AnnieLEUNG2001's Profile

大約半年前食過呢間重慶麵， 已經覺得好味！今日有同事提議食呢間， 又再去食左一次！ 下午兩點至六點有下午茶， 食左個麻辣豬軟骨麵（小辣）， 個湯底睇落好紅， 但食落去夠麻，又唔會太辣同唔會太咸，好正宗嘅重慶風味！ 個豬軟骨煮得啱啱好，唔太軟亦唔太硬👍🏻👍🏻重點係下午茶加埋熱飲都係廿幾蚊，超值， 份量啱啱好！值得一提係，熱菊花蜜好好飲！之前試過牛腩同豬膶麵， 都好好食！聽老闆講佢哋嘅麵係獨家嘅，自己搵廠做！ 好彈牙好好食！如果中意小食，黃金皮蛋，麻辣海帶絲， 口水雞都好值得一試！ 宜家咁用心嘅小店唔多， 好值得推介👍🏻👍🏻…Read More

留意到長沙灣工廠區開左間新嘅餐廳有個幾月，門面都唔錯，食物相片頗吸引，今日終於試左。 叫左個古法牛雜河（算係果度招牌菜）， 份量算適中， 但味道極度普通，湯底無味，牛雜亦都唔入味！ 可以講，是但係街邊買嘅牛雜都好味好多。 另外加左杯凍奶茶， 堂食但係係用外賣紙杯，個外賣紙杯好軟，大力啲都驚整爛。杯奶茶無茶味，真係非常普通！同場有朋友試左油渣麵同埋雞翼腸仔飯同其他嘢食，都覺得非常一般，一致認為唔會再幫襯。一碗河粉加杯嘢飲要56蚊， 有辣菜𦡮但加一細碟要8蚊， 辣椒油果啲都要特登問職員攞先有！ 同埋果度冷氣唔夠，舖頭無咩人都覺得好熱！ 講真，真係唔值呢個價，可以講係不可一，不可再！…Read More

咁啱係深水埗行過見到有雞蛋仔，仲要開係欽州街近福華街大街度，夜晚無人排隊，而且見佢餐牌有朱古力，香蕉， 肉鬆，黃金等等都幾吸引，於是就買左一底黃金（咸蛋）雞蛋仔試下！！佢係即叫即做嘅，因為我買果陣無其他人，所以等5分鐘咋， 攞到果陣熱辣辣，好香咸蛋味！ 雖然得一個人做嘢，但我見我之後去買嘅人都係等6-8分鐘，幾有效率！講真，雖然要等一陣，但係都係值得嘅，底雞蛋仔真係外脆內軟， 唔會好似其他雞蛋仔咁冧，咸蛋配雞蛋仔味道又好夾，真係好好味！下次會再試埋其他口味！#價錢真係唔貴， 一底12蚊至17蚊左右！#老闆好友善，舖頭雖然唔大，但小店值得支持💪🏻💪🏻希望可以保持水準🥚…Read More

係OpenRice book 左19/3晚上六點九，職員前一日打俾我confirm booking,好清楚交代只會留位留10分鐘，驚自己同朋友改唔到，我臨時臨急叫佢哋改7點3，完全無炸型，態度非常好👍🏻！！！由於幫朋友慶祝生日，我麻煩佢哋幫我係甜品度加塊生日牌，職員好有心，同我講佢哋無生日牌，但好樂意幫我係碟度寫生日快樂。唔係第一次食cafe paradise, 幾次都覺得好味，特別係黑松露天使麵！ 當日嗌左黑松露天使麵，德國咸豬手兩個餐，食物保持一貫水準， 好入味！ 最後嗌左blueberry cheese cake , 職員將擺蛋糕嘅碟畫得好靚，仲準備埋臘燭， 仲好熱情同我朋友講生日快樂🎂，真係好感動！ 所以，呢間係好有心嘅舖頭， 好欣賞佢哋嘅服務同食物。 知道佢哋會搬去太子，一定會再去支持👍🏻👍🏻👍🏻👍🏻👍🏻👍🏻👍🏻…Read More

係尖沙咀搵個唔限時食飯嘅地方都幾難！呢間仲有齊點心，雞煲，火鍋，好唔錯入到去啲職員態度好好，好有耐性介紹坐位好闊，唔會太逼，都幾乾淨食物方面，送一籠點心，幾好食之後上雞煲， 麻辣雞煲好野味食完雞煲打邊爐， 會根據人頭上火鍋拼盤啲嘢食唔差，有青口， 蝦，魚⋯⋯唔夠食可以再嗌，但基本上佢上果盤都夠食野飲有啤酒同各種汽水總括而言呢間雞煲都好唔錯，坐得舒服， 唔限時， 嘢食又好味…Read More