smilypiggy的個人專頁

諗住帶屋企人黍之前去食，好彩自己一個食左先，如果唔會比人鬧🥲 時段： 1:30pm, 食左個$138套餐（但六日加$10）75 分鐘，再加一，總數食左$174冬陰公湯底，有二碟牛+一碟雞+ 50g 牛（reception ar 姐果一刻勁推呢個，唔知做乜）牛肉質素overall 完全分唔到咩部位，因為紙甘薄，一陣風食完（40 分）雞肉質素：2 件仔甘大把😓，但新鮮（70 分）湯底： 好普通，唔濃又冇椰奶，之後再加湯越打越酸，變酸清湯（50分）菜丸bar: 正常，有齊應有丸同菜(80 分）蒸點心bar： totally fail, 全部蝦餃燒賣over steam, 出哂水，一夾起溶左塊皮！🤦🏻‍♀️點解冇伙計睇住架？熟食bar: 食左有麻辣雞（70 分），通菜同肉碎等左廚房好耐先差不多我夠鐘埋單先fill，味道一般（50分）炸物櫃： 炸豬皮正常，蝦片正常，炸咩芋頭片同蕃薯片冇食（因為賣相唔吸引）糖水bar lunch time 只有紅豆沙同綠豆沙，但係又係冇fill 😮‍💨勉強筆到少少食，勁林，我直程覺得難食！如果真係要讚我只欣賞佢個飲品雪櫃好多種類，雪條有彩色黑加倫，同麵𣕧有貴貨出$1丁😓，其次係有泰式奶茶！呢D “ 硬件” 先ok!😓保重🙏🏻…查看更多

雖然價$$ 比乜乜重慶大廈果間比某channel 推到好勁果間印度餐廳貴，但知唔知最緊要係咩？佢地啲食材好新鮮，完全唔覺好咸👍🏻重慶果間真係喪咸，直情食食下放棄～要返屋企喪飲水！呢間絕對唔會，份量又大份，啲薄餅又香口，好似有小麥甘，煙煙un un, 尤其我至怕個mango Lissa , 次次飲完好頂胃，呢間啱啱好！呢度又有圓枱，唔似重慶要座厠所隔離🙄! 呢度環境好！生日又唔收切餅費，員工好有禮貌👍🏻唯一係圓枱果邊冷氣有少少唔夠！同個秋葵煮林左少少～可以返卓呢間野🙏🏻貴少少都藉～👍🏻😍…查看更多

兄弟名過於實比粿子吖，MM 呃唒～只比6.5 /10: 叫左1. 成碟魚刺身+雜併盤2. 生牛肉+ 活章魚1. 魚份量夠唒大份，如果2 人食覺得太多添，但全唔覺鮮甜，冇乜特別個雜錦盤好一般，份量又少，都係冇鮮甜味，尤其海菠蘿好苦兼好戥，個海參好唔得，極硬又唔爽脆！似食膠甘～咬唔開根本！生菜同芝麻葉似配合份量勁少，跟本唔夠夾魚食⋯唉！2.生牛肉級素唔得，似用最cheap 果種牛肉絲，唯獨新鮮章魚因為郁緊似夠新鮮心理好少少，但份量同廣告宣傳差好遠，差不多$400🙄基本生野not ok, 全冇驚喜！反而送既熱食前菜cheap 野薄餅同塞米芝士係好食～「啊爸服務ok, 有禮貌！但佢太忙,我都唔好意思叫佢攞菜比我⋯好心燒烤果邊甘旺場請多D 人喇」埋單1+2 = $1500👆🏻👆🏻👆🏻幫襯燒烤可能好D, 因為冇技巧可言，但全場污煙章氣煙霧離漫！似完全冇抽風，食完可能要沖幾次涼都搞唔掂！…查看更多

以前呢間任食串串係我至愛，成日都心思思想去食！但自從由歡喜燒剔手巴巴串之後，我覺得每去一次差一次😮‍💨星期六仲特登帶個fd 去食～食左佢個乜乜安格斯餐～我至愛個肥豬腩肉串冇左，牛粒又唔好食，加$果D牛小排又冇牛味！最唔開心係，啲蜜糖同燒烤汁溝到好稀，啲烤汁係甘上落啲串燒根本「掛」唔到汁，條多春魚烤整都烤唔香～飲品種品又少，馬碲爽又無埋！以前可以有「冰底」杯，而家又冇⋯！總之，又一心頭好餐可以down list! 😮‍💨再見～…查看更多

個場永遠甘迫，「以為」呢間野好掂，其實連普通茶記不如，一上枱隻疍已經爛左，叉燒白色無燒焦又超薄切，上碟全無排版！似垃圾！我直頭想退飯！奶茶全無茶味！$60 食個甘既野🤦🏻‍♀️好劣！只為應合大陸人生意！點搞吖「鴻記」！…查看更多

叫左個麻辣海鮮咖（細），要2位起，每位3百幾！諗住呢個價應該海鮮質素ok la，點知：1. 話冇炸軟蓋蟹格硬換左蜆仔：每人5-6隻，完全一啲鮮甜蜆味都冇，好細隻（似急凍）2. 每人一粒扇貝，同蜆情況一樣，明明成隻扇貝上，但得中間粒肉，裙邊冇哂（似急凍）3. 每人3-4隻蝦：一般，冇特別！4. 鲍魚，每人一粒，好un, 街市$100十粒果D5. 蠔：每人一隻，有鮮甜味，可惜粒肉紙甘薄6. 青口： 每人一隻，有鮮甜正常7. 小bb 蠬蝦仔，每人4 隻，正常冇乜特別8. 過$450，送1 蚊雞！可以由於完全冇被海鮮既鮮甜包圍住，心0得不到滿足，埋左單我同朋友換場去第二度再食過！…查看更多

Order 左老壇酸菜魚： 小辣，小麻1. 盧魚： 唔鮮，似急凍魚2. 湯底： 超咸，我自己直接加2 支枱面清水！返到屋企再灌左三杯水，無酸味！3. 配菜份量： 芽菜正常，寛粉4-5 條仔，木耳3 朵，芫西一束，青瓜每隻角一片共4 片，咸菜一堆（其實典解唔係酸菜？），豆腐幾片！4. 服務有禮5. 酒水： 徧貴，$68 起…查看更多

話說見間野靚靚地，book 23 號同朋友慶祝聖誕兼交換禮物，但係間嘢離地鐵站實在太遠，我個friend已經6:30坐定定等我，而我因為迷路+唔識路，所以6:50先去到！當我到達時，我朋友話俾我聽個manager不停催佢落單，我朋友回覆話要等我嚟到先一齊決定！所以當我哋洗埋手揀好Menu落得單嘅時候都已經係七點，個manager 又發功不停吹落單，再不停warning 我地只可以食到8:00！即只可以食一個鐘！我問經理係咪想趕客？有乜可能Fine dine只可食1個鐘！我問佢呢間餐廳究竟係高級西餐廳定係快餐店！佢仲話冇辦法只可以食一粒鐘！總之擾擾攘攘「一粒鐘」呢個甘小旣問題： 最終佢要我黑面講： I have a very bad experience in this restaurant, I leave now ok? I quit my dinner!佢先好慌張話OK冇問題！我哋可以食over 一個鐘！🤦🏻‍♀️大佬吖，身為意大利嘅餐廳！點解做到自己好似啲流水式作業咁模式甘，係都要個客黑面！真係好辛苦！食物方面： 中規中矩勝在大碟價錢唔算貴！最後， 香港呢啲個半鐘文化，真係令食客好辛苦，食個飯都chur~ To Manger: thxs u can arrange us to finish our dinner over an hours finally after I super anger to you. But I will not and never back to this restaurant anymore! …查看更多

呢間嘢勁多打手！完全唔係嗰回事！俾啲打手呃咗入嚟食！1. 首先一入去露天位，即刻比收費小食你，但係水都冇杯，待應係入面冇客都唔出黎巡下個場，跟住叫嘢食，個侍應似未瞓醒甘，哩係舖入面唔知做乜，叫兩次先出嚟落單！2. 上咗個西班牙小食，難食到喊！個芝士波同薯蓉波炸到好似石頭甘硬！直情隻叉都吉唔到入去！究竟想點？吖廚師你究竟識唔識炸野！3. 然後上埋個西班牙飯，又乾又唔熱！除咗多魷魚之外！冇樣好🤦🏻‍♀️ ! 重要燶底，同佢網上其他食評啲post相相差九仗遠！買個出前一丁/ 波仔丁飯仲好食過佢！唔明點解仲可以屹立喺奧海城🤷🏻‍♀️仲咁多優質食評！無heart 煮野嘅餐廳，搵人做打手既餐廳，總會有人知道的！今日我地兩位豪咗$670比你！但永不再幫襯，感謝你地啲垃圾野食，令我知道乜野叫好難食同Hea 服務！🙏🏻…查看更多

自從日月星期果間関門後, 想食扒, 就要黎灣仔呢間, 但老實講句,食物質素份量大不前, 以前個西冷又大塊又軟又林煎得香, 而家食果塊雖然厚些, 但size細一半, 煎完又硬又韌....大不如前!!叧外一個三文魚柳都細份了很多.....一個正常男人, 跟本唔飽...簡單講句, 縮哂水又唔好食.....…查看更多

呢間餐廳, 我相信唔係因為"抹茶"兼獨市吸引客人, 以呢種服務態度, 一早關門大吉話説小妺前前後後光顧四五次, 講緊係毎一次, 大家注意, 係"毎一次"都漏單...今日亦不例外.又漏單也!叫個貎似經理物体L 君落單, 我地Order完唔夠一分鐘就上菜, 呀L經理, 諗都諗到你地個厨房無甘勁啦, 更何況係你本人落單, 瞎仲仲甘上菜....好似失憶甘叫L經理比杯熱水, 一路飛過甘行一路講: 無架!!!我真係好唔明, 八號風球高掛, 用餐人數比平日少甘多, 真唔明白佢地隻腳好像上磨打甘, 不能停下回答, 好像很忙好忙非常忙甘, 有時無事你最好唔好截停佢.....!不單呀L經理如是, 其他服務員也是, 真係上下一心!由於好難想像一間餐廳係無熱水供應, 我再截停一個姐仔問有否熱水,佢又係磨打腳邊行邊回: 無架!!!我今次認眞截停佢問:餐廳会無熱水供應?姐仔以勝利姿態回覆:係呀,因為"公司規定", 無熱水架...........我無言 .....過了落單後的25分鐘, 我朋友已經差不多吃完, 附近遲入席遲落單的人客已吃着吃着.....看看我自己.....又漏我單.........甘多次裡面,一衆姐仔服務員, 尤其幫我落單的L經理完全無"主動"跟單,無發現漏單, 完全無人發現我半粒鐘乜都無得吃在呆坐... 我也不明白佢地嘅心神用係在那??我知, 佢地有一姐仔一哥仔掛住玩, 玩打來打去, 玩瞹眜,真開心........由於我無得食....通通我睇哂係....係我有問題....我様衰才漏我單, 是我錯......經過2次吹單後, 碗滑蛋牛肉烏冬終於上場, 唔係....應該係老蛋硬過牛皮牛肉烏冬上場.......我真係大滿足好滿意!!…查看更多

呢個醬蟹我是三月中品賞, 係屬於團購優惠, 見到現時仲有呢個團購餐賣, 我係呢刻真係忍唔住要寫下食評其實一直都好恨食醬蟹, 見到有團購”立即”双眼發光(但九十幾蚊又加一又未至於好抵, 其實只係比一個好好既理由去試)十分祈待又興奮….好可惜…..湯-------微暖飯-------微暖醬蟹醬汁---------好喊醬蟹----------------個膏雖則唔夠多膏色唔夠靚, 但尚可接受, 但蟹肉真係唔ok, 本人都不屬於怕唔腥既人, 但當我想隊隻蟹腳入口之際, 一陣陣腥味湧入口(絶對唔係鮮味及所謂海水味, 大家記住係(一味), 愛吃海鮮的人絶對明白(腥) 為何味, 我真係無辨法呑落肚…..飯又唔熱湯又夠滾再加上腥既蟹肉, 全部凍冰冰, 大家缺點根本不能互補!! 飯熱湯滾對於食生野係一個好重要嘅(基本)原素.當日果餐晏我只係爬左兩啖飯一啖蟹膏一隻一蟹腳半碗湯就走......…查看更多

今日係我家嘅老彿爺生日，跟老彿爺闊別了一年半有多，身邊的人和事都改變不少！心裡有不少感觸！為左慶祝我倆嘅久別重逢同生日嘅特別日子，雖然唔知之後會發生咩事，但，唔好理甘多！食左先再講！所以早於半個月前就搵下有乜好食！搵左成個openrice,秋田呢一間係尖咀嘅鉄板人氣可謂首屈一指！即管一試， 起碼老彿爺都對鉄板燒不抗拒！七點半準時到達，唔黎都唔知原來去天文台圍道，先要行一條同西貢菠蘿輋一樣45度既斜路！人老了，氣喘秋田佔地三層，一樓就係我地既目的地！一入去，每張枱已坐滿人，一台大確可以坐八至十個人，可惜今次未能坐正個神位，而係側位！但老彿爺話甘仲好，冇甘油煙喎!而主理嘅師傅，可算是一位師傅仔，年青得很⋯⋯正所謂年青有為，有待改進！經過老彿爺求祈，唔係唔係，係細仔考慮後，佢發板決定要一個鮑魚虎蝦帶子鵝肝餐！另再加上一份澳洲肉眼⋯⋯！一坐低先奉上沙律及和式小吃！味道一般,但有條甜紫色蕃薯bb!:)小吃：魚仔軟身，蕎頭夠脆，但牛蒡好咸！然後再上個鉄板焗疍味道：老彿爺話正，香甜，有黑魚子及一粒鵝肝仔嘅物體係裡面！:)主菜話甘快上場：1.先黎虎蝦及帶子：虎蝦及帶子味道偏淡，虎蝦略兼燒得太干身，有點硬！帶子以牛油先煎後贊酒煮！質感ok,味道好啖，唔夠咸味同野味！有見及些，老彿爺舉手叫待應轉告師傅仔，我地可以食重口味，可以調味重手些！2.鮑魚上場初遇鮑魚，心裡不禁「哇」一聲，因為佢好大隻，有手板甘大，仲好厚肉！好祈待同興奮！圖中黑漆漆果隻首先師傅仔會將隻巨鮑連殼生煎，見到隻巨鮑好痛苦甘掙扎，條裙邊係甘扇動，心裡覺得好殘忍好變態甘，但為左食，呢個念頭一陣間就冇左！唔知老彿爺係咪同我諗法一樣！巨鮑受左一陣煎熬之後，就原隻入左廚房沐浴冲身，到我見到佢時，佢已真真正正死左，好似比人6熟左甘，細左三份一！之後師傅仔就將佢切片伴雞肶茹露筍炒，味道仍徧啖，可能本身鮑魚根本係無味，因鮑魚本身係硬身，好有咬囗，老實講，好祈待呢個鮑魚反而無乜驚喜:(，食完呢個都飽左一大半，因為呢份量都有些大！3.蒜蓉麭併鵝肝呢個好香口好味，百食不厭，熱辣辣入口一流！:)4.虎蝦蝦頭湯絕對一般，無驚喜，好淡味5.澳洲肉眼呢個係老彿爺特意加單，我同老彿爺都係牛魔王，好可惜呢個真係好失望，一來又係味道唔夠，二來可能要控制五成熟，好大塊甘上碟，三來佢起左筋都有仍有筋渣要吐，四來本來塊扒唔算大，起埋筋都所剩無幾⋯⋯心裡唔想收貨，但都冇辨法！6.公仔炒飯表演師傅仔賣力嘗試造呢個巴斯光年公仔，值得加分！7.話甘快尾升，紅豆燒餅燒餅即場開粉製作，走甜嘅紅豆蓉配上已帶甜嘅燒餅，口味very good,對怕太甜嘅我簡值甜度非常適中！好！:)8.再芝麻/綠茶雪糕！9. Finally Encore 係一個好細緻嘅朱古力生日餅配一支蠟燭專為老彿爺而設，好味！呢餐生曰飯就此完滿結束:)，老彿爺同我都好飽！正所謂好又一餐唔好又一餐，至緊要煮果嗰有心機煮，食果嗰有mood食唓！秋田嘅食物色香都ok, 但味道真係有待改善！在此再祝老彿爺，長食長有，食盡天下美食（唔係美女）及身體健康！對小妹有咩照顧不周，好似食野甘，呑哂佢，然後上個厠所，又再開開心心過日子！:):)…查看更多