mabelboo's Profile

每年舊老闆生日都會一聚，通常老闆喜歡食中菜，過往多數揀尖沙咀區，但都偏貴，所以今次首次選長腳蟹為主，所以揀太子呢間酒家。8個人食，揀咗隻5斤重的長腳蟹，清蒸最能夠食到鮮味，剪開每隻腳，啖啖肉👍，因為個個用手剪開食，無人影相😂，睇唔到幾大條蟹肉！帶子珊瑚蚌炒西蘭花，帶子新鮮有口感，珊瑚蚌爽口，略嫌西蘭花少咗d, 味道適中，好味😋唔記得叫咩咩炒豆腐，賣相&味都唔錯😂金銀蛋莧菜，咸度適中，份量足夠👍明爐燒鵝，鵝比較肥咗少少，唔夠熱力，應該加多粒蠟燭會比較好！味道偏咸咗少少！之前食過好食d!唔記得咩魚兩食（貴價魚）,感覺一般蒸的，粉絲吸收晒鮮魚的鮮味，呢個唔錯，因我鍾意食魚皮😁菠蘿生炒骨，甜酸味適中，脆口好味👍老闆生日的壽桃，好大個的有兩款味，奶皇及蓮蓉，正👍贈送甜品，楊枝甘露糯米糍，好好味👍整體大部分都好滿意，食長腳蟹都係比較鐘意食呢間酒家，但因樓底矮，比較嘈少少，唔介意ok的！…Read More

突然間家人想飲茶，兩個人近近地，行去15分鐘左右到的富臨酒家，因為屋企商場的酒樓麻麻地！我哋都好耐無食呢間，亦好耐無飲過早茶，比想像中多咗特價點心可選，可悲的是經濟唔太好之下先有咁多平嘢，所以要留港消費一下吧！韭皇鮮蝦腸，只係$12.80😱雖然食唔到有韭皇，但真係新鮮蝦，大大隻，彈牙的，咁嘅價錢無得挑剔吧！上湯蒸牛柏葉，家人評價好味，佢超耐無食過。而我，只食當中的蘿蔔，好甜入晒味😋潮州蒸粉果，皮屬中度厚薄，餡料足夠，唔會太咸，滿意的😋燒賣，有蝦正常size & 味道棉花雞，底層有3舊芋頭，夠粉夠霖入咗雞味，棉花&雞正常味道，不過不失！整體滿意，多優惠，有下次😂參考下，唔知幾時會轉…Read More

我一向比較少食西餐，因為唔食牛嘅關係，但突然間想食，所以諗起呢間，食過下午茶，行咗葵廣一陣街，攰攰地6點幾去到牧羊食晚餐，雖然叫得唔多，但都想寫吓食評！每次都會食沙律……牛油果香芒烤雞沙律🥗配日式芝麻醬，新鮮，牛油果配上輕烤的雞肉+沙律，一次過放入口，配搭得好好，加埋呢個香脆的琥珀合桃（好好食😋），如果雞肉可以煎香少少更加好，個人覺得好好食好正👍，值得一試！Pizza有幾個選擇，但比較喜歡食日式的或呢個巴馬火腿，二選一揀咗意大利風乾火腿柚子+蜜糖 Pizz🍕Pizza 甜甜的，配上巴馬火腿同菜，正👍如果唔鍾意甜味的，不妨試下日式味道的Pizza。飲品蘋果蜜桃鮮打紅茶，淡淡清香的蜜桃香味，唔喜歡太甜的我覺得幾好，但今次略嫌太多泡，少了紅茶的份量！環境清幽，但比較暗，有情調的！…Read More

老豆生日，親戚介紹食呢間酒樓，感覺光猛新新的，枱與枱間少少迫，但ok的，唔會周圍走黎走去係無問題的！選咗一個套餐，乳豬全體，BB豬所以唔會太肥，熱熱的皮好脆👍半隻明爐燒鵝，熱住好味好多！加$400轉咗龍蝦伊麵，龍蝦有鮮味，上湯味剛好，不會太鹹，伊麵麵質剛好，略嫌麵量少咗d，好味👍翡翠花姿象拔蚌片，份量足夠，花姿片新鮮好味，象拔蚌片就一般，ok的酥炸台山桶蠔，呢個菜比較特別，炸咗香口，蠔的味道都ok!紅燒花膠海王翅，料都算多，有其他海鮮料的鮮味，唔錯，唔會太鹹！清蒸魚大海斑，唔知係咩魚😂，但新鮮肉質唔錯的！蠔皇花菇鮑魚片，冬菇厚肉大隻，螺片正常味道👍，整體ok鮮蝦荷葉飯，大家都太飽，眼見都多料的。試咗一啖，好香荷葉味，飯嘅質地唔會太腍，ok的，最後打包攞走食。另加咗一打壽包祝老豆生日快樂！大大隻，內有蓮蓉咸蛋黃，略嫌包嘅質感唔夠軟，但ok的。整個套餐都幾好食，中價價錢，服務態度都好好，姐姐都有禮貌的！比起上次喺油塘食的酒樓好好多，平d又好食d!香港酒樓業加油吧！…Read More

一直都知道有呢間小店西餐幾出名，食物有質素但價錢唔貴，一直未有機會試！朋友生日想食西餐，即刻網上book位，建議各位要預約先，店舖唔算大，但全場滿座！經濟環境差下，雖然侍應生唔多，但服務態度質素一流，值得一讚👍🥙前菜：巴馬火腿凱撒沙律份量足夠，新鮮度足👍 推薦指數： 7 （10分滿分）🍤餐前小食：酥炸小食拼盤有炸魚塊，炸洋蔥圈，炸薯條，即叫即炸，炸度剛剛好，有3款汁配上👍 推薦指數： 8🥘加$55可以配有時日餐湯+餐包或沙律，一杯飲品蔬菜湯夠濃郁，內有鷹嘴豆餐包暖暖的，非一段的包，配上自家煮的醬，好好食👍凍OT有茶底香味，不是淡淡的👍👍 推薦指數： 8😋主食：煙三文魚配千島醬薄餅煙三文魚不是細細塊的，配上唔知咩葉😂，一口進食好夾，但唯一係薄餅邊但硬！👍 推薦指數：8😋主食：［我最期待食的］蘋果木燒西班牙黑毛豬鞍扒，配野菌汁做緊推廣只需加$80,原價好似二百幾蚊先切到薄薄的，食一口原味，陣陣蘋果木的香味，好正👍，只係略嫌有少少少乾身但第二口配野菌汁，有兩個唔同的層次感……👍 推薦指數：9😋主食： 香煎帶子配牛肝菌意大利麵我覺得好好食，個汁煮到剛剛好，不會太濃配上牛肝菌香氣撲鼻，意大利麵軟硬度適中👍 推薦指數： 9🍮甜品：有兩款，叫晒，事前Book位時有講朋友生日，寫上字句，好靚好好窩心1）Apple crumble 配有雲呢拿雪糕❤️寫上Happy Birthday ,配有蠟燭，字寫得超靚煮過的蘋果配上脆脆，加上肉桂香味嘅汁，超好食👍，一定要試👍 推薦指數：102)心太軟配上雲呢拿雪糕心太軟嘅朱古力醬唔會話超甜，配埋雪糕，味道剛剛好👍 推薦指數：8🚉交通：荃灣地鐵站行落去10分鐘內到#打卡美食 #香港美食 #相機食先 #hkfood #美食推薦 #dessert #美食推介 #西餐 …Read More

父親節晚餐，怕觀塘太多人等位，近近地喺屋企人附近秀茂坪商場食，原本諗住食酒樓中菜，但怕又貴又唔好食，上一層發現有間泰國菜，見有人等位，決心一試，一行6人等咗20分鐘左右有位。優惠價有3款，揀咗一個泰式明爐烏頭，泰式湯底味道ok，但略嫌配菜少咗d，條魚細咗少少，普遍是ok的，不過不失！馬拉盞炒通菜，菜是嫩口的，少少辣，份量比出面的算多，幾好食的👍泰式串燒拼盤，比較豐富，有蝦，雞翼，豬肉，羊肉，最正有燒菠蘿，肉質唔會太乾身，全部都好食😋！泰式生菜肉碎包，正常味道，如果多少少辣味會好食！會員價買一送一，芒果沙冰，芒果夠熟，好香味道濃郁👍另一款西瓜青檸沙冰，新嘢，都好味，但忘記影相。會員價的泰式火山骨配有粉絲，賣相幾好，味道都唔錯，正常味道！有d唔記得影相😅泰式蝦餅，蝦肉夠彈牙，足夠6個人食👍泰式生蝦，擺盤好靚，配有炸過的蝦頭，配上個汁係唔錯的😋菠蘿炒飯，飯炒得乾身，值得試的👍食物同服務都幾好，值得幫襯一下！…Read More

因附近比較多茶餐廳選擇，間唔中先會食下百分百，經濟及市道差之下，好多食店都推出咗優惠價嘅早午茶餐比我哋選擇！其實唔係間間百分百都好食，好好彩呢間好味，服務態度又好，值得一讚👍！今次首次食呢款優惠茶餐，選了咖哩角+麻醬沙灣配冷壓檸檬茶，另加配價$5要咗一隻曲奇皮蛋撻。熱辣辣的咖哩角，脹卜卜，中間餡料份量算多，咖哩味ok，配上新鮮嘅麻醬沙律菜，平衡得好好！加$5, 有曲奇皮蛋撻都係熱辣辣，蛋漿唔會太甜，有懷舊的味道😋。 比較鍾意飲百分百嘅冷壓熱檸茶，因為比起一般的唔會有苦澀味👍另一個選了平時都有的下午茶餐，豬扒炒公仔麵配凍檸茶。豬扒軟軟的，有配料炒的公仔麵，好香，麵質地剛剛好，味道賣相唔錯👍經濟市場差之下，用平的價錢可以食到CP價高的食物，算係咁了！香港食店加油💪…Read More

於觀塘區搵泰國菜，有水準的好似唔多了，之前食過一間喺工業區內好味的無咗了，上Openrice睇食評後初嘗呢間，但有d失望了！選咗一個4人餐+另加其他食物冷盤揀泰式鳳爪沙律，鳳爪數量太少，沙律多，比例不足，略嫌傳統泰式味道不足。泰式串燒拼盤,肉質比較乾又硬，伴碟蝦片淋晒，唔脆，覺得差！菠蘿海鮮炒飯，味道ok ，配有冬陰功湯一客，味道ok。馬拉盞炒椰菜苗，味道唔正宗，椰菜苗比較老！泰式烤雞，皮唔脆，無泰式的味道，伴碟蝦片又係淋的！芒果沙冰，正常味道龍眼冰，巨峰提梳打，ok 的炸蝦餅，肉身彈牙，無配沙律醬唔襯，但份量太少，6個人要叫兩碟泰式椰子雞湯，椰子味不太足夠，有少量雞肉！自帶蛋糕，不用加切餅費👍另配上餐內甜品，好靚有心思！椰汁糕都好食，口感好，夠香有椰子味👍現今經濟環境差，明白生意難做，但願意留港消費都希望食有質素的餐廳，唔係要超好味，但起碼唔好難食，因為價錢都唔平，真心希望有改善！加油！共挽之！…Read More

喜歡食小店，幫襯香港地道嘢食，寫下食評同大家分享喺長沙灣MCL睇戲，當然要喺出名多嘢食嘅憶利大廈搵食試咗一間地方寬敞嘅日式飯店，主打想食甜品多d😂鹽燒五花腩定食，有湯&飯整體ok, 但飯唔夠熱，感覺差d加錢嘅飲品，但忘記咗咩名堂😂，菠蘿奶蓋咩茶味道唔錯，有茶香味，唔會太甜，但環保飲管唔得，好易爛，應該要轉下比較好，以免浪費朋友嘅XX牛肉飯定食，肉質剛剛好，味道唔錯的，配上美味嘅前菜，特別少少！軟殼蟹炒飯，夠晒熱😂飯炒到粒粒分明，不會太咸，好食😋另加了小食，煎餃子，雞翼，整體味道滿意的另加帶子群邊，夠凍唔會太咸，啱我食！老闆話佢哋原先食做餅先的所以兩件蛋糕都美味，芝士味剛剛好鐵觀音味好香，入口有陣陣茶香味道，兩款都唔會太甜，我喜歡的👍…Read More

平時都見多人等位，今日媽媽想飲茶，經過附近記起走去試！茶位只需6蚊咋，真係沖茶，唔係之前試另一間的茶包，免加一！叫咗鐵觀音，茶香水滾👍飲茶必食的义燒腸，送埋黎時覺得好靚🥹，皮算ok唔會太厚但又未去到好薄，入口覺得味道口感都幾好，下次可以再食👍叫咗個好少有的菜干豬骨粥，粥綿綿的，唔會太咸，啱老人家食，兩個人食每人都有兩細碗的！無晒义燒酥，轉咗個奶皇菠蘿包，味道一般最好味嘅蝦餃併粉果，忘記咗影相😓大大粒蝦肉皮薄薄的，粉果同樣皮薄薄的，料多美味,媽媽很滿意👍價錢合理的，服務好好，下次可以再試其他點心…Read More

長沙灣MCL睇戲平，二次睇九龍城寨，所以又喺附近搵食！打開餐牌，勁多選擇，價錢唔貴！選了一個泡菜豚肉鍋定食，配有沙律，麵豉湯&飯。份量多，豚肉厚薄適中，易於送飯，而且味道唔錯，如果泡菜份量多d更好另外叫咗燒黃花魚一夜干，原來都係定食，配有沙灣，湯&飯，特價只係$72咋，魚質地口感正常，夠大條，整體滿意！叫嘅時候唔知道係定食餐，仲叫咗一個甘栗紫薯餅，配有粒粒喺餅內，完全係我鍾意食嗰隻，但忘記了影相！本身每個餐都唔貴，仲要免加一服務費，服務態度都好好，下次睇戲時會再試其他款食物！希望多d 去試，在港消費💪…Read More

好多年都無喺娘家屋企附近飲茶，因為多數落葵芳荃灣飲，今日直接上去祖堯邨，就老人家覆診試喺屋企樓下酒樓！入內覺得裝修都算新淨光猛，同N年前嘅印象差好遠，感覺好好多！可以多d幫襯！服務都幾好，雖然伙記唔多，但都會主動理顧客！點了鐵觀音，茶香不是無味的，滿意！香酥叉燒酥，熱熱的，酥皮脆，如果叉燒餡料份量多啲就更加好！好味👍適合人數少飲茶，一兩個人可以選三併五併點心。蝦餃蝦屬中size,皮都算薄，燒賣都ok, 粉果多餡料但略嫌咸咗少少，淡返d更好！蝦肉蒸魚肚，兩樣料都幾好，口感&味道都唔錯咁耐無試，整體感覺幾好，仲可以好似細個時走去望吓個游泳池，可以再黎飲！👍…Read More

新開咗一段日子，要試下小店，價錢唔太貴早餐試過，ok的。今次下午茶揀咗個 特級熱狗王 拼選 傳統炸薯條 （可選沙律/半份西多/薯條）配熱飲條腸好大條，味道不錯，可以一試👍…Read More

屋企人生日，近近地於觀塘搵泰國菜慶祝生日食晚飯，所以上網搵間有食物質素的，有房間訂位的，又唔會趕客走的店。早咗到達店舖，佢哋好好俾個有得整簡單裝飾位置俾我，等我哋可以影吓靚相👍泰國菜不可缺的泰式生蝦，好新鮮，配上自家調配的汁好好味👍，我唔太食得辣，但又忍唔住食😂第二樣必食嘅泰式鳳爪，調配的汁剛好，滿意👍泰式炒椰菜苗，嫩滑度炒得剛剛好，唔會太咸，有少少辣，我覺得好好食😋，最重要的是份量比出面其他店的多！泰式串燒x2碟，雞豬牛各一串配上沙嗲汁，中規中矩！因為好想食薄餅，煩惱緊揀咩咖哩配咩好時，店員推介我哋試佢哋嘅黃咖喱軟殼蟹，本身呢個已經係配埋薄餅，不用另加的，所以我哋加咗個蒜香多士。真係好好食，黃咖喱唔辣，汁夠多又夠香滑，配上軟殼蟹, 薄餅&多士都唔覺得太heavy， 值得大家一試👍想食多d菜，另叫咗一個馬拉盞炒通菜，份量一樣係多的，味道剛好，只是覺得通菜老咗少少啫！店員推介我哋一個從未試的冬陰功湯底的明爐烏頭，魚身會先拖一拖油，再上爐。冬陰功湯底恰到好處，少少辣，好香帶有少少甜味，配上烏頭入味，正👍炸蝦餅，夠彈牙，唔會太多粉，滿意👍泰式大蝦炒金邊粉，新鮮蝦中size, 酸度剛剛好，唔會太乾，好味😋飲品有芒果沙冰，無得輸👍（忘記影相）椰汁冰, 有鮮椰汁味，但略嫌有咸味！唔知係咪落咗鹽帶出鮮椰汁味😅青檸冰，正常味道的咸檸七，略嫌太多咸檸😅，絕對係足料之店最後送咗甜品，椰汁西米糕，甜度適中，好好味👍（忘記影相）香芋西米露, 同樣唔太甜，家人超飽都食晒😁整體食物上都滿意，愉快的生日飯🥰到達店時，風口吹住，有叫店員調整，都有幫忙！全店員工都好有禮貌呀！有改善到，唔係上個post講咁呀！😂…Read More

上次初嘗香滑芝麻糊，今次都係買外賣，夜d當宵夜食，揀咗個養身的陳皮紅豆沙！第一啖入口食到粒粒分明的紅豆，軟硬度適中，細味下食到陣陣幽香的陳皮香味😋，少少甜，最愛此種甜度適中的中式糖水！👍外賣份量都有一大湯碗，各方面都非常滿意👍抵讚！…Read More