Cowiebibi's Profile

食過好多次，其實就一d都唔好食，只係因為住既村屋唔係好多地方送外賣，佢地肯送先叫。之前試過叫外賣，等左個幾鐘都未送，打話問又無人聽，最後要第二日中午先回覆，連唔好意思都唔講！今次叫但左平時食開嘅芒果杏仁豆腐，正正常常冇乜嘢啦。之後叫多咗個芒果椰汁紫米露同芝麻糊豆腐花。個椰汁芒果紫米露，紫米小，水汪汪，味道好食都無用。最難食係個芝麻糊豆腐花，個豆腐花根本就唔係豆腐花，非常硬，又唔似杏仁豆腐，又唔似奶動，豆腐花更加冇豆腐味，個芝麻糊又甜又滑，食咗三份一就已經食唔到落去仲話由酒店廚師主理，完全唔能夠接受。仲要唔係平，有選擇真係唔會食佢…Read More

都未有人寫食評就等我來寫寫吧！上幾個星期見到新開嘅上海菜叫五芳齋，因為佢用得呢個今日代表性嘅名，已經對佢充滿期待。難得今日早收工同屋企人嚟到五芳齋食晚飯，入到去裝修係唔錯嘅，光猛舒服，咁就開始點菜啦但係打開個餐牌後，我覺得非常失望....首先，叫得五芳齋，一定係食上海菜上海菜，點會唔叫小籠包？但原來呢間所謂的上海菜竟然無小籠包 晚上8點，想飲個上海的醃篤鮮，竟然話已經賣晒坐對面一對夫婦叫左最後的醃篤鮮就投訴醃篤鮮怎能沒有百頁，沒有百頁怎能叫醃篤鮮呀？ 最後，望來望去都唔知點乜嘢好，結果我哋叫左個涼拌木耳同炒年糕，r首先講左個涼拌木耳，又無醋味又無喊味咁簡單的涼拌點解都唔花d功夫做好d叫左個年糕，唔明點解等左20分鐘都未有得食，舉手問侍應，侍應態度一般，還好個年糕還可以....食得落口，但一定唔係好食，一定唔會再黎！…Read More

海港城了又開左另一間cake shop. 原先無太大興趣想試,因為海港城實左太多, 食完間間都係個d味同差唔多, 但前幾日有同事食左話好好味, 又話係法國傳統品牌, 所以就同左另一個同事去買左件黎試. 呢間cake shop 既位置其實比較僻(係MUJI 個層),可能係weekday 同埋lunch 後時間, shop裡面無咩人, 門口好大，都幾grand，感覺都好舒服.　入到去見到D cake , 同一般高級CAKE SHOP既CAKE 有ｄ唔同，望落去比較平實，　唔花巧．　店員見到我地，態度都好親切，慢慢介紹每一件ｃａｋｅ既特色，最後我地揀左咖啡味的Religieuse Cafe同熱情果味Religieuse Exotique．　雖然外表平凡，但味道相當好味．咖啡味唔會太甜，中間D CREME 好滑．一ｄ都唔覺得溜．熱情果味個個酸酸地，　最岩夏天食，口感好清新．　最好就係個ｃａｋｅ　分兩層，同朋友ｓｈａｒｅ可以一人一層，幾方便．　…Read More

其實已經去過The Herbivores中環店幾次，　知道希慎都開左所以諗住黎一試，　希慎店比中環店大好多，　如果要ｇａｔｈｅｒｉｎｇ　或者想兩個人傾密計都係唔錯既選擇不過就會無左中環個種小店feel太約７點半到，原先只得返一張近門口的兩人枱，經理哥哥好好叫我們先坐下，見有人埋單立刻安排我同友人到另一張較入的兩人枱看餐牌點菜，可能我已經有一段時間無去過The Herbivores,感覺好似多左好多款式因為我地只係兩個人，所以只點左３樣野食，同以往一樣點我最愛的zucchini roll之後點左mango risotto 同ravioli... Mango Risotto 同menu 個樣都唔一樣, 芒果肉一d都唔多, 無咩特別. 無咩驚喜至於ravioli.唔可以話唔好食, 不過都係個句, 一般無咩驚喜. …Read More

茶木要等我聽聞過好耐, 所以次次都係行過就算~今之佢地再開分店係紅磡, 終於比我試到今次去食sunday lunch , 紅磡分店都要等, 太概等左20-30分鐘就有位坐低~原先因為得兩個人, 無諗住食佢個三層吐司, 但見到枱枱都食, 個樣實在太吸引朋友同我都好想知究竟呢幾塊多士有咩吸引力, 所以改變計劃, 兩個人只係叫左一碗面,一杯飲品,一碟小食同 一個"三層吐司"餐廳人多, 都幫我們落單的小姐都仍然非常有禮貌, 仲教我地食到一半才點吐司就差不多喇~吐司比預期中等得還要耐... 不過個吐司一黎到就開心返晒喇~~~三塊吐司非常香脆,但一點都不油膩. 細心將頭兩層吐司的中間部分切點, 可以一粒粒點住雪糕食,非常方便.又冷又熱又脆又軟的口感....強烈對比,一次過多感受晒, 非常有驚喜~ …Read More

行完山，搵下午茶食，好少出沒於荃灣區，所以都係見有咩就食咩，咁岩呢間餐廳又有位，環境又ok 就入左去。 一行三人叫左一個午餐兩個下午茶，三個餐都有驚喜！其中最滿意係burger 旁邊的開心薯條，新鮮炸起，熱辣辣,仲要一d都唔油，好味？我叫的apple pie 雖然要等一陣，但係即叫即做！脆口，唔太甜，仲有Oreo 雪糕！！算係有心之作！！…Read More

星期六同朋友去tea, 怕多人所以之前已經訂左枱. 去到人唔多, 最岩傾計. 服務生態度非常親切細心, 我地兩人枱, 服務生比多左張椅子比我地放東西. 我沒有將外套和手袋放到另一張椅子上, 服務生過一陣走過來說," 為什麼坐等這麼辛苦" , 還幫我把外套和手袋放到旁邊的椅子上 high tea set 好抵, 300 兩個人. 飲品要mocha不用另加錢~~~甜咸點也做做得好好, 特別推介它的rasberry cream puff, 不太甜, 但cream 卻很滑又香咸點也有自制duck ham, 好似鴨的parma ham, 很特別~~~…Read More

服務態度度其差，剛去到還沒有枱，諗住等一下，點知waiter 一開口唔係問我地幾位，係叫我地出去外面30幾度高溫下罰企。問佢幾時有位，話唔知就算，d野又唔係平，又唔算好食，一定唔會再去！！…Read More