zoe8964's Profile

有毛嘅海南雞 咁嘅價錢唔代表你要俾有毛嘅雞我食仲有雞嘅顏色令我覺得好假 明白上色令成件事好睇啲 但會唔會太過份 仲有啲肉粉紅色嘅 最後揀左幾舊冇毛又熟透嘅雞食 一食就似食緊沙姜雞或者 鹽焗雞 個皮咸到我係咁飲凍奶茶 奶茶就出色在係我咁咸哪時候救左我條利 雞係冇雞味 已經好失望 食埋油飯 非常油膩 食左一半果斷放棄望一望隔離枱 有人加飯 可能係我問題啦 我仲有少少反胃想嘔嘅感覺最後椰子湯 的確幾好飲 4人餐$400上環算啦 酒店可能400都未夠俾隻冇味嘅塑膠雞嘅可能上環冇野好食啦 冇下次 名大於實…Read More

第一間舖已經開始食由大埔開到去上水 到上水結業我都仲經常食不過4人去平均消費都300up因為佢地啲牛真係好好味尤其係佢哋嘅胸口膀 好好食每次都叫3碟以上其他牛就還可以 都係比較貴到最後都要叫返碗白飯或者烏冬先夠飽…Read More

講到上水嘅雞煲呢間係其中一間令我懷念除左雞煲仲有串燒食舊年同朋友食過都好難忘首先叫左串燒 印象最深刻係食尖椒 非常辣 好過引牛舌 好好食 一啲都唔硬 出面食果啲好成日 overcooked 搞到好硬和牛 又香又好冧 好好味燒白鱔 好香魚味 咬落去爆汁 正到無法形容食完前菜 終於到酸菜雞啦好正 非常多酸菜 又有芫茜雞件食落有雞味 每一舊都充滿醬汁唔夠幾分鐘已經食哂1隻雞仲即刻叫多左1隻食大家記得食完雞之後唔好加太多湯因為朋友教我 炒肥牛嘩！佢地舖頭嘅手切肥牛勁好食每一舊充滿雞煲嘅醬汁 勁好味阿！每一間都有獨特嘅食法好可惜外賣我覺得冇堂食咁正 疫情後要返上水食啦…Read More

今晚打開食評 一於打多幾間永發雞煲係上水名物 我由細食到大 食連幾個姨姨都認得物我 自從搬左舖都好少見到老闆娘 反而見到個靚女姐姐 應該係佢個女啦十幾年黎食過唔食醉雞煲 呢間真係世一姨姨教我 水滾放雞 再次等水滾熄火等5分鐘左右食哂啲雞先再食其他野 呢招的確比起一路滾好食好多 大家都可以試下好多年前搬走左北區 依家堂食又怕聽日一於去買個大雞 然後自己去街市執配料返屋企打邊爐最後一提 食左好多間火鍋店 都係永發嘅豉油最好食 雖然有時辣得制聽聞係老闆娘自己炒架…Read More

今日去石門帶個仔學野 冇咩野行左個圈見到達利廣場開左三間黄店 一於去試下茶星人 芝士芒芒好好味可惜嘅係今日冇哂珍珠靚仔店員 同我講keep收據去隔離買野有3蚊優惠即刻走去九鳥砌 買個飽 走醬再加芝士 真係好juicy但有啲咸 都好可惜食唔到佢個薯條到最後買左 泰亞萊黄咖哩蟹肉兩盒 豬手一份 海南雞一隻 油飯三個我仲問店員夜晚先食洗唔洗放入微波爐叮佢答我海南雞唔洗叮架 雪櫃放出黎室溫30分就可以另外 黃咖哩蟹肉 豬手 各叮 1分鐘就可以嘩！估唔到個黃咖哩勁好食 蟹肉只係點綴豬手勁腍 又係好好送飯 個醬有啲似平時食生蝦刺身果個醬 微辣 就算食個皮都唔太肥膩 鹵水汁仲好好味 個底嘅咸菜仲好好送飯終於到最後海南雞啦真係一試難忘！！！佢嘅海南雞唔係坊間咁上到黃色 我夾起左都好疑惑點解有透明啫喱 上網睇左佢條片原來係好野黎雞勁有雞味 嫩滑 雞胸都唔鞋 個醬汁真係非常難忘 竟然有果香味 非常開胃 另外個油飯多到離哂譜 我覺得1個飯係2人份量 油飯嘅味道好香好食 雖然唔似出面係黃色飯 個飯似微黄咁 呢餐非常驚喜好羨慕係石門住/返工嘅同路人 三盒油飯一家四口食到捧住個肚…Read More