easy97130's Profile

有訂位，本身book左8點鐘，朋友們7點55分左右已經到達，諗住好快有得入去啦，點知一等就等到8點半先有得入座。唔係太明點解，因為飯店本身同我地講6點半入座有限時90分鐘，咁正路黎講我地訂8點應該有位。唔係話唔可以要人等，但book左都要等半個鐘就覺得過分左。8點15分個陣催促過，同我地講執緊枱，然後8點30分我地入座前望住職員執枱。食物水平唔差，價錢都合理。人均二百食到滿足同飽，真係要人等咁耐呢點唔係幾得。…Read More

服務態度差，寫住120分鐘放題，但唔會食得足鐘。我唔會話佢呃鐘，佢有講明嘅，當交智商稅。佢限定離座時間00、15、30、45咁，我地53分入座，要45分交枱。當時唔太明佢嘅規則，負責叫位個個職員就好燥咁話：“我解釋多次啦，其實張飛都有寫。”然後食左半個鐘左右，佢就會叫你比錢埋單。係香港都算食得多放題邊爐餐廳，咁有效率都係第一次見。食物質素普通，同樣價錢絕對有更好選擇。一句說話：唔建議亦唔會有下次。…Read More

首先，openrice個地址已經有啲問題，唔應該係旺角b3出。服務態度好差，叫左嘅食物賣哂係唔會通知客人，見好耐都無上追單先知原來賣哂，佢連單都無落到，但從頭到尾無人通知過。好似欠左啲侍應咁，每放低一樣野都係大大力。燒肉鉗要問先俾，爐係隔離枱教我地開，唔覺得除左上菜有乜服務可言。啲肉完全無味，質素好普通。未試過食燒肉可以食1個鐘就頂唔順要走。會blacklist呢間餐廳，本身係睇社交平台食評見話好先試，覺得真係好差，去食連鎖放題仲好。…Read More

之前食開隔離嘅座銀 見係同一集團所以試下本身唔太好蠔 但整體唔會話好腥好重蠔味令人接受唔到呢到沾麵比較特別 用左一隻薄闊身 好似雲吞皮咁嘅麵 上嘅時候會凍水浸住上 呢個決定係幾好嘅 因為啲麵好易痴埋一齊 同埋個沾麵湯幾鹹下麵上面會有啲紫色花仔 係可食用嘅 另外會有紫蘇 唔啱食可以提出走紫蘇同花仔 價錢178黎講覺得好貴煙燻蛋流心 重煙燻味 但連埋蛋殼就扣左啲分整體而言 唔會唔好食 但偏貴 未必個個都啱口味 食完有啲空虛下次會揀返座銀…Read More

餐廳環境舒適，唔會好逼，但圓形枱有啲細，前菜一定要食哂先可以放得落2個main2人餐都抵食嘅，$208加一，有前菜拼盤，2個main，2杯野飲前菜拼盤有炸雞，腸仔，ham+蜜瓜，沙律，肉丸，大致上都無乜特別，普普通通main叫左牛扒同長通粉，牛扒預設七成熟，但感覺唔似，整體肉味唔濃，食到鹽味，燒烤味好重長通粉就好普通香橙烏龍茶係跟餐，只可以揀凍熱，都幾好味嘅整體黎講，feel到係到下午茶食會幾舒服，因為環境同野飲唔差，食物水準就覺得普通…Read More

肉類係電話落單，其他食物就出去自助區攞，選擇唔係太多，亦無乜其他熟食，但以價錢計可以接受，而且啲肉唔太差，唯一係放題邊爐通病，間唔中上肉嘅時候仲有好多冰咁今次見到有隻麻辣湯包丸，試下覺得都唔錯，貢丸外表，入面有啲辣油包住啲料咁，少少辣都唔差，暫時都未見過其他地方有同埋揀左芫荽，荽味唔大，清湯加一埋芫荽嘅感覺呢間都食開嘅，唔會有咩大問題，今次想講嘅係啲細位做得唔好，今次見到啲菜上面仲有發保膠粒，以往都唔覺得有呢個問題，希望之後唔會再有…Read More

食物味道幾好嘅，唔係話好特別好好食，但唔差嘅。慢煮牛柳入面係微紅，夠軟，唔錯。佢地比較特別嘅係跟薯菜會比紫薯蓉，呢個好少見，甜甜地都幾特別。成餐飯剩係覺得服務可以更好，但唔係員工服務態度問題，係人手太少，得2個人做樓面，要接客、落單、上菜、水吧、執枱、埋單。望到都覺得幾陰公，佢地盡力做架喇，但真係做唔切，所以會比較慢同埋都會出錯，可以接受嘅。環境都舒服嘅，枱同枱之間唔會好逼，啲燈都幾靚，影出黎啲野食都好好睇。…Read More

已經係第二次食，水準keep到今次主食係burger同sirloin，好食嘅，無乜驚喜，係你想像到嘅味道，唔會中伏上次甜品食tiramisu，今次就想試下seventh heaven （完全search唔到圖，都好好奇乜黎）食完主食就叫上甜品，等左15分鐘左右都未上原來係因為綿花糖機壞左，整唔到個seventh heaven，最後就比我地揀另一款甜品，而且free嘅服務態度好好，臨走係咁話唔好意思會再去，食物水準ok，服務好…Read More

環境好chill 好悠閒 幾適合大家坐低飲少少酒 傾下計 唔飲酒黎呢到食下野都相當唔錯今次叫左香辣炸雞 紅酒牛面肉意粉 同埋葡式燒雞漢堡炸雞多汁 香口但唔會好乾好柴 有一個醬比你點 亦都有檸檬比你擠 味道偏咸 點醬會好啲 辣就唔係幾feel到紅酒牛面肉意粉好食嘅 牛面肉好淋亦都好入味 但個意粉好辣 辣到會流鼻水個隻 燒雞漢堡份量都幾多 有2舊雞 仲配埋一堆薯條 我諗一個女仔一定食唔哂食物份量足料 服務貼心嘅 侍應見到我地唔夠位放食物 就主動提出將未食完嘅薯條轉細碟 要留意未必個個侍應識中文 幫我地落單嘅個位侍應就要用英文落單 但影響不大…Read More

服務ok 但其他麻麻首先成個自助餐攞野食嘅地方一眼睇哂 選擇唔多 而且自助餐開始嘅時候有啲食物仲未準備好 例如見到有客人自己打開個蓋 先打開埋其他食物嘅蓋 朱古力噴泉我食到走都無見過佢噴食物味道可以 但每枱都送嘅焗龍蝦極腥甜品同飲品都比人一種放題感覺 甜品味道可以 飲品都係自己沖咖啡奶茶 有果汁 覺得佢似放題係因為放左一盤罐裝飲品 忌廉梳打 錫蘭檸檬茶之類因為場地本身唔大 個日都幾full 而且有一邊出口係商場 比人感覺都幾嘈staycation plan去食 本身包埋早餐 但因為晚餐太失望 無去食早餐 如果唔係2個人1300蚊真係幾唔抵明白可能疫情影響 要減成本 但真係好失望總括而言 唔會再去…Read More

成層都係佢地嘅 所以地方好大 星期六下午意外路過去食都有位 亦都唔會坐到好逼去食當日嘅餐湯係南瓜湯 唔會話好大陣南瓜味 整體係少少甜少少鹹咁 食到啲蓉嘅質地lunch set 有跟餐湯 飲品同包 但要留意叫包類嘅餐唔會跟餐包 就好似我係叫芝士牛漢堡係無餐包 但就唔知叫三文治會唔會跟餐包漢堡好食 但講唔出有乜特別 配嘅薯條就係新鮮炸起 夠熱夠脆跟餐叫左 iced fruit tea味道都係無乜特別服務方面 佢地做得好仔細😂拆開完飲筒嘅膠紙佢地都會注意 即刻收走 應該唔會特別去食 但路過可以一試 都唔會中伏…Read More

暫時係香港食泰國菜都無話食到一間覺得真係好好食 一定要再去 呢間都唔例外 水準一般 無乜特別嘅地方叫左炒通菜 炒粉絲 同埋咖哩軟殼蟹包通菜同粉絲都好食嘅 份量都多而咖哩軟殼蟹包就要等比較長時間 等左差不多25至30分鐘 通菜同粉絲差不多食哂先上菜 個包無咖哩汁浸住嘅地方好脆 面包本身都好食 有1.5隻軟殼蟹 同埋洋蔥 紅椒等材料 咖哩唔辣帶甜 比較易膩軟殼蟹比較少亦都比較小 有啲失望嘅店員服務幾好 衛生就有改善空間 碗杯等餐具可以更乾淨 環境唔差…Read More

呢間餐廳無得book位 所以一定要walk in 唔知係咪因為揀左星期五夜晚去食 最後要等差不多一個鐘先有得食 6點19分攞飛 最後7點20先有位 我地係108號飛 入座之已經派到151號今次叫左青醬雞飯 肉醬意粉 同埋炸魷魚鬚 全部野食水準都唔錯 肉醬意粉就比較普通而成餐最滿意就係芝士溶岩 底係吸滿左咖啡嘅蛋糕 帶有少少酒味 上面嘅cream cheese 都非常好食 加埋有啲苦味嘅朱古力粉 整體好平衡 男朋友本身話食一兩啖試下就算 但最後都食左幾啖 不過一個人食就比較膩 兩個人share就差唔多 建議可以揀番啲茶類嘅飲品解膩 店員亦都好貼心咁比多一隻碟黎放張膠紙成餐都食得好滿意 唯獨真係等得比較耐 食物水準好 坐得亦闊落舒服 另外 餐廳係要用qr code 落單 但我就無係餐廳內見到有wifi 提供 ps 係餐廳出面等位比較熱同焗 而且網絡收得唔太好…Read More

朋友之前食過呢間打邊爐 話好好食 所以今次同朋友黎食叫左一個2人餐 我地2個女仔食唔哂 份量都幾多其中最好食嘅係粟米丸 用筷子一篤落去以為芝士丸黎 因為流左少少黃色嘅餡出黎 但點知一食落就好重粟米味 牛肉亦都相當唔錯 其他食物質素正常但湯底真係唔得 今次係食麻辣湯底小辣 辣就真係小辣 但大咸 朋友甚至講笑話下次應該叫小咸而唔係小辣 咸到甚至有啲苦 最後係飲哂成jar冬瓜茶仲要叫店員比多2杯水黎 希望係失手先會有咁嘅情況啦 因為朋友話佢上次食白玉菊花湯係超好食服務態度幾好 last order都會講明 唔會比人催人趕人走嘅感覺 而且仲會主動幫手落蝦滑地方坐得闊落舒服嘅 但環境比較嘈 同朋友傾計要講得大聲啲會再去仲一定唔會再叫麻辣湯底…Read More

餐廳環境相當舒服 一入去嘅感覺已經唔錯 環境黎講扣分位係座位隔離有假花擺設 食野切野之類都會拮到個擺設 所有店員都好有禮貌 服務好好 今次叫左牛肉定食同豬胺扒 個人覺得豬胺扒比較鹹 調味唔係太中意 但肉質唔錯 份量亦比較少 得一塊同一個焗薯 加少少沙律 而牛肉定食就好好味 牛肉嫩滑有牛味 而且有飯 味噌湯 沙律 比較滿足另外再叫左抹茶latte同coffee latte 但唔係專家亦唔係成日飲 唔識講啲咩評語而是日蛋糕係朱古力芝士蛋糕 覺得比較普通2個人黎講都算叫左唔少野 埋單320唔洗 覺得都算抵食…Read More