Carmen.88's Profile

保齡球場入面有小食部, 就係人都唸到, 但係入面有間餐廳, 仲要開正球場中間, 我真係第一次見 朋友試過幾次, 都有讚無彈, 食咩都得, 自已帶海鮮又得, 仲話去之前要BOOK位添. 心唸: 有無咁誇張呀?? 好, 就試一次, 睇下係咪咁厲害球場細細, 竟然爆場 好彩一早BOOK左位, 留左間VIP房, 一部高清電視, 一張大圓枱, 枱布, 餐具....井井有條, 竟然有酒樓既感覺, 睇落都幾有規模丫!! 時間關係, 無自已帶海鮮. 瑤柱貴妃雞, 香芥蝦球, 脆皮南乳豬手, 鬼馬油炸鬼, 紅蕃牛坑腩, 瑤柱上湯浸菜苗, 炒飯, 糖水.. 瑤柱貴妃雞 ~ 好滑, 好香, 仲食到有啲酒味添 香芥蝦球 ~ 炸左既蝦球再加上蜜味芥辣醬, 超正:) 脆皮南乳豬手 ~ 脆脆地, 比想像中好喎:) 鬼馬油炸鬼 ~ 油炸鬼入面釀蝦膠, 好過隱 紅蕃牛坑腩 ~ 原來係用左紅酒去整, 食落好開胃. 炒飯 ~ 每粒飯炒到好乾身, 粒粒都好似識跳咁, 碟底一點油都無, 好手勢呢一餐, 打破左我對美孚區無好野食既觀念..終於有一間似樣既中式小廚喇下次, 真係要試下食海鮮!!…Read More

聽朋友講花園街開左間文成記, 最鍾意打邊爐既我梗去試下啦. 夜晚八點零, 有幾枱客咁啦, 環境算唔錯, 燈光溫和. 一坐底已經有個侍應推介免費入會, 只需要填姓名電話就ok. 仲即時以$1嘆豬骨煲. 咁好, 梗係即刻入啦.睇完張點菜紙,兩個人點住少少野先 (桶蠔, 雪花肥牛, 油麥菜, 文成記三滑), 唸住睇下份量如何先再加, 因為以我熱愛打邊爐的情況, 一定唔夠食.點知, 等左成半個鐘先有個湯底, 再等多幾個字先有碟蠔..一碟蠔有6隻, 兩個人已經食晒碟蠔, 仲要等多幾個字先有碟三滑, 再食完碟三滑, 又要等等等, 催催催才有肥牛....其他客人枱面點都有幾碟食物, 我果枱就偏偏食完一碟等一碟, 食小菜咩 又或者我係walk in客, 唔係熟客啦最尾碟油麥菜, 三催四請都無....開頭仲唸住邊食邊睇份量, 再叫食物..咁等法..菜都唔要, 賣單走人!!仲要5百幾蚊落樓, 晒氣. 仲話咩10:30後65折…Read More