Cris Fong's Profile

買完曲奇, 都要搵嘢醫吓肚, 就近有間潮興, 太耐冇食了, 簡單食碗麵吧 自覺潮興唔算平, 但佢既食品都有一定水準, 最鍾意就係佢哋既牛什河, 牛什較林身, 這是我比較喜歡的, 牛味亦較濃, 除了大腸內的肥羔比較多了點之外, 其他都好好食, 湯底鹹了丁點, 因我較喜歡濃味, 都覺不覺, 而且唔會覺油。…Read More

睇到小儀在雜誌介紹「小隱曲奇大師」, 便來試試。店舖不在大街位置, 不過都總算易找。曲奇加蝴蝶酥款式不算很多, 加埋大約16-7種。曲奇牛油好香, 口感唔係鬆散那類, 用料應該好足, 因為每塊曲奇都好墜手, 試完後有多款都好喜歡, 但真係有選擇困難症, 喜歡的口味分散在不同的款式內 今次先試這盒綠茶 – 起初有果仁味, 中後段會有綠茶甘香雜莓 - 有三款莓干, 味道及口感好正, 摯愛之一, 亦是我先選擇先買這盒的原因咖啡 – 坊間少有的香濃, 夏威夷果仁充足豐富, 摯愛之二黑芝麻亞麻籽 – 好香口, 口感較鬆脆的一款, 摯愛之三朱古力橙 – 朱古力有點dark dark 哋橙杏仁 – 加了杏仁口感鬆脆, 因橙味是男友摯愛, 大部份俾哂佢食了…Read More

叫咗兩個豬扒飯, 一個肉燥汁, 另一個咖喱汁, 豬扒大大件又夠厚肉, 咪以為厚肉就硬, 佢一啲都唔硬炸得又唔乾, 好好食, 肉燥睇落去好肥, 但加咗落飯後食落好香口好好味, 但少咗啲搞到突然好想食豬油撈飯咖喱汁唔辣, 但係好香口, 都好好味但兩樣我會揀肉燥汁多啲, 因咖喱汁搶咗豬扒既味。間店好懷舊好靚, 好想影番張花樣年華, 但係店舖細細, 客人又幾多吓, 唔夠膽週圍影…Read More

最鍾意食佢哋既杏仁豆腐, 杏仁味道好香, 唔會太甜, 豆腐夠軟滑, 再加花奶後仲正, 另圍邊的生果可自己選, 我自己比較鍾意用唻配木瓜, 木瓜既獨特味道同杏仁好夾, 如果用蜜瓜或西瓜啲味又會淡咗, 所以配木瓜最正…Read More

以前好鍾意食豬膶麵, 之後有一排聽得多話食咗唔熟豬膶有乜乜物物病之後. 冇唻好耐了, 但始終忍唔住口, 仍然好懷念佢既味, 都要再食! 麵應該係普通既大光麵, 但豬膶就好多, 正爆, 湯底較多薑碎來辟味, 豬膶滾得唔會熟粉口嗰種, 而係剛熟還要熟少少嗰種保持住微爽。我最鍾意加餐肉, 餐肉夠厚, 剪得又夠香口, 正正爆, 不過呢碗麵真係會食得好飽好飽, 建議兩個人食時才加餐肉。…Read More

天氣咁鬼熱, 見到雪糕真係忍唔到口, 最鍾意菓匠茶屋既綠茶雪糕, 特別係呢個A5, 綠茶沙冰+雪糕, 佢地既綠茶係偏濃, 可以話係有點苦苦地, 但就係咁樣先至鍾意, 雪糕可以揀牛奶味, 但我嫌佢奶味好濃, 唔鍾意, 所以要全綠茶雪糕, 雪糕夠滑, 甜度適中, 好完美既配搭。…Read More

至愛的味噌豬骨拉麵，湯底出色，豬骨湯底加了味噌, 比例恰到好處, 唔會淨係食到味噌味咁表面, 色澤睇落似好濃, 但唔會漏, 可以一啖麵一啖湯成碗飯哂。叉燒厚度適中, 都幾大塊, 亦都夠腍。麵的口感好好, 唔會過軟或過硬, 煮得啱啱好, 暫時係我覺得最好既拉麵 …Read More

之前見過朋友喺呢度食魚生飯, POST張相睇落幾靚, 便約埋朋友一齊唻。午市套餐價錢唔貴, 除咗主食之外, 仲有一個沙律及一碗麵鼓湯。因為我唔食魚生, 所以叫咗個滑蛋豬扒飯食, 我們再加多一個蟹肉玉子燒。玉子中間卷住蟹柳, 蛋甜甜哋, 味道唔錯。至於魚生飯, 朋友話有一片魚生感覺唔係太新鮮, 其他的都可以。至於我嗰碗豬扒飯, 蛋用了汁煮, 味道不錯, 只嫌汁是少了一點, 但豬扒就有點出事, 豬扒沒有豬味, 而且還多了一點油「益」味, 雖然唔係濃, 但感覺得到。因為朋友極力推介呢間店, 又係佢請, 所以我冇出聲, 慢慢食完佢算了。:(…Read More

粟子窩夫配曲奇雪糕, 出面有啲粟子容撻仔啲粟子容會好甜, 但呢度既粟子甜味啱啱好唔會過甜, 又夠滑, 下面既窩夫夠香, 外脆內軟, 又有蛋香味, 隔離再配一舊曲奇雪糕, 一凍一熱口感perfect match~ 墊住雪糕下面有啲唔知係乜嘢, 脆脆哋, 夾埋雪糕會好好食。另外會跟埋朱古力同埋密糖醬, 我個人就鍾意配密糖食, 更加香口…Read More

星期二既特價, 除咗吸引我同家人唻食之外, 亦吸引咗好多人, 爆哂場, 不過坐都算舒適~冷盆同熱葷既款式唔多, 只是達到好基本既要求, 味道就更加冇特別, 如果要揀樣最令我有深刻印象既, 真係諗爆頭都諗唔到, 我諗最好食應該算是海鮮了, 蟹腳白灼蝦龍蝦冇可能唔好食, 不過排隊攞既人就好多, 因為冇乜特別好食, 所以排咗兩次海鮮 ~ refill唔算快, 啲田螺俾人夾哂都好耐冇補番！甜品好普通, 最好既可以話係 hagan daz, 最後我食咗4杯才走人…Read More

拉麵可以話係我其中一種摯愛, 連續幾日食都冇問題 , 噚日試完一間, 今日試呢間  看到之前的食客介紹, 我便衝著這個雞湯拉麵而來, 想試試加入檸檬汁後, 碗雞湯會有什麼奇妙之處。話明是雞湯, 油總是有點, 但不算多, 面前金黃色的雞湯好香, 試飲一啖, 有好香既雞味, 之後試加幾滴檸檬汁, 不識怎形容, 只是覺得雞湯更清新, 很不錯, 冇油膩既感覺麵條軟硬適宜, 叉燒的外圍較硬, 中間位置較軟身, 可以有改善的空間。整體拉麵的評分不錯, 肯定又一賣飛佛。…Read More

人氣爆哂燈, 多人到爆, 蕃薯一向都係我摯愛, 不時見到燴蕃薯都會買番個唻食, 呢隻雪糕又點會錯過喎, 唔試都對唔住自己雪糕既口感唔算細滑, 好似真係將蕃薯打入去, 平時已覺得紫薯味唔係好濃, 所以呢杯產品, 我唔係太覺有蕃薯味 牛奶味較濃, 加埋蕃薯容白玉食就好啲。我個人一向對橙色蕃薯有偏愛, 覺得橙薯更香薯味更濃, 如果呢個雪糕換上橙薯可能更正~…Read More

以前啲人話一風堂好食, 我都未食過, 而家多咗人話佢冇以前咁好, 我反而唻試吓~ 點了個黑油麵, 一層黑蒜油, 睇落去好似有點濟, 但聞落去就好香, 湯底偏濃但我喜歡 豬片只得兩塊, 唔係圓碌碌一層脂肪一層肉嗰啲, 但都唔會有鞋口的感覺 麵質就有啲漿口, 呢樣唔係咁好食 :(! 餃子用鐵板上, 保持住餃子既熱力, 來貨可能係現成的, 味道都好大路…Read More

朋友介紹唻呢度, 話佢海南雞飯好好食, 今日叫咗呢個套餐, 啲雞肉唔可以話係好滑嗰隻, 但就唔鞋  仲有啲雞味, 底下有啲椰菜墊底, 側邊有啲酸菜, 呢啲配菜都好好食 至於點既汁我就覺得甜咗少少, 唔夠酸辣, 薑蓉就冇乜特別。例湯都好老火, 仲好足料, 有舊豬橫脷食添。佢哋都有賣芝士餅, 芝士餅細細件, 有淡淡既檸檬味, 芝士味唔算濃, 但都唔錯   咪以為細細件就可以每人一件, 其實食半件已經好飽。好彩我同朋友一件兩份食。見到好多人小菜, 啲小菜大約$6X左右, 完全唔細碟, 下次可以再唻試吓。不過聽佢講話就唻搬, 都係喺附近, 但唔係咁知詳細地址了…Read More

真係唔知附近有乜好食, 便上唻摷吓, 搵到呢度便試試。我點咗個醬油味食, 麵質唻講唔係冧, 因我鍾意食較硬既麵, 所以呢個麵質較啱我食。叉燒有一曾幾肥吓既膏, 而肉質唔”UN”, 唔錯湯底就冇乜特別, 跟普通拉麵館既湯底分別唔大。比較鍾意佢哋既冷盆, 同朋友叫咗一個番茄同埋豆腐,凍蕃茄加咗啲芝麻醬, 紫菜同埋蒜容, 好野味醒胃, 豆腐就好滑, 都係加咗芝麻醬, 上面再加大沖絲同埋木魚絲, 木魚絲加咗芝麻醬又係好好味, 呢兩個冷盆真係一流…Read More