一杯水啦, 係度飲野食甜品都要成$70一位, 唔係連比杯水都唔得呀...... waiter 見我再三 confirm 冇水, 竟然話因為佢地個度浄係得水喉水..... 真係 odd 左, 你地d 員工唔係飲水喉水呀???? 定係返工要自己拎水???之後叫左個心太軟蟹逅芒果, 個汁幾好, 係鮮打芒果汁, 但係一切開個心太軟, 嘩, 咁硬既, 好似普通朱古力蛋糕, 但係好硬身個隻, 乜都冇得流, 我問個waiter 平時係唔係咁, 佢話可能焗得耐得滞.... 幫我換過, 過左幾分鐘, (值得留意係個menu話要等十五至二十分鐘, 但係兩次都係唔到五分鐘就拎出黎....... 好明顯係整左唔知幾耐啦!) 今次冇咁硬, 但係都係冇野流出黎, 但有少少野"跌"出黎, 個野係凍既!!!另外叫左個抺茶紅豆芝士蛋糕, 都幾 creamy, 但係就冇乜茶同紅豆味, 好似同 new york cheese cake 冇乜分別...仲有... 間cafe 有好多唔同既咖啡, 有d餐包野飲, 咖啡只可選 expresso (menu 係$28左右), 如要轉其它咖啡要加$28 (menu 係$32左右)....... 咁同浄叫一杯有乜唔同呢???…Read More