Candice_410's Profile

排隊排咗半個鐘，入到去先發現好多嘢已經賣晒先3:30 ，熱門嘢賣晒，下午茶冇晒，如果一早知就唔會入去叫左個咖喱牛腩+薄餅（如果係想食咖喱牛腩就唔使專登過嚟食啦……下話？），個牛都淋既味道唔錯，份量好少，只有四舊牛腩個甜品食完成餐飯都未有，隔離嗰台成十個人都係食完成餐飯都未有，都催緊個甜品原本諗住唔要，點知又話有啦芒果勁少，細細塊咁，咁就梗係唔抵食㗎啦，可以打下卡咁囉，原本唔係想叫呢個嘅，但熱門既芒果乳酪疊疊冰未到3:30就賣曬。。食完成餐飯要叫先有杯水飲下，個杯邊仲要污糟嘅，我就一啖都冇飲過啦。。。…Read More

好好食好魚既魚湯拉麵🤤個湯整好上碗，再用電動攪拌棒再打到起泡有魚肉、筍、叉燒碗邊有一篤柚子醬覺得魚湯太濃可以加入湯底中和一下加再真係清啲，所以個人PREFER唔加🤘🏻麵條軟硬適中，掛湯可惜沾麵sold out要等到下午6點下次要再黎試…Read More

屋企附近開左新餐廳🙆🏼‍♀️日本米之連一星拉面🍜襯第一日開張無乜人去拿拿聲去左先拉麵湯底唔錯，signature 好濃既松露同蠔味，落左番茜同火箭菜，有啲似意粉會岀現既味，略咸但唔口渴。另外仲試左豚骨辛拉麵，辣得幾香~拉麵主要都係食湯底，細食既話兩個人share一個ok,因為小食太正~牛舌丼係小份，個飯好香白松露油味，牛舌有5、6件厚切，有兩件比較韌，但唔韌果啲真係好好食天婦羅係兩件蠔天婦羅擺左係蠔殼上面，下面有脆脆墊底，蠔殼用鹽墊住，側邊擺左玉米，矮瓜同青椒天婦羅，攞盤十分有心機，蠔好juicy蠔串燒又係正，都係juicy, 側邊擺左幾片酸蘿蔔解油膩一口飯好好食，紫菜包住青瓜、飯同隻蠔，蠔呢度小凍，唔知係咪配合返壽司既造型，好食侍應服務好好，仲會問客人對食物有咩意見，經常添水同有笑容…Read More

本身睇完openrice都知呢間野伏伏地但因為環境唔錯，d防疫隔板整得正正常常想同個fd坐得舒服d先黎我叫左個set lunch menu入面既煎脆皮盲曹魚個皮係脆，但真係食唔落，因為咸到苦已經咸到我唔知係個皮咸定係個肉咸定係個sauce咸我食多兩啖睇下係咪d鹽落得唔均勻，但唔係囉，係每一啖都一樣咸，唔食皮剩係食肉都好咸我只能夠食d薯仔同南瓜，魚我盡量食因為唔好浪費，但都食唔曬我都驚會有腎病再望下有兩檯客都有order呢個，但佢地個樣無咩野咁我唔知係咪我唔好彩定點啦我個fd就話換，但lunch hour得一個鐘換得黎都要返工佢order果個西冷扒半生熟，好韌，但都入得口我已經無咩期望，算係不過不失食到一半叫左杯Americano，食完都見唔到杯野飲，遲過我地到d客都已經有野飲咁催啦，waiter話因為我地無叫佢地上。啊？要架原來？我只係聽過酒、甜品會咁，估唔到而家連餐飲都要咁咁真係夠曬鐘啦叫佢轉紙杯我地拎走再等好耐終於見到杯啡，我真係XYZ....佢用mug裝住.....唉我寧願食麥記店內貼左好多黃色揮春，咁我估佢黃店啦唔該而家d後生仔做好d，唔好掛個名黃店d質素咁銀樣好嗎…Read More

六點後係屋企叫外賣第一次食呢間睇相以為好細原來一啲都唔細碗飯既分量岩岩唔好唔會太多魯肉好香 少少肥咁個飯仲有茄子、菜、豆腐同半隻滷水蛋👍🏻好有營養另外叫左鹽酥雞，好食！唔會油啲雞幾滑，鹹度岩岩好值得一讚外賣都有砌靚個飯🥰仲跟野飲…Read More

車品品跟老公拍拖時去過最近得知曾經結業現在重開了立刻過海來吃意外地因為疫情沒有堂食，目前做網上下單老闆娘還開了社交平台沒想到車品品能如此靈活食物跟以前一樣碗仔翅十分足料，啖啖都是料花膠紅燒鮑魚仔好吃到，我另外煮個餃子來沾鮑魚汁辣菜脯以前去我都吃老闆娘半瓶😆這次也有買上期待再岀魯肉餃☺️老闆娘加油…Read More

周月既拉麵都係鹿兒島燒黑豚肉xxx拉麵叫左帆立貝油麵（中環限定），係無帆立貝既，因為係帆立貝油～撈麵，係幾好食幾香另外果個係香辣沾麵，無乜驚喜，啲豬肉太肥，唔係肥豬肉粒就係好柴既豬肉，個湯唔算好～掛但都正路既。用竹墊隔開啲麵keep住乾爽啲都幾細心。總結：唔會再去。😅…Read More

今日中午諗住試吓呢間新開嘅cafeBrunch只有五款揀，其中兩款係沙律、一款waffle、三文治同benedict其實我得Benedict 岩食，點知Benedict sold out，但當時只係一點幾，而且cafe外面menu無寫無得食，如果我係外面已經知就唔會入去。唔明點解咁基本嘅嘢會一點幾就賣晒咁唔緊要，我揀左french fires with popcorn chicken咁我唔知點解叫Popcorn啦，嚟到見到同Popcorn一啲關係都冇嘅，可能個外型似掛，一粒粒咁。薯條就正常薯條咁，味道粗幼同麥當勞差唔多。最大嘅缺點係上菜超級慢，我哋先order沙律，隔咗大約5分鐘先order個小食，但個小食等左大半個鐘先有，食完個小食差唔多九個字都仲未見到個沙律……其實真係等到燥咗，嘥晒D時間，唔明白沙律其實只係砌出嚟點解可以等九個字都無。當時大約有五枱客（包括我哋），眼見有三個後生既staff，唔明點解手腳可以咁慢。最後唔等啦，埋單，見到隔離個Staff擠最後兩滴jam擠左好耐，其實點解要同嗰兩滴jam糾纏咁耐？究竟頭先我係為咗啲乜嘢等咁耐？…Read More

其實我係上網睇咗介紹，見到個門口幾靚先去~地點唔係好就腳，喺上環同西營盤嘅中間我喺上環過去，行左勁耐先到，嗰日仲要好曬好熱上到去已經滴晒汗，去到個門口幾靚都唔關我事🤮淨係想快啲入去涼冷氣叫完嘢食直到上菜等左多過半個鐘先上咗all day breakfast, 然後我老公食到大半我個bagel 先上，兩個餐都好油，尤其係個蛋，望落去好滑，其實都係油，食完一大灘油喺隻碟度間店唔算太多人店員服務亦一般，行行企企發下吽逗咁連鎖咖啡店嘅員工一般都不停做嘢小店一般都會同啲客傾吓計但呢度就兩樣都冇坦白講其實行到去呢間Cafe之前都見到好多間Cafe有更多更好嘅choice ，唔會再黎…Read More

這家的糭子超級好吃性價比也很高 abt$30-40@每只都包很大～多豆，蛋黃又大🌅沒有比較沒有傷害，在家樓下買了一只超難吃的每次吃兩種口味，跟熙叔每款吃一半一分為二兩邊都還是有很多料，蛋黃冬菇什麼的都是兩邊都有糯米剛剛好不會太黏，好多款🙃而且有素糭🙏特地去北角買，所有口味都來一個🤤還光顧了兩次去之前可以fb問一下有沒有貨再去，因為小店製作須時所有口味都超好吃，鹼水糭也好吃🤤…Read More

可能這家「木衛」跟老虎堂同一條街所以沒什麼人排隊剛吃完炸雞好膩想喝點清新的點了「手作鮮芒果🥭沙冰」沒想到～超。好。喝 有芒果肉，芒果汁好像還有茶，不會像一般的台式飲料有很重的糖漿味，很清新🌿因為沙𣲙打得不夠滑所以我覺得融化後更好喝🤘🏻這陣子如果想喝台式飲料大概都會在這家買～…Read More

已經去過呢間野兩次，環境唔錯，好多影相位嘢食都唔錯。第一次黎仲未有咁多人知，嗰時上菜速度還可以。當時餐廳有八成嘅位都係吉嘅，我要求想坐卡位，但侍應因為唔夠人手執枱（事實上的確所有卡位都係食完嘅杯碟，眼見只有一個樓面）所以安排我哋坐第二啲位。有啲女仔想係outdoor影相，嗰啲矮凳同民族風既墊全部都要客人自己搬出去，都係因為人手不足，當時出面根本未set好，可能係佢哋有同客人講聲，如果想影相可以自己搬，但我認為咁樣不如暫時Close 左先，因為根本未ready。第二次黎我諗已經出咗名，爆曬場。Book咗枱我提早左10分鐘到都要比原定時間多等15分鐘先入得。我諗如果唔book枱起碼要等半個鐘至九個字。侍應繼續超級慢，樓面大約三個，但係應付呢個客量絕對唔夠。坐左大半個鐘先有水飲，更加唔好講嘢食，餓都就嚟死千祈唔好去。最正係明明我嗌左豬手，淨係比匙羹同叉我點食呢？我好有禮貌請侍應比把刀我，點知佢由頭到尾都黑晒面，可能太多嘢做掛。埋單都超級慢，呢間野真係要食個麵打個底先好去。如果你諗住上eatigo攞個折頭，咁你就錯啦，個折頭係好難攞。首先你唔可以嗌set，唔可以嗌龍蝦，唔可以嗌野飲，唔可以嗌甜品，你最後會發覺嗌set 係會抵食過當日有折頭嘅嘢食，set加$15有個薯條，包左唔知幾多錢嘅嘢飲。所謂折頭，根本唔抵同好難攞。嘢食真係幾好食，不過唔會再去。…Read More