Chitse's Profile

見到有街坊分享，睇相見到呢間小店有個炒麵好似廿幾年前馬會對面嘅出品，因為呢個情意結，決心要去試吓，琴日打風冇開，今日再去！買咗個豬扒炒出前一丁+炸脾兩隻返屋企同屋企人一齊試吓，好耐冇食過咁有水準嘅炸雞脾，外面脆，𥚃面好juicy，炒豬扒丁足料唔油，食咗一半都想影張相，分享俾多啲人知👍我好想俾個好評呢間小店，但OpenRice規定要200字先可以出食評，但炸髀同炒麵我寫200字會有d誇，繼而要加d前因後果，可唔可以修改下呢個規則，如果唔係人人都去咗大眾點評出食評=.=…Read More

六點左右入到去，當時得兩台客，坐低一路問職員有冇餐牌冇人理，跟住有人丟低個code叫我自己落單，自己落冇問題，落完等咗好耐都算，等到湯底上枱係凍嘅，問職員有冇蓋，三催四請下佢突然攞咗隔籬枱用緊嗰個蓋級落我個煲，隔籬枱客人即刻大叫：「我哋仲用緊個喎！」我都大叫：「你點可以用人哋個蓋級我個煲㗎？！一嚟唔衛生，二來大家個煲滾緊唔同嘢㗎喎！」跟住個職員竟然答：「咁成間舖係得一個煲吖嘛！」食物方面，湯底冇味，牛肉好韌，其他食物都不能好評。…Read More

我同老公帶住bb星期六下午唔知食咩好，隨便喺屋企附近行吓，walk in入咗牛涮鍋，第一次幫襯，見環境寬敞舒服，食物質素新鮮又乾淨，bb嚟到安靜全程一聲都冇喊過，但出奇點解星期六下晏都咁少客，我地打算join member 以後多d去食。因為bb得幾個月大，夠鐘飲奶，埋單時我問收錢嘅男職員(身型較瘦)，可以餵埋奶先走嗎？男職員答：「可以，而且你地仲有十分鐘，慢慢食啦，如果join member只需俾$200蚊，我轉頭拎張會員咭俾你吖。」埋單之後突然有一名光頭造型帶眼鏡男職員，黑口黑面咁衝住嚟話：「你地夠鐘㗎喇，唔該睇住時間啦！嗄！」再舉手指住隔離枱一名單身中年女仕：「你都係呀！」當時我同老公已經都冇進食任何嘢，我手持奶樽亦即時停止餵奶，大家就即刻執拾行裝預備去搵育嬰室，我老公企咗起身預備走，我就坐住幫bb著好件外套仔，嗰個光頭造型男職員即在遠處衝過嚟大叫：「你地坐咗好耐呀！過咗時間呀！會唔會耐得滯呀！」我地驚訝到呆咗同佢講：「我地走㗎喇⋯⋯」隔離枱女仕即同我講：「我之前黎過一次又遇著佢！d態度真係衰到冇人有！頭先埋單見第二個人嚟埋，仲以為轉咗人，我下次都唔嚟呢間。」食個晏受到咁嘅對待，我地終於明白點解星期六下晝都咁少客！好彩冇join member ！…Read More