Miss Elizabeth Tam的個人專頁

今日下午和家人到太古城中心逛逛，經過Log On 旁邊嘅餐廳Cafe ToGather，見到有下午茶餐，由於家人坐輪椅，問餐廳職員可否坐輪椅入內進食，職員很友善，歡迎我哋隨意揀位。下午茶餐嘅餐牌有很多選擇，價錢不貴，我哋叫咗抹茶蛋卷、香蕉班戟和飲品，香蕉班戟嘅份量好大，好抵食，抹茶蛋卷很美味，職員服務殷勤，仲介紹最新優惠買四送一，埋單人均消費只係$40幾蚊，性價比高，下次一定再來！🧇🍰☕️🍹 …查看更多

今晚約咗兩位朋友去太古城東隅酒店嘅Feast食自助晚餐，預先打電話通知左餐廳慶祝生日！疫情前好難訂位，宜家容易好多。晚上六點開始入座，可能今日係星期三，客人不多，環境舒適，坐正中sofa位置，旁邊有落地大玻璃窗，雖然同太古城樓好近，但都沒有影響我們的食慾😂首先，個salad 櫃排列不同款式嘅salad🥗🥙，顏色七彩繽紛好吸引，估唔到食到紫羌皮蛋，仲有肥美嘅豬腳，上面還有多款罐裝飲品任飲，但右邊有些要加$28嘅樽裝飲品好吸引，如果睇漏指示會中伏，以為都係免費任取，好彩朋友醒目提醒，我只好放低唔要囉！除咗salad食材新鮮好味之外，仲有海鮮可以選擇，例如：生蠔、長腳蟹、蝦、青口、田螺🍤🦪。隔離有不同款式嘅壽司、三文魚、北寄貝等🍣🍱都係非常新鮮好味。 餐廳中間位置有中湯和西湯，仲有暖暖的麪包，好正！主菜用QR code自己order, 任點任食，我喜歡這個方法，因為可以減少浪費！我哋order左牛、羊、帶子和魚，非常好味道，而且伴碟吸引，餐廳中間係開放式廚房，睇住大㕑個個都好認真好忙碌，我都不禁親自去讚賞他們的㕑技👍 最後當然一定要食佢哋desserts 和ice cream啦，個焦糖燉蛋係我至愛💕💕，我俾佢💯💯💯，整體今日嘅自助晚餐食物高質素，令人回味無窮！餐廳服務員態度非常好，友善、有禮貌，有耐性，又幫我哋影相好多次，我見餐廳內大部份客人都係嚟慶祝生日，他們為客人奉上小蛋糕combo+candle, 都好窩❤️！…查看更多

《1/1/2023 》今日係1月1日，下午去完工展會作最後衝刺，四點想食下午茶，行經天后站附近嘅金輪天地廣場，全楝都係餐廳食肆，隨意揀咗一間在8/F嘅On the Spot，因為覺得個名好得意。《環境》餐廳嘅環境不錯，餐廳內冇乜客人，待應很細心，安排左我坐窗邊嘅梳發位置，很寬敞舒適，外望樓景及少許維園景，餐廳播放著柔和嘅音樂，好有悠閑嘅感覺！《食物》下午茶餐牌上有多種選擇，待應推介我試吓Mochi Waffle with fresh fruits & ice cream ，飲品叫左杯Matcha Latte🍵，等嘅時候留意到個open kitchen都幾有特色，原來個廚師好年輕，好快待應送上下午茶，個waffle伴碟幾有心思，味道唔錯，有驚喜！配埋杯有拉花嘅Matcha Latte，正！食完下午茶已經五點半，窗外只見黃昏，餐廳嘅燈光轉暗，待應放左一個方形枱燈在桌上，加上音樂好有情調，下次我會再嚟試吓佢哋嘅lunch set 或dinner set，希望不會令我失望！…查看更多