lawc0327's Profile

不嬲都係觀塘返工，平時食開個啲都開始食厭左，今日竟然發掘到一間餐廳，去左呢間食，有啲驚喜，又幾好喎因為我唔係好肚餓，所以淨係食左咗個起司肉鬆蛋餅，其他朋友食，蛋餅都成40蚊咖，心諗味道應該都唔差掛。一上枱嘅時候就已經聞到好香嘅芝士味，碟蛋餅都幾大份，即時食慾大開！蛋餅煎香左，食落口感煙煙韌韌，加埋肉鬆同芝士一齊食，食到鹹味再係甜味，好有層次感！食晒成碟都飽飽地，但呢個其實淨係小食，如果平時應該可能會嗌碗麵食，見隔籬枱嗌咗賣相好似都OK咁，下次要再試吓先！…Read More

今日係為咗個甜品而黎呢間餐廳食😋真係好正。呢個西班牙油條真係外脆內軟，加上面頭既肉桂粉，好香，感覺味道昇華左～原本油條係暖嘅，沾埋凍嘅朱古力雲呢拿醬，係衝擊味蕾，同甜上甜真心好食！…Read More

成日經過見到啲布丁都好靚，賣相造型好吸睛，有好多特別嘅口味。今日心思思同老公終於買左熱門既椰爺布丁燒同抹茶布丁燒黎試🍮我真係期待左好耐啦～椰爺布丁燒好清新既椰子味，仲有粒粒椰肉，豐富左口感，唔怪得成為店鋪既熱賣no.1產品。抹茶布丁燒💚抹茶味香濃，食落好有層次感，先係入口即溶又柔滑既焦糖雞蛋布丁，之後就到鬆軟既蛋糕，另外用左低糖方式製作，所以唔會好甜。完全估唔到咁好味🤤下次要再試埋其他味先。…Read More

呢條街都幾多餐廳，但唔知係咪位置可能比較隔涉啦，眼見唔係好多人經過，但我見到呢間裝修有啲異國風情，幾特別咁🤔似係打卡店，入面全部都係女仔🤣原來係食魚生飯，不過就係夏威夷版嘅。橫掂都減緊肥，見啲餐好似幾健康咁，就試吓啦～我揀左個下午茶食，九選一嘅魚生飯裏面揀左ONO ，有三文魚切粒，青瓜，雞蛋絲，蟹棒沙律，果仁芝麻醬，芝麻，都係啲健康食材，幾好營養喎嚟到個賣相色彩鮮艷，造型都幾吸引，配埋壺柚子蜜，都夠哂飽。…Read More

今日同朋友係尖沙咀行街，呢間甜品一直都要排隊先有得食，今日終於都排到了！梳乎厘班戟大件絕對不敷衍，配埋雪糕同cream食真係入口即融～賣相已經好吸引，岩哂打卡！好睇又好食😋值得讚既係員工服務態度都好好～所以都食得好開心😌💚…Read More