mama345's Profile

麻辣土豆絲又冇想像之中咁辣，土豆絲好爽，酸酸辣辣咁樣，食落好開胃。家常餅就係傳統薄身嘅蔥油餅，呢個家常餅嘅優點就係油分比較少。牛肉麵都幾大碗，牛肉同埋麵嘅份量都好多，而且牛肉嘅質素唔錯。另一碗麵就揀咗酸辣麵，其實即係陽春麵不過轉咗酸辣湯做湯底，呢度個酸辣湯味道都幾傳統，酸味同辣味都好平衡。京蔥羊肉餃幾好食，啲羊肉冇乜騷味京燒羊肉最難得就係好少肥肉，因為出面成日食到嘅都好多肥膏，搞到嘥晒碟餸，呢個經銷羊肉要點埋個秘製醬汁先至更加夠味好食。…Read More

呢間茶餐廳嘅早餐幾別出心裁，因為竟然有湯種麵包可以揀，唔洗加錢，味道唔錯，製作認真，香嫩軟熟。如果有煎雙蛋亦都用一啲靚蛋，個蛋味又真係未畀平時食到嘅香。雪菜肉絲米嘅雪菜係新鮮雪菜，早餐都咁有誠意真係難得。另一份早餐就係要咗蕃茄湯雞肉通心粉、兩隻烚蛋再加湯種麵包，味道都唔錯，不過個蕃茄湯就好似稀咗少少。飲品就叫咗凍奶茶少甜小冰同埋熱檸水，啲奶茶幾好飲。…Read More

下午茶時段幫襯咗呢一間灣仔合和中心嘅酒樓，食物質素唔錯，價錢你都合理。叉燒包一龍有三個，叉燒嘅質素唔錯，而且唔會太鹹。香煎蝦米腸煎得幾好，舊乾身之外外皮亦都有少少脆口，油份亦都唔多。呢個係下午茶特價時段嘅菜苗餃，價錢係平咗，不過份量應該都係少咗，只有兩粒，所以初步睇落去下午茶時段嘅點心又唔係真係平咗好多。呢個煎釀雙寶又係幾好食，矮瓜同埋個尖椒都新鮮，釀鯪魚肉亦都係新鮮兼厚身。家鄉煎薄撐油份亦都係少，都煎得幾香。最後叫咗個香蔥叉燒絲撈麵，下午茶特價時段89蚊一碟，都幾大碟，不過略為嫌佢個撈麵嘅鹼水味重咗少少。…Read More

坐低先點小食，呢個係素咖哩角vegetable samosa，比較飽肚，因為呢一個係非常印度style嘅小食，叫dahi puri，愛曾係脆皮波波，入面係一啲yogurt，再加啲香料同埋脆麵碎，呢個都幾好食。因為有朋友唔係好食辣，所以就叫咗呢個印度牛油雞batter chicken，佢都算係咖哩嘅一種，不過就真係唔辣嘅。個醬汁係已蕃茄為主，酸酸地幾開胃。配上熱辣辣嘅nanh bread，邊點啲汁邊食。走嘅時候餐廳送咗個印度甜品畀我哋，食落有啲似米漿咁嘅糊仔，有啲花生粒喺面，加咗煉奶，唔係好甜，味道唔錯。…Read More

今日放假心思思想食西多士，於是就入咗呢一間茶餐廳食佢嘅下午茶餐，佢個西多士都做得唔錯。我自己覺得一份西多士做得好唔好取決於幾樣嘢，第一：厚度，西多士真係要厚先至好食。第二：夠乾身，西多士都係多士，雖然外層加咗蛋漿去炸，不過都要炸得乾身，唔會油淋淋，外層真係要有啲硬度，而入面亦都要有多士嘅質感，食落去先至好feel。第三：溫度，不過正常嚟講西多士都係熱辣辣嘅，除非你去幫襯啲連鎖快餐店先至會炸定一堆喺度。所以呢一間茶餐廳嘅西多士係真係好食嘅。糖漿就用呢一款韓國嘅，冇太古嗰隻咁甜。杯奶茶都好飲。…Read More

特濃開心果梳乎厘pancake，顧名思義就係pancake再加梳乎厘然後再加上開心果醬然後上面審一啲開心果碎咁樣嘅甜品，不過佢個size真係大得好誇張，我覺得兩個人share係基本，如果細食少少真係三個人或者四個人share先至食得曬。用包tempo紙巾做一個size嘅比較就知道呢份梳乎厘pancake真係好大份。味道ok嘅，不過開心果嘅味唔係好出，pancake同埋梳乎厘個質地都唔錯，甜品控不容錯過。…Read More

呢間任食火鍋真係平到嚇死人，四個人幫襯，諗住先食雞煲然後打邊爐，點知竟然可以食雞煲加烤魚然後先至再打邊爐，加埋一先至每人230蚊，誇張。烤魚嘅揀咗蒜香烤魚，小辣，條魚超大條，店家話係海鱸。雞煲因為唔想食麻辣所以揀咗椰子雞煲，啲雞都幾好食，個湯都幾濃椰子水味。如果肚餓等唔切可以先食一啲熟食，都有幾多款式揀。食飽雞煲同烤魚之後開始打邊爐，四個湯底任揀，我哋就keep返個椰子雞煲，然後將個烤魚換做成都麻辣湯底，見到啲辣椒個樣就知道夠曬辣。全部火鍋配料都係自己出面攞，海鮮都算多選擇。肉類就得豬同牛，任食場黎講都幾新鮮幾靚。火鍋配料都算多，最特別係呢一個咖哩魚蛋，因為佢啲咖哩汁係喺魚蛋入面嘅。最後仲有甜品，除咗呢啲之外仲有雪糕同埋棉花糖。…Read More

終於第一次喺香港食到一間比較接近潮汕口味嘅粿汁店，依家交通物流咁發達令到就算潮汕地區搵一啲食材嚟香港都可以喺好短時間嚟到，保持食物嘅新鮮，就好似呢一碗粉咁樣，真係非常之有誠意，牛丸好食，仲有一種潮汕特色嘅肉條味道都唔錯，而且價錢都好合理，可以止一止去潮汕瘋狂大食嘅癮先。…Read More

今日試咗呢一間位於大埔昌運中心嘅麵店，佢哋主打上海菜式，味道都幾正宗，而且價錢亦都相宜。食上海嘢點少得酸辣湯，而且酸辣湯往往就可以試到嗰間上海小館嘅食物是否正宗，呢度嘅酸辣湯味道唔錯，酸味同辣味都好balance，而且入面啲配料都幾豐富，味道亦都算正宗。小籠包一籠有六隻，坦白講呢個係有少少失望，最大原因就係佢唔係人手包嘅，似乎係機器倒模出嚟嗰種。另外再叫咗個菜肉雲吞上海麵，佢嘅菜肉雲吞好食，碗麵嘅份量亦都算大。…Read More

一坐低就有一份麵包仔招呼，可以點黑醋同橄欖油，係非常之意大利嘅食法。因為好鬼熱好鬼口渴所以要咗支冰凍嘅sparkling water。佢嘅set lunch係有前菜嘅，可以揀湯或者沙律，我哋每人揀一樣，個湯都幾好飲，不過似乎個沙律比較精彩。我哋嗌咗一個意大利粉同一個pizza share，個意大利粉嘅size係ok嘅，不過個pizza就超級大個，我覺得咁嘅陣細三個人先至勉強食得曬，真係超級抵食。跟住仲包埋一杯餐飲。呢間餐廳真係性價比極高，而且食物嘅味道真係好正宗，係一間值得encore嘅意大利餐廳。…Read More

柴灣地膽推介真係冇介紹錯，工廠區大排檔又有風味又好好味，可惜今日唔夠多人只係食到三樣嘢，其中兩樣係呢度嘅招牌菜，超級大碟超級正。呢個就係招牌菜number one嘅鴛鴦鳳皮甲，其實就係雞皮讓入墨魚滑再炸到香脆然後切件，個底就有啲手撕雞配青瓜絲嘅涼拌菜，先食鳳皮甲，然後再撈勻啲手撕雞同埋青瓜絲再食，個鳳皮甲雖然真係有啲熱氣，但係真係好好食。第二個招牌菜就係炸子雞，雖然我哋得四個人但係一於叫一隻炸子雞，皮脆肉滑而且有少油，啲雞皮仲係炸到好鬼香。第三個數係涼拌wasabi墨魚，又係好食，好清新。…Read More

呢間喺大埔街市樓上熟食中心嘅點心舖一向都好多人話好好食，今日路經此地終於有機會一試，發現都係走風味路線多啲，唔係話佢唔好食，只不過係自家製點心而已。蝦餃ok，係舊式蝦餃嘅味道，我自己比較鍾意呢種蝦餃多啲，一尾追求大大隻嘅蝦就好似失去咗蝦餃嘅原意。叉燒包就一般，如果唔想嘥quota就可以skip。燒賣又係嗰種舊式點心嘅味道，純粹懷舊一下咁啦。腸粉又係屬於一般，同叉燒包一樣如果唔想浪費quota亦都係可以skip。…Read More

一講起食德國菜就會即時諗起德國脆皮豬手同埋德國傳統小麥啤，今日一次過滿足曬兩個願望，成日以為呢啲正宗德國嘢都係要港島區先至食到，估唔到元朗都有一間隱世嘅德國餐廳。雖然望落去隻德國脆皮豬手嘅size唔係好大，但係始終啖啖肉，千祈唔好睇少呢個份量，兩個人都真係差啲食唔曬要打包。佢個豬手做得好好，肥瘦適中，豬手皮真係crunchy，而黏住骨嘅部分又唔會太乾爭爭。至於搬默啤真係幾好飲，小麥味香，但係又唔會苦澀，入口香醇。…Read More

28蚊一個雪燕燉椰皇真係平都冇朋友，作為一間新開糖水舖嘅吸引客人招數，我就覺得非常成功，起碼吸引咗我入去試一試。個雪燕燉椰皇入面真係有好多雪燕，熱辣辣拎到埋嚟，一邊食一邊有一種好滋潤滋陰嘅感覺喺喉嚨度湧出嚟。28蚊真係太平，希望佢呢個甜品可以為佢帶來大量客人，捱到依家嚴寒嘅市道唔好執笠，因為執咗我哋就冇得食。所以除咗呢個特價嘅雪燕燉椰皇之外，我再叫多一份炸雞軟骨。基本上呢啲冇乜技巧嘅嘢味道都係差唔多，純粹支持一下。…Read More

招牌鹽焗雞果然有料到，嚟到呢度真係唔好叫雞飯，直接叫例牌或者半隻鹽焗雞再嗌白飯先至夠喉，始終鹽焗雞飯得嗰幾件雞邊度夠食，佢呢度嘅雞真係整得好好味，份量又足，而且仲跟埋雞腸雞潤雞腎呢啲內臟，精彩超凡。跟手叫多碟咕嚕肉，份量又係比想像之中多，煮得夠鑊氣，味道唔錯。食太多肉就梗係要叫返啲菜平衡吓啦，因為呢度有粉麵，所以就可以叫粉麵舖嗰啲油菜，比炒菜更健康，因為冇咁油，而且仲可以好似我咁樣要碟油菜全走。呢度杯奶茶都幾好飲，真係要傳統茶檔先有呢一種味道。…Read More