or#Tm66186476's Profile

去西營盤搵食，朋友是茹素的，於是撞入了這家店。老闆娘（？）和廚師（老闆？）都是友善爽快之人，食物也來得迅速，正呀！三道菜也很美味，印象深刻的是三蔬時菜的鮑魚菇特別爽脆，大冬菇柔軟入味😋，法輪金菇卷內有久違的髮菜😍補充一下，現在很多茶樓酒家都轉用茶包，而這裡直接落茶葉的方法正在慢慢消失，真係「飲得一次得一次」，大家要珍惜啊！…Read More

一兩年前好鍾意食雞功房嘅下午茶。*雖然五六十蚊就可以喺附近茶餐廳食個飽足嘅下午茶，但心情好嘅時候會比多二十蚊去雞功房食「高級下午茶」。嗰時啲雞好靚，不同餐配靚仔/油飯/撈麵/湯麵，有湯，有飲品，食得好滿足。員工同老闆都好客氣。*隨着時間推移，雞功房好像開了分店，附近賣雞嘅食店亦越來越多，有一間跨區來上環開分店嘅都出名，無骨雞飯質量「有得fight」，有餐飲，仲平幾蚊，不過堂食環境和服務冇咁舒服。*隔咗段時間再返去雞功房食下午茶，冇加價喎。湯、飯、飲品、醬料都係以前咁好，但雞冇印象中咁靚，係好多雞胸加雞中翼嘅配搭。佢肉量係多，但賣相不及以前咁能夠引起食慾。今日遇到的職員和氣如初，可惜主角「雞」沒有激發到下次返嚟再食嘅衝動。.*我對雞功房仲有感情，遲早會返嚟，俾多一次機會佢，希望佢珍惜我哋呢啲下午茶時段嘅客人啦。…Read More

叫咗個88蚊雞肉拉麵+48蚊炸蝦，麵算好味飽肚，雞肉片和隔籬Chef market的雞沙律用同一款。最失望係炸蝦，是脆的，但性價比太低。用呢個價錢，去IFC食抵啲。…Read More

平日下午四點幾，係時候食下午茶，counter冇人，再行入啲先知唯一（二？）的侍應在裡邊，好彩沒有在外面等。第一個叫的意大利飯來得足夠快，食到一半見仲有胃口就叫咗個雞翼，結果食晒個飯，雞翼都未到，炸個雞翼要15分鐘🙄鷄翼食咗兩隻又想食甜品，呢次唔覺唔覺就等咗半粒鐘，唔搵侍應追單甜品唔來🙄🙄🙄 侍應話甜品準備時間只需5分鐘，其他食物大約15分鐘。大家唔好學我儍等，樓面唔忙就按時追單喇！總體而言，環境幾好，抵食，侍應友善，但出食物速度需要加強。…Read More

中上環地區，環境光猛寬敞冷氣夠，員工態度友善（好多客時趕啲都明嘅），食物質素正常（如果你鍾意焗飯多汁），50-60蚊食餐晏，性價比唔錯啦。員工之間應該頗熟稔，有空檔時會笑笑鬧鬧，個人喜歡呢啲vibe，聽吓都幾開心。惟獨凍熱飲都用即棄餐具，對於環保人士就有啲心塞。建議凍飲的膠匙、飲管、熱飲的木棒，可以和鐵刀叉匙羹一齊放枱上，讓食客自己取用。有心人自然幫你用少啲。當然，如果你肯換埋啲膠杯紙杯就更好啦！…Read More