Tamagotchi 111's Profile

今早啱啱行過，見唔駛等位就入去嘆個早餐，早餐餐牌選擇唔算多，都係D通粉，沙爹牛麵D大路野啦!我就揀左火腿通粉，炒蛋加腸仔！等左5分鐘，凍奶茶到，奶味濃，茶味淡。1O分鐘後，炒蛋，腸仔，麵包到！蛋超薄，冇味！好快食完！但個通粉足足等左2O分鐘先嚟，一上枱，見個樣都知道出事了，果然，通粉個湯係暖嘅!唔熱!湯冇味，通粉硬既！衹好拿拿臨食完埋單走人！其實樓面有好多人，客又唔算好多，但睇得出大部分樓面都唔係熟手！見隔離枱個件蛋治都好好笑，2塊麵包磚頭咁厚，但雞蛋就紙咁薄！…Read More

想食傳統港式粉麵，見網上推介呢間，今日下午茶去試下。點左個雲吞牛腩撈麵，雲吞跟湯另上，灑上大量葱花和唐芹粒，但湯好淡無乜味!雲吞有3粒，size不是太大，蝦爽口彈牙，牛腩炆得好淋，麵梘水味好重，但加左少少豬油去撈👍👍,即刻加返少少分。埋單剛好$6O，價錢合理!…Read More

今日中午經過門口，被一陣鹵水的香味吸引左入去，餐牌上大部份都是鵝，有少部份是豬。我點了一個鵝什飯加例湯，今日的例湯係蓮藕湯，是我的至愛，湯飲到一半，飯來了，好邪惡呀!邪惡的鵝什飯包括有鵝肝，鵝腎，鵝腸，飯的份量也不少。鵝肝:有4大件，不過冇乜味:(鵝腎:爽脆，有陣陣鹵水香味，會太咸鵝腸:有少少肥膏，鵝腸爽口彈牙。加上鹵水汁淋白飯上，好快便全碟掃光。食完今餐，膽固醇一定爆燈，不過偶然放肆一下都幾開心既。…Read More

經過銅鑼灣，本來想食天天的海南雞飯，但朋友話好想試呢間。下午2點，人流不多。下午餐牌選擇不多，連加一服務費百蚊一個餐不算便宜，但環境幾舒服都抵返嘅!本來想點呢度既招牌菜三黃雞包跟薯條，但我見到隔離枱個包份量好細，我今日好肚餓，所以最後我選了一個香煎慢煮豬腩肉飯，點知飯的份量原來一樣很少:(，腩肉入口即溶，配上青瓜，剛好中和腩肉的少少油膩。跟餐還附送前菜和麵豉湯，其實仲送飲品，但埋單時才發覺我地忘記了點飲品下次一定要試下呢度既三黃雞包…Read More

下午茶時間，剛好經過呢間新開張既燒味餐廳，見到冇乜人，便走入去試下，呢間裝修風格同茶餐廳差不多，感覺同附近2間人氣燒鵝餐廳完全不同。雖然有下午茶，但都是一般茶記的下午茶餐，公仔麵之類，唔係好啱食。:(結果我揀左碟雙併飯，叉燒併燒鴨，仲送例湯，今日例湯係青紅蘿蔔，例湯味道OK，冇乜味精。雙併飯份量頗多，叉燒好瘦，麻麻地!:燒鴨皮脆有肉汁，好味!加埋冰梅醬，味道一流:但可惜個飯一D汁都冇，要乾啃和加冰梅醬先可以食得完。…Read More

同朋友午餐，朋友揀左個星洲辣汁軟殼蟹跟菜飯，菜飯乾掙掙好難食，衹有一隻好細既炸軟殼蟹，冇汁既!朋友乾啃左半隻軟殼蟹加菜飯，已經食唔落，然後好奇地問一問待應辣哥哥，個蟹本身冇汁既!佢居然話唔係，係漏左比我地啫!而家補返比我地!一句唔好意思都冇，好似係必然既事咁，食到一肚氣又難食，結果我地都冇再食便埋單走人了!…Read More

今日約左舊同事食lunch,一行3人，揀左呢間位於商厦2樓的李公館。好彩早2日訂左位，中午時間全場爆滿。先睇點心紙，選擇也少。碧綠蝦餃皇:外皮綠色，蝦多彈牙，仲有汁。娥姐粉菓:皮夠薄，饀料有蝦，豬肉，冬菇，芫茜，瑤柱。山葵什菜蝦春卷:炸得好靚，唔會好油，芥苿山律加什菜，再加埋蝦膠同蝦，味道好出色。海苔白飯魚:呢個麻麻地，冇乜味!要自己再加准鹽，味道才啱啱好。椒鹽豆腐:呢個堅好食，大力推介。個皮炸到脆一脆，裡面豆腐又好滑，味道一流。其他仲點左蝦腸，雪菜肉絲湯鴛鴦米，最後飽到連甜品都食唔落。而家出面D點心質素每況愈下，呢間水準已經屬於中上了，而且環境，裝修也不錯，一定會再嚟!…Read More

平日經過，每次都大排長龍，但冇時間排隊，剛好今晚我9點早收工，經過見到冇乜人就即刻入去試下。點左個燒鵝雙拼飯，加$8送飲品或例湯，我揀左個例湯，點知出事了!個湯唔熱既，仲要好大陣燶味!9點啫!仲有排都未收工啦!:s個湯點解會凍架!然後碟飯嚟喇!餸好少，燒鵝得幾件，仲要係皮多，冇乜肉，個皮就幾香幾脆既!叉燒普普通通。服務又麻麻，D阿姐個個忙住玩電話!唔得閒招呼你。期望愈大，失望愈大，下次都唔會再嚟!…Read More

今晚一行3人，同其中一個老友慶生，知道佢鐘意食鑊氣野，就揀左呢間好耐冇去，位於紅磡街市樓上既大排檔。約好左壽星仔八點，不過佢通常遲一個鐘，但今日佢竟然八點準時到達，上到去已經全場爆滿，等左15分鐘就有位，一坐底即刻叫左支啤酒先再揀菜，朋友鐘意飲西湖牛肉羹，但姐姐話今日衹有老火湯~粉葛鯪魚，冇湯羹，所以我地冇點到。鹵水拼盤:有大腸，紅腸，豬耳，墨魚……味道普普通通，冇乜鹵水香味。:(紅燒乳鴿:皮脆肉嫩，炸得啱啱好，不會太油膩。辣子雞:朋友推介必食，少少辣，好惹味，雞件炸得香脆。通菜炒牛肉:個樣好得，好夠鑊氣，點知原來得個樣，菜同牛肉都超咸。手撕雞:以前食過，好掛住，但今次有D唔同，加左豆辦醬去撈，味道反而冇以前咁好-3個人食左5個菜，飽到上心口了。食完吹多陣就散水了。今次重來，感覺菜式味道退步了。:(…Read More

今日下午響灣仔見完客，趁仲有時間，去左鵝頸橋街市上面熟食中心，揀左呢間大利咖啡店食午餐。下午3點，差不多仍然有8成滿，衹好同其他人搭枱，點左個星洲炒伊麵同凍奶茶，星洲炒米食得多，又試下炒伊麵睇下點，先黎杯凍奶茶，勁多奶。大約十分鐘，伊麵來了，份量比同枱其他客人所點的碟頭飯細好多(呢度D飯超大碟)，星洲伊麵D料當然同星米一樣啦!有蝦，叉燒，蛋呀!不過換左伊麵，變得好油好膩，一D都唔好味，結果我食左半碟已經頂唔順，其實碟麵師傅炒得夠鑊氣既，衹不過配伊麵太油膩，換返米粉應該會好好多，今次因為自己試新野，出左事啫…Read More

今晚早左放工，剛好朋友過黎灣仔揾我吹水，因為佢已經食飽飯，所以佢提議去紅磡冰室飲杯野吹下水。:)人客不算多，揀左個卡位坐低，朋友點左杯凍奶茶，小菜晚餐有6，7個選擇，最後我點左Xo醬京葱炒肥牛，因為牛肉是我的至愛晚餐仲包一個白飯，例湯同飲品。首先上枱是2杯凍飲，然後到例湯，湯味道也不錯，不過不是很熱。過了大約十分鐘，主菜終於來了，Xo醬帶點微辣，十分惹味，但京葱份量頗多，肥牛份量卻很少，肥牛炒得剛剛好，不會炒得過熟變得太靱。食完飯，吹多陣就各自歸家…Read More

今晚冇節目，忽然想食咖哩，一諗起咖哩，便會諗起廟街的阿龍咖哩，幫襯咁多年，味道始終如一。晚上9點半，人客不多，可能因為世界盃關係，一踏入店裏，已經聞到咖哩的香味，即時覺得好肚餓，坐低馬上點左個咖哩牛肉少辣，跟飯。牛肉切得大件，份量頗多，不過主角始終是放滿洋蔥蓉和香料的咖哩汁，每次嚟呢度都會胃口大增，因為呢個咖哩汁，每汁我都會加飯，把咖哩汁掃得一滴不留。今次仲再加多件咸薄餅，用來點咖哩汁一流。今晚呢餐真係飽到上心口。…Read More

今晚約左家人返屋企食飯，去完銅鑼灣shopping,有D肚餓，經過南記，見人不多，便入去醫下個肚，揀左個下午茶~招牌米線，$26好抵食，仲可以揀汽水或豆漿。招牌米線包括有招牌炸魚肉春卷:魚肉彈牙，炸得又脆。牛丸:細細粒，有2粒，冇乜牛味，味道普通，個樣有D似擦膠。魚片:因為無魚蛋，所以呢期用左炸魚片代替，炸魚片厚切，彈牙，魚味不濃。湯:偏淡，要自己調味，飲完唔覺口渴。一分錢一分貨，呢個價錢，絕對收貨啦…Read More