soniatalk 's Profile

烤魚工房是一家口味地道的烤魚店，連續六年都是排隊的熱門店。他們的菜單非常豐富多樣，讓人垂涎欲滴。首先是他們的串燒，每一款都烤得香嫩多汁，口感一流。你可以品嚐到毛血旺江團魚，這道菜以濃郁的湯底和鮮嫩的江團魚肉為特色，讓人回味無窮。另外還有烤魷魚，它的外皮烤得香脆，內裡嫩滑，每一口都帶來驚艷的口感。如果你喜歡雞肉，他們的烤雞翼絕對是必點之選。烤雞翼的外皮酥脆，肉質鮮嫩多汁，吃起來非常過癮。搭配上烤薯仔，這道經典的配菜讓整餐更加豐富美味。烤鮑魚他們選用新鮮的鮑魚，經過獨特的烤製工藝，讓鮑魚肉質鮮嫩，口感絕佳。每一口都散發出濃郁的鮮香，令人難以忘懷。此外，他們還有烤茄子和四川涼麵等傳統中國菜餚，讓人感受到地道的飲食文化。最後，不要錯過他們的特色水果飲品，清爽又開胃，是消暑解渴的最佳選擇。總的來說，烤魚工房是一家口味地道的烤魚店，他們的食物品質優良，用料新鮮，絕對值得排隊等候。不僅如此，這裡還具有網紅打卡店的特色，引來了許多年輕人的喜愛。無論是味道還是用餐體驗，烤魚工房都能給你帶來滿足和驚喜。…Read More

銅鑼灣的殿堂燒肉絕對是肉食愛好者的天堂！這裡提供超抵食拼盤，讓你大飽口福。而且，只需另加$98，你還可以無限暢享新鮮的元貝，絕對是物超所值的選擇。首先，他們的黑松露火炙和牛壽司是絕對不能錯過的一道菜。這裡使用的和牛肉質優良，搭配上濃郁的黑松露，每一口都帶來豐富的口感和香氣。如果你想要品嚐極品的和牛，他們提供A5和牛西冷，這塊肉非常大，滿足你對肉類的渴望。另外，他們還有A5稀有部位三點，根據時令供應不同的和牛部位，讓你品味到獨特的風味和口感。除了肉類，他們的殿堂玉子飯也非常出色。這道經典的日式料理，溫泉蛋搭配上香嫩的飯粒，絕對能夠讓你一試難忘。如果你喜歡水果他們的燒菠蘿絕對是一個不可錯過的選擇。這道菜以新鮮的菠蘿為主角，經過炭火燒烤，帶來獨特的甜蜜風味。另外，他們還有玉子燒伴明太子醬，這種搭配絕對能讓你的味蕾舞動。最後，如果你想要搭配一杯冰涼的生啤酒，他們提供$58買一送一的優惠，絕對是消暑解渴的最佳選擇。配上枝豆送酒一流。總而言之，銅鑼灣的殿堂燒肉給肉食愛好者帶來無限的滿足感。他們的九款肉類供應，以及新鮮的元貝選擇，讓你享受到豐富多樣的美食。無論是黑松露和牛壽司、燒菠蘿還是A5和牛，每一道菜都展現出他們對品質和味道的極致追求。而殿堂玉子飯和生啤酒更是完美的配搭，讓你在舌尖上享受到滿滿的幸福。…Read More

Book咗間房幾個人食飯，見佢出咗新產品仲有勁多唔同部位嘅「和牛」新推出，而且餐廳服務好好，提早已經執好晒房俾我哋，加上食物質素又好，已經成為我哋必去食燒肉嘅地方好過食嗰啲集團連鎖店排到靚靚影相有超多唔同部位，叫咗熊本A5和牛，牛匠岩手A5和牛，鹿兒島A5和牛，宮崎A5和牛，仲有M9和牛，同埋佢哋新出嘅和牛九宮格。新既「和牛九宮格盛合」有：A5和牛貝肉、A5和牛封門柳、A4和牛腩、A4和牛西冷、A4和牛上蓋、A4和牛頸脊、A4和牛友三角、A4和牛肋條、M9和牛內裙肉。超抵食兩個人食啲份再加少少食物，飲品每人都係兩三百蚊買單，而且午餐仲有七折。新推出嘅item好唔錯，而且見佢哋出咗沙律同埋烏冬，不過真係太飽今次主力食和牛。黃！好食！抵食！服務好！食燒肉仲要諗？ …Read More

經常性想返鄉下嘅我，決定去呢間人斷隱世之燒肉餐廳希望可以解下自己嘅壓抑。冇得去日本唯有留喺香港消費。嚟到呢度竟然有一種置身日本小店嘅感覺，而且啤酒買一送一比起出邊餐廳呢個價錢淨係飲到一杯酒實在非常之抵20幾蚊就已經有會500 ml啤酒。啱晒我呢啲勁鍾意飲酒嘅走鬼👻同一班朋友叫咗超級多肉尤其是呢一個A5和牛西冷，油脂超勁而且厚切大塊唔會太薄啱啱好入口即溶。仲有非常新鮮嘅白鱔，每人食咗一串多啲又彈牙又好味。串燒非常抵食大全而且仲有好多唔同嘅肉類價格親民而且又好味特別係佢哋嘅牛舌，厚牛舌同埋薄我都試咗。食玉秀嘅我哋梗係試晒佢所有唔同嘅肉類，尤其是prime級既肉，一啲筋都冇而且濃郁肉味又好食。…Read More

銅鑼灣有好多放題選擇，今次見openrice介紹d相影得靚，點知中咗伏，海鮮勁大雪味，其實店主不如老老實實搞好d貨，埋單加加埋埋三百幾不如食單點，美國牛肉味雖然都濃但咬唔開橡筋咁- -啲牛肉勁多根啲海鮮又係急凍一啲都唔新鮮，仲要成間餐廳全部都係油煙味，好似完全冇開過抽氣，另外一個死位就係上菜勁慢，放題好應該啲嘢應該預備好晒，等咗差唔多半個鐘先上第一樣，然後點第二樣嘅時候又要等勁耐，出去食牛x好過，起碼都要出得快抽氣又好，賣單肯定平過咁樣兩個人食咗七百幾一肚氣…Read More

尋晚同朋友係大鴻輝諗住打個邊爐！有朋友推介近期一間做得好出色既台式火鍋店—牛大人！叫得做牛大人，一定最出名就係食牛！🐮🐮我哋嗰晚試咗紅燒牛骨湯，呢個湯冇得輸！係因為湯底夠濃，即使唔點豉油，都已經夠晒入味！(好推薦）佢哋嘅牛肉，真係好高質！例如：安格斯特級牛板腱，雪花均勻，入口即溶😊😊安格斯牛小排，肉汁香軟，肉味又夠😋其他牛肉部位，都非常出色。佢哋嘅丸亦係必試！必食M9和牛牛丸🥴飲品區，好特別！有時食得太油膩，飲番支茶，平衡返！冇咁大罪惡咁！😈😈如果想同朋友啤啤佢，可以叫杯台灣手工啤，好易入口👍最後仲有movenpick 雪糕，正!想打高質火鍋，不妨一試！😊…Read More

同屋企人去飲茶周圍揀揀唔到邊間，呢段時期最緊要乾淨衛生見到佢哋門口寫住會消毒同埋店員都非常衛生所以就有興趣入去。店員非常乾淨而且上菜嘅時候亦都好衛生，一碟一碟上唔會太急，另外我地點左清淡D嘅我話菜再加埋鳳爪可以中和佢嘅味。另外呢個控油抄手嘅味道幾特別而且大大粒好抵食。鍋貼背面仲有啲脆口，點上佢嘅醬汁非常嘢味。有個勁得意嘅刺蝟原來就係佢嘅奶皇包，入邊超多醬汁而且刺蝟嘅樣好得意啱晒大人同小朋友都食，唯一係佢啲次次有啲尖記得要自己滅落嚟啦。最後乾炒牛河都炒得有鑊氣我地點左之後都飽晒兩個人大概每人百零蚊就已經可以食得飽飽下午茶來講都真係唔錯。…Read More

February：德國火焰豬手，外脆內軟，肉質鮮嫩多汁，而且侍應亦會好有心機幫你去處理個豬手，更重要係佢會有d酒去燒一下個外皮，令外皮色香味俱全。 欖油蒜片蟹肉天使面，食落去非常開胃，蟹肉亦增加左成個面既口感，而且食落淡淡蟹肉同面，兩個口感既配搭超正。 龍蝦汁海鮮意大利飯，淡淡芝士，加埋龍蝦汁，食落去會有陣陣既龍蝦味，意大利飯煮到岩岩好，總之一個字，正。配埋豬手食係另一種配搭。 February同fruity tree 飲落去會有種酸酸甜甜既感覺，非常開胃。 水牛城雞翼：它是非正宗的水牛城雞翼 個醬汁由番茄醬、辣醬去調製而成，食落去外皮好脆，亦都會辣辣地，會令你愈黎愈想食。 黑松露薯條：好香既黑松露味，而薯條每條大小一樣 非常有口感…Read More

之前喺呢度食午餐都覺得唔錯，價錢都幾抵而且坐得好舒服有分兩個唔同嘅區域。呢到既ham就好似係按照顏色既深淺去區分唔同既味道，例如重口味（紅色）同埋偏淡既火腿（白色），拎黎夾麵包一齊食一流，加埋橄欖就理想無論係配菜定係主菜都一樣咁好食，牛扒做到啱啱好非常之軟熟，配菜用嘅蘆薈同埋蘑菇片，食落去開胃之餘，而又帶出蔬菜鮮甜，亦都因為蘑菇而令成個配菜好有口感，檸檬落汁落去牛排到會有另一番風味由於帶子同埋青瓜嘅配搭，令到成個面都會有一種清新脫俗嘅感覺係當中，加上青瓜嘅鮮味以致成哥塞色都好開胃芒果拿破倫法式千層酥+雪糕：呢間嘅拿破崙甜品，同喺平時食嘅拿破崙唔一樣，佢會係有好多既吉士醬+厚切既一粒粒芒果，味道更鮮甜清新，而且酥皮非常鬆脆。…Read More

灣仔區有好多好野食不過今日lunch唔知食咩好, 就係唔想食飯,咁咪去食濕野~😚食面面, 我同同事就去左渝味曉宇食曉宇牛腩重慶小麵🍜佢D面都得特別又少少似米線, 但又其實係面黎而我最鍾意食D好林既面所以專登叫佢整林D個EE 好好人 又幫我叫廚房整林D好好服務佢D牛肉好入味, 而且唔會煮得太硬,加埋佢個濃香湯底 很好吃 不錯喔!!!不過原來佢依間出名打邊爐,下次收工過黎食下先, 佢個九宮格麻辣大紅鍋好似好正咁🤩🤩…Read More

公司同事介紹呢間，話食過都唔錯，今日就去左試。呢間四川食店雖然裝修簡單，但D位坐夠闊落又坐得舒服。我地叫左三個菜︰火爆腰花、青笋臘、啤酒鴨「青笋臘肉」︰ 好惹味嘅一道菜，青笋好爽脆，廚師加左臘肉同辣椒炒，令到成碟菜生色不少，好香口。「啤酒鴨」︰比到驚喜我地，要推介。D肉炆得好林又唔韌，而且有啤酒味得黎又帶D辣(小辣)，好有特別。「火爆腰花」︰都係好惹味同好夠鍋氣嘅小炒，呢個用左四川兩款唔同嘅辣椒去炒，辣得黎好正!…Read More

最伏的片皮鴨，一心食片皮鴨。但非常失望。當日明明訂咗位但竟然安排我同人地搭枱，服務質素已經有問題。賣相勁差，返大陸食都好食過佢。啲皮一啲都唔脆，非常失望。乾身又路脆呢個反而唔錯，幾特別，啲醬汁都幾開胃。不過嚟呢度最主要食片皮鴨，似平時係燒味店食嘅燒鴨。小籠包啲皮太厚，而且湯汁唔夠，已經冇全部食物影晒相，費事逐樣講因為認真失望。價錢亦都偏貴，雖然裝修好靚。但係始終食物不合格👎🏻，希望餐廳好好改善食物質素，而且價格一啲都唔平，香港大把店好食過佢。…Read More

係啦咁我哋今日就去咗觀塘的wave 3樓嘅呢一間西餐廳度食晚飯嘅講返呢度嘅環境先啦係坐得好舒服嘅咁枱同枱之間係有好多空位唔會背脊貼住人哋背脊所以喺朋友聚餐傾計都唔會咁嘈咁我哋係一男一女去啦咁頭盤食咗兩隻生蠔咁佢哋呢間餐廳係有10款唔同嘅生蠔選擇嘅 我哋就揀咗白珍珠同埋藍寶石去試, 我個人比較驚海水味好重嘅生蠔所以我會比較推介白珍珠到咗主菜我哋嗌咗威靈頓牛柳, 咁喺切開面頭塊麵包嘅時候已經feel到嗰塊牛柳好juicy, 配搭麵包簡直絕配, 因為令到成件事唔會好 "溜" 另外我地嗌咗個先海膽手拆蟹肉自家製手做寬條麵, 咁一直落去個麵質已經知道有落過功夫啲面食落去係好有彈性, 另外值得一提嘅係佢嘅蟹同海膽味極濃 由於我哋兩個都偏細食, 所以到最後都完成唔到成份牛柳同埋呢一個寬條麵呢間餐廳距離觀塘地鐵站只係5分鐘腳程, 而且用食物質素去做標準嘅話性價比算偏高 幾適合情侶或者一大班朋友喺度聚餐…Read More

位於銅鑼灣嘅餐廳，地點方便而且店員服務態度唔錯。裝修亦都幾靚，而且因為餐廳嘅格調好好，所以侍應嘅禮貌都好有禮。紅石榴，中東米，北海道帶子，櫻花蝦幹配以芥末蜜糖汁嘅沙律非常特別，開胃而且鮮味。另外我哋都叫咗生蠔同海鮮嘅拼盤。生蠔鹹味足夠而且有少少海水味。白菌忌廉湯，湯的濃度剛好，非常多嘅菇菌係入邊，用咗不少材料。西班牙羊膝，賣相吸引沒有羶味肉質非常嫩，肉眼排同樣沒有膩感，而且肉味足夠，兩樣主菜嘅份量都剛好，呢樣亦都係非常重要將每種食物做到平衡。拿破崙蛋糕伴碟有心思，意大利芝士杯軟滑而且味濃。…Read More

無華麗裝修小店，但內裹充滿左人情味。食物既味道的確用心，雖是小店但往往比起更多連鎖式集團更加親切。和店主聊天對話中真係十分感到他們的親誠。下午茶時段特別抵食，選擇都幾多，價錢仲非常相宜。而且仲有涼茶任飲，店主用既食材又新鮮，要支持一下。招牌老友粉，同朋友選擇左豬肉。新鮮，嫩滑而且米線係老闆自己搵左好多地方終於搵到最吸味吸湯而又不淋既，格外用心。湯或酸酸辣辣的，仲有蕃茄嘅甜香。開胃而且呢種口味比較獨特，香港嘅米線店都從未試過。火焰烤醉魚，外皮非常香脆，配上獨特既老友醬汁，蕃茄同醬汁既配搭極為完美。鍾意食烤魚同埋麻辣既我雖然呢隻烤魚唔係酸辣味道，但係就比我試咗一種唔辣都好食既魚。而醉魚有微微酒香，仲要用馬友魚，如果出邊食嘅話一定唔止呢個價錢，小店嘅成本真係好高。另外陳皮番茄亦都非常有特色 ，估唔到陳皮同蕃茄嘅配搭可以咁出色。陳皮嘅味道加強左番茄嘅鮮甜。另外仲有多款唔同嘅涼拌小食，最重要佢飲品唔使額外叫都已經有任飲，就算食麻辣野嘅時候都唔怕。…Read More