yaunb's Profile

3年疫情未去過澳門, 之前已經唔去果D 咩咩象, 咩偶餐廳食葡國菜, 今次朋友介紹去呢度, 唔就腳, 少遊客, 真係要揸車去才識, 回程call 的士都比較難。去到門口見到已經滿座, 好在有訂位 (朋友話唔訂基本上無得walk in 食到)雖然大致上都係果d 野, 但真心真係好好味, 絕對值得去食。所有食物的份量唔少, 都係人多去最好, 可以試多幾樣菜, 我地想食燒牛肉, 羊架都唔夠胃口去食…Read More

好耐無食過印度餐, 大半年前有朋友介紹, 一直未有時間, 終於Book 左今日下午14:00 去食, 環境真係唔錯, 去到見到有成班印度人在露台食野, 就知應該唔錯。串燒羊肉卷唔太羶,  好味。牛油果芒果伴脆麵餅細細件, 味道幾清新。見餐牌有廚師推介的洋蔥紅茄香汁燒雞, 唔辣, 雞肉夠嫩, 果然係廚師推介松露烤餅就咁食都好好味。Lassi Mango 都好味, 不過就稍貴, 要$65//杯在Openrice 訂有7折, 都ok 抵食…Read More

今晚又去石塘咀搵食, 原本諗住去上次去過間西餐食, 不過行經一間日本食店, 見到餐廳內都有8成滿, 一於同老婆入去試試。其實間店都開左起碼一年幾兩年, 店舖正門又細, 見佢門口寫住外賣專門店, 以為係賣外賣為主, 一直無幫襯過。 今次經過側面才知入面都幾深同大, 連對面舖位都租埋, 睇來生意應該唔錯。一入去坐低就見個餐牌D 野唔貴, 便當包括麵豉湯, 飯, 主菜外, 更可自選兩樣小食。又可加錢揀更多小食, 真係唔錯。見到隔離檯食天婦羅, 就叫一個來食, 太太就食鯖魚便當。真係幾好味, 都算抵食, 可以一試．…Read More

今明同班朋友去搵好野食, 經過水街見到呢間舖, 一於入去試試。店內只有一檯客, 都怕中伏, 不過環境唔錯, 一於試一試。餐牌比較簡單, 得幾樣野揀, 一人一樣試下唔同食物。見佢另一張餐牌有Shake shake 薯條, 炸雪糕同單骨雞翼, 由於有小朋友一齊, 一於試下d 小食。估唔到個幾個main course 又幾好味。d 小食超正, 大人細路都鍾意, 尤其個炸雪糕更是超好味, 一定要試。店員話係星期日靜少少, 平日午餐好多人, 食完都相信平時LUNCH 會多人, 真係幾抵食同好味。…Read More

星期日行開高登買完電腦去醫肚，經過維記排晒隊，行返轉頭見有新店開左，不過無咩人，都驚中伏。見店面幾乾淨，又見有自家製瀨粉，一於入去試一試。三個人叫左碗招牌的大大碗鮮製瀨粉，有13種配菜，真係幾大配，如果女士們真係可以兩個人share一碗來食。我就叫左碗肥牛魚片頭瀨粉。加一碟炸雲吞。本身唔多鍾意食瀨粉的我都覺得呢碗瀨粉唔錯，比一般瀨粉粗，似烏冬多過似瀨粉。碗招牌粉的料都好足，正！肥牛魚片頭唔錯。炸雲吞d 蝦都幾大隻，$28 有6隻好味。值得大家去幫襯。…Read More

見朋友在FB 介紹, 一於今晚去試試, Book 左6:30p.m., 去到只有兩檯客。到左6:45p.m. 已經坐滿, 門口已有6~7 人等緊位。食物選擇唔算太多, 都OK 的, 落單要去檯面, 同時比埋$$$, 重收八達通, 以為去左大家樂。餐飲有Cider, 好過飲汽水。食物都好快到, 個餐湯夠濃滑, 好味!個安格斯真係正, 以呢個價錢真係超水準。份量都唔算細。隻燒春雞真係好, 外脆內軟又夠juicy, 一定要試。重有all day breakfast, 不過今次人少, 食唔到咁多野, 下次會試下, 因見到其他人食都好似好好味。位置在內街, 真係要細心d 才留意到。…Read More

今日太太生日, 晚上唔知食咩好, 我原本諗住去D 普通地方食, 但太太想食好D, 又唔想太貴, 就上Openrice search, 結果搵到呢間, 原本年頭結婚周年日時都想來食, 結果今晚至真係去呢度食。上網見晚上都幾多人, 於是就5:50p.m. 就到門口, 排第一, 準時6:00p.m. 入去, 環境都算OK, 係有少少迫。之前做左功課, 知道只有一味主菜, 就Order 左兩份medium well done 的牛扒。先講麵包, 係ok 的, 不至於好好味。個salad 都ok, 又係一樣不至於好正。到主菜, 件牛扒唔算大件, 但真係幾好味, $298 呢個價好抵食下, 性價比高, 係薄左少少。食完就等甜品, 侍應介紹signature disk, 係棒子味的唔知咩野, 都幾好味。另一件甜品係lemon cake, 好味。埋單$900有找。下次可以叫少一個甜品, 因為都成$108一件, 1/3 件扒的價錢, 個人覺得唔太抵。 至於服務真係幾好, 問左我幾次食物的意見, 又問左我要不要refill d 薯條, 招呼真係好好。…Read More

之前經過見到幾多人，今晚同太太早些少就去試下咩係泰國船麵。18:15 入去唔多人，坐底叫左船麵，海南雞飯，沙爹，花膠雞湯同青檸梳打。個雞飯OK，但加$5 的咩水門醬就一般。雞飯細細碗，$25 碗都好合理。個花膠雞湯又係$25，但只屬一般。沙爹真係有驚喜，牛都OK，個雞沙爹真係好好味，絕對值得一試。泰國船麵就幾好味，又係細細碗，$20，呢碗麵，男士一定唔夠飽。全部埋單$155，都OK 抵，值得一試。不過舖面真係細，得幾張檯，人多等位都怕要企耐d。…Read More

去開銅鑼灣, 想搵野食, 上Openrice search 到呢間店, 見comment 唔錯, 一於上去試下。由於已是下午2:10, 樓下都要排隊等電梯, 晚市睇怕隨時要等10分鐘電梯, 而一入店就有位。店舖唔算大, 都幾舒服, 叫左三樣野, 咖哩海鮮喇沙, 椰醬飯 (跟咖哩雞) 同埋雞沙嗲。喇沙真係幾好味, 料都足, 蝦唔算好新鮮, 都OK。雞沙嗲真係掂 !!! 好好味。$68 有6串, 分分鐘平過街邊小食檔。椰醬飯唔多夠椰醬味, 咖哩雞都可以。埋單二百幾, 都算平。…Read More

同太太兩個人去西營盤, 經過見到呢間餐廳, 外表真係唔似有好野食, 上openrice search 見ok, 價錢又唔貴, 就入去試試。入到去得兩三檯客, 以為中伏。 (後來到6:45 開始多人。)叫左牛扒同豬手, 兩個都係套餐, 包湯同飲品。個羅宋湯唔錯, 料都幾足。個豬手賣相好好, 可惜唔夠熱, 要再拎返入廚房整過, 再拎出來就ok。個牛扒掂, 好味夾大件。重要唔收加一, 抵食!…Read More

聽親友介紹才知香港仔有呢間食肆, 一於BOOK 位試下。BOOK 左6:45p.m., 6:55p.m. 到, 都見到得幾檯大檯有客, 心諗早知就唔使book 檯喇!點知去到7:05p.m. 已經滿晒, walk-in 都無位。位置就ok, 始終香港仔好細下。坐位都算寬敞, 唔會太迫。我見 d 小朋友椅就真係唔太好, d 腳生晒銹。坐底睇下有咩好野, 見餐牌介紹的石窩芥蘭, 一於叫來食下。又真係好好味 ! 正 !見到餐牌介紹豬肚雞, 真係諗唔到將隻雞擺入豬肚內會有幾好味, 所以唔敢試。親友推介的薯仔牛柳粒, 睇相就唔太吸引, 個名就更普通, 不過都叫來試下 :估唔到又真係幾好味, 建議大家一定要試下。見到一味好普通的咕嚕肉又幾多人叫, 一於叫碟, 真係唔錯再試下隻乳鴿:加埋碟好好味的椒鹽九肚魚碟頭唔細, 比一般的多少少, 四個人, 食左一碗飯+ 一罐可樂, 盛惠 $360, 無加一, 抵食！…Read More

之前團購左一圍 (12位), $980 (佢話原價 $2,888)心想團購野未必好好結果喜出望外叫左5鑵氣水+ 1碗白飯, 連加一都係收 $210招呼幾好, 唔會因為係團購而唔好招呼食物又幾好環境都唔錯, 唔多人, 唔嘈(不過洗手間就要去酒店大堂)…Read More

一家三口去澳門玩兩日行去大三巴途中, 見到呢間店, 有人排隊, 又見寫住限量日賣三百個豬扒飽, 以為係好野就買左一個豬扒飽, 一個葡撻同一杯珍珠奶茶果塊豬扒又 "un" 又唔新鮮, 日賣一百都唔知得唔得 !!!個葡撻d 皮又厚 最後, 試埋杯珍珠奶茶, .......都唔得真係未見過一間店賣幾樣野都唔掂 !!!!大家真係唔好相信一間店可以賣兩樣澳門美食!!! …Read More

今晚一家人去左食, 叫左長腳蟹粥, 真係好大鍋, d 蟹好好味另外, 個火焰羊架都一樣咁好味全部 14人, 食左二千蚊, 都算抵食有一樣唔好就係上菜好慢, 由六點九食到九點三才食完(d portion 都好大份, 好多野都食唔晒要打包拎走)…Read More