MichaelChan2343's Profile

係openrice book左12點半，因為無乜人，所以既刻入到。一入到去就問要咩茶，諗一諗個條友就黑哂面。黎到之後個水壺有兩米杞子係到，應該係上一手 或上幾手留低，應該就無洗重用，諗起都覺得嘔心。本身啲餐具少咗兩套，同佢講完之後拎咗四套過嚟，唔知做乜事。不過雖然係用茶包，啲茶幾好飲。之後嗌野食，點心有新意，不過就小野揀。鮑汁雞腳就炆得唔夠耐，冇咩味。鳳爪就淋到啲皮都甩晒出嚟。菠蘿叉燒包個包硬過我條命。炒飯份量比較少，其他嘢食都係正常發揮。…Read More

最近在此買飲品時遇到了一些令人不悅的情況，我希望能夠向大家反映一下。當我們排隊點餐時，因為有很多人排，我們非常期待品嚐特色的飲品，但是當我們點黑糖珍珠奶茶及香橙綠茶時，服務員告訴我們它們的珍珠，以及橙汁已經售罄了。這讓我們感到非常失望，因為如果早知道這些產品已經售罄，我們就可以選擇其他的飲品，而不是浪費時間排隊等待來。更令人不滿的是，餐廳沒有提供任何告示或提示，讓我們知道某些產品已經售罄了。這讓我們感到非常不尊重和失望，因為它浪費了我們的時間。最後只求其點了913茶王，味道還不錯。希望能夠采取措施，確保這樣的情況不會再次發生。這可能包括提供清晰的告示，及時告知客人產品售罄，或者增加產品的供應量，以便更好地滿足客人的需求。…Read More

我對上次在你們餐廳的用餐體驗非常失望。我與朋友共五人點了5個菜，但是當我等待食物時，我發現食物的速度非常慢，由第一個菜至第五個菜需時2小時。我等了相當長的時間才得到我的食物。這讓我感到非常不滿和失望，因為我花了相當多的時間等待。此外，餐廳的服務質量也讓我非常失望。服務員在我說廣東話的時候，也是用英文回應，以及也沒有提供令人滿意的解決方案。我感到完全被忽視了，這讓我的用餐體驗更加不愉快。總的來說，我對這次用餐體驗非常失望。希望能夠採取措施，改善服務和食物速度，以便客戶可以享受到更好的用餐體驗。…Read More

我在你們餐廳的用餐體驗非常失望。我點了的牛肉，但是當我開始吃的時候，我發現全部的肉都是肥膏，我完全無法享受到正常的食物口感。我試著告訴服務員，但是他們似乎不以為意，也沒有提供新的或更換食品的選擇。這讓我感到非常沮喪和失望，因為我花了相當多的錢。此外，你們餐廳的服務質量也讓我非常失望。服務員的態度不友好，缺乏禮貌和專業，沒有足夠的關注和關心。我感到完全被忽視了，這讓我的用餐體驗更加不愉快。除了價錢便宜之外，沒有值得稱讚的地方。我對這次用餐體驗非常失望。希望能夠採取措施，改善服務和食品質量，以便客戶可以享受到更好的用餐體驗。…Read More

星期日黎食自助下午茶，原本3:30-5:30，因為做緊優惠，驚多人所以早左十幾分鐘左右去到，已經有2人等緊。確認左之後叫我地坐埋一邊，之後黎嘅人就有啲人叫排隊，有啲人叫坐一邊，勁奇怪，所以見排左幾個之後我都去排。到3:30先開始比人入，係比排隊嘅入左先，而排隊仲要唔係排先入先，有啲係中間揀人入，想知係根據咩準則？入到去啲有好多甜點同，咸點就比較少。野食味道幾好，係啲餅底唔脆，好似濕濕地。食左陣之後會問飲咩，啲茶較淡，但好味。…Read More

新年期間去食，冇加價不特止仲唔收加一，性價比好高。lunch60-100蚊左右包野飲，有喺OpenRice book到位，不過好奇怪， book位唔俾食lunch套餐😅要食lunch套餐就唔可以book位😵‍💫非常奇怪的規矩。不過去咗兩次都一入去就有位。野食貌相很差，但味道好食，偏濃，岩重口音人士去食。經常會漏單，需要再三確認。好似係九龍城有主店，依一間係分店。需要食200蚊以上先可以使用信用卡付款。…Read More

黃竹坑工廠大廈嘅餐廳，Foodpanda 12點後唔送依間嘢嘅外賣，要打電話去外賣自取，12:30打去落單，我問佢一點拎唔拎到，佢話OK，點知去到仲未有，等到1:30先有😡鋪位好細，應該lunch時間不設堂食。見到啲廚師唔帶口罩，會一路講嘢，衛生好似差咁啲🥸食飯味道唔錯，吉列豬扒外賣都好脆，對比起照燒雞扒就差少少🤏嗌咗凍檸茶同凍奶茶，嘢飲佢得樽裝味道怪怪地😅值得一讚嘅係佢夠細心，買得多佢會包多個袋。…Read More

應該係新開冇幾耐，睇落都乾淨，所以就去咗買個外賣食。見到門口貼住單一消費$50減$5，所以專登揀過個$50嘅，不過之後比完錢發現冇減，過返去問佢，佢話燒鵝髀飯唔計🤯門口張野又冇寫，有冇得減佢地自己講，咁同呃人有咩分別？之後買完個外賣返屋企食，打開一望，有一半係皮包骨，佢哋啲燒鵝係咪營養不良？之後有兩三舊有肉嘅，不過啲肉乾到發黑，唔知擺咗幾耐，仲要好硬😅出面買二三十蚊個嘅燒味飯都冇咁差😅真係可一不可再。…Read More

聽聞好多人食要排好耐先食得，所以五點鬆啲已經去排，不過最後都係8:30先食得。如果想七點食嘅話可能要四點去排。等飛嗰度好奇怪，唔知點解三至八人枱去到三十幾，但係兩人枱仲喺十幾，完全唔俾兩人入去。入到去佢同我哋講片皮鴨要等，所以使唔使落住先，我哋話好，佢幫我哋落。之後仲嗌左松子魚，龍蝦湯，小籠包，同兩杯嘢飲。片皮鴨靚就幾靚，但係淡而無味，勁油，份量又少，邊有半隻？出面求其搵間都好食過佢。松子魚又係得四舊，又話係半條，不過味道就還可接受。龍蝦湯同小籠包就正常。兩杯嘢飲淡而無味。用咗coupon都覺得唔抵食，以後唔會再幫襯。…Read More

3:30去食下午茶，可能因為比較偏僻，所以冇乜人排隊，好快入到。入到去嗌咗個三層下午茶，加$38可以轉兩杯特飲。啲鹹點有驚喜，好食過甜點，但係唔知點解隔籬枱個下午茶隻碟特別靚，我嗰隻就好似縮咗水。嘢飲就勁淡，完全冇味，好似飲緊梳打水咁。個下午茶包兩杯迷你奶昔，本身冇嚟到，因為見到隔籬枱有，所以先記起，再問佢哋，佢哋就問晒成間鋪有冇出過比過我哋，好似驚我哋呃佢咁。到最後收錢嘅時候，唔知點解兩杯特飲收咗原價，好彩有睇張單，之後返轉頭，佢哋搞咗一大輪先退錢。…Read More

海港城貴價泰國菜。因為知道多人會用coupon去食，所以早咗一個星期喺OpenRice訂位，不過唔知點解訂咗位都要等Walk in啲人入咗先，Book完之後唔係應該會留枱，或者優先處理緊咩？唔係嘅話要人book黎做咩？叫咗一個主食，兩個小食，餐牌啲圖片完全只供參考，出到嚟係完全唔同樣，啲嘢食好淡，唔入味，可能因為太多人所以整熟咗就算。價錢偏貴，不過用coupon嚟講嘅話叫做仲可以接受。試一次就算，唔會食第二次。…Read More

第二次嚟食，因為上次感覺唔錯所以再次幫襯。11點鬆啲去到攞飛等位，等咗九個字，可以喺等位嘅時候已經揀好食咩，未夠12點就落咗單，叫左九個點心，但係等咗勁耐都冇嘢食，其他枱都有好多人吹點解咁耐，有啲人話要返工退錢走人，佢都唔理人。我就茶都飲咗兩壺🤔啲冷氣仲要好大，越坐越凍，問佢可唔可以熄細啲冷氣，佢又唔理我哋😡之後睇返張單，原來我落完單之後過咗半個鐘佢先入機，因為有外賣做，所以堂食啲單佢唔落住，唔怪得知要等咁耐🤯好啦，坐咗九個字有得食，第一個嚟嘅蝦餃，唔知點解有啲鳳爪汁喺度😅之後個棉花雞有舊雞跌咗出嚟😅蝦餃，燒賣，棉花雞味道都唔錯👌虾春卷，鮮竹卷味道有啲奇怪🫣排骨可以做到完全冇肉，得啲脂肪同軟骨😓出咗名之後就越做越差，冇下次🤬…Read More

完全沒有服務態度可言。蛋糕幾靚，味道唔錯，幾鬆軟，雖然啲士多啤梨唔甜不過都唔酸。不過圍住蛋糕個舊糖就應該唔預俾人食，成舊都係糖黎，甜到飛起。去訂蛋糕嗰日，排完隊之後佢比部iPad我揀蛋糕，之後喺部iPad度填晒所有資料，俾返佢，佢要求我重新排隊💩唔明點解派完要再排？不過新年期間唔同佢嘈！之後排到我，佢重新問過晒我喺iPad填嘅所有嘢，咁佢比部iPad我填做乜鬼？蛋糕就幾好味，不過服務就有需要改善一下！…Read More

新年期間去食，因為早去到所以冇乜人，一入到去就有位。嗌咗個四人套餐，啲服務員勁奇怪，問佢哋嘢全部都唔知，要去問其他人😅嘢食方面因為套餐已經石死咗，所以唔使揀嘢食。套餐份量算多，四個人食唔晒。嘢食方面個椰子雞煲味道幾好👍個炸薯餅就幾好食，不過太鬆散，同埋唔知點解四人餐得兩塊😅。牛腩飯啲牛腩硬到好似牛肉乾😅串燒，豬頸肉同燒雞都好食👍啲菜老咗啲🥸甜品嘢食食法勁奇怪，不過幾好食😋最後買單嘅時候見到有$15小食費，但係完全冇少食，見其他枱有蝦片，但係我嗰枱就冇。…Read More

平日4點幾去食下午茶，兩個人叫左4個小食同一杯野飲。一人到去就有卡位坐，唔洗排隊。叫左花膠雞灌湯餃，烚菜，咕嚕蝦球同小籠包。個花膠雞灌湯餃啲湯幾好飲，不過個花膠細過塊指甲😅舊雞啲肉勁鞋，舊餃又唔好食。烚菜啲菜老過我呀嫲，硬到完全咬唔到。淨係食咗啲蛋白同皮蛋就算。個咕嚕蝦球都唔知咩嚟，似係百圾蝦頭加茄汁多啲，價錢同海洋公園有得比，但係味道完全唔及海洋公園。小籠包同普通茶樓都相差無幾，但係價錢就貴幾倍。…Read More