crystalchan1015's Profile

以前去得yakiniku多，「集高科技於一身」嘅yakiniku你又有無試過呢？呢間和牛燒肉一郎座落於佐敦區嘅鬧市中，距離地鐵站路程只有1分鐘，係十分方便嘅！講到呢間餐廳嘅優點，就係餐廳設計不但乾淨企理、環境舒服，當時我同友人兩個一齊被安排坐大卡位，由店員安排我哋入座。而餐廳破格地採用充滿未來感嘅裝潢，用QR code落單後，旁邊有高速列車送餐🚝，送餐列車講嗰幾句日文令我覺得好似彷彿置身喺日本入面。🔸「B餐」-102款舟 •盛合＋桶 •盛合🔸(星期一至四每位$448 星期五至日及公眾假期每位$498)當時我哋就叫左個Course B，包括左102款任點任食，再額外送上 「舟• 盛合 」及 「桶 • 盛合 」。食物嘅選擇十分豐富，包括特選牛脊肉、牛裏脊肉、牛肋條、扇貝、蝦、五花腩、雞肉、特選牛肋肉等等，另外都有d海鮮、野菜。我個人比較鐘意額外再叫嘅食牛肉眼同牛西冷, 肉同脂肪比例都好好, 充滿油脂香, 肉質軟腍。另外，餐廳亦都有唔同「自助餐櫃」任食任拿。例如餐廳入面一整個凍櫃放滿曬唔同口味嘅雪糕同埋自家製甜品。前者以日本雪條為主🍧，部份口味幾特別，仲有唧唧軟雪糕，加啲爆谷仲邪惡。後者方面，除咗經典款嘅石板街、牛奶布甸同焦糖布甸🍮，檸檬忌廉杯同肉桂青蘋果芝士餅都好有驚喜！…Read More

前幾日小編到灣仔覓食，專程到訪呢間座落於汕頭街嘅隱世小cafe。餐廳嘅menu有各個國家嘅菜式，因為款式想試，揀到小編有d難作決定呀。雖然餐廳只係得小小嘅咖啡stand和廚房，但係佢竟然可以控制到將所有食物幾乎同時上桌呢。以下兩款我要介紹嘅食物，前後差不多於一分鐘。不得不讚一讚！Grilled Beef & New Potato Salad 底有一層薄嘅沙律菜，加埋牛肉、車厘茄、牛油果、麵包脆粒、薯仔，一次過有哂多款營養沙律汁係柚子醋。成道菜又健康又清爽，食起上來十分開胃。而配料十分豐富，加上自己本身都好鍾意食沙律🥗，呢道菜因此成為我心目中no.1嘅開胃菜。Avocado Deluxe 餐廳其中最出名係佢嘅 All Day Breakfast同Crepe。而如果你係牛油果fans，點呢個crepe就最適合你不過啦！材料有牛油果、厚切煙三文魚，同埋Ricotta Cheese三樣卷埋，配上軟熟、蛋香味濃嘅Crepe。味道方面， 煙三文魚嘅煙熏味好香，食物質感亦都好豐富。而芝士嘅口感我會形容係好fluffy，佢另外會配上沙律同埋意大利醋，所以都好健康㗎！…Read More

小編除左鍾意食米線，都係不折不扣嘅拉麵控，目標係食嘗試曬全港最好食嘅拉麵店🍜。前幾日小編喺油麻地學樂器，順便去附近嘗試下呢間日本過江龍拉麵店，一嚐我最喜愛、期待嘅濃厚蝦湯拉麵。除咗招牌蝦湯外，餐廳最近亦推出極上蟹白湯拉麵❣️。而地點好近油麻地a1出口，十分方便，所以我係一定會再回訪。 講到濃厚蝦湯拉麵嘅味道，湯底使用了蝦殼熬製而成，所以富有濃郁的蝦鮮味，但因為湯底略鹹，所以我唔會連湯一齊飲。配料方面，拉麵上面有好多櫻花蝦同埋幾片薄身嘅叉燒。而拉麵有韌度，不會太軟，彈牙有口感。另外，我都加左$10升級，叫多左碟炸日式餃子，炸得好香脆，而又不會太油，加埋十分飽肚滿足。…Read More

早幾日，我同相識多年嘅朋友喺旺角行街。老友難得聚埋一齊，當然唔可以亂揀餐廳。最後選擇左充滿鳥居特色既和風🇯🇵居酒屋「日本野」，享受一頓豐富嘅晚餐。店內環境舒適，乾淨整潔，氣氛輕鬆，空間感好。特別欣賞店員服務周到，會主動幫我地加火，都特登拿籃比我地擺野🥰💕另外，食物質素亦十分良好，上菜速度頗快。特別鍾意嘅菜式包括龍蝦海鮮番茄湯配烏冬/飯🍅（$258）。番茄湯賣相吸引，味道鮮甜，色澤鮮紅，煲滾後更加香氣四溢。配上蝦膏味道，十分惹味。而龍蝦肉都十分彈牙、肥美。其他食材亦包括魷魚、大蝦及同埋蜆肉，配上口感煙韌的烏冬，食得十分滋味。其他開胃小菜（aka壽司）包括火炙芝士三文魚壽司🍣 （$42）、牛油果加州卷🥑（$98）。而雜果賓治（$68）果香混合清爽梳打的味道，十分清爽。 …Read More

講到去外地，相信好多人會認為泰國係平靚正嘅選擇🇹🇭。可惜小編仲未可以去旅遊，但係小編又好掛住冬陰功米線、椰汁椰奶、芒果糯米飯、金邊粉等。而呢間本地過江龍餐廳提供嘅泰菜款式應有盡有，相信能夠滿足曬小編所有要求。泰 Thaiology 由資深泰廚主理，旨在以貼地嘅價錢，提供一系列經典泰國料理予一眾食客朋友品嚐，展現泰菜多樣化嘅特色。而每樣菜式都嚴選食材，運用正宗嘅烹調方式製作而成，誠意十足。店鋪裝修方面，亦能呈現異國情調，令人感覺置身國外之中。我哋分別叫左虎蝦冬陰功海鮮湯（$148）、炭燒豬頸肉（$108）、泰式海南雞湯粉（$128）、泰式炒粉絲（辣）（$118）以及蒜蓉炒雜菜（$88）。值得一提嘅係，我哋異口同聲都話好鍾意個冬蔭功海鮮湯。作為港人必點嘅泰國美食，湯底以香茅、 青檸、薑、檸檬葉、指天椒、椰奶、秀珍菇、芫荽等材 料炮製而成，香濃撲鼻，味道酸辣十足。配料方面亦包括蝦、青口（蛤蜊）、魷魚等，份量十足，令鮮味層次更顯昇華。飲品方面，我同朋友分別叫左杯蜂蜜龍眼蘆薈特飲（$54）同埋椰汁珍多冰（$54）。我自己本身就好鍾意飲椰汁🥥。可以喺夏天解熱，又可以解辣。另外，餐廳嘅招牌金邊粉亦十分值得一試，好可惜無機會食，下次光臨再品嚐。…Read More

冬天想食海鮮，就要去蟹仙🦞。餐廳開業四十多年年，係近半世紀嘅老店。老闆十分著重海鮮嘅質量，堅持從外地各種地方進口最優質嘅海鮮食材（「飛機貨」）🇯🇵🇹🇼🇳🇿🇰🇷🇵🇭🇻🇳。而今次我同友人就叫左個「尊貴海鮮套餐」（每位$449），而套餐內容（包括10款食物）如下：❤️含有藻食綠蟹膏❤️太平洋饅頭蟹（出產於菲律賓） 或 日本深海石斑一夜千 （其中一款）❤️野生琵琶龍蝦 或 澳洲青年龍蝦 （其中一款）❤️台灣九孔鮑魚❤️日本野生大赤蝦🦐❤️大西洋野生請口 或 紐西蘭刀貝 或 野生日本深海白刀貝 （其中兩款）❤️紐西蘭月亮貝 或 日本大元貝 （其中一款） ❤️韓國斧山珍珠蠔🦪❤️有機蔬菜籃🥬*可以加$15升級粥底🥣 我自己特別鍾意食蟹/蝦膏（大愛）！！特別值得一提嘅係，海鮮係每日新鮮到港，以當日時令海鮮作準。在整個蒸煮過程，都會由店員協助，所以唔需要擔心海鮮蒸煮嘅先後次序。每一款食材亦都有特定嘅蒸煮倒數時間（爐會有計時器），確保唔會蒸過龍。如果選擇使用現金或者轉數快FPS付款，會再附送椰汁越南雪燕一碗🥥，好抵食。…Read More

就到聖誕🎄，當然要慶祝一下。同朋友去staycation，順便一齊食埋晚餐先走。入到餐廳首先會有頭盤，亦即係每人4隻生蠔🦪大大份量，好新鮮，加埋微酸嘅檸檬味🍋，更加清新提鮮，作為前菜，十分開胃。而唔同zone有唔同嘅美食，有主打蝦、松葉蟹同青口嘅冷盤（特別鍾意佢嘅蟹肉，十分鮮甜，有咸咸地嘅海水味）、日本🇯🇵限定刺身（厚切三文魚、八爪魚、油甘魚🍣），亦都有不同卷物（例如我最鍾意嘅加洲卷，不過好可惜無得食炙燒salmon wuwu）。另外，旁邊亦都有唔同款式嘅沙律（例如吞拿魚、菠蘿雞）、蟹柳、螺肉、泡菜、鴨胸、火腿片等等。熱食方面，特別鍾意佢個炒飯同清蒸海上鮮，咁啱我遇著條魚新鮮出爐，魚肉蒸得啱啱好，入口嫩滑🤤食到飽肚之後，可以試下唔同款式嘅甜品（都有10-20款），包曬中西式，任君選擇，亦有廚師即叫即整嘅梳乎厘可以試。…Read More

牛控食牛魔 🐮前幾日中午同朋友去紅磡行街，順便到訪呢間澳洲x美國x日本高質和牛燒肉店，內裡環境十分舒適，亦都寬敞明亮。特別嘅係佢牆上有幅好靚嘅畫，為餐廳增添左啲藝術氣息🎨以下係我同朋友叫嘅套餐，亦都係餐廳其中2款最signature嘅菜式（1個set有包埋御飯、沙律、前菜同埋牛骨湯）：【SET B 牛魔燒肉盛合】 $246 厚切牛舌、和牛牛肩肉、澳洲和牛五花、澳洲和牛胸腹、澳洲和牛西冷、重量級嘅A4和牛霜降🐂【SET C 澳洲和牛三盛】$168 澳洲和牛五花、澳洲和牛胸腹、澳洲和牛西冷🥩各款燒肉肉質好爽、帶有油香。個人最鍾意食牛舌同霜降A4。另外，西冷都十分煙韌，入口即溶，油脂感亦唔會太重。不過後來燒到黐住晒，廚師見到都忍唔住出手相助😂果然佢煮係真係好食好多。而廚師都有同我哋分享唔同部位嘅牛嘅燒法，十分貼心。…Read More

屋企隻主子服侍得多，會唔會想偷下懶同其他主子玩下呢～之前去過位於觀塘嘅2000呎分店，今次就去旺角店鋪探下啲貓貓🐱。鑑於疫情緣故，客人必須要消毒雙手，同埋著好店鋪提供嘅鞋套先可以入場（出面有部自動上鞋套嘅機，踩落去就搞掂😎，非常方便）。店鋪有超過20隻貓，但好可惜嘅係，今次去到貓貓都係到睡覺，好少主動討摸。強烈推介加$18買佢地嘅貓罐頭，可以享受下俾眾貓圍住嘅感覺。比較驚喜嘅係有啲好親人，會主動坐喺你對面擺pose，可以抱亦都可以任摸。另外，餐廳特色係用餐無限時，你鍾意玩幾耐都得。食物方面，「溫泉蛋煙肉野菌黃金芝士卡邦尼意粉」嘅卡邦尼汁十分之creamy，混合埋同埋香濃嘅cheese，十分惹味。而溫泉蛋吉穿之後，蛋黃掛麵十分之滑溜。而煙肉嘅鹹味都令到菜式更加惹味。另外，「雪山朱古力心太軟」作為飯後甜品都唔錯。一啖香濃嘅心太軟，一啖味道清新「雜苺氣泡特飲」，呢個配搭唔會太甜，亦滿足到味蕾嘅需要，十分值得推介。…Read More

Gram班戟專門店原本剩係得日本大阪心齋橋有，依家香港都有得食。今次就叫左個「超人氣招牌梳乎厘班戟」。餐廳主打多款特色班戟，有鹹有甜，選擇多到眼花撩亂。另外，想簡單食個brunch，都可以order沙律、三文治以及意粉等西式輕食，每日亦都有都午市套餐可供選擇。今次決定試佢個premium pancake，order完等左20分鐘左右就有得食😋成舊pancake充滿牛油香味。本身以為佢會好甜，但係事實上佢比嘅糖漿份量都唔算太多。而pancake底亦都帶有少少鹹味，兩者中和返，所以食落唔會太滯。而餐廳入面用有個角落有好多玩具車，佈景都好有去左園林嘅感覺，好值得下晝同三五知己一齊坐低relax一下。…Read More

川之源坐落西營盤正街電梯旁邊嘅小角落，由般咸道行樓梯落少少，又或者喺地鐵站b出口慢慢搭電梯上去頂，就會見到入口。餐廳主打四川菜，當然唔少得有家傳戶曉嘅酸菜魚。而今次我就同朋友都同樣鍾意試辣嘢，所以叫左碟「泡椒嫩牛肉」（$168）一齊食。特別鍾意佢嘅萵筍片，清淡帶有甜味嘅味道，容易入口，再加上辣椒同泡薑嘅辣味相得益彰。而牛肉都嘅醬汁都係自家製，唔會太鹹，椒味十分突出。另外，店鋪嘅特色甜品「桂花冰粉」亦都值得一試。桂花粉係一種具有清熱解毒、養容美顏功效嘅植物，具有營養價值。而將其混入做冰粉，質地有啲似果凍，味道鮮美，非常解膩。另外，店鋪亦都有賣自己特製嘅調味料同薯粉。如果鍾意自己喺屋企整嘢食，一定要試下。店鋪唔同嘅醬料選擇有花椒、辣椒🌶️、燈籠辣椒🫑等等，亦都有自家四川出品嘅蕃薯粉、普通薯粉，可以買返去整「酸辣粉」。而特別嘅喺，佢有一款味道類似欖菜嘅配料，喺四川叫做「芽菜」（但唔係香港嗰款芽菜，純粹同名xd），可以有用作米線又或者四季豆嘅配菜。 另外，相信愛嚐辣嘅人一定有聽過或者食過「老干媽」嘅辣椒醬，味道食落係唔太辣，但洋溢香味，十分值得入手購買。…Read More

喺中環搵人食飯，呢邊好多高級餐廳，但係喺士丹利街樓上有間隱世重慶麵舖，當然要一試。店鋪嘅裝修非常有特色，仿佛好似真係去左重慶咁。而環境亦都寬敞，坐得十分舒適。黎食晚市，餐牌係頁紙咁樣，直接喺想要嘅野食到tick就可以。而店舖亦都講明只會用新鮮水麵，絕非經油炸及掛麵，所以建議上菜後就儘快享用。店鋪有提供a+b，a+b+c/d，或者a（小面）+b（飲品）+c（小食）+d（甜品）嘅選項，價錢分別係$83、$93同埋$103。以下會講下英文字母嘅組合到底係代表咩野食～餐廳提供乾撈麵類&湯麵，可以轉全素。撈麵有豌雜麵同擔擔麵可以選擇，另外湯麵都有多種選擇，包括牛肉、肥腸、豬肚等配料，湯底都有經典通麥番茄湯底。我自己就另外叫左酸辣粉。另外，面底都有辣度可以選擇，同埋可以走花生等配菜。酸辣粉嘅湯底唔會太油，而金吉檸檬就可以解辣，配搭酸酸甜甜，可以解埋膩。…Read More

「為食龍Hungry Dino」係一間日式x恐龍主題🦕主題餐廳，主打腐皮壽司以及刺身丼飯，夜晚亦會提供酒精飲品，好適合約埋三五知己嚟happy hour。環境方面，餐廳樓底極高，塑造強烈夠嘅空間感。而用餐地方喺二樓，所以望出去街景係好開揚嘅。餐廳裝修亦非常有特色，以「恐龍」為主題，活潑又得意。而見到menu第一頁就介紹招牌嘅腐皮壽司，最終我哋一共order 6件壽司🍣以下係壽司order list：💛黑松露帶子Scallop with black truffle ($36)💛炙燒北寄貝沙律Surf clam seared with salad ($29)💛辣味三文魚 Spicy salmon ($35)💛明太子芝士蛋黃三文魚Mentaiko Salmon seared with cheese mayo ($36)💛炙燒蟹膏厚燒玉子Crab paste with seared egg ($34)💛芝士蟹籽厚燒玉子Flying fish roe with seared egg & cheese ($29)特別鍾意蟹膏玉子壽司嘅味道。甜嘅玉子配上少少鹹味嘅蟹膏，雖然對比好鮮明但係出乎意料嘅夾。而炙燒北寄貝沙律有重重煙燻味道，再加大大杯甘甜又有少少酸味嘅「為食龍特調：日式蜜柑茶」，解膩非常。…Read More

Avenue75 裝修以維多利亞風為主色調，原木枱配上古董鏡，環境優雅。餐廳主打藝術風，而夜晚提供嘅6款Signature Cocktail代表6個國家嘅概念、6種藝術畫風以及飲食文化，不依次序包括Renaissance Garden（義大利）、Lady Grey（英國）、Ukiyo-e（日本）、Ankara（非洲）、Fiesta（墨西哥）以及Americana（美國）。製作方法會用當地嘅傳統為依據，再加上餐廳改良自家製配方，可見十分用心。例如佢杯Americana係取自classic old fashioned，材料少不了威士忌、angostura苦精、糖、橙皮，係一款strong classic cocktail。餐廳自家加埋花生醬🥜、啤酒糖水、Apple Foam，別具特色。另外，餐廳menu亦十分有心思，每一款嘢飲都要一個story去簡介當地嘅飲食文化、藝術畫風，等嘅期間都花左啲時間細味閱讀。我個人比較鍾意fruity味道嘅cocktail，所以最後決定叫一杯Renaissance Garden，第一啖飲落覺得味道好清新，上面仲有啲檸檬皮。呢杯cocktail係用bloody mary style做藍本，所以酒底係用vodka同埋番茄汁製作而成，其他各種配料都包括辣豉油、tobasco辣椒醬、法式清湯、辣根、羅納葉basil等等，飲落酸酸甜甜咁。而餐廳另外加左蒜頭🧄落配方到，味道會再辣啲，但都好好飲！特別嘅係，嘢飲呈透明色，原因係因為佢有一部專用黎隔色素嘅機，令到佢無咁紅。我自己另外都加左碟佐酒美食「泡菜帶子卡邦尼意大利粉」，帶子好有煙燻過嘅味道，唔錯。…Read More

講到法國美食，除左紅酒起司棍子麵，最知名嘅大概就係法式可麗餅。可麗餅又名Les Crêpe，係一種來自法國嘅傳統煎餅，可以有甜有鹹，而鹹嘅呢會被稱為signature savoury。講到佢嘅整法，類似係簡單薄餅包入水果，忌廉，果醬等。而我今次叫左「Matcha & Berry Parfait」，呢個可麗餅嘅特別之處在於，餅底係朱古力皮，濃郁香甜，好煙韌。之前剩係得尖沙咀分店有，依家中環都有得食啦！薄餅亦都有宇治抹茶粉blend入去忌廉同芝士，令到可麗餅嘅味道好濃郁同smooth。另外，餅嘅內外都有脆脆開心果，上層同外圍再添加紅莓醬，酸酸地，中和返啲甜味。另外，我最鍾意嘅係尼間餐廳可以額外比客人加toppings！所以我決定加埋雲尼拿雪糕，味道都好creamy，唔會太甜，正正係我好鍾意嘅點。啖啖都好味，食到上癮。呢間店亦都有提供其他可麗餅，鹹嘅有主打煙三文魚、黑松露香煎帶子、龍蝦配紐堡醬、烤雞肉、火腿配芝士，典型公司可麗餅等等配料。就算係素食者，都可以選擇le végétarian有蘑菇同番茄。甜味方面，下次有機會我都會想試下肉桂烤啤梨配鹽味焦糖醬。另外，「紅寶石冰冰樂Frappucino - Ruby」係用Ruby Callebaut整嘅，俗稱世上第四種既朱古力～呢款朱古力嘅特別之處，係佢係純天然粉紅色（寶石色彩）嘅，係用有天然莓味嘅可可豆製作而成。所以呢杯製成品都同樣係粉紅色💓飲落以為好似其他咖啡店啲Frappucino 咁甜，點知佢味道好清新，唔會好膩同好稠。…Read More