MinyingHE的个人专页

本來是來慶祝一下結婚三週年。心儀的餐廳沒有訂到，響OpenRice 上面見到評價唔錯所以揀哩間，點知中伏。Waiter 推薦的日式柚子青口，有兩隻係臭嘅，唔新鮮就梗架啦。😅隔離檯傳來更強烈嘅陣陣臭味，我估可能更多唔新鮮嘅被佢地啃左。除左唔俾我地茄醬之外呢，見我地食完啲嘢，急急腳過來收走晒所有嘢。係所有嘢，即包括刀叉碟咁。趕客啊哥哥，我想點多小小嘢食都唔俾囉即係。Fine, 下次唔會再黎，bye bye 嚕。…查看更多

灣仔唔係我地頭，不過都試左唔少咖啡，如果話上40蚊的咖啡，我會推薦哩間。咖啡都肯定精選過，親手烘培的。每次買Latte 或flat white都有濃郁的香氣，似焦糖，或黑朱古力，或帶小小蜂蜜香，又或者拖肥糖味。無論點，都值得一試再試。店鋪有好多綠植，也有擺賣一些咖啡用品，寵物零食，還有店主烘培的袋裝咖啡豆/粉。雖然每次都係take away, 幾分鐘的等待時間裡還是感到放鬆。小小的咖啡店融入在社區中，對面係Japanese style 髮廊，附近係M7保育活化項目。城市漫步，也許這裡也是一處好的「打卡」點。…查看更多