KelieKelie's Profile

一行5人今晚訂左哩間夜首爾，餐廳安排左間房，諗住幾好嘅，但間房開左冷氣都好局，要開門通風，點餐要好耐先上菜，有時仲漏單，燒肉配蔬菜都正常嘅，但原來要比錢叫，叫左又無黎到，泡菜要加都係要錢，總之樣樣都係錢，服務就麻麻地，左吹右吹先有，一係直頭無黎到，個流程混亂，之前係尖沙咀食其他韓國菜都唔會哩樣要錢個樣要錢，侍應仲會幫手燒埋比客人，醬油蟹又會撈好個飯比客人食。今晚總消費$3597 ，唔需要去哩間食囉。…Read More

兩大兩細黎哩間諗住食下韓燒，店員一開始極力sell 食餐套餐，但套餐菜式唔吸引，我話揀散叫，女店員隨即叫左個男店員過黎問我嘅情況要叫幾款燒野先開爐，男店員好尷尬話3款，個女店員就話要求我叫最少3款先開爐，話因為有客人試過叫一個燒物一個熟食，所以佢要求我地燒物要叫3款或以上先開爐，我覺得好搞笑，係睇唔起我有小朋友驚我叫飯，熟食吖定係驚我唔叫燒肉呢，第一我都未叫完食物就質疑我消費能力低，唯有我答佢我消費得起，唔止叫3款燒物，但到我叫時無哩樣個樣（無八爪魚，無牛肋骨），最後我一家4口食左$13xx 走人，雖然價單唔高，但真心menu 無野想叫，成餐飯除我叫啤酒會過黎外，無人會幫手收野，啲烏蠅仔多到呢，係你眼前係咁飛，食物唔算好食，我都唔敢叫太多熟食，只叫左兩款咋（牛肉飯卷，黃金炸雞）驚比店員話。…Read More

今晚阿仔生日，就訂左哩間漁道樂，每次出街食飯都唔敢諗間餐廳好唔好食，每次食完都係麻麻地嘅，但今次食完哩間餐廳令我好滿足咁返屋企，食物比想像中好好食，環境好靚好有feel，睇得出好有心機裝修，因為好多打卡位影相位，座位好舒服。1）壽司🍣好新鮮，啲飯唔會散開2）什錦天婦羅🍤個漿炸得好好，好鬆脆3）牛舌，勁好食4）壽喜鍋，和牛厚度剛剛，份量好足夠加埋烏冬超飽5）和牛蒜片炒飯，又係必食7）芒果千層蛋糕，好有芒果味嘅蛋糕6）員工服務很好，好有善👍🏻8）整體餐廳食物/環境/服務都好滿意，會繼續幫襯😌😌…Read More

1）夾蝦哩個環節係ok , 不過個缸得幾隻蝦，可能 我book 5、6點哩啲時間關係，會唔放太多蝦 係缸2）燒烤食物真係差嘅，啲肉類見到都唔想夾，雞 翼可能醃得太耐燒完食落口係霉晒，啲夾又唔 太衛生，個個夾都可以夾唔同嘅食物，菠蘿放 埋係啲肉類雪櫃一陣味好臭3）熟食少到一個點，4）飲品櫃飲品可以接受5）贈送碟蝦、牛肉、鮑魚、帶子係可以唔洗食， 牛肉就仲可以放入口，鮑魚死左好耐霉嘅，帶 子都係，蝦都係唔好食，所以全部贈送都掉晒 落垃圾桶（餐廳提供垃圾桶仔係檯面）6）餐廳環境就好麻麻，啲人要四圍夾蝦有啲麻煩7）侍應招呼方面係好好嘅8）總結唔值哩個收費…Read More

今日同家人到奧海城哩間元氣食壽司，大概兩點另鐘開始食，坐低見迴轉緊嘅壽司好似轉左幾個鐘咁樣，霉到要掉個隻，係唔會想拎黎食個種。我叫我先生order左啲壽司，然後我係迴轉到拎左碟炸蝦卷食，見狀好似ok ，放入口完全feel到係凍晒同唔好食，食左兩件炸蝦卷，order嘅壽司都到了，食埋個芥辣八爪魚同赤貝壽司各一件後，我開始feel到想嘔嘅感覺，係咁飲茶頂住，忍左一陣堅頂唔順沖去廁所即嘔晒啲食物出黎。前後嘔左兩三次。搞掂之後我返入元氣同我先生講我嘔。啲野食應該好多細菌，跟住瞬間埋單走人，我係第一次食完即嘔嘅一間食肆。哩間元氣觀感覺舊同啲食物轉到謝晒，之後我去左M記買左個魚柳飽充饑。🤦🏽‍♀️ …Read More