fishyuchan's Profile

好耐無食日本野，今日去銅鑼灣行街，順便搵間日本餐廳試吓！今次黎到呢間「灜豐放題料理專門店」，見佢新推出午市定食，價錢合理而係款式選擇多！ 我哋叫左「火炙壽司定食」同「北海道刺身丼」！火炙壽司係我最愛，壽司燒到好香，三文魚腩仲入口即溶，充滿油脂香味！北海道刺身丼，有多款唔同刺身，飯裏加左鰹魚粉，味道生色不少！除此以外，呢度仲有午市放題，食物選擇除咗日式料理，仲有多款泰式食物，例如炸蝦餅、魚餅、炒蜆、炒通菜等等！味道都好出色！呢啲有多款飲品同甜品選擇，估唔到呢到竟然有海鹽味雪糕，食落去有好香嘅奶味！食完好滿足😋總結餐廳位置方便，價錢合理，值得一試！…Read More

最近天氣咁凍，最啱就係去打邊爐！打邊爐我最鍾意就係食海鮮🦞，所以今次我選擇咗去「台酒鍋」，可以任食海鮮啱曬我！😋「台酒窩」有超過40款火鍋配料，15款飲品任飲，仲有Movenpick 雪糕任食，Lv 3 起仲可以任食海鮮！😍今次我就選擇咗Level 4 。火鍋湯底我選擇左鴛鴦鍋，一邊係「沙茶豬筒骨鍋」，另一邊係養生人參雞鍋」。我鐘意沙茶豬骨湯底，味道香濃，好香沙茶味，唔使點豉油都夠晒味！養生人蔘雞鍋就比較清甜。鍾意食海鮮嘅我，今次主打都係叫以海鮮類為主！再配搭一啲蔬菜同肥牛！「生猛海蝦」海蝦新鮮大隻，肉質鮮甜厚實「蟹子蝦滑」蝦滑入面可以咬到原隻蝦肉，真材實料「帆立貝」鮮甜厚肉「小花枝」肉質薄而爽脆「沙白蜆」甜甜地吸埋湯底幾好食「生蠔🦪」新鮮肥大，真係要食多幾隻「羽衣甘藍」第一次打邊爐食到，咁珍貴一定要試吓「生菜，粟米🌽」打邊爐必食，新鮮爽甜「日本A5北海道和牛」入口即溶，好香牛味「美國prime grade 牛小排」油脂分佈平衡，肥瘦適中飲品方面我叫咗兩款台灣手工啤酒，包括果微醺白葡萄味同甘甜鳳梨味台灣啤酒，兩款啤酒都有好香嘅果味，好易入口！我比較鍾意白葡萄味，因為酸酸地幾開胃，而鳳梨味就甜少少！最後就試咗Movenpick雪糕, 有朱古力味同雲呢拿味，兩隻味都好好食😋…Read More

相信大家最近都有睇世界盃，而我都唔例外！覺得喺屋企睇悶咗啲，於是有日去咗呢間「燒金窩」一路食串燒，一路睇波，感覺真係幾正！我哋首先叫咗兩個小食，包括「泰式無骨鳳爪」同「醬燴牛脷」。泰式鳳爪酸酸辣辣都幾好食，牛脷肉質軟身，有少少暖暖地。接住落嚟就係我鍾意食嘅燒烤😋「雞軟骨」入口爽脆，好有咬口感。「沙嗲一口牛」沙嗲味加埋燒烤孜然粉，入口好香。「雞肉串」雞肉大大嚿，好有口感。「豬頸肉」厚切豬頸肉，肉質厚實。「雞中翼」雞翼表面香脆，灑滿香料內裏肉質鮮嫩。「甜粟米」🌽表面香之餘，粟米仲爽甜多汁。「豬仔髀」啖啖肉嘅豬仔髀，肥瘦適中，肉質厚實。「韓式五花腩」甜甜地，入口充滿有油脂香。「咖喱魷魚」魷魚大片仲好厚肉。「香蒜原條茄子」🍆大大條茄子上面鋪滿左蒜蓉，好香蒜蓉味。食燒烤咁熱氣，好彩呢度有啲自家製嘅清潤飲品！「潤喉金羅漢果」味道清甜，入口回甘，潤喉一流。「美白檸檬薏米水」酸酸地好開胃，仲好解渴添！📍燒金窩 (油麻地)油麻地咸美頓街5A號地舖…Read More

⭐️「沖繩風沙律」🥗沙律色彩繽紛，非常吸引！而且材料豐富，新鮮厚肉嘅雜錦魚生，配埋苦瓜、海葡萄同沙律菜，再拌入柚子醋汁，酸酸地幾開胃！⭐️「白膳浜燒」白膳表皮香脆，掃上厚厚嘅一層燒汁，肉質鮮嫩厚肉，甜甜地幾好食。⭐️「喜之次活貝浜燒盛盒」🐟包括：喜之次+活帆立貝*2+活文蛤*2+活北寄貝喜之次- 平時好少食魚，但呢條喜之次燒得幾香，而且肉質鮮甜。活帆立貝 - 一個係清酒味，另一個係香草牛油味！清酒能帶出帆立貝嘅鮮味，而香草牛油味道香濃，令我食完又想食😋活文蛤 - 以清酒烹調，肉質肥美飽滿，非常鮮甜活北寄貝 - 用海苔湯烹調，肉質鮮嫩唔會韌，火候剛好，記得飲埋啲精華湯底😍⭐️「柚子梅酒」酸酸地有少少酒味，好易入口，啱女仔飲！⭐️「檸檬雪葩」🍋雪葩用左原個檸檬盛著，造型吸引！味道酸酸甜甜好開胃！⭐️「椰子雪糕」🥥香甜幼滑嘅椰子味雪糕，為呢一餐畫上完美嘅句號，非常滿足！呢間餐廳除咗食物好食之餘，員工嘅服務都好好，好用心咁介紹食物，仲同我哋傾偈！而且環境安靜舒適，可以好好咁享受美食！…Read More

有一段時間無出街食嘢！難得出山，緊係要食好啲！於是就同朋友試咗位於尖沙咀嘅 The Grill Room，係我想食好耐嘅一間餐廳，當日係閒日夜晚八點幾，餐廳依然滿座，非常熱鬧！當晚叫咗兩道菜，分別係「香草白酒煮青口配黑松露薯條」同「 燒美國安格斯西蘭扒配黑松露薯蓉」「香草白酒煮青口配黑松露薯條」青口份量適中，入口有陣陣嘅白酒同香草味，口感比較淋同軟身，個人口味覺得青口再硬身啲會比再好食啲！黑松露薯條熱辣辣，炸到脆卜卜好好食😋「 燒美國安格斯西冷扒配黑松露薯蓉」西冷扒叫咗七成熟，火喉控制得剛剛好唔會過熟，口感軟硬適中，份量都算多，一個女仔就食唔晒啦！個黑松露薯蓉都有驚喜，入口有陣陣香濃嘅牛油同黑松露香味！😋環境方面我自己都幾鍾意，西式餐廳格調，播住我鍾意聽嘅英文歌，都幾啱情侶或者朋友喺呢度傾偈食嘢！而且服務員嘅態度都唔錯，推介大家嚟試吓！…Read More

之前食得太多野，攪到肥咗好多，真係要減下肥，最近興起生酮飲食減肥法，「渝味曉宇重慶老火鍋」更特別為減肥人士推出生酮火鍋，打邊爐都可以食住瘦😍？真係緊不及待要去試吓啦！首先入到去餐廳覺得環境寬敞，卡位坐得好舒服，坐低冇耐就為我哋送上糖水，仲有口罩套同圍巾，服務幾周到！湯底方面我選擇左生酮鴛鴦湯底，有養生花膠雞鍋同普通辣大紅鍋。花膠雞鍋湯底鮮甜，普通辣大紅鍋辣辣地好香濃，唔洗加豉油都夠味！「串鮮蝦」新鮮爽脆，味道鮮甜😋「美國桶蠔」大大隻桶蠔，超級肥美，食落仲好鮮甜「紐西蘭精品羊肉卷」薄切片入口即溶，新鮮美味🤗「美國Prime 牛小排」肥瘦適中，入口即溶，好香牛味「黑松露墨魚滑」鮮甜彈牙，仲有好香黑松露味「手打四寶丸」唔好睇佢得四粒好小，其實放落去都好多，全部都好彈牙！非常出色👍🏻「手打蝦滑」咬落仲有一隻隻好爽口嘅蝦，食得出佢真係落咗好多蝦！😋「珊瑚蚌」鮮甜爽口，份量適中「鮮活海蟶」新鮮甜味，而且價錢唔貴，性價比高，推介一試！「凍豆腐」我嘅至愛，放落去吸晒啲麻辣湯超好食😋「海帶麵」第一次食海帶麵，原來係咁爽口嘅！撈埋啲湯食超正！「生酮雜莓梳打」酸酸甜甜，好香莓味！有氣梳打透心涼，啱晒打邊爐飲啦！😊📍渝味曉宇重慶老火鍋 (渣甸中心) (銅鑼灣)銅鑼灣渣甸街50號渣甸中心8樓…Read More

第二次嚟到「角落」呢間餐廳！感覺依然係好靚好舒服，隨便影都可以影到超多靚相，而且音樂柔和寧靜，感覺好chill ~今次就帶埋朋友去試吓佢哋嘅晚餐！《美國PRIME 肉眼扒配椰菜花飯》最鍾意食呢個肉眼扒，表面煎得好香，塊扒又夠厚，最重要係唔肥、冇乜跟！側邊配埋個椰菜花飯，有好香嘅忌廉味！《意式香草烤雞配蜜糖燒汁》烤雞大隻又多肉，因為呢間餐廳注重健康，所以烤雞無太多雞皮，而且唔會有過多嘅調味！佢仲配左好多薯條🍟，上面灑上好香嘅調味料，而且又粗又大條，正呀！🤤《奶茶蛋糕》欣賞佢擺盆非常之靚，味道清清地唔會好甜，健康之選！如果茶味再濃啲會更好！《生酮芝麻巴斯克芝士蛋糕》而家興生酮減肥，邊個話減肥唔可以食芝士蛋糕🍰？呢個蛋糕好香芝麻味，然後仲有陣陣芝士香，味道唔甜，最啱我呢啲怕肥嘅女仔！《Matcha Latte》抹茶latte 係我嘅至愛，呢度仲可以將鮮奶轉做燕麥奶，味道清新、唔甜，夠健康！《Strawberry Lychee Green Tea》帶有少少士多啤梨🍓同荔枝味嘅綠茶，茶味清新自然！…Read More

剛入門口就感覺好乾淨寬躺，佢哋每個員工都好nice、招呼周到！我就叫咗個「麻神火鍋二人餐」total $888 有超多野食！😍食完超飽好滿足！《招牌麻神麻辣鍋或響螺花膠雞鍋》湯底方面有辣有唔辣，而我就選擇左雙拼！湯底滾咗可以先飲雞湯，雞湯非常足料有花膠同好大舊雞，非常香濃！而我就比較鍾意麻辣湯底感覺夠刺激！《椒鹽豆腐粒》豆腐新鮮熱辣、表面炸到非常金黃香脆！😋《招牌果凍鴨血》呢個鴨血最出色，一啖咬落去門口麻辣湯底，口感幼滑！一試難忘！😍《海鮮拼盤》拼盤包括紐西蘭蟶子皇、南非六至八頭鮑魚各兩隻、番薯蜆紐西蘭刀背各四隻，海鮮非常鮮甜，最好食就係個蟶子，非常爽口，啖啖肉好鮮味！《迷你牛肉盛》呢個牛肉成其實一啲都唔迷你，份量非常充足，平時打邊爐好少食肉，但呢隻牛肉真係超好食，入口即溶，食完又想食！《韭菜餃魚皮餃拼牛肉丸豬肉丸》值得一讚嘅係佢哋啲餃好大粒，而且啲餡塞滿晒，感覺滿足！而肉丸就新鮮彈牙！《翠綠時蔬拼盤》拼盤有三種唔同嘅菜，最欣賞佢有冰菜食，比較小有機會食到！另外仲有粟米同南瓜🎃！《烏龍麵》烏龍麵非常煙韌彈牙，可惜已經食到好飽，食唔到太多！《水果茶兩杯》水果茶非常之大杯，入邊仲有好多新鮮果肉！酸酸地好重果味，打邊爐飲酒啱晒！…Read More

上個星期生日去咗西貢staycation，喺嗰邊試咗間餐廳好好食，環境又舒服，而且價錢唔貴，所以推薦大家去試一下！「蟹子蟹棒雜菜沙律」佢哋嘅蟹棒北海道蟹棒嗰種口感，唔會成口粉，而且集材非常新鮮加上滿滿嘅蟹子同沙律醋，入口開胃，感覺好清新！ 「牛油香草白酒蜆 」一上枱已經聞到有好香嘅牛油味，啲蜆肉味道鮮甜，佢哋用咗白酒、牛油、洋蔥、檸檬同香草做調味！材料份量十足，所以味道好香濃，好味到連湯都想飲埋！「Orca巨型豬扒跟薯菜 」去到我最鍾意嘅一道菜就係呢個巨型豬扒，佢係呢間餐廳嘅熱門菜式！唔好以為豬扒一定會好韌，呢排豬扒質感軟身，有種入口即溶嘅感覺！配上佢個黑椒汁，簡直令我難以忘懷！「假的真不了」飲品含碟豆花、玫瑰花物、青檸梳打水、雪碧。味道酸酸甜甜好解渴，外觀係紫色再加上粉紅色嘅漸層，打卡一流！「論盡的小鯨」如果你鍾意打卡影相，就一定要叫呢杯「論盡的小鯨」，佢用咗菠蘿、車厘子仲有一把遮仔做裝飾做裝飾，感覺就好似去咗泰國度假咁！味道方面都好好，以椰漿、菠蘿汁、碟豆花同糖漿混合！入口有好香嘅椰子味，適合喜歡甜野嘅你！📍Orca (西貢)西貢西貢海傍廣場1號兆日大樓A座地下3-4號舖☎️26633468…Read More

平時食飯鍾意食西餐多，最近試咗尖沙咀一間西餐廳，價格合理地點又方便！收工去同朋友簡單食個飯，都係一個唔錯嘅選擇！黑松露牛肝菌卡邦尼意粉🍝入口超creamy，有好香濃嘅黑松露味！份量足夠，係我最推介嘅一道菜！水牛城雞翼炸香咗嘅雞翼上面淋上酸辣汁，有好重嘅辣椒仔味，酸酸辣辨幾開胃。厚玉子燒甜蛋幾香滑，如果落多啲醬汁會更好。炸魚薯條超大份同足料嘅炸魚薯條，食到好飽😂炸軟殼蟹上碟賣相很吸引，味道好濃。…Read More

原來譚仔唔單止米線好食，而新出嘅早餐都一樣咁好味！相信好多人去譚仔都必定會叫土匪雞翼同炸醬，「烘土匪芝士三文治系列」就有齊兩種食物嘅精髓」。 「烘土匪炸醬芝士三文治」新鮮鬆軟嘅麵包烤到金黃色，外面灑了土匪雞翼用嘅調味料，咬落去外脆內軟，好似食緊土匪雞翼咁！😂中間夾住半溶化嘅流心芝士同譚仔秘製炸醬，一次過滿足晒兩個願望！💕「烘土匪蕃茄芝士三文治」除咗「炸醬」仲有「蕃茄」口味，新鮮蕃茄夾住香濃芝士，係蕃茄控必試之選😋！…Read More

KFC推出咗全新既青檸蜜糖燒雞，作為KFC嘅粉絲緊係要去試一試！雞件烤至外層金黃，表面掃上厚厚蜜糖，一啖咬落去甜蜜帶脆，雞件肉質嫩滑，甜蜜滋味混和香濃肉汁，令人一試難忘，享用前擠上青檸汁更有陣陣清新泰國氣息! 我將套餐飲品升級至清甜龍眼冰，飲落去有香甜龍眼蜜，加入清涼冰塊，飲完即時透心涼，入面原粒龍眼肉，充滿泰式風情!另外我仲加左$11 蚊配埋 3件甜辣一口脆雞，入面加左爽脆青瓜、紫洋葱同甜辣惹味泰式醬汁，充滿泰國風味，而一口脆雞口感外脆内嫩！…Read More

我一直好喜歡法國菜，但好吃的法國菜價錢並不便宜，最近我發現一間性價比很高的法國菜餐廳 - Odelice! 餐廳開設了數間分店，而我在港島區上班，所以這次選擇了灣仔店跟朋友共進晚餐！食物：《特色主廚拼盤》$175拼盤內有多款食物，最喜歡法式北非辣腸，外層口感香脆。煙三文魚新鮮、帶有香濃煙熏味。《香煎帶子蕎麥薄餅》$155帶子厚身多肉，入口陣陣焦香，野菌用了白酒和忌廉烹調，味道十分香濃！《紅酒燉牛肉闊條麵》$145牛肩肉混合時蔬慢燉於濃郁蕃茄紅酒醬汁，牛肩肉份量多，而且醬汁有非常濃郁的蕃茄味。《鮮活空運黑青口》$188青口限量供應，香蒜蕃茜白酒汁煮黑青口，青口非常新鮮，味道鮮甜，湯汁有香濃白酒味和一點酸味！是我最喜歡這一道菜！它還配有香脆薯條和蒜香沙律醬，薯條新鮮香脆，配搭但有一點酸味的沙律醬，感覺不會太油膩！《特色士多啤梨提拉米蘇》$88這個甜品是這餐廳特色食品，用了獨特意大利杏仁甜烈酒製作，表面有香甜的士多啤梨醬，內裏蛋糕充滿着香濃的酒味！飲品： 晴天冰茶$38 - 用了橙、檸檬和迷迭香調配，味道酸甜，很解渴適合夏天飲用士多啤梨羅勒冰茶$38 - 香甜的士多啤梨味，適合喜歡甜味的你服務：服務生非常專業地講解餐廳特有菜式，亦很關心食客對食物味道的意見，還會跟顧客聊天，服務非常十分滿意。環境：環境整潔衛生，座位舒適！很適合跟朋友、情人食飯聊天！…Read More

愛寧靜嘅我，平日喜歡去一啲安靜舒適嘅餐廳，同朋友傾吓計嘆吓咖啡！不過要喺鬧市之中搵一間又大又舒服嘅文青Cafe都唔係咁容易！最近就係銅鑼灣發現有間好正嘅Cafe！環境設計充滿復古feel，除咗有咖啡同主菜美食，仲有靚衫賣添！《肉眼扒配青蔥汁》平時食牛扒多數都會係配燒汁或者黑椒汁。今次呢個青蔥汁配搭非常之新鮮特別，醬汁酸酸地好開胃，而且入口就有好香嘅青蔥味！感覺清新！牛扒嫩口煎得剛剛好！《紫菜脆片配三文魚子醬油芝士》紫菜脆片脆卜卜，芝士香濃幼滑，配埋三文魚子一齊食，可以中和三文魚子嘅鹹味並帶出其鮮味。《烤蕃紅花椰菜花排》這道菜擺盤非常用心，驟眼睇完全估唔到原來係椰菜！賣相一流！味道清淡健康！《Matcha Latte》抹茶咖啡嘅抹茶味非常香濃，感覺落咗好多抹茶粉！份量十足！《Mocha》平時飲摩卡最怕會甜得滯，呢杯咖啡唔會太甜，入口有少許朱古力味，然後伴隨著香濃咖啡味！令人一再回味！🥰…Read More

我平時放假好鍾意食甜品，除咗因為影相靚，仲有就係食完甜品後好開心，幸福感即時提升！🥰超鍾意食疏乎厘嘅我，今次終於試到HeSheEat嘅疏乎厘啦! 《提拉米蘇疏乎厘班戟》班戟鋪了滿滿嘅忌廉芝士，酸酸地、好香芝士味！上面灑滿左朱古力粉，仲插了兩塊餅作點綴！另外仲配有咖啡酒，加咗咖啡酒後，班戟略苦並帶有咖啡香！今次去到HeSheEat 除咗食甜品，仲試左佢哋嘅意粉、牛扒同雞翼。《扒虎蝦火辣墨汁意粉》虎蝦新鮮爽口，表面灑上少許辣椒粉、辣辣地幾好味，意粉份量比想像中多，兩人食都夠飽！不過食完個嘴黑色，記得抹咀啦！😂《紐西蘭I級肉眼牛扒》牛扒叫咗七成熟，感覺好似做熟咗少少！下次可以叫5成熟會好啲！配菜有薯條同沙律！薯條炸得香脆好食😋！《單骨蜜糖芥末雞翼》咁多樣嘢最鍾意食就係呢個雞翼，雞翼炸得表皮脆口、雞肉嫩滑，再配埋蜜糖同芥辣醬汁，酸酸甜甜超好食😋！…Read More