Wincy99's Profile

好耐好耐都冇食生蠔，今次突然間好想食，所以同朋友一齊嚟咗尖沙咀嘅呢一間Deep Sea Oyster and Steak，順便又可以食埋西餐，一舉兩得，真係唔錯。同朋友一齊點左一個深海商務套餐，有餐湯有沙律有生蠔有刺身有鵝肝也有主菜還有拉麵，其實都幾實惠，餐湯是南瓜湯，非常好喝，南瓜味很濃，很推薦，然後生蠔和刺身也很新鮮，很鮮美，主菜選了加拿大斧頭豬扒，豬扒很淋，很香很嫩，拉麵的湯底也很濃，調味很好，食物質素是真的很不錯，會再來的！…Read More

黎過espresso alchemy 好多次，一直幾鍾意佢嘅嘢食同埋嘢飲，覺得佢都算係一間價廉物美既餐廳，所以今次專登又同朋友嚟食，試吓佢新出既野。今次試咗佢嘅Earl grey chocolate，換咗杏仁奶，覺得好睇又好飲，唔會話好甜但同時保留咗朱古力既濃厚香味，真心唔錯。另外都幾鍾意佢嘅蟹肉意粉，調出嚟係我鍾意嘅口味，而且甜品都唔錯，French toast 女幾入味，又脆又香又軟，Keto tiramisu roll 適合生酮飲食嘅人，口感比較獨特。…Read More

微辣自澳門經營自媒體娛樂發家，澳門過江龍香港分公司於沙田開設餐廳，食物質素成謎。與友人慕名而來，環境細節滿分，食物不俗。待進入餐廳後，著實被裝修驚艷了一番，上至天花板，下至地板，無不充滿心思細節。店鋪內充滿自己品牌特色，包括電視牆正播放微辣大排檔，播放歌曲亦是由自家藝人翻唱的歌曲，微辣粉絲打卡一流。食物上檯，第一道菜是咪走雞，以荷葉包裹住的雞被放置於形似膠街架PlasticGuys icon隻雞嘅瓦煲中，造型搞鬼。待店員淋上米酒點火後，荷葉外完全熄火就可以用店鋪提供的工具分拆雞肉，雞肉酒香撲鼻，軟爛脱骨，而且雞架內有乾坤，雲耳，香菇等菌類吸收了雞和米酒的香氣。份量不小，味道不錯。第二道菜是阿姜至愛（即冰鎮素咕嚕肉），以三色椒菠蘿炒製而成，上碟上伴以冰塊，口感冰涼，素咕嚕肉口感與真肉不相伯仲，值得一讚第三道菜是Yelo咖喱大雜燴，裡面包括豬皮、蘿蔔、陳皮魚蛋。咖哩口味偏辣，陳皮魚蛋與咖哩相輔相成，表演出色！最後一道菜為雪糕雞蛋仔，雞蛋仔被塑型立於木盤之上，這是吸收了水份的軟綿雞蛋仔所不能做到的事，肉眼可見的鬆脆雞蛋仔伴著冰凍的的忌廉、雪糕與草莓醬，為本餐的MVP！…Read More

一直都有聽過呢間天天海南雞好多次，係過江龍餐廳入邊超有名嘅其中一間餐廳，所以今次就專登同朋友一齊過咗嚟試下銅鑼灣呢間。首先叫左個天天海南雞大份，個雞真係好嫩好滑，而且配上d醬料真係好match，除咗平時嘅海南雞醬之外仲會有佢嘅一種特別嘅雞汁醬，加落去特別好食，而且感覺都好健康因為好少油。另外叫咗一份古法秘製嘅肉骨茶，非常足料，啲湯都好好飲，飲完唔會頸渴，說明係真材實料，而且入邊真係會有一嚿大大塊嘅肉骨，都算唔錯。…Read More

好耐嘅好耐都冇食過韓式餐廳啦，突然真係超級無敵想食烤雞，又咁啱一直都有聽聞呢一間Dodam chicken，於是就同朋友過咗食。超級推薦佢嘅鮑魚人蔘雞湯，覺得非常入味，同時亦都唔會話太鹹，係煲出嚟嘅嗰種香味，而且飲完唔會口乾，飲得出係真材實料整嘅，而且人蔘雞湯入邊嘅雞非常嫩滑，對於不嬲都好鍾意飲湯嘅我簡直係一大福音。另外覺得佢嘅蜂蜜牛油香蒜焗烤雞都唔錯，相比炸雞來講一直都更加鍾意食烤雞，感覺冇咁油膩而且會健康啲，而佢嘅雞肉都真係幾滑，唔錯！…Read More

一提起台灣菜第一個諗起嘅一定係Teawood，真係咁多年都係覺得好好食嘅一間台式餐廳，所以今日又來食了！一段時間冇黎佢又出咗唔少新嘢，首先試咗佢個軟殼蟹龍蝦汁手作麵套餐，配上一杯佛手柑水果茶，軟殼蟹份量都幾多，配上龍蝦汁感覺好似食緊西餐嘅意大利粉，不過係手作麵version，有d fusion 既feel；佛手柑水果茶都幾好飲，同出邊啲水果茶相比，佢更加偏向柚子味feel，口味都幾特別。另外巧克力花果流心歐軟味道都幾特別，打開個吐司入邊仲有一層流心，而且仲有麻糬，口感相對一般嘅吐司來講比較豐富。…Read More

好耐都冇食過串燒啦，其實平時都好少食串燒，串燒放題更係寥寥可數，印象中都淨係食過一兩次，今次難得地專登去試吓串燒放題，嚟到觀塘呢間巴巴串，感覺都唔錯。呢度都唔少嘢食，有唔少肉，同埋有海鮮，每人仲送一隻鮑魚，牛肉粒雞肉都好好食，肉都幾新鮮，係自助串燒，而且個盤會自己轉唔洗手動燒烤，比較方便，不過個盤有小小細，所以可能一次過冇辦法燒太多串，建議燒完海鮮之後拎起個盤，咁樣就可以燒多d。整體而言都唔錯，可以再嚟…Read More

好耐好耐都冇去食過放題啦，真係非常掛住大喜屋嘅放題，覺得質素非常好，所以今次專登同朋友一齊再嚟重溫一下咁唔錯嘅放題超耐冇嚟過大喜屋今次竟然有埋乳鴿！而且呢個乳鴿仲要係幾高質嘅，唔係粗製濫造，同出邊食嘅乳鴿有得fight。另外朋友叫咗好多唔同嘅刺身，都非常新鮮，一食就會食得出，所以都算幾對得起佢嘅價格。而且真係非常多唔同嘅飲料，一入去會有個大大嘅飲料櫃，汽水、涼茶、不同的紙包飲品，唔理係有糖定無糖既都有，very nice!…Read More

一直以來有聽過呢一間天天海南雞，印象中非常出名，之前有一次同朋友嚟食過一次，覺得佢啲雞好嫩而且幾好食，所以今次黎再食一次😋因為距離上一次嚟嗰陣都有一段時間，今次發覺佢轉左Menu，都幾多嘢食唔同咗。首先叫咗個必叫嘅正宗海南雞，雞肉都幾嫩，加醬好食，另外叫咗一個參巴辣椒炒通菜，幾有wok氣，而且唔會好辣，加上佢有少少脆脆嘅蝦乾，口感好好，另外仲叫咗一個金香雞油脆米叉燒，一食就知道係自家製，而且加埋脆米口應很有層次，整體而言不錯…Read More

一向都非常鍾意食火鍋，好享受涮下涮下既果種feel，而且好中意食肉+火鍋醬料，所以今次專登嚟試吓一間從來都冇試過嘅火鍋店，就係呢間係觀塘既淥鼎記啦～湯底嚟講今次揀咗花膠美人鍋，真係好多花膠好足料喎！佢d肉都好新鮮，試左美國安格斯牛肩胛、安格斯封門柳同埋伊利比亞黑毛豬，都唔錯，個人黎講最中意第一種～另外佢仲有好多手打丸，例如蝦丸、墨魚丸同埋鯪魚丸，口感好好，很彈牙，值得一提嘅係佢仲有好多新鮮飲料，例如杯裝嘅竹蔗茅根，綠妍茉莉茶同埋蜜桃烏龍茶，對於鍾意飲嘢嘅我非常吸引😋…Read More

好耐都冇食過西餐啦，今日出去油麻地咁岩附近見到呢一間西餐廳，覺得喺價格上嚟講真係算唔錯，所以就同朋友一齊去。首先有嘗試將餐升級為龍蝦湯，味道都幾濃，算還好。另外有叫一個安格斯牛扒七成熟，我覺得佢嘅熟度都係岩岩好既，唔會話太生或者太熟，而且味道都非常濃郁，可能係我平時嘅口味比較清淡的原因，覺得唔需要加醬汁已經幾夠味，如果加咗，反而可能味道有d太濃，可能平時如果口味比較重少少嘅朋友會鍾意。整體而言不過不失，但就西餐廳嘅價格黎講都算不錯…Read More

好耐都冇食過茶餐廳啦，特別係商場越來越多既時候，有時候都唔係咁容易搵到一間茶餐廳。最近喺將軍澳呢度發現咗一間商場入邊嘅港式風味茶餐廳，於是就同朋友過咗嚟試。叫左個暖love love二人餐，$168半隻海南雞，一個櫻花蝦臘味煲仔飯，包餐飲或糖水，海南雞非常滑，雞肉好嫩，喺保留雞肉嘅鮮味嘅同時唔會過咸或者過淡，至於煲仔飯都唔錯，啲飯真係好香，飯焦都好脆卜卜，真係好耐冇食過煲仔飯啦。我同朋友因為想食糖水所以另外嗌咗糖水，個番薯糖水都幾夠姜，整體嚟講算係不錯嘅體驗😋…Read More

平時同屋企人都好鍾意去飲茶食點心，基本上每一個星期都會去一次，所以，點心可以話係我哋食咗好多嘅一樣嘢，今次黎開觀塘，見到佢新出左一間龍點心，都係食點心嘅，而且好似有好多新式嘢食，即刻過嚟試吓。啲食物水準都幾好，非常精緻，當中特別要提到嘅係厚切叉燒腸粉，名副其實，真係厚切落足料，比起平時食開嘅要多好多叉燒。個鰻魚荷葉飯都非常好食，啲汁好濃但又唔會太咸，落足料而且調味好好，飯都超級香荷葉味，忍唔住食咗好多哈哈哈…Read More

之前成日都行過呢度但好少過嚟食嘢，今次專登過嚟試吓呢一間望落去就已經好chill 既bar and restaurant😍首先叫左個set dinner，要左Angus Ribeye 14oz 7成熟，配上蘑菇湯，餐飲同埋甜品。肉眼扒烤得好好食，會有一種烤出嚟嘅香氣，同時肉質都好軟霖，佢嘅配菜薯蓉簡非常出色，每一口薯蓉都會有一種香濃嘅忌廉味，簡直係畫龍點睛之筆。蘑菇湯同甜品都非常出色，甜品係Rocky road，配上濃濃嘅棉花糖顯得非常有口感，而且甜度適中。另外都叫咗一個roasted chicken，同樣都唔錯，肉質軟嫩…Read More

平時冇乜點黎過大坑，雖然一直都有聽講話呢度有好多好嘢食，但係今次係第一次嚟，黎試吓呢一間新開嘅私房菜。首先嗌左個睿海前菜三品，想講佢啲菜品真係好精緻，其中有一品用涼瓜排咗朵花花出嚟哈哈，靚到有啲唔捨得食。佢嘅時令燉湯做得幾出色，湯非常濃，係非常入味嘅老火湯，非常好飲，所以作為湯霸嘅我感到非常幸福😝。之後我哋都叫咗好幾個小菜，當中最出色嘅絕對係佢嘅當紅炸子雞，雞炸得非常香非常滑，d肉好軟嫩，真係食過返尋味，見到呢度好似都有得食點心，下次想黎試吓😍…Read More