大蠔桶's Profile

見食譜話服務差。。。。。。（有點驚）約七點，自己早左半個鐘到，未坐低，位少姐已經俾個難題我。：“你訂左隻烤鴨要烤未？要九個字㗎“我：“家下烤，咪七點三上得。唔洗住，我早左到遮。你預七點半/七點九先上啦“又問：“咁你隻鴨要唔要烤住。“我：（心諗，你係咪真唔明？）“唔洗住，我早左到，唔洗烤住。“（有經驗，服務好的，應該問：咁我稍後/七點先幫你烤？或者：你叫我先烤啦。同一問題先後兩位小姐問我幾次。。。）7:05pm人齊，落order.當然第一樣係隻鴨可以烤了（咁巴閉，令人其待）。小籠包，蔥油餅，臭豆腐，響鈴蜜火腿夾，什麼乾炒貝絲（干瑶柱炒蛋），粟米雞粒，烤鴨二食（炒麵），酒釀丸子，小籠包，蔥油餅都不是心目中水準。蔥油餅皮散的，小籠包唔係每間鋪都好食。臭豆腐，一剎那光輝只係永恒。一陣就冇左香味了，可能真係要去MK街頭一邊聞到臭臭，一邊食至全神響鈴火腿夾，一般啦。中式三文治。粟米雞粒，炒蛋同鴨絲炒麵太咸了，冇乜特別。主菜：烤鴨。😎第一眼已覺色水唔夠😒切功差，請睇相，有點兒食去骨燒鴨冇鴨味。個甜醬味似原樽“乜乜“牌子冇調過。真心句，失望。切完鴨，就問要唔要炒麵或炒鴨松。。。又唔話可以攞去個鴨身走（仲大量皮同肉㗎），咪求其叫個炒麵。:(食完九點，都唔係滿座，又唔係有人排隊，點解一到就不停問烤得鴨未？？？相信冇回頭了（食到冇心機映相，好彩今個飯局係聚舊，食物唔係主角）…Read More

一向有幫襯中午或下午茶。水準一般，絕冇興趣推介什麼。但，偶然去食晚飯，二人餐。$168水準同午市全然不同。好食，尤其個例湯。蕃茄魚頭湯。大煲，白滑，有魚，有茄，有豆腐。齋飲湯都飽。两送，選擇了生抄骨，白切雞，連一碟菜。份量真係夠，火喉足。份量可供三人食。難怪附近管理公司管理員，當呢樹係飯堂啦。(四人餐多碟菜$328，同樣抵食)…Read More

如標題，冇時間寫，唯有兩次一齊啦。坐低，第一樣吸睛的係：碗。幾得意(人字拖：終於都食到啦)食物方面，好個人口味。兩餐叫左以下：醬黄瓜(唯一樣第二次追call的)黄金涼瓜（冇黄金就更好）炸醬麵（面底太乾，可能遲左出菜，乾哂）櫻花蝦煎蛋（一般啦。食唔出冇乜特別處）蔥爆羊肉(好味，但，冇蒸包，餅之類跟，齋食佢咸左)鹵肉飯（可以呀。一般嘢唔應該有差池。）客家小炒（用得客家行頭，都知係一邊材料。覺得街市食堂火喉正好多）蚵仔煎（都算好味，但個人都係中意潮州蠔烙多d）煎餃子（喜歡佢滿滿芝麻，香）紅油抄手（🤔🤔🤔好味？!未係心目中的味道。）蘿蔔絲餅（做唔到絲的感覺，去酒樓叫好d）酥炸豬排（本來想食鷄扒，但要跟麵，唯有叫豬排。可以啦。鬆軟。）坐住舒適，服務一般啦。衛生可以。到尾，至愛係d碗具😅…Read More

好似一年一度幫襯pizza. 1pizza,1飯加一贈送前菜。好彩前菜係free.要俾錢就一定唔order.，乾兼堅韌，只一堆雜菜加沙律醬放隻蝦上頂。個龍蝦汁藜麥飯，推廣為“超級食物“。。。。食落特色係清淡藜麥只係裝飾。見餐牌介紹藜麥好處，以為會混埋飯一齊啦。但，有相有真相，得幾粒。藜麥唔係仙丹，只有幾粒，幾好都冇用啦。算推廣什麼？都只係得薄餅保持水準。失望。。。。…Read More

以前食過，好味。今趟“戲“後，又見裝修後，點都要試下。較果不如幻想。換煲唔換葯，就係咁啦：d 杯，隻隻都滿裂痕。你一定奇怪點解有樽海鮮醬係相中。叫左燒豬仔餐，豬就似葡式跟炒飯，但件豬淡而冇味，慶幸剛買左海鮮醬，唯有即席啦。炒飯似冇蝦仁同冇叉燒的楊州炒飯。配搭格格不入。呢個餐本應有吸引力，但，奇特配搭，加上清淡味道，破壞左成件事。可能係fusion🤔…Read More

只係一般工厦食堂，好似冇必要寫，但以下狀況，好多地方都出現，不說不快。。。星期五早餐丰富d,叫個餐蛋麵，仲要出前一丁加凍飲。名，只係虛名，食落你就知。如標題的概念，攣的麵條就係丁麵？🤔🤔一係你厨藝超卓，即食麵都玩“份子料理“，(個樣同本身係什麼，你係估唔到的。。。!)煮到超棯，冇味。一係，這只是疑似丁麵。精髓“麻油“都唔俾我。點食都只係似一個攣攣地的普通蛋麵。但收多我幾蚊😠蚊。錢事少，只係想食想要的。不過，厨房刀功同鼎爺有得揮。超薄午餐肉。雖然係工廠飯堂，但，都要一定水準嘛。呢個麵，我就唔收貨了。工廠飯堂，唔係理由煮得差的。…Read More

明知賣什麼，但未食過呢樹，又想去試下。名門出品，應冇走雞。。。啦？日式食品，一般出名精細。果然好細。兩三隻至等於一般北京一隻餃子。十六隻要四十幾文等候時間都好耐，慢工出細貨🤔🤔呢個位置租唔平七至八萬，難怪價錢咁貴（又填唔飽），好難做。貪下口引，都可以幫襯下，就填肚就唔會選擇呢樹啦。…Read More

開左兩三星期，一路都多人，夜左又唔開（呢附近係做早午市），今日終於可以幫襯到下午茶。近幾年，開左好多乜乜冰室，都係打經典食品，其實只係炒靚滑蛋，多士，炸雞脾，薯條。。。呢間可以打動我嗎🤔餐牌選擇唔多，簡單叫個經典熱狗+奶茶。冇驚喜。以為用大香腸，原來係兩條細腸，我係呅咬到一半，跌左一段香腸，才察覺到。奶茶唔夠滑，熱度都唔夠。。。（純個人口味）見對面有位青年叫左叉燒滑蛋飯。蛋色紅潤好似好正。但可能份量少左d,見他快速秒殺，再叫但沙爹牛肉包。價錢都唔平，尤其早餐。坐位幾好，相信滿座都唔會撞手踭。附近已有用靚滑蛋同冰室主題的，希望佢生意興隆，又會改進食物，多d選擇。唔好人地冰室懷舊，你又冰室懷舊經典。好悶㗎。加油。…Read More

換手機，搞足一日，重要去鋪頭等待維修要四十五分鐘，超肚餓。“穴“係樓上，飢不擇食下，有位就入座。坐吧枱，睇住師傅表演，仲有海景一口氣叫左炸物，刺身，壽司，手卷。。。。好味道，刺身新鮮，天婦羅就一般，下次唔會中（即係有得返轉頭幫襯啦）厨房應人手不足，冇理由，唔係炸物上先。反而係刺身上先，跟住壽司。最後係炸池魚仔同天婦羅。咁次序上菜，影響胃口。食完刺身壽司，都冇胃口食炸嘢啦。炸物係肚餓時到正前菜，又唔會太飽肚嘛。要改善下。…Read More

終於有時間，又唔係繁忙時段，嚟嘆個靚早餐。本來想叫個基本A餐，睇多兩眼個餐牌。。。五香肉丁三文治。蛋牛治就試過（未戒牛肉前），五香肉丁+滑蛋+花生醬，第一次。諗起都邪惡，點可以放過佢。（仲可以加架央😈）（蛋汁出哂嚟~）好夠料。一㩒就標哂出嚟。食得出花生醬的香同五香肉丁的辣。味道唔係太能混埋，本身肉丁跟花生醬自身味道已太突出，更令到滑蛋失色了。雖然炒蛋夠滑，但已經倫為配角了。今日唔駛食lunch了, 滯哂。試一次夠了，下次都係叫A餐。未見侍應生態度差其他人所講的差勁，可能時間尚早？？…Read More

世華係呢樹已經好耐，每次去尖沙咀唔知食什麼，都會去，因為有位。（呢個唔係好現象，但咁多年都係一樣)一間乜都有的港式西餐廳：海南雞飯，鐵板餐，沙爹串燒。。。連廣東小炒什麼麻辣水煮魚什麼都有了。有種不倫不類感覺。太多選擇雜亂無章，不如俾心機煮好d精d,會更多人欣賞。今餐Order 了泰式鳳爪，吉列豬扒餐（跟沙爹汁）同海鮮喇沙米線。鳳瓜用越南魚露醃製喇沙個湯底有點怪，好似我的沙嗲汁咁，冇椰味。吉列豬扒冇乜味道，唔夠熱似番炸。薯條稍為 煙靭左（格夜🤔🤔）。餐包 羅宋湯都尚算保持水準。（炸豬手，以前食過，得個大字。）服務員是一班重鄉音的同胞，服務態度友善，但絕不專心工作。舉手 示意叫餐茶，女待應收到：“係。“， 正朝方向我枱。。。當經過一枱鄉里（說鄉下話的），即停步傾計，足有四五分鐘，仲開始擺一個舒適姿勢托埋手㬹。直至同枱鄉里提示（有人叫嘢），個女侍應才醒覺要同我落order:(.唉!究竟佢係走係大眾化路線，定冇要求路線呢？。。算把啦!都只係因為有位至嚟呢樹食，食物同服務係其次。 相信這裏是自置物業🤔，不然的話。。。…Read More

朋友介紹話新店試業中，好食。星期六午餐應該少人流，坐得舒適d,試下啦!服務友善，餐牌睇落好 豐富，但唔多清晰🤔🤔🤔時間接近兩點，但餐牌又冇寫下午茶幾點開始。另一餐牌就有個整個月的每日午餐，同時服務員又有張手寫單介紹今日午餐係乜。好亂，唔知點叫好。終於見到有幾樣想試的：口水手撕雞腸粉，胡椒味菜肉片湯飯。。。侍應生話：無呀，今日得第一頁果d咋。（有點失望）求其叫左咖哩滑蛋菜飯同豬扒包。咖哩可接受，個人應為要重些香料味。雜菜新鮮亦量多。豬扒包就麻麻了。豬扒好腍但冇味亦煎得唔香口。麵包用熱狗包烤得唔香口脆，變得有點韌，醬汁只係一般沙律醬加片蕃茄生菜。(見到隔離枱叫煎肉餅又好似好吸睛喎😍)今次試食係失望的，不竟係新試業，希望老闆改善下。我會再光顧試下煎肉餅，腸粉同豬潤麵。…Read More

兩個麻甩佬約食lunch.今日又係年廿九兼情人節。周圍都多人又唔想去茶記食“豆腐火腩飯“。迷迷糊糊咁由isquare行到去鹿鳴春，你眼望我眼。。。決定嚟過升級男人的浪漫：一隻北京烤填鴨。兩個人中午，無須等位。落左order,一陣就有了。今次“個人大碟“一人一碟。正。填鴨同個醬都依舊好味，一種不能 取代 的舊味道。手工包皮，比機製較厚，此終係人手嘛。（今次雖然爽，但真的過份了。滯到年初五。）…Read More

可能仲係“新正頭“有好多人放年假中，無須排隊。order 了二人餐:叫左鐵板蒜心炒鮮魷，瑞士火山肉餅，一個中，一個紅湯。送虫草花白菜。去茶記，一定要試佢奶茶同紅湯。紅湯，檸檬皮苦澀味出哂嚟。冇茄味。肉餅一般啦，當然跟以前天后xx冰室的“火山肉餅“不同啦。肉餅內有豬皮的，有咬口😞，呢樣較新奇。鐵板蒜心炒得香，只係鮮魷少左d.食物味道同份量都算ok啦。但，服務員就。。。有位嬸嬸服務員企係收銀台前，剪指甲（會彈到周圍都係㗎）。“型男“服務主管，我會叫佢做“200分貝“，超大聲，爆粗教訓另一嬸嬸，好多小朋友嚟食飯㗎。但，當佢要招呼客人時，又自動調教落又好有禮貌，會降低聲浪。佢件制服仲爆腔，爆剩兩粒褸。😩本來打算年假後，食得簡單休閒的晚餐，但經常聽到“200分貝“的聲浪，氣氛即時緊張左好多😣整體上，都算係好食，價錢實際。（好彩食唔到指甲碎）…Read More

又係每星期一會，去黄大仙區工作，今晚約左朋友食飯。兩個人，簡單點食上海菜啦！個有點失望。。失望一) 套餐好吸引，但甜品冇得選擇:(，必定係酒釀丸子。我跟朋友都唔鍾意。唯有單叫。失望二)前菜薰魚，輕盈裝，真係好輕盈（$48），俗語話“雞啄咁細碟“就係咁啦，感覺係炸完上個較咸的酸甜醬（齋鹵味果款咁）一樣:(。失望三)基本上，味道好廣東。只係疑似上海菜。炸醬麵好有豉油味道，食不出一般上海菜的醬味。蔥油餅，鬆而不脆，幾多粒蔥都差不多數到。（好多食肆的蔥油餅，已變質，連出名果幾間都縮水兼做唔出水準了）。追加左炸豬扒，有咖哩味，口感乾硬。冇蔥蒜味，一點都唔鬆軟。相信無必要唔會再幫襯。…Read More