member_12170's Profile

朋友話想去試下話人氣度好高～？？我地一行五人埋單千三蚊左右，就知我地試左幾多款其實我只係覺得炸雞窩夫係唔錯👍其他按性價比這個區域真係唔平、如果好食冇乜問題意粉好普通有更多cafe可選～簿餅皮急凍只係po上簿簿材料，burger味道都係一般，炸魷魚正常發揮，蜆肉意粉蜆肉係新鮮，but太淡呀！鴨比薯蓉朋友話好食喎～甜品真係好Cafe水準，整體食物係OK但因為個$真係去一次夠啦…所以有時真係要自己食試吓先知真係咁好食定？…Read More

分咗ABCD4⃣️個餐，可以享受唔同嘅肉類級別⋯而且有三個時段🈶️不同價錢。$218up（仲會送時令刺身一份）今次就揀咗B餐美國牛下肩胛，另可以免費選擇六種湯底，如果想轉膠原蛋白美容鍋+$50就可以😌我個人最推介就係依個湯底好鮮又有骨膠原～👍用手機點餐,入邊選擇都十分多;有海鮮、蔬菜、肉類、丸類、麪等等～出面調料:有10幾種隨便你自己調～仲有幾款飯前小食、水果、汽水飲品、茶飲，任拎任飲👌雖然旺角有好多火鍋放題店，但係依度環境舒服、唔迫，又粉紅色裝修，最重要係現在放題嘅食物諗住應該會同單點唔同～原來同正價單點嘅時候大部份係一樣😆下次會再試吓再高級別d肉類～⚡️響鈴卷必食！佢係嗰種自己卷新鮮炸個種炸響鈴👍…Read More

朋友生日gathering 一早講好試吓依間新野😋我一踏入餐廳好似穿越左大陸北上搵食😆店推：花椒魚頭美蛙鍋✖️冇得選擇辣度（我係比依個鍋吸引咗所以黎試吓～）個人認為係譚仔小辣、魚頭同美蛙都味道偏淡，不過煮耐左就越入味～店內手機點餐十分之方便👍另外見到店內嘅廣告佢哋都推介湖南辣椒炒雞鍋好香送飯一流👍配菜叫咗牛小排配菜：𠝹花魷魚🦑👍鵝腸、油炸鬼（嗦湯一流）小食：酥炸小酥肉（豬扒黎）味道ok甜品：玫瑰冰粉、味道清新、唔會太甜，但唔應該用豆腐花嘅黃糖分粉好d😎紅糖糍粑…Read More

下午兩、三點去到都要排一陣隊，店員友善俾定餐牌你點菜，其實等左一陣就入到～雖然舖頭細細但餐廳裝修都幾有特色～分別點左牛肉麵、鹽酥雞、肉鬆蛋餅、滷水拼盤同珍珠奶茶🧋全部都不過不失，上菜亦都好快～只要有你喜歡嘅菜品都可以嘗試～但我個人比較最推介係蛋餅系列相對出邊啲台式餐廳⋯依度個蛋餅醬汁比較似台灣味道…Read More

話說我第一次食係銅鑼灣～因為依間冰室有一個流心芝士菠蘿包$20🤩啱啱出嗰時好🔥未試過可以試吓～因為我除咗鍾意食、另外我自問係一個麵包控😋我都未見過其他地方有流心芝士菠蘿包～～仲要幾澎湃吓㗎🤣依間個下午茶都幾抵食👍平均$40左右一個茶餐⚡️星洲炒貴刁$44（圖1&2）熱飲唔使加錢，當然佢仲有其他凍飲或者特飲，不得不講如果飲開咖啡嘅你，⭐️茶記/冰室其實唔使加錢又有用咖啡機新鮮出爐嘅咖啡的確冇乜幾間～讚👍勁脆嫩滑炸雞肶可配薯條/粟米$40（圖3）熱辣辣又脆又嫩，味道有好似🈶️少少奧爾良味醃過再炸，薯條幾出色（好似Five guy炸薯條咁,出邊有少少脆漿都幾western～但依個就冇調味料，並唔係普通茶記果種炸薯條🍟所以次次都冇試過粟米😆、有人試過可以話俾我知好唔好食喎～…Read More

依間舖頭都食咗幾次～舖頭裝修係玩懷舊風八、九十年代風格，Menu嘅選擇並唔會話太多，味道完完全全係香港味（唔明唔緊要）🤣90後嘅朋友可能未必食過豬油渣，以前香港仲有小販檔嘅時候油渣麵真係好經典～香煎脆邊蛋肉餅飯$42⭐️3/5肉餅比較散、肉味亦都唔係咁重但係多咗隻脆邊流心蛋係正嘅～豉油味道啱啱好👍炸豬油渣🍽️必叫炸雞中翼⭐️4/5，熱辣辣又脆仲有好大浸蝦醬味👍而家應該好少有屋企人仲用蝦醬~脆香魚餅⭐️3/5，味道好純粹其實自己都整到，魚餅其實係鯪魚肉～去街市買魚肉香煎就係咁～不過我自己鍾意食魚餅so i like 🤣🎼要大讚嘅係舖頭音樂同店舖嘅裝修風格十分之Match，所以開咗關都勁多遊客去試，要排隊不過都唔會話太耐～全香港我食過嘅真係冇咁嘅style食店，價錢$又合理可以去試🍽️…Read More

食過譚仔嘅朋友唔知入去會唔會覺得有一陣味呢？？依間九頭鳥米線入去真係有陣譚仔嘅味道店內裝修：我個人覺得幾舒服、可能係4、5點時段周邊工作嘅人都已經在工作期間菜單：都真係幾似譚仔/三哥，整體價格大概單位數字出入（中環地帶算係咁）味道：春卷米線麻辣小辣小米爽d、過橋米線麻辣二小辣小米爽d、小食：麻辣墨魚頭、凍檸茶少甜。平時食開譚仔或者三哥都知道佢哋其實麻辣都有分別、依間米線嘅麻辣味偏向重麻多少少🤏辣到就反而一般、小食亦都比嗰兩間辣味輕啲、墨魚頭非常爽口而米線群組好多人讚嘆春卷，我個人覺得呢度分別係會再炸一次所以脆口d，但春卷口味我個人覺得南記好食d！Overall整體味道真係好似譚仔有九成相似，小食選擇出色，最出色係可以手機點餐，選擇項目亦多；例如；可以多湯、多油、走xxx之類。最後如果中環依個地段來講無端端有間譚仔食下真係幾好，因為附近都冇譚仔或者三哥，價錢我覺得亦都合理。如果路徑又like譚仔真係可以試吓。…Read More

一嚟到霓虹燈嘅裝修、仲有唔同嘅打卡位深水埗難得一見！呢度主打一開門到下午六點前有咖啡師處理咖啡☕️，鍾意飲美式咖啡嘅我覺得唔錯～另外鍾意飲酒嘅朋友；一定要試吓佢哋d Cocktail、蒲開港島區酒吧嘅我～估唔到酒方面深水埗飲到中環嘅味道佢哋仲有用糖水做嘅Cocktail等等⋯⋯如果要同九龍尖沙咀相同比較之下ohm係更加出色同價錢合理。食物方面：選擇唔算多，始終人家理念係推介咖啡同酒類飲品。推介牛油果多士，滿滿牛油果🥑加咗些少蟹肉嘅醬料放喺鬆脆嘅麵包上面，一口落去真係好滿足架明太子意粉🍝識落味道非常濃郁creamy(明太子+醬汁)，最好兩個人share。不過，我個人認為如果有帶子或蝦之類etc襯托下會更加出色得醬汁同意粉我個人覺得單調咗少少🤏，慢煮燒叉燒因為慢煮關係肉質鬆軟、有少少甜蜜蜜嘅醬汁包住、仲有少少燒既香味，鍾意食肉嘅朋友唔好錯過…Read More

今日想食四川麻辣野、諗起一直未試過兩姊妹粉皮、見人氣都唔錯、喺附近有間分店就特登去買個外賣，叫左椒麻雞大辣、涼皮加$2要（香香大辣）店員話香香大辣（+2）係香啲同埋再辣啲～～我本身譚仔米線可以食到大辣/特辣。食後感覺：粉皮本身質地做得好好Q彈爽滑，辣度等如譚仔小辣左右，以前因為在國內工作食開咗嗰種味道，but我睇過訪問係話跟四川師傅學習？比較接近當地味道？er 我個人認為仍然偏港味多一點⋯另外，香香大辣加咗$2我覺得有d多餘、叫椒麻雞特登試吓普通大辣，試吓佢哋兩者有什麼分別，老實講分別不大。建議叫返普通就可以😌，涼粉同涼麵上面一定會有啲炸黃豆，鬆脆帶少少鹽巴、唔錯👍總括嚟講係幾好食，但對於食得辣嘅朋友仔🐷鍾意四川麻辣嘅朋友，我覺得叫嘅時候最好要叫勁辣la…Read More

今日突然之間好想食台灣紅豆餅，咁啱有去港島區搵到而家喺太安樓附近嘅店舖，決定特登揸車去順便試一試，本身想全部都叫晒。但可能只有一個工作人員，佢話嗌四個要等15分鐘，再嗌多啲可能就再耐啲啦。咁所以我就揀咗三個味道；分別係芋泥肉鬆$15、2個，珍珠吉士$12x1 ,同芋泥$12x1 ,等咗15分鐘一上車即刻試吓仲係暖嘅，好慶幸佢係咁啱即叫即做，一咬落去外層好似食緊雞蛋仔加蛋糕嘅感覺，外面脆脆地入邊就係啲餡唔會話太甜，重點一提我本身唔係好鍾意食吉士，但因為佢係珍珠吉士所以都決定試一試，出乎意外，一啲都唔膩珍珠仲係好QQ，芋泥都唔錯但肉鬆可能味道唔係太好所以拉低左芋泥味嘅味道。整體來講如果能夠再做到飽滿厚d,咁就真係10分高質！…Read More

最近好鐘意食菠蘿包，本身係一個食包達人（一日可以食勁多個包）今日特登出去依間金華冰廳買，因為菠蘿皮脆，而且並唔係空心包，因為而家好多包坊間舖頭咬落去都係得返一半另外一半就係空氣。而且依家普通嘅麵包舖一個菠蘿包都要（$5），我暫時食過咁多菠蘿包最好食係（西貢）要11一個。點解特登出嚟買？旺角實在方便請$6就有一個菠蘿皮脆，包身足料實在難得，未試過一定要試吓！…Read More

黃埔、德福、淘大、新蒲崗、旺角新世紀基本上一星期無論早餐或休息下午茶都會選擇去敏華。我個人認為佢地嘅常餐十分高Standard。因為飲品，炒蛋、多士&湯粉整體都好match！但因為人住九龍東最經常去就係淘大或者德福嘅分店，因為泊車嘅關係所以淘大會比較優勝，但每一次去都同自己講比多一次機會佢，但機會比左幾次，依間分店嘢飲冇乜冰、炒蛋係唔熱嘅，多士食落去好似整定咁。粉面嘅湯亦都係唔熱⋯所以建議如果住附近可以選擇去德福雖然坐得冇咁舒服（佢哋有熱辣辣嘅菠蘿包），另外新蒲崗都好推薦粉絲去～服務同食物都係…Read More

同朋友傾開尖沙咀有乜好嘢食，本身朋友屋企人係泰國🇹🇭咁佢立刻推介好食依間海南雞飯，用咗一句說話而吸引我⋯如果你鍾意食曼谷水門海南雞飯嘅話咁就要試一試！所以我都抱着試食嘅態度因為畢竟係黃店，所以有諗過係咪因為黃店原因而日日排隊。夜晚外賣優惠仲做緊8折（所有菜式），海南雞飯同（bkk)水門嗰間有九成似~分別係佢個雞有雞皮，而泰國米長又有粒感。附送嘅湯用雞湯冬瓜煮食，但如果試過泰國水門雞雞湯係帶有少少藥材味～ 鳳爪沙律：呢個可以唔使特別點，九龍城隨便一間都相對出色。燒豬頸肉：有焦香唔乾，厚薄適合！但差咗一點，就係醬，佢唔係正宗點豬頸肉嗰隻汁，而係比較杰同少少甜辣的醬，扣咗一分整體來講近尖沙咀又想外賣可以一試，因為而家做緊八折係相對性價比高，但如果之後回到佢原本menu價錢算唔平，因為冇九龍城嗰啲咁大碟…Read More

想試好耐，每次經過都冇人排隊？但以我所知你一search東京拉麵（鬼金棒）係東京其一推介潮聖。食辣人士必試⋯一坐低用手機📱QR 掃描落單，十分方便！叫左一碗中辣小麻芽菜味增拉麵，+玉（$115）一個小肉飯。拉麵係闊身而扁，湯底油分都幾多⋯唔係好適宜飲用。其實下單先煮但食落去並冇熱辣辣的感覺，整碗油脂感都幾重但我並食唔到🐷湯的鮮味。另外，小肉飯，肉的確可以，但米飯係普通珍珠米偏乾同硬身，一小碗來講$45，性價比太低！可試一次但冇下次……Read More

嚟到依度一定要試吓牛肉麵！對？因為太多小食想試吓嘅關係，我都叫左自己比較鍾意嘅台灣小食。首先要講一講蕃茄牛肉麵、麻辣牛筋牛肉麵,相對之下麻辣比較出色!不得不提酸菜、蔥花、牛肉、同面嘅比例好好，喺香港來講真係算幾台灣口味。小食方面：炸大腸（五粒星我比四粒🌟）芝士肉鬆蛋餅（依個口味最重要就係餅皮同肉鬆，一咬落去肉鬆同蛋都十分之合拍，但如果餅皮再做得Q啲、厚啲、咁就。鹽酥雞（好一般），炸地瓜（出色👍地瓜係橙黃色夠甜，加上梅子粉，真係好食😋）其後就係飲品方面，通常第一次試一間新餐廳仲要係台式餐廳我一定會叫珍珠奶茶🥤，放咗一陣，奶水分離，珍珠都可以。但如果相對出邊嘅珍珠奶茶店，我個人覺得隨便一間都好飲過依一杯。整體其實食物方便真係唔錯！性價比好一般（ 因為一個牛肉麵約$70）加上環境問題，舒適度好一般。而且只收現金。我建議堂食一次先，如果真係喜歡可以外賣。因為排隊都起碼30分鐘以上⋯值唔值就睇你係咪一個吃貨…Read More