eatalottle's Profile

放假行開黎新蒲崗，想食西又見到Tapas Brew做西班牙菜，好難得咁專，就一於試下，店既裝修唔錯又有户外位，好有外國餐廳既味道如果唔係太熱一定坐出面，餐牌睇落原來同隔離德國餐廳互通，所以西班牙同德國野都有美國西冷牛扒 🤍🤍🤍🤍🤍🤍🤍🤍🤍🤍薯菜 💖💖💖🤍🤍🤍🤍🤍🤍🤍南瓜餐湯 💖💖🤍🤍🤍🤍🤍🤍🤍🤍先飲南瓜湯，正正常常，味道唔差但無乜食材味，一個心係俾賣相成個係set lunch黎既，西冷牛扒，無問幾成熟已經有啲驚，上枱賣相好靚，擺盤幾吸引薯菜係Grilled vegetable，樣同味道都唔錯牛扒，一切已經知死，切返百拎下都未切開，硬過個頭，食到牙都甩，無咩肉質或味道可言好得人驚，係我食過最難食既扒，茶記扒都好食一百倍份量又少，雖然係set，但都無咁誇張架，同系列餐廳以後不了，好坐都無用…Read More

上環搵間平民價又坐得下既茶記唔易，貳號冰室就係一個選擇，又大又光鮮，慢慢食慢慢坐茶記食物，有湯有茶既午餐，算係咁菜乾豬骨湯 💖💖💖💖💖💖🤍🤍🤍🤍咖哩牛肉意粉 💖💖💖💖💖💖🤍🤍🤍🤍凍檸茶 💖💖💖🤍🤍🤍🤍🤍🤍🤍例湯，以為會將貨就價，點知都幾真材實料，真係老火湯，濃味但無味精，讚咖哩牛肉意粉，咖哩唔算辣，配意粉幾好，味道都唔錯牛肉都多，整體幾好，冰室款式凍檸茶就正常，服務幾好又舒服，唔趕既係不錯既選擇…Read More

諸聖堂，位於上環，長期見到佢門口排隊既茶餐廳/冰室，一到午市仲誇張超長龍以滑蛋最出名，屬於全港其中一間要去試下既蛋茶餐都好多人食，價錢正常，用餐時間就趕啲叉燒滑蛋飯 💖💖💖💖💖💖💖💖💖🤍自家製叉燒 💖💖💖💖💖💖💖🤍🤍🤍滑蛋 💖💖💖💖💖💖💖💖🤍🤍咸檸七 💖💖💖💖🤍🤍🤍🤍🤍🤍叉燒滑蛋飯賣相好好，蛋汁多，蛋係睇得出好滑，食落滑蛋好滑好高質如果蛋味再濃啲就完美，蛋加蛋汁加醬油加飯好好味叉燒薄身，幾嫩，算係唔錯，成個飯整體都係好味有咸檸七依啲特飲豐富左個港式冰室體驗，好味，可以返食…Read More

北京樓，北京菜菜廳，午市做茶市做埋粵式點心，環境一流，一家人飲茶夠晒闊落舒適服務都好好，等位唔算太耐，位於MOKO可以拎完飛行下奶湯鮮竹卷 💖💖💖💖💖💖💖🤍🤍🤍蒸點心拼盤 💖💖💖💖🤍🤍🤍🤍🤍🤍蝦餃 💖💖💖💖💖💖💖💖🤍🤍螺片綿花雞 💖💖💖💖🤍🤍🤍🤍🤍🤍奶湯鮮竹卷，雖然係粵式點心但都加左啲特色，就係奶湯，濃過上湯但無蠔油咁咸，味道幾好蒸點心拼盤，以燒賣蝦餃同蒸餃為主，蒸餃味道都唔錯，正常既，燒賣算OK，蝦餃屬於荀味較濃，蝦味都好夠，幾好味既蝦餃貪心既叫拼盤啱晒，螺片棉花雞，份量幾大，螺片又幾夾，雞肉又滑又好味，肉質好唔錯飲茶唔錯既地方…Read More

行開旺角，就想係女人街兩邊搵野食，好多選擇，通常都幾抵食揀中左利豐園依間韓國野，突然想食啲韓國野辣辣地開下胃，街坊Look既餐廳，基本韓食都有，坐低都有小店供應，唔錯既年糕芝士拉麵 💖💖💖💖🤍🤍🤍🤍🤍🤍豆腐辣湯 💖💖💖💖💖🤍🤍🤍🤍🤍柚子蜜 💖💖💖💖🤍🤍🤍🤍🤍🤍好想食泡麵，叫左年糕芝士泡麵，一食，原來好辣，餐牌無辣椒仔樣而賣相都唔紅以為唔辣不過味道就唔錯既，年糕口感ok，純豆腐辣湯，紅過個麵咁多即刻好驚，但食落唔辣，仲幾香味道唔錯，送飯食都好正，豆腐好滑柚子蜜就正正常常啦，整餐黎講豆腐湯正，又夠韓又好味…Read More

近年手工意粉爆紅，好多自家製、手工意粉店，KuruKuru都算聽過，難得經過但就係唔想食意粉🤣都照食左，試下其他野溫泉蛋凱撒沙律 💖💖💖💖🤍🤍🤍🤍🤍🤍炸芝士條 💖🤍🤍🤍🤍🤍🤍🤍🤍🤍PIZZA(夏威夷) 💖💖💖💖🤍🤍🤍🤍🤍🤍先食個沙律，溫泉蛋Caesar，賣相正，沙律新鮮正常，有溫泉蛋可以加少少鹽同黑椒都唔錯炸芝士條，個色有啲overcooked，食落好硬好乾，麻麻雖然話Mozzarella但又唔太拉絲，Pizza黎了，薄皮意大利風，少少不規則夠手工，芝士味幾濃幾好味脆邊，都算幾好味既手工pizza估唔到唔食意粉都ok，不過下次食都係試返手工意粉好啲…Read More

堅尼地城海傍，行完海，食西餐就好多選擇，見到泰興依間街坊外觀、泰國人主理既泰菜，一於試下正常泰菜有既野都有，價錢偏平，好似幾抵食生菜包 💖💖💖💖💖💖🤍🤍🤍🤍蝦餅 💖💖💖💖💖💖💖💖🤍🤍蒜蓉包 💖💖💖💖💖💖💖💖💖🤍泰式生菜包，揀左豬肉，好香好多香料，味道都好好，偏辣既，但好味唔夠生菜佢再俾左啲我，好正泰式蝦餅，好大舊，一份有四整舊好誇，平時啲舖會一舊剪一半咁上，依個真大份，好濃蝦味超彈牙，好好味既蝦餅加埋蒜蓉包，賣相一流，好香蒜蓉牛油味，一食超脆皮，包心就好軟好蒜，勁好味既蒜蓉包係我食過最好食既蒜蓉包沒有之一性價比奇高既一餐，行開黎堅尼地城想食泰國野真係揀佢…Read More

英記，舊式燒臘茶記，好多年歷史，附近啲餐廳轉左幾手佢都仍健在主打燒味同小菜，燒臘都算出名，特別係豬，乳豬、燒肉、叉燒都正，今日食晏，午餐第一號永遠係是日推介既三拼燒味，無錯係三拼性價比高，叉燒燒肉燒鴨飯加葱油，飲例湯叉燒💖💖💖💖💖💖💖燒肉💖💖💖💖💖💖💖燒鴨💖💖💖💖💖菜乾豬骨湯 💖💖💖💖💖💖💖大大碟快靚正上枱，飲下個湯先，堅係正濃老火湯，燒臘飯店既好處就係拎啲頭頭尾尾去煲湯，通常都好足料好好味叉燒又香又正，肉質腍有焦香味，好食燒肉仲正，皮脆肉夠晒嫩，好好味燒鴨都唔錯既，夠滑，配葱油食埋碟飯，性價比超高既燒味飯午餐！…Read More

外賣，666船麵，望落價錢合理而款式多多，泰式湯麵又香又惹味，夏天無咩胃口都會想食送到黎，包靚整齊，叫左個牛肉船金邊粉做主菜，加埋魚餅、蝦餅同串燒，非常豐魚餅 💖💖💖💖黑松露芝士蝦餅 💖💖💖串燒牛 💖💖串燒雞 💖💖牛肉船金邊粉 💖💖💖💖💖💖💖💖魚餅望落無乜特別，但食落驚喜，非常惹味既香辣，愈食愈想食，又開胃黑松露芝士蝦餅，賣相吸引，但可能因為外賣，無乜芝士味，但整體蝦餅個味都唔錯串燒用個高杯裝幾得意，味道正正常常，串燒依啲都係堂食即燒即食，肉質同風味都會好啲牛肉船金邊粉份量對得住價錢，非常多料同大碗，個湯勁濃牛味必食牛丸同蘿蔔都正，金邊粉連湯食非常正果然係做船麵推介！…Read More

赤柱遊，總會黎廣場依邊個平台，坐下休息下，望下景chill下係正隔離既Waffleman就啱晒買啲野食住歎見到有條人龍所以等左陣，叫左個朱古力新地窩夫，感覺會幾膩所以唔想用晒啲quota朱古力醬 💖💖💖💖💖窩夫 💖💖朱古力新地窩夫 💖💖💖💖💖賣相幾吸引既，加埋個景既加成，係想食既朱古力醬幾濃下，係朱古力味大過甜味，鍾意朱古力既會覺得有分別架窩夫偏硬，又唔係唔好味，但太硬身，我已經即刻食整體都算唔錯，配搭幾好，係赤柱遊既好開始/好結尾…Read More

經過附近搵早餐食，睇睇食評見有個寫到依度既蛋好出眾，自己本身都係蛋控，決定要試試早餐既價錢偏貴，但都算多人食，正常茶記早餐，上餐超快火腿炒蛋 💖💖💖💖💖💖💖💖雪菜肉絲通粉 💖💖💖💖💖凍檸茶 💖💖火腿炒蛋，有餐包既不過我唔食所以走左，趁熱試蛋，賣相都睇得出係好滑，充滿蛋汁，相當唔錯先食蛋，真係好滑同多汁，好有蛋味，好介紹，配埋火腿一齊食更正，做得好好既火腿炒蛋但份量少左啲雪菜肉絲通粉，好大碗，係有湯底既，味道幾好，雪菜唔霉而咸淡適中，同平時茶記食既有少少唔同，中意雪菜既要試下凍檸茶就正正常常…Read More

銅鑼灣打邊爐之選，胡爐實在值得推介上樓舖，人少少都極具私隱，裝修極正，靚又舒適Openrice訂位驚人地送龍蝦，真心抵，無理由唔要啦，調味架足夠，服務可稱一流先有小食陪我叫野食，涼拌雲耳，出奇地好味，食個唔停番茄牛腩湯 💖💖💖💖💖💖💖麻辣湯 💖💖💖💖💖💖💖龍蝦 💖💖💖💖💖💖💖💖💖鴨血 💖💖💖娃娃菜 💖肥牛 💖💖💖💖雙拼湯底，番茄牛腩湯，相當唔錯，番茄蓉配牛腩，相當好味，湯底亦有牛腩，幾唔錯麻辣湯，驚喜，唔會死辣，辣得黎麻香好夠，食牛肉、鴨血等勁正先食龍蝦，雖然係送，但品質相當唔錯，仲要好多膏，超濃味，肉質好彈牙，夠晒新鮮，超正鴨血就係為麻辣湯而叫，果然無失望，好正好夾娃娃菜就落茄蓉湯夾啲，都好好味，肥牛份量多，厚身，油脂多，淥兩邊都好正實在係一餐好正既邊爐，料正湯底好味…Read More

士美菲路街市，其中一個好出名既熟食中心，有好多間都係出名特色野冷氣夠又大，好舒服，今日食誠記，誠記沙爹非常出名，星期六日必爆滿，沙爹粉麵正，沙爹飯都好正收費匀真，淨係食碗麵既$2x-$3x都有，豐儉由人沙爹 💖💖💖💖💖💖💖💖💖雞絲 💖💖💖💖💖💖💖💖炒蛋 💖💖💖💖💖凍檸茶 💖💖💖沙爹雞絲炒蛋飯，份量超多，賣相一流，見到都流晒口水，沙爹好香濃，沙爹汁濃，撈飯一流，多多都食得晒飯中亦有菜心，沙爹菜心，都好好味雞絲亦係誠記名物，黎開既就會識食，雞絲多，大小適中，肉質嫩滑，有口感，相當好味，湯食汁食都好正，配埋沙爹汁就完美炒蛋嫩滑有蛋汁，加埋沙爹同飯又滑又有蛋味，凍檸茶就正常既，茶底唔錯…Read More

黎到華富，無理由唔食下舊式冰室，華富冰室，真係夠晒舊式，好有味道中意懷舊真係要試，舊式野少一間就少一間座位未必係舒服，但好自在滑蛋蝦仁飯 💖💖💖💖💖💖💖熱奶茶 💖💖💖💖💖💖💖💖10分滿分，杯奶茶都算好唔錯上枱香，茶底濃，幾厚身，望落去都知算係滑，飲落茶濃，混得唔錯幾好味既滑蛋蝦仁飯，賣相好正，傳統滑蛋，蓋滿飯，蛋都幾夠既，唔會好似食汁咁蝦仁彈牙，整體幾好味街坊味道，食既除左味，仲有風味，都好唔錯要再食下其他…Read More

石塘咀/西環，歷史以黎就係潮州地方，潮州粉麵當然要試試，源興隆係歷史悠久既麵家，真係要食入門已經好有鹼水味，可以睇住師傅淥麵，好好睇，經典既陳設，入內就好自在水餃冬菇伊麵 💖💖💖💖💖💖💖💖水餃 💖💖💖💖💖💖冬菇 💖💖💖💖💖💖💖湯伊麵 💖💖💖💖💖💖💖💖辣椒魚露 💖💖💖💖💖💖💖💖西洋菜 💖💖💖💖💖💖💖其實大部分都超多💖，因為真係好味水餃，皮滑，餡料好味，味道適中，都好唔錯，冬菇超腍超入味，必食伊麵彈牙又好味，所有野都好夾，好有風味，加埋辣椒魚露就昇華左，好好味西洋菜雖然只係淥菜但都好味一餐非常典型又好味既潮州粉麵，西環黎講真係必食既粉麵正…Read More