BeBuBu's Profile

一家12人今晚包括外地返港嘅屋企人嚟聚餐。當時order 咗兩杯mojito, 先嚟咗一杯Green Apple Mojito (細杯），正確係無酒精嘅。後來再落order 加一杯，落單時已問清楚咗係0.00% mojito 無酒精嘅，先至order一杯大嘅。點知杯「0.00% Mojito」嚟到之後，就屋企人飲咗之後就心跳加快，搵職員嚟問，對住個餐牌睇，見到餐牌上有酒精嗰杯係有d青瓜條嘅，而上枱嗰杯飲品係無嘅，所以屋企人相信呢一杯係冇酒精嘅Mojito。職員佢只係肉眼望完杯飲品，都無check單，就話杯嘢係「無酒精嘅」，問佢點解呢杯有青瓜條而餐牌顯示嘅圖片唔同，仲要撐話「我哋係用青瓜汁嘅，有酒精嗰杯會係貴d」嘅，九唔搭八，咁嘅用字真係好差，唔關價錢事，而係我哋係想要一杯「大杯而無酒精」Mojito呀，到最後埋咗單之後先見到有一杯係Ultimate Barcardi Mojito! 落錯單又唔認，完全不負責任，完全冇提過幫客人睇睇張單/換過另一杯飲品。唔該你哋安排多啲 training 俾員工到先放佢哋落場做嘢啦。…Read More

中秋做節晚飯，屋企人揀嚟呢間酒樓，話之前食過好抵食🧐我哋九個人，叫咗個八人套餐，穩陣啦掛。齊人，一叫佢起菜，就幾乎係全部嘢同一時間擺晒上轉盤。乳豬 - 好大隻，好油膩，仲要俾把鉸剪你自己剪 ，未食飯仲要用九牛二虎之力去剪，剪完咩都攤凍晒啦（原來菜單有寫住要自己剪🥴都唔知飲食界嘅邊個奇葩諗出嚟)乳鴿 - 算係正常燒鴨 - 剛上菜都係唔熱嘅上湯大蝦球伊麵 - 都係剛上菜又係唔熱嘅小棠菜釀瑤柱節瓜圃 - 節瓜未熟，一咬落去係硬嘅胡椒花膠雞煲 - 家x牌濃湯寶咁嘅味壽桃 - 呢個真心痴線，講聲叫我哋幫你一移開啲碟都得嘅，但個傳菜阿嬸將呢籠壽桃直接「郎」晌我哋未食晒嘅食物嘅碟到，跟住頭也不回走咗。全餐飯最最最正常係飯後果： 橙。夠大粒同酸。環境又唔係特別乾淨，由門口行入嚟不時見地氈上有d廁紙垃圾。點解仲會咁多人喺度食晚飯？…Read More

晌美食沙漠嘅邊緣返左幾年工，一lunchtime諗食咩都幾頭痛。今日見平時好多人排隊嘅車仔麵竟然有位，即管試下。餐牌寫住兩餸車仔麵配熱飲$31，咁我見熱柚子茶同其他奶茶檸茶咖啡熱飲都同一價錢都係$14，就叫熱柚子茶。杯飲品嚟咗，然後先俾張單我，收$34？店方原因：柚子茶加$3下，$3唔係俾唔起，不過成間舖都冇寫咁樣跟餐要加錢！做生意咁唔老實。呢間餓死都唔會再嚟食！…Read More

今日諗住帶屋企人去大棠睇紅葉，所以順便帶佢哋去元朗食嘢！我每個月都會入元朗兩三次食晚飯，鐘意呢區比較多非連鎖集團食店可以揀嘛！每次經過爽爽一係好多人晌門外等 （餓到無耐性哈 ），一係收左舖，所以趁放假都帶埋屋企人嚟試新野！今日唔例外， 下午2點幾要攞籌不但止，都有D客人係買外賣自取。齋睇價錢未見食物， 尚算合理。醉雞可選冰鮮/新鮮，但我諗酒味應該可以蓋晒D味，所以揀了冰鮮~既然係馳名醉雞及豬扒，三人分別要一份醉雞(冰鮮雞)配米粉, 一份豬扒配米粉及一份豬扒拼魚片。一坐低兩分鐘內已上菜啦。豬扒: 好普通， 係好家常味嘅煎豬扒，好薄的一塊(只有一塊)...除左揼得比較鬆之外無咩難度可言。醉雞: 只可說價錢同份量係成正比, 酒味夠濃米粉: 好細碗，大食D果位兩啖就清晒豬扒拼魚片: 魚片只得薄薄三片  (餓得滯無影到)好快就食晒。由於見佢份量如此，屋企人都費事再加單了。總括來說: 唔洗排隊或者只係嘴饞可以考慮試下爽爽…Read More

之前見朋友面書post 咗d食物相出嚟, 又有點心又有冷盤又有小炒d 賣相好得意好靚, 以為佢哋去左某酒店的中菜部食嘢。一問之下原來去左尖沙咀飲茶,  我問:「咁都俾個舖名嚟先得嘛?」友說: 「咪就係叫〈飲茶〉囉!」 趁男友做完個大project 有時間, 卜定枱拉佢陪我去試下~~地點唔難搵, 在THE ONE 對面之嘛~~一坐低見到菜單上有款豬頭包好得意都想試ga, 叫「一籠八戒」可惜只係午市供應...下回請早喇問定有咩好食咁唔怕伏啦佢推介: 流奶 (流沙奶黃包)、羽衣金蘭 (薑汁香蒜炒鬼佬芥蘭) 同近朱者赤 (咸魚雞粒炒飯)。叫左六款食物, 睇落雖然係細細碟, 但好足料, 飽到食唔落甜品!! 有個花花形嘅糕我想試ga, 下次可以帶意見多多嘅屋企人黎再試其他食物!!  …Read More

假日決意要衝出新界。 對於唔熟過海路線的我, 有埋西港島線真係好方便!! 於是research 下有咩好食。網上見到阿元店面用木板設計幾特別, 又唔係連鎖式經營, 所以決定試下。地點唔難搵, 西營盤B2出口一出來會見到條樓梯, 上去就是第三街了。假期下午1點幾, 要等位都正常。排隊時可以落訂單先。店面得二十個座位左右, 所以店方都客氣表明用餐時間30分鐘。我倆被安排坐面壁位...木牆上有呢d古老貼紙。order 咗以下食物:滷味拼盤 魯肉飯, 夠兩個細食的人的份量 鹽酥雞, 外脆內夠juicy! 一份有五六件 另外叫左兩杯台式飲品, 加多$10-20,  同平時晌貢x / COMEBXX  果D買都差唔多，　價錢合理。…Read More

男友生日飯由我發板。一年一次, 想搵間既望到海景有浪漫氣氛的餐廳食飯, 於是揀左呢間伏中之伏嘅酒店餐廳。早一星期訂檯時已講定了要Window seat, 點知去到時個setting 原來係其中一位要背靠window   (伏1) 心想反正都決定左試呢間, 景觀爭少少唔緊要, 期待下一陣嘅食物啦! 一坐低侍應就問今晚會唔會要酒, 答佢唔需要, 之後就繼續問要唔要distilled / sparkling water, 再答佢睇睇先, 咁佢就倒左兩杯tap water無幾耐, 有另一對couple 被安排坐我們隔鄰。當時餐廳一d 都唔爆而且肯定有其他window seat。與鄰座相距僅得2呎令我倆覺得冇privacy 可言 (伏2)  之後同一位侍應介紹menu, 可以揀semi buffet 或a la carte。其實我倆都想食牛扒, 又未試過semi buffet, 單點肉眼扒都要接近三百元, 加多二百幾元可以食多個頭盤 (option1: 長腳蟹一條,生蠔及細蝦各兩隻    option 2: 燒帶子兩隻及大蝦) 及燒鵝肝, 所以就兩個semi buffet啦。(冇影到相)semi buffet 可自取的食物唔吸引, 主要係tart, 蛋糕, 凍嘢為主 。可能因為燈光問題, 陰陰暗暗咁, 見到都唔開胃。所以只係拎左碗蕃茄湯。熱, 但淡如水 (伏3)。終於頭盤到, 法國菜上菜速度令我倆都有點燥。終於頭盤出場喇!!  唔知係咪唔問佢就唔會講呢, 原來蠔是Pacific Rock, 既鹹且苦 (伏4)燒帶子唔熱 (伏5)燒鵝肝暖暖地 (伏6)由order, 頭盤到Main course , 每樣野都隔成十五分鐘(至少)先至上菜, 全晚間餐廳連埋HAPPY HOUR AREA都係得三四成客都唔明點解可以上菜同收碟都咁慢！侍應好似對於成枱都係碟係習以為常 (對, 仍是同一位)。主菜肉眼扒係唯一可取的食物, 因為夠熱。medium rarestandard 餐飲, 我要Earl grey tea, 男友要了奶茶。此時最大的伏 (伏6)出現了! 佢飲完之後全晚共肚瀉了三次  !!!…Read More

預祝朋友生日，專登上Openrice 搜尋一下第二區的食店。既然大家都想食蠔，又search到呢間，於是專誠過海來試下。怕晚飯時間要等位，於是預早訂了枱。7點15分來到，連我們四人，餐廳都算座無虛席了。先睇Oyster menu, order了White Pearl 及Regal各4隻。平均$60一隻蠔，正常size同埋新鮮程度，以該地段的餐廳可能算是合理價錢吧。 Appetizer揀左個黑毛豬火腿腸拼盤, 份量足夠我們四個女仔，始終比較鹹， 每人淺嚐幾片就夠啦。Main course 時先係戲玉，兩碟都好精緻：分別叫左波士頓龍蝦蕃茄天使麵及牛肝菌意大利飯。食晒嘢之後, 侍應馬上遞甜品menu 埋黎。得7, 8 款而且大家都覺得該價錢一d都唔值, 於是繼續坐晌到傾計。此時就遞上一碟好似Chip Ahoy的曲奇餅仔, 應該在示意我們要埋單了吧。 …Read More