來五's Profile

星期日唔想煮飯，近近地嚟北角食韓式烤肉。叫咗牛排骨，豬五花，豬皮套餐，再加大醬湯同雞蛋羹，份量好足，飽到爭啲行唔郁。個人喜歡豬五花多啲，香啲同腍啲。牛排骨份量多，但係要啲牙力，其他配菜無限任添。會再回頭，下次同多啲人食試多啲嘢。…Read More

今日去La Parole食生日飯，極之不滿，以後唔會再去。我哋總共18位，其中5位生日，大約1個月前訂位。安排訂位那位哥哥仔話會email menu俾我哋，收到後打去詢問menu內容，點知佢話menu唔啱，問個menu喺唔喺佢哋嘅，大佬呀，email address冇得呃呱，最後咪又係要認send錯，話再send過，點知兩曰後都冇影，再打去追，個哥哥仔好似如夢初醒，跟住就話email唔得住，fax得唔得？唔知點解可以fax就唔可以email！最後咪又係email咗嚟！另外又同我哋講你哋咁多人會唔會考慮包半場，話大約$8xxx，我話考慮吓。兩曰後打番去confirm，嗰哥哥仔又係玩失憶，跟住總話要$13xxx，好明顯價錢隨口噏！好，到幾日前confirm食乜，minimum charge每人要$380 (3道菜)，因為有兩位8歲以下小朋友，所以問係唔係average每人$380就得，結果當然唔得，都算，咁問有冇意粉menu，又話冇，咁咪話佢知想食乜嘢材料嘅意粉囉，咁冇彈性嘅餐廳都幾難搵！不過仲未完！我哋有7位食牛扒，哥哥仔話有side dish：risotto, salad, 同另一樣嘢(忘記了)，咁我咪話要check吓呢7位要乜再覆佢，點知佢話expect呢7位食同一樣嘢，咁我哋梗係嘈佢啦，最後咪又俾我哋選唔同嘢，點解一開始要俾啲咁嘅選擇客人！哈！今日去到仲攪笑，我哋嗰7位食牛扒嘅朋友同侍應講生熟要求，佢哋居然話呢7位要朋友要選擇同一個生熟度，唔可以分別選擇！我都未聽過有咁嘅餐廳！由於已經預先選好食物，所以將名字同座位寫咗俾佢哋上菜用，點知上菜時梗係有錯喇，本來我哋都冇乜所謂，我哋只係話俾佢地知邊位錯咗啲乜，唔係投訴，點知佢哋仲話係我哋坐亂咗，唔係佢哋錯，咁我哋問佢邊位坐亂咗又答唔出！我哋跟住真係火都嚟埋去投訴，跟住咪又嚟say sorry，不過有鬼用咩！嗰5位生日朋友嘅甜品應該有happy birthday to xxx嘅朱古力字，不過又miss咗一位，但係我哋都麻木哂！從來人數多可以有優惠，未聽過人數多要犧牲選擇！食物方面，頭盤同主菜都不過不失，冇乜特別，份量偏少。唯獨牛扒唔夠冧；甜品方面，水準參差，同是朱古力梳乎里加心太軟加芒果mousse，有幾份幾好，有幾份就係朱古力蛋糕加冇流心嘅心太軟加芒果mousse！梳乎里完全唔鬆軟，心太軟overcooked！估唔到我係第一個喊嘅食評！…Read More

第一次幫襯, 試set lunch, 頭盤忌廉蘑菇湯或煙三文魚沙律, 主菜有厨師推介(蟹肉天使麵),煎羊扒, 魚(唔記得個名),雜扒, 甜品或coffee/tea. 煙三文魚沙律份量夠, 菜新鮮, 煙三文魚亦有三大片. 忌廉蘑菇湯好creamy好香, 有大量蘑菇蓉. 我同班同事點咗煎羊扒同雜扒,雜扒份量大, 女同事食唔哂, 有兩款香腸, 一塊火腿扒, 一塊薄牛扒, 一件煎雞肉, 加大量蔬菜(有南瓜,紅蘿蔔,蘿蔔,燈籠椒)同薯蓉. 味道唔錯, 不過薄牛扒同雞肉太熟, 整體ok. 煎羊扒肉質夠嫩, 份量足夠, 味道好, 但係有D鑊撈. 亦有蔬菜同薯蓉. 甜品係薑汁蛋糕加vanilla雪糕, 好好味. 侍應好有禮貌, 環境幾好, 可能新開冇耐, 唔係好多人, 可以傾到計, $79加10% 算幾抵. 可以再試.…Read More